رواية اللغم الفصل الثالث عشر 13 - بقلم زينب احمد

ميرفت بصدمة: سالم. سالم يقطع الورقة تحت أنظارها ثم يرميها في الهواء. سالم وهو ينظر لها: انتي طالق. ميرفت: انت فاكر إنك هتتخلص مني لما تطلقني؟ سالم يقترب منها: متستغليش صبري عليكي. ولو عاوز أخلص منك في طرق كتير علشان أعمل كده. ثم يتركها ويذهب ليجلس بجانب إلهام. غادرت ميرفت مسرعة وهي تبكي وتتوعد لسالم. ركبت ميرفت عربيتها لتغادر. وجدت أحدًا يفتح الباب الآخر ويدخل، كان يرتدي قبعة سوداء. ميرفت: انتي مين؟

ثم أكملت بصدمة: ميلان. ميلان: هانفضل واقفين كتير؟ أدارت ميرفت العربية وهي مازالت في صدمتها. ميلان بسخرية: انتي صعبانة عليا أوي. ومش عاوزاكي تطلعي كده من غير حاجة. ميرفت بتوتر: مش فاهمة قصدك. ميلان بهدوء: لو معاكي حاجة تدين سالم بأي حاجة طلعيها وأنا هاتمنها ومتقلقيش أنا بعرف قيمة الحاجة كويس أوي. ميرفت بتوتر: حاجة إيه أنا مش معايا حاجة. ميلان وهي تضع كارت به رقمها على التابلوه: لو غيرتي رأيك كلميني.

وقفي على جنب هانزل. وقفت ميرفت العربية. كادت أن تنزل ميلان ولكن استدارت وقالت لها: لو مخبيها في الشقة الحقي حطيها في مكان تاني لأن سالم هايجيلك النهار ده ويستغل انشغالك بأي حاجة ويدور لو في حاجة تدينه عندك. ثم تنزل مسرعة وسط دهشة وصدمة ميرفت. التي مسكت بالكارت قليلاً ثم سجلت الرقم بهاتفها. وقامت بقطع الكارت ورميه بعيد.

صوفيا بتذمر: Don't tell me that what happened yesterday will happen today. متقوليش إن اللي حصل امبارح هايحصل النهارده. مريم: بقولك إيه زن مش عاوزة. لما ألاقي الحاجات اللي عاوزاها هانشتري ونمشي. وبعدين انتي اللي صممتي تنزلي معايا. صوفيا بتعجب: All these stores and I can't find anything. كل المحلات دي ومش لاقية حاجة. كادت أن ترد مريم عليها ولكن أتى شاب مار بجانبهم ينظر لصوفيا: إيه الحلاوة دي يا ناس هو في كده.

أموت أنا في الأجنبي. مريم: تصدق إنك قليل الأدب وعاوز تتربي. الشاب بانفعال: هو مين ده اللي قليل الأدب وعاوز يتربي؟ مريم: انت ولا مبتسمعش كمان. الشاب: هو حد بص لك ولا كلمك أصلاً ولا انتي بتلككي عشان مبصتلكيش. مريم بزعيق: تصدق إنك حيوان. الشاب: مين ده اللي حيوان يا بنت ****. مريم: طب تعالي بقا. وقلعت حذائها ونزلت به على دماغه وجسمه. اجتمع الناس وحاولوا تخليصه منها عدة مرات. إلا أن أتت الشرطة وأخذوهم. في القسم.

يقفون أمام غرفة الظابط ينتظرون الدخول. صوفيا بتعجب: What will happen to us? هايحصل معانا إيه. مريم: تعرفي تقعدي ساكتة لحد أما نشوف آخرتها. ثم يدخلون أمام الظابط. التي تنصدم مريم أنه يحي ولكن تتدارك صدمتها وتقف صامتة. يحي: إيه اللي حصل؟ الشاب: شايف يابيه... عملت فيا إيه دي متوحشة. أنا عاوز حقي يا حكومة. يحي بحدة: لما أسألك ابقي جاوب. الشاب: حاضر يابيه سكت أهو. يحي يوجه أنظاره لمريم: انتي ضربتيه؟

مريم بهدوء دون أن تنظر له: أيوه. الشاب: اعترفت أهي يابيه. يحي بزعيق: أنا مش قولت تخرس. الشاب: حاضر. يحي يرجع لهدوءه: ضربتيه ليه؟ مريم: كان بيعاكس قريبتي وبعدين شتمني. يحي: وده السبب يخليكي تضربيه كده؟ مريم: أيوه سبب أضربه كده ولولا الشرطة جت مكنش طلع من تحت إيدي. مفيش حد له الحق يوجه كلام وحش لبنت ومش ندمانة إني عملت كده. يحي تعجبه شجاعتها ولكن لا يتحدث. ثم يوجه أنظاره لصوفيا: انتي قريبتها؟ صوفيا: Yes. أيوه.

