رواية الكوبرا و الصقر الفصل الثامن 8 - بقلم شيماء

الدكتورة بابتسامة: مبروك بنتين زي القمر. صقر بصدمة: اتنين؟ الدكتورة: أيوه، ربنا يخليهم لك. ناهد: طب وهي يا بنتي، طمنيني عليها. الدكتورة: اطمنوا، هي كويسة وما فيهاش أي حاجة، وهتدخل أوضة عادية دلوقتي. أحمد بحب: مبروك يا صقر. الكل بارك لصقر. شويه ودخلوا لحور. حور كانت لسه تحت تأثير البنج. صقر: حبيبتي، حمد الله على سلامتك. حور بتعب: الله يسلمك. نور: ما شاء الله، بنتين زي القمر. هتسميهم إيه؟ حور بسرعة: كيان وكنزي.

صقر: حلو، خلاص كيان وكنزي. هايدي: مبروك يا أم كيان. جنة بحب: مبروك يا قلب أختك. حور بابتسامة: الله يبارك فيكم. يوسف: يلا بقى عايزين نحتفل بمناسبة كيان وكنزي. صقر بفرحة: طبعاً، على حسابي كمان. خالد بضحك: هي كده كده كانت هتبقى على حسابك. صقر برفع حاجب: والله. أحمد بضحك: إيه يا عم، أنت هترجع في كلامك ولا إيه؟ محمد لسه هيتكلم، دخل اللواء جمال. جمال: مساء الخير. الجميع: مساء النور يا فندم. جمال بجدية: ألف مبروك يا حور.

حور بتعب: الله يبارك فيك يا فندم. جمال: أنا عارف إنه مش وقته خالص، بس ده مهم جداً. حور بجدية: في إيه؟ جمال: طلعت بيطلب يشوفك عشان يتكلم معاكي، رافض يكلم مع أي حد. صقر بغضب: يعني إيه؟ واشمعنى هي يعني، ما يكلم مع أي حد تاني. جمال بحده: صقر، التزم حدودك، وما تنساش أنت بتكلم مين. صقر بعصبية: أنا مراتي مش هتقابل حد. جمال بغضب: حور قبل ما تكون مراتك، فهي ضابط، وده واجبها وشغلها. صقر لسه هيرد. حور بعصبية: صقر، ده شغلي.

خالد بهدوء: أيوه يا حور، بس أنت لسه تعبانة. جنة بخوف: بلاش يا حور، بلاش تعندي، بناتك محتاجينك. حور بصتلهم بصة خلتهم كلهم يخرسوا. حور ببرود: خلاص يا فندم، هشوفه بكرة. جمال: تمام، عن إذنكم دلوقتي. وخرج، ويوسف خرج وراه. يوسف: جمال باشا. جمال: نعم. يوسف بقلق: تفتكر يا فندم، طلعت عايز حور ليه؟ جمال: مش عارف، أنا مش مطمن، بس مش راضي يتكلم غير معاها. يوسف: خلي بالك، طلعت مش سهل، وممكن يأذي حور.

جمال بتنهيدة: عارف إنه ممكن يعمل كده، بس صدقني، مش هديله الفرصة. *** طلعت للعسكري: عايز أشوف حور باشا. العسكري: لسه ما جتش. طلعت: لازم تيجي بسرعة، مهم جداً، اسمع الكلام اللي هقوله. *** بره مصر: طلعت: خلاص بقى، كرت محروق. "كرت محروق": قصدك نخلص منه؟ طلعت: أيوه، وفي أسرع وقت. "كرت محروق": طيب، ونجيب مين بداله؟ صابر: لسه مش عارف، بس اللي أعرفه، لازم يوسف يرجع لنا تاني. "كرت محروق": طيب، ودي هنعملها إزاي؟

صابر: عادي، أخطف مراته، ابنه، أي حاجة. "كرت محروق": تمام. *** چني: عامل إيه؟ "هو": سيبك مني دلوقتي، طمنيني عملتي إيه معاهم. چني بشر: اطمن، كله تمام. "هو": اخلصي بسرعة، ما فيش معانا وقت. چني بحقد: حاضر، أنا لازم أدمرهم كلهم. "هو" بخبث: مايا أخبارها إيه؟ چني بقرف: كويسة. "هو": مالك مش طايقها ليه؟ چني: قولي، إمتى أخلص منها. "هو": قريب، بس الأول تنفذي اللي إحنا عايزينه. چني: وبعد كده تحصل اللي قبلها.

"هو": براڤو عليكي يا قلبي. چني بضحكة: عيب عليك، ده أنا تلميذتك. "هو": ما ده اللي عاجبني فيكي، إنك فاهماني. چني: طول عمري، وحياتك. *** في بيت صقر: حور بتعب: يلا، كل واحد ياخد مراته وابنه ويمشي. أحمد بضحك: إحنا بنطرد بقا. حور ببرود: بالظبط، يلا عشان عايزة أرتاح أنا وبناتي. صقر بضحك: يلا يا جماعة، عايز مراتي في كلمة. حور بتعب: بقولك إيه، يلا أنت كمان وراهم. الكل ضحك. ناهد: يلا يا حبيبتي، وأنا هبات معاكي النهارده.

حور: ماشي. ورجعت بصت للبنات: اياك اشوف واحدة فيكم هنا، سامعين. جنة بغيظ: طيب يا أختي، خلاص ماشيين. حور وهي بتتطلع: كويسة. أحمد بغيظ: مراتك دي عايزة حد يولع فيها. صقر برفع حاجب: نعم، قلت إيه؟ أحمد بخوف: نور، هاتي ابنك ويلا بينا. الكل ضحك على أحمد. وكل واحد أخد مراته وابنه ومشي. *** هايدي بزعل: كده يا محمد. محمد بحب: صدقني يا قلب محمد، والله عمري ما خونتك. هايدي: طب والرسالة؟ محمد: والله ما أعرف عنها حاجة، بجد.

هايدي بزعل: خلاص بقى. محمد بغمزة: بقولك إيه، تعالي وأنا أصلحك. *** مريم: يوسف. يوسف: قلب مريم. مريم: أنا خايفة. يوسف: من إيه يا حبيبتي؟ مريم بدموع: يوسف، أنت لو شفت الصور اللي شفتها، هتترعب. يوسف بتفكير: صدقني، هعرف مين اللي عمل كده، ومش هرحمه. مريم: طيب، ليث نام، هطلع أطلعه. يوسف: ماشي يا قلبي. مريم طلعت. وشوية ويوسف سمع صوت صوتين. يوسف جري على فوق. وقف بصدمة من المنظر. ***

نور: أحمد، أنا هطلع يزن فوق وأنزل أجهزلك العشا. أحمد: طيب. نور خدتها، وأخدت ابنها ونزلت. نور بخوف: أحمد، الحق. أحمد بقلق: في إيه؟ وخد منها الصورة.