رواية الم البداية الفصل السادس 6 - بقلم فريده احمد

ماحبش حازم يضيع وقت. بمجرد ما قفل الباب كويس بالمفتاح، قرب منها وحاوط كتفها بزراعيه وقالها ببتسامة: "نورتي مملكتي." ريم كانت واقفة زي المشلولة وهي بتتخيل اللي هيحصلها، والزاي هتقدر تفرط في نفسها بسهولة كدة وتسلم نفسها للشيطان بأديها. فاقت على صوت حازم وهو واخدها من أيدها وبيقولها: "تعالي." ريم بخوف: "ا.اانت هتعمل ايه؟ حازم: "متخافيش. مش هاكلك." وبخطوات بسيطة خدها وقعدها على كرسي البار اللي في آخر الريسيشن،

وقالها بنبرة حماسية: "تحبي تشربي ايه؟ وقبل ما ريم تتكلم، حازم فتح ازازة الفو.ديكا وصب كاس لنفسه، واتكلم بكل بساطة وقالها: "بتشربي ياريم؟ ريم بصتله بصدمة. ابتسم حازم بسخرية لما شاف الصدمة على وشها، وقالها ببرود: "بلاش تمثلي دور البريئة دي عليا، لأني فاهمك كويس." ريم بعصبية: "انت ليييه مش عايز تصدق اني مش كدة؟ احلفلك بإيه عشان تصدقني؟ حازم بستفزاز: "خلاص. انا هعمل نفسي مصدقك وانك شريفة بجد. هاا هتشربي ايه؟

ريم اتنهدت بضيق: "انا مش عايزة حاجة." حازم: "ما يصحش. انتي ضيفتي النهاردة." وقبل ماريم تنطق، كان حازم مشي من قدامها وخرج عصير برتقال من التلاجة. بعد ثواني كان حازم مددلها ايده بكوباية عصير وهو بيقولها: "روقي واشربي." ريم بصت للعصير بشك: "انا مش عايزة اشرب حاجة قولتلك." حازم بسخرية لما فهم انها خايفة: "ماتخافيش. مفهوش مخدر." وأكمل بخبث: "انا محتاج اتبسط. يعني عايزك تبقي فايقة." ريم بتعب: "انتا ليه بتعمل معايا كدة؟

حازم بهدوء: "بعمل معاكي ايه؟ ريم: "ليه عايز تاخد مني حاجة مش من حقك؟ رقرقت الدموع في عينيها قبل ما تكمل وتقولو: "ليه مصمم تكسرني قدام نفسي؟ عملتلك ايه عشان تعمل معايا كدة؟ حازم ببرود: "بس انا مغصبتكيش على حاجة. انتي هنا بمزاجك." ريم بصتله بصدمة قبل ما يكمل هو ويقولها: "انا عرضت عليكي عرض وانتي وافقتي. ولا نسيت؟ ريم: "انت استغليت ضعفي." حازم: "انا ماضربتكيش على ايدك. انتي لو كنتي عايزة ترفضي، كنتي رفضتي."

ريم بدموع: "عندك حق. انا اللي عملت في نفسي كدة." ريم مسحت دموعها: "ب.بس." حازم: "بس ايه؟ ريم بخوف وتوتر: "اللي انتا عايزو صعب، وو. انا مش هقدر." حازم بعصبية: "انا مش فاهم اي الصعب في اللي هاتعمليه. انا على حد علمي انها مش اول مرة بالنسبالك. ولا جاية تعملي عليا انا محترمة؟ ريم بعصبية: "انا مغلطتش. مغلطتش. حرام عليك بقا." *** عند أميرة.

خرجت من المكتب بعصبية، بس اول ما لمحت داليا واقفة بعيد شوية وهي بتتكلم مع واحدة من الميكب ارتست اللي بيشتغلو في المكان، وهي بتحاول تشرحلها الشغل. اتجهت اميرة ناحيتها وهي بتتصنع الهدوء على عكس العصبية اللي فيها. اميرة: "داليا انتي جيتي امتا؟ انا مستنياكي هنا." داليا: "من بدري. انتي كنتي فين؟ داليا ما كانتش طايقة تبص في وشها بعد ما سمعتها.

لما كانت داليا لسه واصلة وجات تفتح باب المكتب، بس قبل ما تحط أيدها على أوكرة الباب، وقفت بصدمة لما سمعت صوت أميرة العالي من جوه وهي بتكلم المحامي. ومن كلام أميرة مع المحامي، اتأكدت داليا انها هي اللي ورا اللي حصل لريم. وبرغم أن داليا كانت عايزة تولع فيها، إلا أنها هي كمان حاولت تتصنع الهدوء واللطف، وقبل ما ترد على اميرة، بصت للبنت اللي واقفة وقالتلها: "روحي انتي يا علا اعملي اللي قولتلك عليه."

