رواية القلب المجروح الفصل العاشر 10 - بقلم نور عصام

مالك بعصبية راح عليها ومسك إيدها وقالها. "نغم." نغم بجمود قالت: "إيه يا دكتور؟ لسه في إهانات تانية منكم؟ مالك بص لها بقوة وضغط على إيدها وسحبها وخرج. "إمه. أحسن خليه يربيكي." مالك نزل بيها بسرعة. "نغم. ابعد عني، إنت بتجرني كده ليه؟ مالك. "مش عاوز أسمع صوتك لحد ما نركب العربية." نغم. "إيه؟ هتخرسني ولا إيه يا دكتور؟ مالك بص لها بحدة. "نغم." سكتت. وبعد لحظات وصلوا العربية. مالك. "اتفضلي اركبي." نغم. "هركب تاكسي."

مالك. "اركبي يا نغم، أحسن لك." نغم. "بصفتك إيه أركب معاك ولا حتى أسمع كلامك؟ مالك بيحاول يهدي قالها: "بصفتي أخو جوزك." نغم. "الله يرحمه." مالك حب يهزها ويضعفها قال: "بصفتي حبيبك." نغم أخدت نفس بصوت عالي وبصت له وحاولت تكون قوية. بصت في عينه أكتر وقالت: "كنت... مالك ابتسم على ضعفها اللي بتحاول تداريه ومسك إيدها وفتح الباب وقالها: "اركب يا نغم." وبصلها. نغم ركبت وما اتكلمتش. مالك لف وركب ومشي.

وبعد شوية قال: "ينفع يا نغم اللي عملتيه ده مع ماما عالصبح؟ نغم. "وهو ينفع اللي هي بتعمله معايا صبح وليل؟ مالك. "بس برضه مكنش ينفع تردي عليها." نغم. "هو إنت مش شايف غير ردي وبس ولا إيه يا دكتور؟ مالك. "نغم، ماما بتحبك بس بعد الكلام اللي سمعته اتغيرت، وأنا منكرش إن تعاملها معاكي مش حلو وغلط." نغم. "ومين بقا السبب في كل ده؟ وبدموع قالت: "مين اللي اتهمني إني سبب موت جوزي؟

مالك. "يا نغم افهميني، حرام عليكي، إنت ليه بتحمليني كل شيء؟ اللي حصل كان خارج عن إرادتي، مقدرتش أمنع الجوازة، وإنتي شوفتي بنفسك كل شيء تم بسرعة." نغم. "تقوم تحملني ذنب أخوكم؟ مالك. "نغم، أنا عارف إنك كنتي بتمنعي محمود عنك." نغم بصت له. مالك. "تفتكري ليه يا نغم؟ مش بسببي يعني؟

أنا كنت واقف بينك وبين أخويا. حاولت أبعد عشان تعيشي وتنسي. للأسف إنتي رفضتي وعملتي اللي عملتيه. وأخويا شايف إنك حقه، وده فعلاً حقه. وبس عشان يوصله حصل عليه بطريقة مش كويسة، بس هو معذور. أنا منكرش إنه غلط في التعامل معاكي وقتها، بس زي ما قولتلك هو معذور. وكمان اللي جننه أكتر كلامك معاه يومها. للأسف أنا كنت في البلكونة وسمعت كلامك معاه." وبصلها بقلة حيلة وقال: "صدقيني وقتها كنت عاوز أدخلكم، بس بأي صفة؟

وقتها وإزاي أدخل؟ أتمنى تقدري ظروفي وتعذريني. أنا كل اللي حصل كان غصب عني. وفي النهاية خسرت أخويا. عرفه يعني إيه أخويا؟ ووقف العربية وقالها: "أنا مش بحملك ذنب موت محمود يا نغم، أنا بس كنت عاوزك تحسي بيه. كنت عاوزك تقدري موقفي وقتها من زعلي على أخويا وحرقة قلبي اللي مش بتخف ولا بتهدى أبداً." نغم. "ياااه، ده أنا وحشة قوي بقا على كده."

مالك. "لا يا نغم، كلنا اتحطينا في ظروف أقوى مننا، بس للأسف الخسارة موجوعة قوي يا نغم. دا محمود يا نغم، محمود." وبعدين قالها: "في الأول خسرتك إنتي، وفي النهاية خسرت أخويا. أخويا اللي الدنيا كلها متعوضوش." واتنهد والدموع في عيونه وقال: "قدر الله وما شاء فعل، لا رد لقضاء الله." نغم. دموعها زادت. مالك مد إيده ومسح دموعها وقالها: "ممكن تهدي بقا؟ نغم بعدت عنه ومسحت دموعها لنفسها والتفتت الناحية التانية تبص في الشباك.

