رواية اللطيم الفصل التاسع 9 - بقلم هنا سلامة

جري ليل على صوت صراخ سيلين فقال بخوف: سيلين انت كويسه؟ سيلين كانت بتعيط و هي على الأرض و ايديها بتنزف. ليل بخوف: سيلين مالك يا روحي! سيلين بعياط: فيه كلب... كلب في... في البلكونه يا ليل. ليل بعصبيه: ليو إلى عمل فيكي كده؟ سيلين بعياط: لا ليو ايه كلب بقولك كلب. ليل بعصبيه: ليوووو يا ليوووو. جيه الكلب من البلكونه و هو بيجري على ليل، بعد ليل عنه و قال بعصبيه: مش هسلم عليك يا ليو، كدة تعض سيلين يا ليو.

الكلب كان باصص على سيلين و بعدين بص في الأرض و هو بيحرك ديله و صوت نباحه فيه ندم. ليل بعصبيه: go go go! جري الكلب على البلكونه تاني بس مقفلش عليه و راح لسيلين. ليل بحزن: حبيبتي المفروض تاخدي حقن عشان العضه دي. سيلين بعياط: مقولتش انك عندك كلب و انا بترعب منهم يا ليل. باس رأسها و قال:

حبيبتي اسف و الله مش واخد على وضع أن يبقى في حد عايش معايا و مش متاقلم مع ليو، ده انقذني قبل كده من الغرق و انا مديونله بس زعلت انه أذى حبيبتي. ابتسمت و دموعها نازله: انا كمان مديوناله عشان أنقذ حبيبي. قبلها قُبله طويله على شفتيها و بعدين قال: طيب يلا عشان اوديكي المستشفى. سيلين: مش عاوزه انزل يا ليل عشان خاطر ربنا هاتلي دكتور. ليل بحب:

انا بعشق برئتك دي يا حبيبتي، هجيبلك احسن دكتور ده انت حرم ليل اللطيم برده مش اي حد. خد موبايله و كلم دكتورة الخاص. ليل: قومي البسي بس اي حاجه تانيه غير القميص القصير ده. سيلين: اوكيه. لبست دريس بنص كم و طويل لونه كشمير و رفعت شعرها على فوق، جيه الدكتور و إدالها الحقن. الدكتور: متخفش يا ليل بيه هي مش هتعلم دي بسيطه. ليل: طيب و هي هتحس بالم؟ الدكتور: لا يا ليل بيه الحقن دي فيها نسبة مسكن مش هتحسسها بوجع. ليل:

شكراً يا دكتور نورتنا و الله شكراً. طلع الدكتور و دخل ليل لسيلين و هي بتطبق هدومها بتاعت الخروج. ليل: يا حلويااات. سيلين بضحك: بتكسف يا ليل. ليل: طيب مش هتتعشي؟ سيلين: انا جعانه فعلا بس مبعرفش اعمل غير اومليت. ليل بضحك: اومليت؟ هنشوف ليالي سوده انا عارف المهم تيته اداتني اكل و انا بوصل الدكتور محشي و رقاق و الفراخ تعالي كلي بقى يا روحي. سيلين: اممم، انت هتاكل معايا الأكل ده بليل كده؟

مش خايف على السيكس باكس دول يتاثروا؟ ليل بضحك: لا اصلي جعان اوي فهاكل و أمري لله. قربت قطعه فراخ من بوقه و قالت: طيب كل، عملت ايه في الشغل؟ ليل: اممم.. طعمها حلو اوي، هحكيلك. حكلها إلى حصل مع محمد و الي بيخطط له في القضية. سيلين: اممم.. دماغك حلوه اوي. ليل بضحك: انا كلي حلو و الله. اداتله بوسه في الهواء و هي بتشيل الاكل. اتفق و الله.

دخلت المطبخ و حطت باقي الاكل في التلاجه و بدأت تغسل الأطباق و الكوبيات و هي واقفه حاطه شعرها على جنب، جيه ليل من ورا و قبل عنقها: ده المشهد إلى تخيلتك فيه، تصدقي انه اتحقق. سيلين بكسوف: انا مبسوطه انه اتحقق. ليل بحب: و انا. سيلين بكسوف: القهوه هتفور. ليل بضحك: مفيش قهوه على البوتاجاز اصلاً هو اي هبل؟ التفتت له و هي بتمسح ايديها في الفوطه: عاوز ايه دلوقتي طيب؟ شدها ليه و قال: عاوزك انت يا حرم ليل الداخليه ♡.

