رواية الكارثة الفصل الثالث 3 - بقلم ميرا ابو الخير

كريمة بخبث: كنتي هتقولي ايه بقا إن كنت ف حضن جوزك مثلا. منه بغضب: هو انتي إيه جاية ورايا ليه؟ مش كفاية إنك ست بتخون جوزها مع واحد متجوز وكمان عايزة تتجوزه لما تتطلق. كريمة ببرود: بيحبني عادي، حلاله. حماته باستغراب: مين ده اللي بتخون جوزها وحلاله إيه؟ منه بصت لكريمة بغضب: واحدة أعرفها أقذر منها مشوفتش. حماتها بهدؤء: ربنا يبعدنا عنهم يا بنتي، المهم عاصم بينادي عايزك جوا.

منه بلا مبالاة: أنا هروح وهو يبقى ييجي معاكم، سلام. حماتها استغربت طريقتها: معقول دي منه اللي بتموت في التراب اللي بيمشي عليه عاصم. كريمة بخبث: مش يمكن تلاقي حد جديد داخل حياتها وناوية تسيب عاصم، وخصوصًا إنهم بقالهم سنة مخلفوش. أم عاصم ببرود: ملكيش فيه، وبعدين منه محترمة، وإن كان على الخلفى فبصي لنفسك، خمس سنين مش بتخلفي يا أختي. كريمة اتكسفت ومشيت. أم عاصم: انتي شكلك وراكي حاجة يا بنت اختي.

مر أسبوع وعاصم خرج من المستشفى، راح بيته. منه تجاهلته كلياً. عاصم بهدؤء: هنفضل كده كتير يا منه؟ فيه إيه؟ مش عاوزاني طول الوقت، على فكرة أنا جوزك وليا حق عليكي. منه بسخرية: أه أه، إن شاء الله. عاصم بغضب: بقولك إيه، اتعدلي معايا أحسن لك. منه وقفت ببرود: ولو متعدلتش هتعمل إيه يا عاصم بيه؟ هتروح لكريمة ولا إيه؟ خليني أخمن، تروح لأي بنت، ما هو الزبال بيحب الزبالة أوي. عاصم:

كف قوي بينزل على وشها: إياك يا منه تتجاوزي حدودك تاني معايا. عند كريمة. عيد بحب: كريمتي، لو حابة نتبنى طفل أنا موافق. كريمة ببرود: لا يا عيد، أنا راضية إنك مش بتخلف. عيد بابتسامة: يعني مش هييجي اليوم وتطلبي مني الطلاق عشان نفسك في طفل يملأ حياتك؟ كريمة بابتسامة حب: لا يا حبيبي، أنت طفلي وكل حياتي. عيد بحب: طب قومي جهزي الأكل على ما أغير وأجي يا حلوة أنتي. كريمة باست خده وقامت، دخلت المطبخ،

وأول ما دخلت تفتكرت: كتك القرف، هفضل متحملة كل ده لحد امتى بقا، أوووف. عيد داخل الأوضة يغير وبيجيب تيشرت، لاقى الشريط جوا علبة اللي وقعت. عيد خدها ومسكها واتصدم صدمة حياته: حبوب منع الحمل، إزاي؟ والعيب مني؟؟؟ عند عاصم ومنه. بيقوم من جنبها ببرود وبيشوفها، بينصدم، بيلاقي وشها أزرق وشفايفها كمان: منه، منه، ردي عليا، فيه إيه؟ لاقها عمالة تنزف دم على آخرها، وكأنه بتتصفى… عاصم بخضة وخوف…