وبعد بعض الوقت وصلوا المستشفى. حنين بابتسامة راحت على نغم وحضنتها وقالت: "نورتي يا قلبي، نورتي المستشفى كله." نغم. "ده نورك يا حنونة." حنين. "صباح الخير يا دكتور مالك." مالك. "صباح النور يا حنين." وقال: "عن إذنك." حنين. "طمنيني عنك؟ نغم. "الحمد لله بخير." حنين. "نغم، إنتي تعبانة شكلك مرهق." نغم. "تعالي بس عاوزاكي." وبعد ما غيرت لبسها قالت: "حنين، عاوزاكي تجيبيلي اختبار حمل دلوقتي." حنين. "نغم، إنتي شاكة تكوني حامل؟

نغم. "أيوه، هي دكتورة ماجدة جت؟ حنين. "أيوه من شوية." نغم. "طيب خلاص مفيش داعي للاختبار، أنا هروح لها. تعالي معايا." وفعلاً راحوا عند ماجدة. ماجدة. "أهلاً أهلاً بقمر المستشفى كله." نغم. "أهلاً بيكي يا دكتورة." ماجدة. "خير يا نغم؟ نغم. "كنت عاوزة حضرتك تكشفي عليا." ماجدة. "خير يا حبيبتي." وبعدين قالت: "إنتي أصلاً شكلك كده." نغم. "ماهو عشان كده جيت." ماجدة. "طيب قومي." وفعلاً

كشفت عليها وقالت: "ألف ألف مبروك يا نغم، إنتي حامل في شهر... نغم. عيونها دمعت. حنين. "حبيبتي، اهدي." وطبطبت عليها. ماجدة. "وحدي الله يا نغم." نغم. "لا إله إلا الله سيدنا محمد رسول الله." ماجدة وحنين. "عليه أفضل الصلاة والسلام." ماجدة. "الحمد لله يا نغم، ربنا عوضك. خدي الأدوية دي وخلي بالك على نفسك، وياريت متجهديش نفسك عشان الحمل يثبت. إنتي عارفة الشهور الأولى محتاجة راحة."

نغم. "إن شاء الله يا دكتورة، متشكرة على تعبك معايا." ماجدة. "عيب يا نغم، إنتي أختي الصغيرة." وابتسمت وقالت: "اعملي حسابك متابعتك كلها هتكون معايا." نغم. "تسلميلي يا رب، هو أنا أطول أكبر دكتورة تتابعني؟ حنين. بمرح. "مين قدك يا ست نغم؟ " وضحكوا كلهم. وبعدين خرجوا وراحوا أوضة التمريض. مالك كان بيمر على المرضى وقال في نفسه: "أروح أشوف نغم." وبس وصل عندها سمع. نغم. "حنين، أوعي تقولي قدام مالك إني حامل." حنين. "ليه يا نغم؟

ده المفروض يعرف هو ووالدته." نغم. "لا مش لازم يعرفوا." حنين. "ليه يا نغم؟ حقهم وحقك إنتي كمان." نغم. "بصراحة حماتي بتعاملني وحش جداً وأنا خلاص تعبت ونفسيتي بقت زفت، وأنا عاوزة أمشي وأروح عند بابا. لكن لو عرفوا هيصمموا إني أقعد معاهم في البيت وحماتي مش هتسكت. وأنا بصراحة أكتر محتاجة أبعد عشان مالك." حنين. "ماله مالك؟

نغم. "وجودي مع مالك في بيت واحد مش كويس، هيخليني أنهار. قلبي تعبان وأنا مش حمل معاناة، كفاية اللي أنا فيه. وكمان مالك لازم يتجوز ويعيش حياته. تفتكري أنا هتحمل أشوفه مع واحدة تانية؟ لازم أبعد، لازم." حنين. "طيب وهتعملي إيه؟ نغم. "اكيد هرجع بيت بابا، وبعد فترة أو بعد الولادة هشوف شقة وأروح أقعد فيها أنا وابني. لأن بابا وماما وعمي مش هيسكتوا كتير وهيزنوا عليا عشان أتجوز، فلازم أبعد عن الكل." حنين. "ودي تبقى عيشة يا نغم؟

نغم. "نصيبي وقدري، وكفاية على قلبي وجع لحد كده." حنين. خدتها في حضنها وطبطبت عليها لأنها حاسة بحرقة قلبها. وبعدين قالت: "خير إن شاء الله. بس نصيحة مني، د. مالك وأمه لازم يعرفوا." مالك سمع كل كلامها ومشي راح على مكتبه. وبعد ساعة. مالك. "مس سماح، لو سمحتي نادي مس نغم عندي هنا." سماح. "حاضر يا دكتور." د. ياسمين. خبطت ودخلت عند مالك. د. مالك. "أهلاً دكتورة ياسمين، اتفضلي." ياسمين. "أخبارك إيه يا دكتور؟

