رواية القدر والسند الفصل السادس 6 - بقلم رودي محمد

مليكه: عمي.... انت إيه اللي جابك هنا؟ عمار: مليكه حبيبتي، عاملة إيه؟ مليكه: تمام ياعمي الحمد لله، بس انت إيه اللي جابك هنا؟ عمار: مش عارف، واحد كلمني وقالي إنك في خطر وقالي أجي هنا عشان أشوفك. مليكه: مين ده ياعمي؟ ده حد كلمني وقالي لازم آجي هنا، أنا مش فاهمة حاجة. عمار: تعالي نمشي من هنا يابنتي. مليكه: يلا ياعمي نروح عندنا. عمار: (بصوت مرتبك) لا لا، عندكم لأ، انتي عارفة مفيش عمار بيني وبين أمك.

مليكه: ياعمي، أنا مش عارفة ماما مش بتحبك ليه، ده انت طيب قوي. عمار: مش مهم ياحبيبتي، المهم إنك انتي معايا. بس مالك؟ حاسك زعلانة. مليكه: أيوه ياعمي، مخنوقة شوية وفي شوية مشاكل بس هتتحل. عمار: ما تيجي تسافري معايا، ده حتى عمر هيفرح قوي لما يشوفك، موصيني أبلغك السلام. مليكه: لا ياعمي مش هينفع أسيب ماما لوحدها، انت عارف مش هتقدر تقعد من غيري.

عمار: أمك دي مشكلة، لو ترضي تيجي معانا. خلاص تعالي يومين تلاتة غيري جو وامشي على طول. مليكه: أفكر كده وأشوف ماما، لو وافقت هاجي معاك. عمار: أنا مش عندي وقت، أنا جيت أطمن عليكي، وطالما انتي بخير يبقى يومين وهمشي. مليكه: إن شاء الله ياعمي. ... روحت البيت، ولاقيت حسام موجود. استغربت جداً، إنه شكله مدايق قوي وماما كمان مدايقة. مليكه: مالك ياحسام؟ في إيه؟ في إيه ياماما؟ حد يفهمني. ماما: كنتي فين يمليكه؟

مليكه: كنت في مشوار ياماما. حسام: مليكه، انتي قابلتي مالك انهارده؟ مليكه: لا ياحسام، من يوم ما كنا مع بعض. سعاد (أم مليكه) : أيوه بقي قوليلي إيه حصل بينكم؟ ليه مالك بيقول كده؟ رجالة مين اللي انتي علاقة بيهم؟ مليكه: (بصدمة) إيه؟ مالك قال عليا أنا كده؟ سعاد: ليه يابنتي تعملي كده؟ قصرت معاكي في إيه؟ مليكه: (بدموع وصوت مخنوق من العياط) ياماما، انتي إزاي صدقتيه؟ إزاي يشوه سمعتي بالشكل ده؟

سعاد: تعالي وانتي تشوفي إزاي صدقت. فتحت التليفزيون، وكانت حاطة فلاشة عليه، وشوفت نفسي لما كنت متخدرة في الشقة. مليكه: إيه ده ياماما؟ سعاد: أنا اللي عايزة أعرف إيه ده. مليكه: ياماما ده كدب. سعاد: كدب؟ أشوف بعيني وتقولي كدب؟ أنا معرفتش أربيكي، اديتك كل الصلاحيات ووثقت فيكي، بس مكنتيش قد الثقة دي. ليه تشمتي الناس فيا؟ ليه بعد العمر ده يقولوا معرفتش أربي؟ ليه ترمي نفسك كده؟ قصرت معاكي في إيه؟

مليكه: ياحسام، قولها الحقيقة، انت ساكت ليه؟ والله كله كدب، كدب، كدب. 😭😭😭 وفقدت الوعي. حسام: مليكه! جري عليا وشالني، ونزلوا على المستشفى. مالك: إيه اللي حصل ياتيتو؟ سعاد: مفيش حاجة يامالك، شديت معاها شوية وتعبت، وحسام كان معانا جبناها نام. مالك: بصيت على حسام وأنا نفسي أقطعه حتت، بس مش عايز خالتو تحس بحاجة. وفجأة دخل عمها. عمار بيه: إزيك يامالك؟ عامل إيه؟ مالك: الحمد لله ياعمار بيه، أخبار حضرتك.

عمار: تمام الحمد لله. إزيك ياحسام؟ حسام: أهلاً ياعمار بيه. (قالها من غير وش) عمار: إزيك يا سعاد؟ سعاد: انت إيه جابك هنا؟ عمار: عرفت كل حاجة، عرفت إنك ضيعتي البت. عرفت، وطالما معرفتيش تربي بنت أخويا ولا تحميها، يبقى مالكيش لازمة ومش هسيبها تعيش معاكي تاني، انتي فاهمة؟ هاخدها وهجوزها ابني وأعيشها ملكة في بيتي. مالك: عمار بيه لو سمحت، مش وقته الكلام ده، وهي مش هتروح في حتة، هي اتربت أحسن تربية.

عمار: والله عال، وانت تطلع مين الصايع اللي بتجري معاه في كل حتة؟ اللي داخل خارج من غير حساب عشان بيت مفهوش راجل؟ سعاد: لا بقي كفاية ياعمار وامشي من هنا، مش عايزة أشوف وشك، وبنتي هتفضل معايا، ويكون في علمك اللي في دماغك مش هيحصل. عمار: هنشوف يأسعاد، هنشوف. الممرضة: لو سمحتوا، دي مستشفى، وجودكم هنا ملوش لازمة، هي هتفوق بكرة الصبح، تقدروا تتفضلوا عشان الشوشرة، بعد إذنكم.

سعاد: أنا هفضل مع بنتي. ياريت اللي ملوش لازمة يمشي. عمار: بلاش تتحديني يأسعاد، سكتلك كتير. حسام: لو سمحت ياعمار بيه، ممكن تتفضل وتمشي. عمار: (بص ليه بنظرة كلها شر ومشى) مالك: أووووف، إيه اللي جابه ده. سعاد: معرفش. هياخدها مني طالما عرف كل حاجة. 😭 أنا اللي ضيعته. مالك: متقلقيش ياتيتو، مش هيقدر ياخدها، أنا معاكي ومش هسيبها. سعاد: ملكش حق تتكلم يابني، ده عمها، وانت مهما كان غريب في وجهة نظره، مع إنك أقرب لينا من أي حد.

مالك: مش هياخدها، مش هيقدر. سعاد: ليه؟ ده عمها، دي قوية، أقوى مني ومنكم. مالك: عشان مراتي. ... اليوم التالي