رواية المغرور و السمينة الفصل الثامن 8 - بقلم دنيا

سلمى: اااااااااااه! أسر: أحسن، تستاهلي ولسه. صحت ناهد على صويت سلمى. سلمى: اااااااااااه! أسر وناهد جريوا عليها، لقوها واقعة على الأرض. سلمى: اااااااااااه، ضهري! أسر بسخرية: ألف سلامة عليكي يا بنت عمي، مش تاخدي بالك. سلمى وهي بتتوجع: اااه، سيبوني لوحدي لو سمحتوا. أسر: تمام. في أوضة أسر: أحسن أحسن تستاهل. تاني يوم سلمى قامت ولبست عشان تروح الشركة. سلمى وهي نازلة: اااه يا ضهري! أسر: سلامتك يا بنت عمي. سلمى: خير؟

أسر: مفيش، بس انتي الصراحة صعبتي عليا إمبارح، فقولت أجيبلك عصير مانجا لإنك بتحبيه. سلمى: ده بجد؟ أسر: طبعًا، اتفضلي. سلمى: تمام، شكرًا. أخدت منه العصير وشربته. ناهد: يلا يا ولد الفطار. ناهد: ها يا سلمى، يومك كان عامل إزاي في أول يوم في الشركة؟ أسر أول لما سمع سيرة الشركة افتكر اللي سلمى عملته معاه ووشه قلَب. سلمى: والله يا طنط اليوم كان... إيه ده بطني! معلش يا طنط. ناهد: في إيه؟ سلمى جرت على الحمام.

بعد شوية: آسفة يا طنط، اااه. وجرت على الحمام المرة التانية. بعد حوالي ساعة من دخول وخروج سلمى. سلمى: اااه بطني! ناهد: أطلبلك دكتور يا بنتي؟ أسر: دكتور إيه بس يا ماما؟ تلاقي سلمى بس تقلت في الأكل بس. سلمى: لأ يا طنط أنا هاخد دوا وهبقى كويسة. ناهد: طب تمام يا بنتي. آه صح، محسن المحامي عازمكوا على فرح بنته النهاردة. أسر: آه عارف، عمر عزمني. ناهد: ها هتروحوا؟ أسر: آه هروح. ناهد: وإنتي يا سلمى؟ سلمى: لأ يا طنط مش هقدر.

أسر: أحسن، قرار اختياري والله، أنا مش عارف كنتي هتروحي فرح زي ده إزاي بشكلك ده بصراحة كده أحسن، أنا مش ناقص فضايح. سلمى كانت رايحة على أوضتها بس وقفت لما سمعت كلام أسر ورجعتله. سلمى: والله طب أنا هروح يا أسر، ولو أنت مش عاجبك متروحش. كانت واقفة قدام المراية بتحط آخر اللمسات ليها قبل ما تروح الفرح وتنفذ خطتها إنها تاخد حقها من أسر بعد لما اتأكدت إنه هو اللي كان السبب في وقوعها وهو اللي حطلها ملين في العصير.

سلمى وهي بتقلع النضارة وتحط العدسات الشفافة عشان تبرز لون عنيها وبالمرة تشوف بدل النضارة. سلمى: ماشي يا أسر، يا أنا يا أنت. أسر: أنا ماشي يا ماما، عايزة حاجة؟ ناهد: استنى، خد سلمى معاك. أسر: أستحاله آخد الدوب… إيه ده! كانت سلمى نازلة وهي لابسة فستان أسود جميل جدًا مجسم من الصدر ونزل على وسع وفاردة شعرها البني على كتافها وحاطة بعض مستحضرات التجميل اللي زودت من جمالها.

أسر فضل يبص عليها، لأول مرة ياخد باله من شكلها وإنها حلوة أوي كده. أسر في باله: ياااا لو ما كنتيش سمينة. ناهد ميلت عليه. ناهد: لسه مش عاوز تاخدها معاك؟ أسر: يلا. سلمى: يلا. قدام القاعة. أسر: مالك وقفتي ليه؟ سلمى: معلش يا أسر، أنا نسيت الشنطة بتاعتي في العربية ممكن تجيبها لي؟ أسر: ماشي، خدي ده. وداها جاكيت البدلة بتاعته. عمر: هو القمر فين؟ في السما ولا قدامي؟ سلمى: عمر، إزيك؟ عمر: تمام، وإنتي؟ سلمى: تمام الحمد لله.

عمر: شكلك حلو أوي من غير النضارة. أسر بقطب: الشنطة... يلا ندخل. سلمى: يلا. أسر وقف بعيد عن الأنظار شوية ووقف مش على بعضه. معتز راحله. معتز: مالك يا ابني واقف مش على بعضك كده ليه؟ أسر: معتز، اقف في ضهري. معتز: ننننعم؟ أسر: اخلص يا زفت مش قادر. معتز: أنت بتقول إيه يا أسر؟ آه إحنا صحاب بس مش كده. أسر: أنت فاهم إيه يا حيوان أنت؟ أنا في حاجة بتحكني في جسمي كله، اقف اهرشلي ضهري هموت. معتز: آااه إذا كان كده ماشي.

أسر: فوق، تحت، يمين، شمال. عمر: أنتم بتعملوا إيه الله يخربيتكوا! أسر: تعالى تعالى يا عمر، اقف جنب معتز هموت. عمر مرضيش هو بالم بس. أسر: أنت واقف كده ليه يا زفت؟ اخلص ضهري هيتقطع. أسر: اخلص يا معتز. معتز: ما أنا بهرشلك أهو، أعمل إيه؟ عمر بابتسامة: بهرش وظهرك، أنا اللي كنت مفكر سامحني يا رب. أسر: اخرس يا زفت. جاءت عليهم سلمى. سلمى: أنتم بتعملوا إيه؟

وأنت يا أستاذ أسر اقف عدل وبطل اللي أنت بتعمله ده، متنساش إننا في حفلة محترمة مينفعش اللي أنتم بتعملوه ده. أسر وهو مش على بعضه: وإنتي مالك إنتي؟ أنا أعمل اللي أنا عاوزه. عمر وهو هيموت من الضحك: معلش يا سلمى أصل أسر عنده حكة ومعتز بيهرشه ههههه. سلمى: ههههه آه ما هو الطبيعي إنه يجيله حكة. أنا من حكم دراستي تقريبًا كده الحكة دي أساسها جرب. معتز بعد عن أسر: إيه جرب يالهوي! أسر وهو

بيحك في جسمه بشكل هستيري: والله يا سلمى لو طلعتي إنتي ليكي علاقة باللي بيحصلي ده لأوريكي وش عمرك ما شفتيه. سلمى ببراءة: أنا؟ اخص عليك يا أسر، طب أنا أعمل كده ليه يعني؟ بس أنا هكون أحسن منك وهنصحك نصيحة طبية: استحما يا أسر، ها استحما، الاستحمام بيقلل من انتشار الجرب. أسر وهو على آخره وخلاص ما عادش قادر: غوري من وشي يا سلمى. والله يا سلمى لو مش غورتي من وشي لأقتلك هنا، غوري! سلمى: ههههه تمام. وسابته ومشيت.

وأسر داخل الحمام يشوف سبب الحكة دي إيه. سلمى: ههههه أحسن تستاهل. أنت اللي بدأت يا ابن عمي والبادي أظلم. عمر من وراها: إنتي اللي عملتي كده صح؟ أنا شوفتك على فكرة.