مالك. "الحمد لله بخير." ياسمين. "طيب ليه باعد نفسك عننا كده؟ مالك. "خالص، بس إنتي عارفة الظروف اللي كنت فيها." ياسمين قامت ولفّت ناحيته ووقفت جنبه وقالت: "قضاء ربنا يا دكتور، بس برضه لازم تنتبه على نفسك شوية وتحاول تنسى. الحزن عمره ما بيرجع اللي راح." وفي لحظة وقع القلم من عالمكتب. نزلت هي ومالك مع بعض لتحت المكتب. نغم. دخلت وهما على وضعهم. "أوبا بقا." مالك. رفع نفسه لفوق وانصدم لما شافها قدامه.

ياسمين. طلعت لفوق وبصت لها. نغم. بصت لمالك وقالت: "آسفة، مكنتش أعرف إنكم مشغولين." والتفتت تمشي. مالك. قام وقف وقال: "نغم، نغم." نغم. خرجت وماردتش. ياسمين. عوجت بؤها. مالك. "ممكن يا دكتورة تتفضلي على شغلك؟ ياسمين. بغيظ قالت: "مالك يا دكتور؟ إنت عاملها قيمة كده ليه؟ دي حيالله أرملة أخوك وملهاش حاجة عندك عشان كل التوتر ده." مالك. "اتفضلي على شغلك ومتدخليش مكتبي تاني." ياسمين. بصت له ومش مصدقة. مالك. بحده قالها: "فاهمة؟

وشاور على الباب وقال: "يلا." ياسمين. احرجت وجريت على برا. مالك. قعد على الكرسي وسند بإيده على دماغه وبيفكر إزاي يتكلم مع نغم ويبرر موقفه. وبعد شوية خرج. لقي نغم قاعدة مع دكتور علي وبيتكلموا. مالك. راح عليهم وقال: "إيه يا أبو علي؟ صوتك جايب آخر المستشفى من الضحك." علي. "إبدا يا دكتور، أنا بس كنت بحاول أغير مود مس نغم." مالك. "اممم، وغيرته؟

علي. "والله أبدا، بقالي ساعة أتكلم وأقولها ف نكت، وحنين هتموت من كتر الضحك وهي ولا هنا." مالك. بص لها وقال: "نغم، تعالي عاوزك." نغم. "آسفة، عندي شغل." مالك. بحده قالها: "أنا برضه عاوزك في شغل يا مس نغم، امشي." نغم. مشيت وراه. وأول ما دخلت رزعت الباب وقالت بكل عصبية وغضب: "إيه؟ إيه ده كله؟ وليه المعاملة والإحراج ده قدام الكل؟ وإيه مالك ومالي أصلاً؟ مالك. من عصبيتها راح عليها بجنون ومسكها من كتافها

وزقها عالحيطة وقالها: "أنا اللي مالي ولا إنتي هتفوقي من تصرفاتك وأسلوبك الجديد ده ولا أفوقك أنا؟ نغم. بعند فيه قالت: "ملكش حاجة عندي ولا تقدر تعملي حاجة، ومن هنا وجاي ممنوع تتعاملي معايا خالص إلا في الشغل، وعن قريب هنقل من القسم خالص عشان ميبقاش بينا أي تعامل." وزقته عنها. مالك. "طيب والبيت؟ هتنقلي منه هو كمان؟ نغم. بدون وعي قالت: "أيوه، وخلي ياسمين تنفعك يا بتاع ياسمين." والتفتت تمشي.

مالك. بكل غيظ الدنيا راح عليها ومسكها بعنف من إيدها وزقها عالحيطة تاني وبصلها وقالها: "بتاع ياسمين؟ نغم. "أيوه، يا ريت على كده، لأ كمان تحت المكتب." مالك. "بتاع ياسمين؟ أنا؟ تقوليلي كده؟ نغم. "أيوه، بتاع ياسمين." مالك. بغيظ وغل وعند وضعف وغيره وحب وشوق ولهفة مال عليها واقتحم شفتيها وباسها مرة ورا مرة ورا مرة. نغم. بتحاول تبعده عنها. مالك. اتحكم فيها أكتر وباسها بوسة حارة وماتركها إلا لحاجتها للهواء.

وبعدين بعد عنها وقالها: "بعد شهرين هتجوز ياسمين." وراح قعد على مكتبه وبكل هدوء قالها: "على شغلك يا مس نغم، وممنوع تمشي غير معايا." نغم. بعند قالت: "وأنا كمان هتجوز." مالك. "ألف مبروك مقدماً مس نغم." نغم. خرجت من عنده وكلها عند وغيظ منه وقررت.......