أنا جيت يا عيال، وحشتوني. هدي بطفولة: محمد، جبت لي إيه وأنت جاي؟ محمد: دايماً هامك على الحاجة، يخربيتك. طب اطمني على أخوكي، أي حاجة كده؟ هدي: بعدين، بعدين. المهم جبت لي إيه؟ محمد: خدي يا ستي الشنطة دي، فيها حاجات ليكي هتعجبك. هدي بفرحة: أخويا اللي ليا. محمد: مصلحجية أوي. هدي: تسلم يا صاحبي. فارس حضنه: عامل إيه يا بطل؟ محمد: بخير والله يا حبيبي، أنت أخبارك إيه؟ فارس: كله تمام، واحشنا والله.
محمد: والله أنتو أكتر. المهم فين الأكل؟ أنا جعان. هدي: دايماً همك على بطنك كده. محمد: شوف شوف مين اللي بيتكلم. عاملة إيه يا سلوى؟ سلوي: تمام والله. محمد: احم، أخبارك إيه يا رحمة؟ رحمة بابتسامة: الحمد لله. محمد: أوبا! مين الجامدة دي؟ ملاك: احم، أنا ملاك. محمد: لا قمر أوي، بسم الله ما شاء الله بجد. فارس بيجز على سنانه: ملاك... مراتي. محمد: أوبا! أنت اتجوزت من غير ما تعرفني؟ آه يندل. لا بس قمر أوي. وأنا محمد.
فارس خبطه في بطنه: متتلم يا له. محمد: احم، آسف. المهم الشنط دي ليكوا يا شباب. أنا طالع أرتاح شوية. طلع محمد أخو سلوى وهدي يرتاح، ورحمة راحت تجهز الأكل والفرحة مش سيعاها. سلوي: لسه برضه بتحبيه يا رحمة؟ رحمة بارتباك: أكيد لا يا سلوى. سلوي: والفرحة اللي اترسمت على وشك دي إيه؟ متحاوليش تخبي عليا، أنا أكتر واحدة عارفاكي. رحمة بحزن: حاولت كتير أنساه بس معرفتش. سلوي بحزن: حاولي يا رحمة. أنتِ عارفة الفرق بينكوا كام سنة؟
6 سنين يعني أكبر منك بكتير. رحمة: هو بالسن؟ مش بالسن خالص يا سلوى والله. بس... بس هو بيعتبرني أخته الصغيرة. سلوي: ساعات بحسه بيعتبرك أخته فعلاً و... وساعات بحسه بيحبك، مش عارفة. رحمة: قولي والله. سلوي: رحمة يا حبيبتي، متعشميش نفسك بحاجة. ركزي في دراستك. رحمة: طيب، هجهز الأكل عشان زمانه جعان. سلوي بحزن: طيب. ملاك: باين عليه دمه خفيف. فارس: هو مين؟ ملاك: محمد. فارس بغيره: أيوه. ملاك باستفزاز: مش بهزر.
فارس مسك دماغه وبعدين بص لها وقام وقف. فارس: احم... أومال ماما فين؟ ملاك: نايمة. محمد ابن عمك جه. فارس: بجد! طب هطلع أسلم عليه عشان واحشني. ملاك: تمام. إسراء: يمااا، إني مبحبش طايقة أقعد هنا تاني. سامية: إيه اللي حصل؟ إسراء: إيه اللي بيحصل؟ إنهم باين حبوا بعض ومش هنجدر نفرقهم. ملاك بقت كل ما أشوف وشي تقولي اعملي لي حاجة آكلها. بقت مشغلاني خدامة عندها. سامية: خلاص، نفذي الخطة النهارده. إسراء: متأكدة يا ماما؟
سامية: أيوه، خلينا نخلص منها. إسراء: حلو أوي. سامية: هستنى منك مكالمة. إسراء: ماشي، يلا سلام. فارس: عامل إيه يا محمد، أخيراً جيت. محمد: الحمد لله. أنت عامل إيه، واحشني والله. فارس: أنت واحشني أكتر والله يا عم. محمد: يبقى يا باشا لو كنت واحشك كنت اتصلت بيا. فارس: والله مش فاضي. المهم دلوقتي باين عليك إنك تعبان. هسيبك ترتاح ونتكلم بليل. محمد: تمام. خرج فارس وهو نازل على السلم شاف هدي، ابتسم تلقائياً.
فارس بتردد: هدي، أنا عايز أقولك حاجة. هدي بابتسامة: اتفضل. فارس: أنا... ملاك قاطعتهم: بدور عليك بقالي كتير، يلا عشان نروح النهارده للدكتور. فارس بضيق: هو ده وقتك. ملاك: نعمم! بتقول حاجة؟ فارس: بقول يلا. هقولك لما أجي يا هدي. هدي: طيب. هدي: يمااا، في خبر جديد. سناء: في إيه؟ هدي: فارس كان عايز يعترف لي بحاجة بس مقصوفة الرقبة جت. سناء: حاجة زي إيه؟ هدي: مخبرشي يا ماما، بس باين عليه كان متردد.
سناء: وإنتي بتحطي الحاجات الهبلة دي في دماغك ليه؟ إحنا عايزين حاجة واحدة بس، وهي الأملاك. وأنا خلاص فكرت في خطة جهنمية. هدي: ماما، إني بحب فارس. سناء بصدمة:
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!