رواية القاصرات الفصل العاشر 10 - بقلم آيات عبد عبد الرحمن

انت بتقول إيه يا رواد؟ مستحيل، انت زي ابني ومستحيل أفكر فيك بالشكل ده. بس أنا بحبك يا ليل ومش قادر أتخيل حياتي يوم ما انتيش فيها. من يوم ما قابلتك أول مرة وشوفت قلقك وخوفك على بناتك، وأنا حبيتك بجد ومابقيتش قادر أبعد عنك لحظة واحدة. انت أكيد حصل لعقلك حاجة يا رواد، مش طبيعي. أنا طبيعي يا ليل، طبيعي بجد وعارف وفاهم بقول إيه، أنا بحبك وبموت في التراب اللي بتمشي عليه. ليل بصت ليه بخيبة أمل وجت تمشي، مسك إيديها

وقربها ليه وهمس في أذنها: انتي ليا يا ليل، ملك لرواد وبس، مهما حاولتي عمرك ما هتقدري تبعدي عني، لأني مش هسمح لكِ ولا هسيبك لحظة واحدة. فكري يا ليل في نفسك شوية، بناتك دول غدروا بيكي ونكروا الجميل ونسوا كل اللي عملتيه. انتي لسه قدامك فرصة، لسه صغيرة وجميلة، ليه تحرمي نفسك من إنك تتمتعي بعمرك وحياتك؟ ليه يا ليل؟ ليه؟ صغيرة؟ ههههههه. صغيرة إزاي وبناتي عندهم 25 سنة؟ انتي عندك 40 سنة، يعني لسه صغيرة.

فكري يا ليل في كلامي كويس، وانتي عارفة مكاني، وصدقيني هعوضك عن كل الصعب اللي شوفتيه في حياتك. وجه يمشي، وقفتهم. مش موافقة يا رواد؟ غمض عيونه بألم ومشي خطوة ووقف لما اتكلمت تاني: صدقني مش هينفع، انت لسه صغير و ألف بنت تتمناك، أما أنا فلا. انت لسه مابدأتش حياتك، وصدقني هتلاقي الأحسن بجد اللي من عمرك. لف ليها واتكلم والدموع متجمعة في عيونه:

بس احنا سننا قريب لبعضه، أنا 33 وانتي 40، يعني فرق 7 سنين بس. الفرق مش كبير زي ما انتي شايفة. رواد، فوق بقى. أنا فايق كويس وعارف بقول إيه، أنا رفضت أتزوج لحد دلوقتي عشانك، مش هسيبك يا ليل، مش هسيبك. وبيخرج من الفيلا وبيروح البار وبيشرب كتير وكتير أوي كمان. وبيرجع بتكون ليل نايمة على الأريكة وشكلها واضح عليه إنها كانت بتبكي. قعد جنبها وفضل يتأمل ملامحها اللي كلها حزن ووجع وكسرة. وبعد كده جه يشيلها يدخلها أوضتها، صحت.

لقيته مش قادر يقف حتى. مالك يا رواد؟ فيه إيه؟ أنا بحبك يا ليل، ماتسيبينيش، أنا مش هقدر أكمل من غيرك. وبدأت دموعه تنزل. كانت واقفة بتبص ليه بحزن عميق أوي، وبتفكر إزاي تبعده عنها عشان يشوف مستقبله وحياته. استنت لما النهار طلع وكلمت واحدة من صحباتها وطلبت منها تاخد بنتها وتروح فيلا ليل عشان رواد يقعد مع البنت وتعجبه ويتزوجها. وبالفعل الأم أخدت بنتها اللي كانت جميلة جدا جدا وراحت عند ليل وقعدت مع رواد لوحدهم (رؤية شرعية)

وهنا رواد اتكلم وقال ليها إنه معجب ب ليل وبيحبها ومش هيقدر يدخل في حياته غيرها. وطلب منها تساعده عشان تبقى معاه مقابل مليون جنيه. وافقت البنت وبدأوا يخططوا هيعملوا إيه واتفقوا إن البنت دي ورواد هيتخطبوا عادي ويمثلوا السعادة، ويوم الزواج هيبدلوا الأوراق. المفروض ليل هتكون شاهدة على زواجهم هي وشخص كمان من أصدقاء رواد، واتنين من أهل العروسة.

لكن هنا هيبدلوا، هيخلوا ليل تمضي على عقد الزواج من رواد والعروسة هي اللي هتشهد، ولما الزواج ده يتم تاخد النصف مليون جنيه لأنها بتاخد نصف مليون قبل ما تبدأ في خطتها معاه.