رواية الكوبرا و الصقر الفصل العاشر 10 - بقلم شيماء

صقر ببرود: الكل يجهز نفسه راجعين مصر بكره. حور بعند: أنا مش هرجع. صقر بعصبية: يعني إيه هتفضلي هنا ليه؟ حور بشرود: عشان أرجع الحق لأصحابه. أحمد: حور حبيبتي ارجعي معانا مصر ونقعد. حور بغضب: أحمد أنا قلت مش هرجع مصر، سامعين. صقر بغضب: بطلي عند بقى، إنتي لازم ترجعي، هنا خطر عليكي. حور بحقد: مش هسيبه عايش وأمشي. صقر: هو مين والحق إيه اللي عاوزة ترجعيه؟ حور: حقي، إنت مالكش دعوة.

صقر بعصبية: ماليش دعوة إزاي، أنا مكلف بحمايتك. حور ببرود: وأنا مش محتاجة حمايتك ليا. صقر ببرود أكتر: وأنا مش باخد أوامر منك. حور بعصبية: على فكرة إنت مستفز. صقر ببرود: عارف. حور اتعصبت أوي ومشيت. صقر لكل الموجودين: يلا جهزوا نفسكم عشان هنرجع مصر بكره. حسين: ها يا جمال عملت إيه؟ جمال: اسكت يا حسين، دي بنت عنيدة أوي. حسين بضحك: طالعة لأبوها ياسيدي. جمال: الله يرحمه، كان اللي في دماغه يعمله حتى لو إيه.

حسين: الله يرحمه، المهم طمني هترجع مصر امتى؟ جمال: خلاص بكرة هيبقوا هنا، اطمن يا حسين. حسين بقلق: مش هطمن غير لما أشوفها شالت فكرة الانتقام دي من دماغها. جمال: صعب يا حسين، البنت اللي زي حور كده مش ممكن تسيب حقها أبداً. حسين: هو ده اللي مقلقني عليها. جمال: اطمن، أنا هبقى عيني عليها. جنه: صباح الخير. أسر: صباح الحلويات. جنه بضحك: إنت متأكد إنك كنت في كلية طب؟ أسر بضحك: والله يا أختي، أشك.

جنه بإبتسامة: هنروح فين النهارده؟ أسر: القمر يطلب اللي هو عاوزه وأنا هنفذ. جنه برقة: طيب أنا جعانة، ممكن ناكل بره. أسر بحب: يلا بينا، وكمل بضحك: بس بلاش رقة والنبي، أنا مش ناقص. جنه بضحك: والله أنا بتكلم عادي. أسر بضحك: يابنتي، إنتي أصلاً عاوزة تتاكلي كده أكل. في المطعم جنه بسعادة: المكان حلو أوي. أسر بمشاكسة: إنتي أحلى. جنه: مالك بتبصلي كده ليه؟ أسر: تعرفي إنك حلوة أوي. جنه بخجل: عارفة. أسر بحب: طب عارفة إني بحبك.

جنه اتصدمت وبقت مش عارفة تتكلم، ومرة واحدة الدموع اتجمعت في عنيها. جنه بحزن: لا. أسر باستغراب: لا ليه؟ جنه: دكتور أسر، لو سمحت، علاقتي بيك زي أي علاقة مريضة مع الدكتور بتاعه. أسر بحزن: ليه يا جنه، ليه بتقولي الكلام ده؟