رواية الكوبرا و الصقر الفصل التاسع والعشرون 29 - بقلم شيماء

يوسف بقلق: في إيه؟ صقر بغضب: أنت مالكش دعوة بحور ولا تقرب منها، أنت فاهم؟ يوسف باستغراب: ليه؟ صقر بغضب: من غير ليه، اسمع الكلام. مريم بضيق: على فكرة هو مش هيأذيها، ده من فرقها. صقر ببرود: اللي قولته هو اللي هيحصل. أحمد: يا جماعة لازم نرجع مصر تاني. ياسر: خلاص، الكل يجهز نفسه. هنرجع النهارده. نور: بالسرعة دي؟ ياسمين: يا بنتي، وإيه اللي يخلينا نقعد هنا؟ هرجع بقى عشان شغلنا. خالد: هي حور فين؟

نور: من ساعة ما خرجت مارجعتش تاني. جنة: إزاي؟ ربنا يستر. ياسر: هتكون راحت فين؟ هايدي بهدوء: أنا عارفة راحت فين. الكل بص ليها بانتباه. صقر: ساكتة ليه؟ متقولي فينها. هايدي: تعالوا معايا. وراحوا كلهم. *** حسن: ناهد، أنا خارج. عايزة حاجة؟ ناهد: شكراً يا حبيبي. حسن لسه بيفتح الباب شاف جواب. خده ودخل. ناهد: هو مين هنا بيبعت جوابات؟ أحد باستغراب: ماحدش، أول مرة حد يبعت جواب. حسن: هيكون مين يعني؟ ناهد: خلاص افتح شوف فيه إيه.

حسن فتح وطلع ورقة مرسوم عليها مسدس. حسن بشك: إيه ده؟ ناهد: فيه إيه؟ الجواب ده؟ حسن: ده جواب غريب أوي، ما فيهوش حاجة غير الرسمة دي. ناهد: وريني. طبعاً رسمة إيه؟ ناهد بقلق: يعني إيه الرسمة دي؟ حسن: ده تحذير من حد. ناهد بقلق أكتر: تحذير... هيكون من مين يعني؟ حسن بتفكير: مش عارف. ناهد بخوف: كلم أحمد طمن عليه. حسن: اطمني، أحمد كويس. ناهد بقلق: كلمه بس واسمع صوته. حسن: حاضر ياستي. واتصل على أحمد، لس أحمد ما ردش.

حسن: مش بيرد. ناهد بخوف: يبقى حصله حاجة. حسن: ياستي اطمني، مافيش حاجة. هتلاقيها الشبكة. ناهد: طب رن تاني. حسن رن تاني بس أحمد برضو مش بيرد. حسن: مش بيرد. ناهد بدموع: ابني ممكن يكون حصله حاجة. حسن باطمئنان: حصل إيه بس؟ ناهد بدموع: أمال مش بيرد عليا ليه؟ حسن: ياستي هتلاقيه عنده شغل، ناسي الفون أو فصل شحن، مافيش شبكة، عادي ممكن أي حاجة تحصل. *** ": هل تخلصتم من فريق الأفاعي؟

الشب: أهم حاجة الكوبرا، أما باقي الفريق سهل جدًا. ": هل تظن أن باقي الفريق سهل جدًا؟ ولكن يوجد به قوة كبيرة. الشب: أكيد مش زي الكوبرا. ": حسنًا، أريد التخلص منهم بأسرع وقت. الشب: ماتخافش، أنا بحاول على قد ما أقدر. *** ناهد بخوف: أنا خايفة على أحمد. حسن بجمود: ابنك مش صغير، وده شغله. أكيد فيه ناس عايزة تخلص منه. ناهد بدموع: وأنا مش هستنى الناس دي تعمل فيه حاجة، ده الوحيد. حسن ببعض القلق: اطمني، ربنا معاه.

ناهد بقلق: يارب، أنا ماليش غيره، احفظه ليا. حسن بياخدها في حضنه. *** ياسر: جنة. جنة: نعام. ياسر: عايز أتكلم معاكي شوية. جنة: اتفضل. ياسر: جنة، إحنا هنفضل لحد إمتى كده؟ جنة: في إيه يعني؟ ياسر: جنة، أنا بحبك واستنيتك كل ده، وعندي إحساس أستناكي تاني. جنة اتوترت جامد ورفضت بشدة. ياسر: طيب، أنتي بتحبي حد تاني؟ جنة: لا. ياسر بتفكير: أمال ليه بتبعديني عنك؟ جنة بحده: مش عاوزة حد معايا. جنة بحزن: اخرج ياسر، اخرج بره حياتي.

ياسر مشي وكله حزن. البنت الوحيدة اللي حبها مش عارف هي رافضه ليه. *** صقر: حور. حور بانتباه: نعم. صقر: هو أنتي تعرفي يوسف كويس؟ حور: إيه السؤال ده؟ صقر: ردي عليا، تعرفي عنه إيه؟ حور: ما أعرفش عنه حاجة. صقر بتفكير: طيب. حور: هو في إيه؟ صقر: ما فيش، يلا عشان هنرجع مصر النهارده. حور: تمام. *** نور: هو إحنا هنرجع مصر إمتى؟ أحمد: النهارده. نور: طب كويس. أحمد بحب: وحشتيني.

نور بضحك: على أساس إني بعيدة عنك، ما أنا معاك طول الوقت أهو. أحمد وهو بيقرب منها: أنتي بتوحشيني وأنا معاكي. نور بدلع وبتلف إيديها حولين رقبته: يسلام. أحمد بخضة: احذر، أنتي هنا. حور بضحك: لا، هنا. نور بخجل: جيتي إمتى؟ حور: من بدري، المهم جهزوا نفسكم، راجعين مصر النهارده. *** الشب: بكرة، عملت اللي قلتلك عليه. الراجل: أيوا ياباشا، كل اللي أنت طلبته حصل. الشب: كده خلاص. مع السلامة يا كوبرا، أنتي وفريق الأفاعي بتاعك.

وضحك ضحكة كلها شر وحقد.