يحي: فعلاً الشاب ده ضايقك؟ صوفيا: What do you mean? ضايقك؟ مريم بضيق: مش وقتك بصراحة. ثم تكمل بلغة إنجليزية: He asks you if that young man said something bad to you. هو يسألك إذا كان قالك كلام سيء. صوفيا: No, he didn't say anything bad. لا مقالش كلام سيء. مريم بصدمة: نهار أبوك أسود. أمال أنا كنت باتخانق عشان مين؟ صوفيا: He said things like إني حلوة وإنه يموت في الأجنبي.

ثم تنظر لمريم: What do you mean يموت في الأجنبي يا مريم؟ مريم: احبسيني أنا موافقة أتحبس حضرتك. كتم يحي ضحكته ثم قال لصوفيا: ده معناه إن كان بيعاكسك وبايقك. صوفيا: Uh understood. آه فهمت. الشاب: يابيه دي ضربتني وأنا عاوز أعمل محضر. يحي بهدوء: مااشي هانعمل محضر وهي كمان هاتعمل محضر تحرش. وانتوا الاتنين تتحبسوا هنا. الشاب بتراجع: لا ياابيه خلاص أنا مسامح. يحي. ثم ينظر لمريم: وانتوا هاتعملوا إيه؟

مريم: كفاية عليه الضرب اللي أخده مش هاعمل محضر. الشاب بتوعد وبصوت منخفض: بس نطلع من هنا وأنا ها أوريكي. يحي بحدة: انت بتهددها قدامي انت اتجننت؟ عسكري خده على التخشيبة. الشاب: خلاص يابيه. أخذه العسكري وذهب به. يحي لمريم بهدوء: وانتي سيبي محل إقامتك ورقم موبايلك عشان لو احتاجناكي. مريم بهدوء: حاضر عن إذنك. يحي: اتفضلي. وهم يغادرون. صوفيا: تخشيبة. What does it mean? ماذا تعني؟ مريم بضيق: اخرسي وامشي قدامي يلا.

تسير بعربيتها بسرعة شديدة. ثم تقف فجأة وتنزل منها. ألكس: ممكن تسوقي بسرعة أقل؟ ميلان: ألكس مش وقتك فين الورق؟ ألكس: أهو. ميلان تنظر للورق بصدمة ثم تقول بتوعد: حسابك تقل يا موافي. ألكس: وفي حاجة تانية. ميلان: إيه. ألكس: ومعايا دليل. ميلان بصدمة: إيه. ألكس: يضع الورق بين يديها. ميلان بصدمة جعلتها تستند على العربية خلفها. ألكس: ميلان انتي كويسة؟ ميلان بصدمة: أكيد لا. رشيد لا. ألكس: للأسف ده حقيقة. ميلان يجب أن تتماسكي.

ميلان: إزاي ده رشيد. ده لو عرف ها يتدمر. ألكس: مش لازم يعرف ميلان. يكفي إنك تعرفي انتي وتضعي خطتك بناء على كده. ميلان: سيبني وامشي. ألكس: مش هاينفع أسيبك وامشي وانتي في الحالة دي. اركبي أنا هاسوق. ميلان بحدة وعيون حمراء: قولت لك امشي. ألكس بعد أن نظر لعينيها: حاضر. ثم ركب عربيته وذهب. سقطت على الأرض وظلت تصرخ وتصرخ بشدة. إلا أن هدأت وركبت عربيتها وسارت بها باتجاه البيت الذي به صوفيا ومريم. في بيت ميرفت.

ميرفت: انت إيه اللي جايبك؟ سالم: جاي أقولك لو فكرتي تعملي حاجة انتي أول واحدة هاتتأذى. ميرفت: انت جاي تهددني بقا؟ سالم: مش بهددك أنا بعرفك وعلي العموم أنا مش عاوز اللي بينا ينتهي وحش كده. ميرفت: هات من الآخر. سالم: طب ماتعملي لي فنجان قهوة حلوة من إيدك عشان نعرف نتكلم. ميرفت بهدوء: تمام. وما إن دخلت ميرفت دخل سالم غرفة نومها يبحث بين أغراضها. دخلت ورائه وعلمت أن ميلان على حق.

ثم رجعت للمطبخ مرة أخرى وتظاهرت بأنها لم تره. عند مريم وصوفيا كانا يقفان أمام ميلان كالمذنبين. وميلان جالسة أمامهما واضعة رجل على أخرى وتنظر لهما بهدوء. مريم: إيه يعني كنت أسيبه يعاكسها؟ ميلان بهدوء: ولو في كلب اتكلم هاتتخانقي معاه ولا هاتسبيه ينبح؟ مريم: بس ده مش كلب ده بني آدم حقير. صوفيا بخجل: I'm sorry this didn't have to happen. أنا آسفة المفروض مكنش ده يحصل. مريم: انتي بتعتذري ليه انتي مغلطيش في حاجة.

