رواية القضية الملعونة الفصل التاسع 9 - بقلم دودا حوده

عبد الرحمن فضل مصدوم. "هو انت تعرف أمل منين؟ "سيد: انت ناسي أن أمل كانت زميلة أختي. آه، هتفتكر إزاي، مانت خليتها تقطع علاقتها بكل زميلها." "عبد الرحمن: لا، فاكر إن أختك كانت زميلتها، بس اللي أعرفه إن مراتي مكنتش بتروح عندكم ولا أختك بتروح عندها. شفتها فين؟

"سيد: في الكلية. شوفتها كام مرة، وكانت أختي بتشكر فيها جداً وفي أخلاقها. واليوم اللي قولت لأختي تكلمها، جت وقالت إنك اتقدمت وهي وافقت. وفضل قلبي واجعني كل ما يشوفها معاك. أمل دي أول حب في حياتي." "عبد الرحمن: وإيه علاقة محمد العزبي بالموضوع ده؟ "سيد: الفلوس الأول أغرتني بالفلوس، وبعدها عرفت إنك كنت بتحب أمل وقالي لازم تنتقم منه فيها. أيوه، أنا اللي خليت واحد يغتصب مراتك والفيديوهات معايا، وأنا اللي بعتلك على الواتس."

عبد الرحمن قام ونزل فيه ضرب. "إزاي ده، إحنا عشرة عمر تعمل فيا كده؟ "سيد: لو كنت مكاني كنت عملت إيه؟ "عبد الرحمن: كنت هعتبر مرات أخويا أخته، مكنتش هبص ولا هفكر أعمل كده. إنت كنت أخويا مش صاحبي، بس إحنا مع بعض على الحلوة والمرة. لو حد كان فكر يأذيك مكنتش هسكت." "سيد: الشيطان." "عبد الرحمن: لا، مش الشيطان. إحنا اللي بإيدينا نخلي الشيطان يسيطر على عقلنا أو لا. ده إنت ظابط شرطة، إزاي نسيت القسم اللي حلفته؟

"سيد: أنا ندمان يا صاحبي." "عبد الرحمن: بعد إيه ندمان؟ بعد ما خليت أمي مش عارف أبص في وش مراتي؟ ندمان بعد ما عملت فيها كده؟ أنا عايز الواد اللي عمل في مراتي كده." "سيد: حاضر، هعرفك مكانه." "عبد الرحمن: اتفضل اطلع بره دلوقتي." وخرج سيد. وأمل خرجت من الأوضة منهارة من العياط. عبد الرحمن بص ليها وساكت. "أمل: بجد أنا غلطانة إني نزلت من البيت." "عبد الرحمن: مش وقته يا أمل، الله يخليكي."

"أمل: بس إحنا مش قد الناس دي بجد، بإيدها الإذاعة." "عبد الرحمن: وأنا مش هسيب حقي ولا على قرابتي." "أمل: بس بالقانون مش بإيدينا زيه." "عبد الرحمن: ربنا يحلها."

وتاني يوم في النيابة، ياسر اعترف بكل شيء. واعترف بسنت وأنها غيرت أقوالها لأن أختها اتخطفت وكانت خايفة عليها. وعبد الرحمن سمعهم التسجيل اللي كان على الفون اللي كان مخبي الفون من محمد العزبي، وتسجيل سيد زميله لما كان عنده في البيت. وطلع أمر ضبط وإحضار لمحمد العزبي وسيد. وخرج عبد الرحمن من النيابة واتصل بسيد مش بيرد. وصل مكتبه، دخل عليه أشرف زميلهم. "عرفت باللي حصل." "عبد الرحمن: إيه اللي حصل؟

"سيد زميلنا لقوه مقتول في عربيته إمبارح."