رواية القدر الفصل الثاني 2 - بقلم صالح ايهاب

هههه وربنا عسل أحلى جعفر دا ولا إيه طب يلا سلام يا خفيف سلام هستناكي نام كويس بس حاضر يا جعفر سلام وسابتني ومشيت وحسيت إنها أخدت قلبي معاها ولقيت نفسي بفكر في كل اللي حصل وإزاي الصدفة والقدر جمعني بيها وحمدت ربنا إني لحقتها في الوقت المناسب وسرحت في جمالها وشقاوتها وإزاي هي بنت جدعة وزي القمر ودمها خفيف بالرغم من ظروفها ونمت محستش بأي حاجة غير والشمس ضاربة في عيني صباح الخير يا أستاذ صباح الورد يا جعفر

إيه دا في إيه مسميش جعفر على فكرة طيب خلاص متزعليش.. انتي قمر قوي على فكرة عارفة دا غرور بقى يا عم يلا قوم مش فضيالك ورايا شغل وجامعة أنت إيه استحليت القعدة هنا ههه دا انتي جعفر بجد بقى اسمي سيدرا الله اسمك جميل قوي متشكرة بقولك إيه نعم انتي مش هينفع تشتغلي شغلك دا تاني مش ضامن العيال دي ممكن تعمل معاكي إيه أو حد يعاكسك تاني

يا سلام وحضرتك عايزني أقعد في البيت يعني ولا أعمل إيه.. أنت مش عارف أنا محتاجة للشغل دا قد إيه ولو بطلت يوم واحد الدنيا بتقع معايا مين قال إنك هتقعدي في البيت أنا هجبلك شغل معايا وظيفة كويسة ومرتب كويس مش هشتغل أقل من مديرة ههه وكمان بتتشرطي آه مش عاجبك دا أنا لسه بدرس حقوق وألف مكان يتمناني ههه هموت وربنا إيه العسل دا الله يعسلك.. هتديني كام بقى وهشتغل إيه

حلو السؤال دا.. بصي يا ستي انتي عشان بتروحي الجامعة شغلك هيكون معايا من 7 لعشرة صباحًا يعني تلت ساعات وهتقبضي مبدئيًا تلت آلاف جنيه ها إيه رأيك موافقة طبعًا بس هشتغل إيه ههه إيه الرياكشن دا ما كنتي حلوة أنا حلوة على طول بس بستفسر عادي حقكك انتي يا ستي هتمسكي السكرتارية حلو دا معلش بقى بعد إذنك ممكن تندهي الدكتور عشان أخرج أنا بقيت كويس وأول مرة أنام بره البيت من غير ما والدتي تعرف وهي مش متعودة على دا حاضر

صباح الخير يا أستاذ أسر صباح النور يا دكتور ها أنا بقيت كويس ممكن حضرتك تكتبلي على خروج آه طبعًا بس أطمن عليك وعلى الجرح وأجهزلك الورق تكون غيرت هدومك تمام متشكر جدًا سيدرا.. خدني معاك يا دكتور أنا هاسيبيني لوحدي سيدرا.. هستناك في الريسبشن تكون غيرت هدومك ماشي يا جعفر سيدرا.. دا انت غلس وغيرت هدومي وأنا بطير من الفرحة إنها معايا وكمان هتشتغل معايا وهشوفها على طول شكلي حبيتها ولا إيه وقعت يا أسر

وخرجت ليها بعد ما خلصت مع الدكتور حمد الله على السلامة يا أستاذ أسر كل دا بتغير الله قولي أسر تاني كده دي أحلى أسر سمعتها في حياتي مش قايلة ويلا بينا من فضلك ههه طيب حاضر.. تقلبيش وشك آهوو قمر يخربيتك طب يلا يا عسل عسل آه عسل مش عاجبك لا عاجبني طبعًا بصي بقى هنتحرك من هنا هنروح الفيلا أغير هدومي وأطمنهم عليا وننزل نروح الشركة مش هنلحق الساعة 8 هنروح الفيلا وكل دا وننزل الشركة يكون عدى عشرة

أنت حضرتك روح وأنا هعدي هاجي الشركة بدري بس اديني العنوان لا متقلقيش مش هنكمل ساعة وهنروح الشركة أوريكي مكتبي وبعد كده هوصلك الجامعة اشط ا تمام اشط ا يلا اركبي هتعرف تسوق ولا هتنام في السكة تاني ههه لأ متقلقيش امسكي نفسك بس وخدتها ووصلت الفيلا يلا انزلي أنزل إيه لا متفقناش على كده حضرتك هتطلع وأنا هستناك هنا يا بنتي في إيه أنت خايفة ولا إيه مش قصة خايفة بس مش بدخل بيوت حد معرفوش وبعدين أنت قاعد هنا لوحدك

لأ مش لوحدي قاعد أنا وماما وأختي وفي ناس بتشتغل هنا كمان.. يلا انزلي بقى أعرفك على أمي وأختي دينا حاضر ووصلنا فوق ماما.. أسر أنت كنت فين وليه تليفونك مقفول صباح الخير يا ست الكل وحشتني وانت كمان وحشتيني بس مش تاكل عقلي بكلمتين.. ومن امتى بتبات بره من غير ما تعرفني هحكيلك بعدين أعرفك بس الأول سيدرا.. السكرتيرة الجديدة ودراعي اليمين أهلاً وسهلاً سيدرا اسمك جميل قوي.. واضح إن أسر بيعزك أول مرة يجيب حد من الموظفين الفيلا

أهلاً وسهلاً يا فندم متشكرة أستاذ أسر.. حد محترم وابن ناس ربنا يخليه لحضرتك تسلمي يا حبيبتي أنا.. فين الفطار يا ماما هموت من الجوع هغير هدومي بس وهننزل تاني عندنا شغل كتير ياريت تستعجليهم ع الفطار ثواني ويكون الفطار جاهز دخلت غيرت هدومي بسرعة وخرجت ليهم لقيتهم قاعدين على السفرة بس سيدرا ملامحها متغيرة ومتكلمتش طول الفطار.. وأنا مستغرب دا فطرنا وأخدتها ونزلت في إيه يا بنتي إيه الوش الخشب دا مالك سيدرا.. مفيش أنت سبتني

وهما فضلوا يحققوا معايا ويسألوني عن الشغل وأنا قاعدة زي الهبلة مش عارفة أرد أقول إيه وحضرتك دبستني وقلت دراعك اليمين إزاي وأنا أصلًا معرفش نوع شغلك إيه ههه معلش حقك عليا.. بس هما طيبين وهتحبيهم أنا متأكد يلا اركبي عشان متأخرش حاضر بس سوق على مهلك بلاش تهور ههه أنت بتخافي مش بخاف بس مش بحب السرعة الأوفر دي حاضر يا جعفر فك وشك بقى عايز أشوف ابتسامتك اللي بتجنن دي اتلم خلي جعفر توريك ابتسامتها ههه مجنونة شكرا

وخدتها ووصلنا الشركة عشر دقايق بالظبط بعد ما عرفتها مكتبي وسبتها تقعد عليه ودخلت أخلص شوية ورق مستعجلين وسمعت صوت عالي بره وزعيق إيه دا في إيه دا صوت يارا