في بيت هالة و حسام. حسام بعصبيه: يا هاله سيبيني دلوقتي بقى! هاله بعصبيه: ادخل اوضتك يا حمزه ادخل. دخل حمزه الاوضه و هو بيعيط بشحتفه. هاله بعصبيه: ايه من ساعه ما جينا و انت متعصب ليه؟ حسام بعصبيه: انت مش عاوزه نخلف تاني ليه يا هاله؟ هاله بعياط: عشان كفايه حمزززه، كفايه عيل واحد يتيتم! كفايه عيل واحد يحزن عليك، لما انت تموت هبقى انا لوحدي، اكون بعيل احسن ما اكون بعيلين! حسام بعصبيه: انت بتقولي ايه!

اي واحد فينا معرض للموت على فكره، أن كان دكتور أو مهندس أو ظابط أو عامل حتى، كلنا معرضين للموت يا هاله، انت الي متخلفه. هاله بعصبيه: انا مش متخلفه يا حساااام انا خااايفه خايفه يا حسام، خايفه عليك و على أبننا و عليا! خايفه ابقى لوحدي من غيرك! انت الي بتعمل كل حاجه انت الي بتجيب حمزه و توديه التمرين و الدروس و المدرسه انت الي بتجيبلنا اللبس و حاجات البيت و الخضار و الفاكهة من السوق، انت الي شايل البيت ده مش انا!

انت لو حصلك حاجه مش هرتاح! موتي ارحملي من موتك يا حساااام! كانت بتقول الكلام و هي بتتشحتف. اخدها في حضنه و قال بحب: بس انا عاوز اجيب عيال منك، عاوز يبقى ليا اسره و أطفال يشيلوني لما أكبر، الأعمار دي بأيد ربنا يا حبيبتي ممكن تبقى نايمه متصحيش! و ممكن تبقى في كمين و قصادك قتالين قتله و ترجعي سليمه!

الموت علينا حق و كلنا هنموت، و لو انت شايفه اني انا الي بعمل كل حاجه فتبقى غلطانه، كفايه لما ارجع من الشغل و ابقى قرفان و اترمى في حضنك و تكوني في حنيه امي الله يرحمها عليا! انت اهم حد عندي يا هاله، انا بموت فيكي عشان كده عاوز اجيب طفل كمان منك، و لو مش حابه خلاص، المهم تشيلي حوار اني ممكن اموت و اسيبك و الهبل ده. زقته بعيد عنها و جريت على الحمام و بدأت ترجع و هو بيهمس: مش معقول! ح... حامل!!!

صباح تاني يوم عند ليل و سيلين. صحيت على صوت موبايل ليل و هو بيرن، رن كتير و ليل نايم في سابع نومه، قامت من بين حضنه بصعوبة من كتر ما كان حاضنها كأنه عاوز يدخلها بين ضلوعه جوه قلبه 💛. اخدت موبايله و كانت جدته فقالت: الو.. الو يا تيته عامله ايه؟ ليل بصت عليه بحب و هو نايم و قالت: ليل نايم يا تيته، حاضر متخفيش، طب حاضر حاضر هاجي بسرعه و الله... الو.. الو يا تيته الووووو.. يا لهوي! تعبانه مالها؟ ردي يا تيته.

صوت جدته اختفى حطت شال عليها و نزلت في الاسانسير عشان تروح لجدته، لقت باب الشقة مفتوح جريت على جوه و قالت بخوف: ايه... ايه ده! كانت جدته مربوطة على الكرسي و مضروبة و فيه رجاله حواليه. مجهول ١: هاتها بسرعه دي إلى عاوزينها. اجريت سيلين و هي مش عارفه تعمل ايه، دخلت المطبخ و اخدت سكينة و قالت بصوت عالي و هما واقفين قدامها: سيبوني ليل مش هيسيبكم لو حد لمسني سيبوني امشي و سيبوا تيته زينه.

قرب واحد منهم عليها و سحب السكينه من ايديها بسهوله جداً و هي نبضات قلبها عالية لدرجه ان قلبها هيتنزع. مجهول ٢: هات السرنجه. سيلين بصراخ و خوف: لااا عشان خااطر ربنااااا يا ليل يا.... اااااه. حط السرنجه في كتفها و فقدت الوعي!