صوفيا: Shut up, you don't understand anything. اسكتي. انتي مش فاهمة حاجة. ميلان بهدوء مريب: ادخلي يا مريم جوه عاوزة أكلم صوفيا لوحدنا. مريم: بس هي مالهاش ذنب ولو هاتعاقبي حد عاقبيني أنا. صوفيا: It's okay, Mary.. Come out. كل حاجة تمام ادخلي انتي. دخلت مريم وانظارها على ميلان. بعد أن دخلت. وقفت ميلان أمام صوفيا. ميلان بحدة وعيون حمراء: You are the one protecting her, not her. انتي اللي بتحميها مش هي.

صوفيا: I'm sorry... I didn't understand the matter well and I didn't know how to act. أنا آسفة لم أفهم جيداً الموقف أو ماذا أفعل. ميلان: لو مش فاهمة ارجعي. أنا عاوزة حد يكون فاهم. الموضوع مفيش فيه هزار. صوفيا: I'm really sorry. أنا آسفة حقاً. تدخل مريم وتقول بحدة: أنا قولت لك هي ملهاش ذنب وأنا مش عيلة عشان يبقى في حد بيحميني. صوفيا وهي تنظر لميلان بقلق: Don't interfere, Mary. متتدخليش يا مريم.

مريم: لا ادخل. هي بتتصرف كده ليه محصلش حاجة يعني. ميلان: وانتي لما حد يهاجمك هاتعرفي تتصرفي؟ مريم: آه طبعاً. في لحظة مسكت مريم من ذراعها ووضعت يدها الأخرى على رقبتها وزنقتها بالحائط. فلا تستطيع التحرك. ميلان بزعيق: دافعي عن نفسك وريني. صوفيا بقلق: she is your sister. إنها أختك. صوفيا: She is young and does not understand. هي صغيرة لا تفهم. ميلان تترك مريم بعنف. تتوجع مريم بشدة وتمسكها صوفيا.

ميلان بحدة: مفيش خروج من هنا لحد ما أنا أقول. ثم تكمل بزعيق: فاهمين. ثم تتركهم وتغادر ومازال ما قاله ألكس يدور في ذهنها. تركب عربيتها وتسير مسرعة. يأتيها اتصال تجيب. ميرفت: أنا في حاجة مهمة عاوزة أقولهالك. ميلان: مينفعش في الموبايل هابعت لك المكان والوقت اللي تيجي فيه. ميرفت: تمام. أغلقت الخط. في اليوم التالي. لم تستطع النوم فظلت مستيقظة. أتاها اتصال وأجابت. ألكس: ممكن تفتحي الباب.

أغلقت الخط ثم نزلت للأسفل وفتحت الباب. ألكس: أنا مش عارف انتي إزاي عايشة في المكان الطويل العريض ده لوحدك ومفيش حد حتى يعمل لك أكل حتى. ميلان وهي تجلس: مش عاوزة حد يكون معايا. ألكس: انتي منمتيش ولا إيه؟ ميلان: لا رد. ألكس: طب أنا هاعملك فطار خفيف كده. ميلان: امشي يا ألكس. ألكس: لا مش هامشي وهانفطر عشان في موضوع عاوزك فيه بعد الفطار. على الفطار. ألكس: سالم بيه عازمك على العشا بكرة.

ميلان: مش فاضية حدد معاد معايا آخر الأسبوع. ألكس: مش ده اللي كنتي عاوزاه. هايحصل أهو. ميلان بغموض: اللي أنا عاوزاه هايحصل فعلاً في آخر الأسبوع. ألكس: انتي ناوية على إيه بالظبط؟ ميلان وهي تشرب بعض القهوة ثم تضع الفنجان: هاتعرف بعدين. وهي تغادر لأعلى أوقفه سؤاله. ألكس: اللغم ناوي على إيه مع عيسى؟ وقفت ميلان قليلاً ثم قالت دون أن تنظر له: كلم سالي واعرف وصلت لإيه. ألكس بهدوء: تمام. فتح الباب وهو يتوعك. قابله الخدم.

عمراضي: عيسى بيه إيه اللي عمل فيك كده؟ عيسى وهو يمشي بحذر. ثم نام على الأريكة في الصالون. راضي: أطلب لك دكتور يا بيه. عيسى: سيبني أنام بس واطفي النور. راضي: حاضر يابيه. وفعل راضي ما طلبه عيسى. يمر يومان ولا جديد يحدث. مريم وهي تمشي بالصالة راحة جاية. وصوفيا جالسة على الكنبة تنظر لها. مريم وقفت مرة واحدة واستدارت باتجاه صوفيا. مريم: أوف بقا كده كتير أنا عاوزة أخرج. صوفيا: you can not. متقدريش.

مريم وهي تجلس بجانبها: ماهي مش هاتعرف وانتي مش هاتقوليلها صح؟ صوفيا: Milan knows everything even if I don't tell her. ميلان تعرف كل حاجة حتى لو مقولتلهاش. مريم: ليه يعني ساحرة؟ كادت أن ترد عليها مريم ولكن سمعوا صوت الباب. مريم: ده لو هي فعلاً تبقى ساحرة. صوفيا: Milan will come in... This is not Milan. هذا ليس ميلان. ثم ذهبت صوفيا لتفتح. وذهبت خلفها مريم. مريم بصدمة: الظابط يحي.