البنت مشيت، وداليا بصت لأميرة بابتسامة فرح وقالتلها: "عندي ليك خبر هايبسطك اوي." اميرة: "بجد؟ قولي بسرعة." داليا: "ريم خدت براءة وخرجت النهاردة." اميرة بتفاجأ مصطنع: "بتهزررري؟ داليا ابتسمت بسخرية وهي عارفة ومتأكدة انها مش متفاجأة ولا حاجة. داليا بابتسامة: "امم. انا لسة جاية من عندها دلوقتي." أميرة بتمثيل الفرحة: "انا مبسوطة اووي." داليا بابتسامة: "للدرجادي بتحبيها؟

أميرة بابتسامة مزيفة: "طبعا. ريم دي صحبتي الانتيم واختي كمان." داليا: "عندك حق. ريم اي حد بيعرفها بيحبها. مابال انتي بقا. دا انتي فعلا انتي وريم اكتر من الاخوات. انتي حتى أقرب ليها مني." أميرة: "انتي ماتعرفيش انا كنت زعلانة عليها قد ايه." داليا: "عارفة ياحبيبتي." أميرة: "بقولك ايه. انا رايحة ليها. وحشتني قوي." داليا بسرعة: "لأ." أميرة بستغراب: "لأ ايه؟

داليا بتوتر: "اصل انا لسة جاية من عندها وهي بصراحة نامت. فانا كنت عايزة أياها تستريح شوية اصل أعصابها كانت تعبانة وانا ما صدقت انها نامت بصراحة. اي رأيك نبقا نروحلها بكرة سوا؟ أميرة: "مع انها واحشاني، بس اوك." أميرة: "هاسيبك بقا ونتقابل بكرة. عايزة حاجة؟ وباستها على خدها. داليا بابتسامة مزيفة: "شكرا." أميرة مشيت، وداليا بصت على أثرها بقرف وهي بتقول: "يابنت ال.كلب يازبا.لة. اتفوو عليكي." *** عند حازم وريم.

حازم قرر يدخلها داخلة تانية. حازم: "بصي ياريم انا ممكن احققلك اي حاجة انتي عايزاها. واي فلوس انتي عايزاها انا تحت امرك." ريم برفض: "بس انا مش عايزة فلوس." حازم قاطعها: "٢مليون جنيه كويس. هاكتبلك شيك بيهم دلوقتي حالا." ريم اتصدمت من المبلغ وبصتله بزهول أنه الزاي ممكن يدفع مبلغ زي ده عشان. عشان بس يرضي رغبته. بس ريم ردت عليه وقالتلو بجمود: "انا مش محتاجة فلوسك."

حازم اتنهد بحيرة. هو فعلا واخد بالو انها بنت ناس ومش دي اللي تيجي بالفلوس. حازم بضيق: "طيب انتي عايزة ايه؟ ريم: "انا مش عايزة حاجة. ارجوك سيبني امشي من هنا وسيبني في حالي." حازم بغضب: "انتي هاتستهبلي ياروح امك. احنا بينا اتفاق. واظن اني حذرتك لو فكرتي تخلفي الاتفاق ده انا هعمل فيكي ايه. وانتي بردو وافقتي." ريم بدموع: "انا والله ما هقدر. ارجوك ارحمني." حازم بغضب: "ولما انتي شايفه نفسك مش هتقدري. بتوافقي لييه؟

ريم كانت بتعيط. حازم بصوت عالي ارعبها: "ما تنطقي." ريم بشهقات: "لأني ماكنتش. هستحمل السجن والفض.يحة. وانا ربنا اللي يعلم اني مظلومة." حازم: "وانا ساعدتك وخرجتك." وكمل بتهديد واضح: "وزي ماخرجتك من السجن. اقدر ارجعك تاني ليه وبسهولة. قولتي ايه؟ ترجعي السجن ولا تسمعي الكلام؟ ريم بعياط: "ارجوك متعملش فيا كدة." حازم مسح على وشه بغضب وعصبية وبعدين حاول يهدي نفسه. حازم بهدوء: "انتي عندك استعداد تتحبسي تاني؟ ريم هزت

راسها وهي بتعيط وقالتلو: "لأ." حازم: "يبقي تسمعي كلامي وتخليكي مطيعة." ريم كانت دموعها نازلة بغزارة وهي حاسة بالضعف. حازم رقت نبرته أخيراً وقالها: "ششش. كفاية عياط بقا." وقرب منها وحرك ايده على وشها ومسحلها دموعها بحنية. ريم عينيها كانت حمرا من كتر العياط وده كان مخلي ملامحها رقيقة وجميلة. حازم بتوهان: "انتي حلوة اوى يا ريم." حازم بصلها برغبة وهو تايه في ملامحها.

ومد ايدو على وشها وبدأ يحركها لحد ما وصل بصوابعه على شفايفها. ريم كان جسمها بيرتجف اثر لمساته وهي حاسة بالضعف. حازم بهدوء: "اهدي ومتخافيش." وميل بهدوء عليها وبدأ يبو.سها بر.غبة. ريم كانت مستسلمة ومصدرش منها أي رد فعل. ودا خلي حازم يتجرأ اكتر ونزل البلوزه من على كتفها. يتبع