رواية الم قلبي الفصل الأول 1 - بقلم الكاتبة المجهولة

النهاردة عيد جوازنا الخامس. قالتها ملك الجالسة على حافة الفراش. خالد ببرود: ماشي. أقولك إيه يعني؟ كل سنة واحنا مع بعض يا حبيبتي. ولا أقولك متسبنيش أبدًا. ملك بقهرة: متقوليش كده. بس بابا وماما عازمينا على الغدا. قال في أثناء ارتدائه لقميصه: الغيها. أنا نازل. ملك: نازل مع سارا صح؟ خالد: آه. ملك: ماشي. أنا هنزل أنا وآدم نوديه الملاهي شوية. اهو أي حاجة. دخل طفل صغير الغرفة بفرحة: ماما يلا. أنا لبست. مش هنروح لجدو وتيتا؟

ملك: لا يا حبيبي. هنروح الألعاب. آدم بشهقة: بجد؟ ينفع أروح أقول لأروى؟ ملك ضحكت: روح يا حبيبي. خالد بتساؤل: مين أروى؟ ملك: دي بنت جارتنا. هو بيحب يلعب معاها على طول. وخرجت معانا كذا مرة. خالد: ماشي. خلي بالك من نفسك. ومتركبيش لعب كتير عشان متتعبيش. ملك: خايف عليا؟ خالد: عشان آدم معاك. نظرت له بدموع أخفتها سريعًا. نظر لها ببرود وذهب. *** جلس على المقعد بهدوء. خالد: اتأخرت. سارا: لا. خالد: طب يلا ناكل عشان جعان.

سارا: ماشي. خالد حبيبي في عقد عاجبني أوي. عايزة أجيبه. بص. خالد: من غير ما أشوف يا حبيبتي. هجيبهولك. سارا بحب: حبيبي. *** ملك بتعب: آدم يا حبيبي يلا. أنا تعبانة. آدم: شوية طيب. ملك: يا آدم يلا. آدم بغضب: لما بابا بيجي معانا انتي مش بتتتعبي. وهو مبيرضاش يجي. أنا مش بحبه. ملك بحنان: آدم إيه اللي بتقوله ده؟ بابا بس مشغول في الشغل عشان أنت تخرج وتروح المدرسة. وقالت بمرح: وتجيب شوكولاتة لأروى.

آدم: أنا آسف يا ماما. ويلا نروح عشان ألعب مع أروى. داعبت خصلات شعره بحب. وحمدت الله بداخلها أنه أعطاها هذا الصغير يغنيها عن كل شيء. *** دخل خالد الشقة. آدم: بابااااا. عانقه بحب. خالد: حبيبي وحشتني أوي. آدم: وانت كمان يا بابا. عارف يا بابا عملت النهاردة حاجات كتير أوي. خالد: احكيلي. أخذ يقص عليه ما حدث بطفولة. ونظرت هي لهم من بعيد وابتسمت على تعلق آدم بأبيه. ***

دخلت ملك الغرفة بعد أن غفى آدم. ووجدت خالد يرتدي بنطاله فقط ونصفه الآخر عاري. فخجلت. ملك بغضب مصطنع: لو سمحت البس. أنت مش لوحدك في الأوضة. اقترب منها بخبث: إيه مكسوفة؟ ملك: لو سمحت ابعد. خطف منها قبلة سريعة. ابتعدت عنه وصفعته: أنا بكرهك. ابعد عني بقى. وهطلقني عشان أنا خلاص تعبت. إحنا كنا غلطانين زمان. مش لوحدي بس. فمتحسسنيش إني السبب دايمًا. طلقني. أنا بكره اليوم اللي حبيتك فيه. ده ده حتى ابنك مش بيحبك. عارف ليه؟

عشان كل مرة بنخرج فيها بتسيبني وتنزل مع السنيورة بتاعتك. وأنا أقوله ده في الشغل يا حبيبي بيتعب عشانك يا حبيبي. ويقوم فايق. أنا مش بحب بابا. ابنك بقى يلاحظ كل حاجة. شوف كام واحد مبقاش عايزك بسبب اللي بتعمله. جلست على الفراش بتعب. ونظر هو للفراغ بصدمة. فهل يكرهه ابنه؟ ذهب لغرفته وجده نائم. فجلس بجانبه وقبله في جبينه. وغفى بجانبه. *** في الصباح. استيقظت بهدوء. ونظرت في الساعة وجدتها الثامنة صباحًا.

ملك: ينهار أبيض. المدرسة. آدم. آدم يا آدم. لم تجده في الغرفة. ملك: يا خالد. خالد. تجمد الدم في عروقها على اعتقادًا منها أنه أخذ ولدها وذهب. ملك: يا رب لا. يا رب لا.