رواية الملاك والشيطان والرومانسي الفصل الثالث عشر 13 - بقلم مريم حسن سليمان

ملاك بغيره: ونتي بتسالي على فارس ليه ها؟ يلا روحي نضفي الأوضة وبعدين تجيبيلي العصير في الجنينة. إسراء: تمام. خرجت إسراء وهي عمالة تشتم في ملاك في سرها. ملاك ابتسمت بشر. وفجأة دخلت كريمة. كريمة: دا إحنا هنوريها السواد وهنعرفها مين هي ملاك. ملاك بابتسامة: شكراً إنك وقفتي جنبي. كريمة: عيب عليكي، إنتي بنتي يا ملاك. اللي عملتيه فيكي هنعمله فيها بالظبط. ملاك: شكراً أوي يا ماما. كريمة: عادي يا حبيبتي.

إسراء واقفة في الأوضة مش عارفة تعمل إيه. فضلت تبص يمين وشمال. فجأة خطر على بالها خطة وابتسمت بشر. إسراء: عايزاني أنضفلك أوضتك؟ من عيني يا حبيبتي، هنضفهالك. وعملت اتصال سريع ونضفت الأوضة. ونزلت تحت. قدام الفيلا كان في واحدة مستنياها قدام الفيلا ومعاها صندوق. خدت إسراء الصندوق بشر وطلعت على أوضة ملاك. حطت الصندوق في الأوضة وربطته وخرجت بسرعة. ملاك: نضفتي الأوضة؟ إسراء بارتباك: أه أه نضفتها.

ملاك: تمام، جهزي الأكل بقى عشان فارس جاي تعبان. إسراء: تمام. ملاك نزلت الجنينة وعمالة تفكر لي إسراء فعلاً سمعت كلامها. قاطعها تفكيرها. فارس بحده: هو حضرتك معلومكش إن غلط تلبسي اللي إنتي لابساه ده برا الأوضة؟ كانت لابسة دريس تحت الركبة بشوية وشوز أبيض وفارده شعرها. ملاك: أفندم!! إنت شايفني لابسة حاجة غلط مثلاً؟ فارس: حذرتك كام مرة على لبسك ده، صح؟ متلوميش نفسك على اللي هيحصلك بقى. وكان بيقرب منها.

ملاك بخوف: خلاص مش هلبس كده تاني، آخر مرة والله. فارس شدها من شعرها: شعرك ده إياكي تخرجي بيه تاني وهتتحجبي ومن النهاردة مفيش اللبس اللي بتلبسيه ده تاني. ملاك بعياط: طب سيب شعري، إنت بتوجعني. فارس شده أكتر: إنتي سامعة أنا قولت إيه! ملاك بشهقات: أ أا اه سس س سامعة. فارس ساب شعرها. وشها كان أحمر من العياط ومستمرة في العياط. فارس خدها في حضنه. فارس: خلاص طيب، أهدي. أنا آسف. كل ده وكانت هدى شايفه اللي بيحصل وبتتبسم بشر.

ملاك زقته: أنا بكرهك، بكرهك. وطلعت تجري على الأوضة. فارس لنفسه: إيه ده يا فارس، مالك بتعتذر ليها ليه؟ إنت عمرك ما اعتذرت لحد. بس هي اللي غلطانة برضه. وطلع ليها الأوضة. دخل فارس اتفاجئ بالمنظر. لقي ملاك واقفة على السرير بتعيط وتعبانة. عمال يقرب منها. ملاك بعياط: فااارس، أنا خايفة. ابعده عني ونبي. فارس: أهدي طيب. قلع فارس القميص ورماه عليه وفضل يموت فيه لحد ما مات. (الثعبان كان حجمه صغير يعني مش كبير قوي)

جريت عليه ملاك وحضنته. فارس بتوتر: متخافيش. ملاك بخجل: ش شكراً. إسراء قاعدة في الأوضة فرحانة. إسراء لنفسها: يا رب أخلص منك بقى عشان أتجوز فارس وأخد الأملاك وكل حاجة تبقى ليا. يا متى اليوم ده هييجي. تليفونها رن. إسراء: ألو يا ماما. سامية: إيه اللي حصل يا بت؟ إسراء: مخبرشي، لسه مسمعتش صوت حتى يا ماما. سامية: يخيبة لو الخطوة دي متنجحش. إسراء: هتنجح يا ماما، حتى لو منجحتش هنفضل وراهم لحد ما يتفرقوا.

سامية: أيوه كده يا بت، عليكي نور. إلا قوليلي يا بت عرفتي تحطي السلة كيف؟ إسراء: احم.. أصلي أنا نضفت الأوضة ليها. سامية: وإيه وإيه.. نضفتي إيه يا أختي؟ وإنتي تنضفيلها ليه عاد؟ إسراء: الصراحة يا ماما قالتلي لو مروقتلهاش الأوضة هتطردني. سامية: لا مستحيل ملاك تعمل كده.. دي غلبانة، أكيد مش هتعمل كده. إسراء: مخبرشي يا ماما بس قالتلي كده، فكان لازم أوافق. سامية: طيب يا بتي خلي بالك بقى وفتحي عينك كده. إسراء: حاضر.

ملاك: ممكن تشرب العصير ده؟ فارس: حطالي فيه سم أكيد. ملاك: لا والله. فارس ابتسم: بهزر معاكي. ملاك ابتسمت: هه تمام، اتفضل. شرب فارس العصير وشكرها ونزل تحت. وبعدها نزلت ملاك قعدت في الجنينة. رحمة: بخخ. ملاك: عوو. رحمة: إيه الزهق ده؟ متيجي نلعب. ملاك: نلعب.. موافقة أوي. سلوي: بتعملوا إيه؟ رحمة: هنلعب، تعالي العبي معانا. هروح أنادي النكديين اللي جوه يلعبوا معانا كمان. سلوي بضحك: خلصانة. راحت رحمه ندهت هدى وإسراء وفارس.

هدى: في إيه! سلوي: ندهتيني ليه يا رحمة؟ يخربيتك. هدى: بتقولي إيه؟ سلوي: احم، ولا حاجة. هنلعب، تلعبوا؟ هدى: لعب إيه ده؟ هو إنتوا أطفال؟ سلوي: يا ستي هتلعبي ولا إيه؟ فارس راح قعد جنب ملاك وغمزلها. هدى شافتهم اتضايقت وقالت: أيوا هلعب. كل ده وإسراء مصدومة إزاي ملاك عايشة. فاقت من سرحانها على. رحمة: يا بنتي رحتي فين؟ إسراء: ها.. بتقولي إيه؟ رحمة: بقالي ساعة بقولك يلا تلعبي. إسراء: اها تمام. رحمة: ها، نلعب صراحة أو تحدي؟

سلوي: تمام، يلا. بتلف رحمة الإزازة بتيجي على ملاك. فارس: تحدي ولا صراحة؟ ملاك: صراحة. فارس: حبيتي قبل كده؟ ملاك بابتسامة: أيوه حبيت وعشقت كمان. فارس: مين! ملاك: لا، سؤال واحد وأنا جاوبت. بتلف هدى الإزازة وبتيجي على رحمة. سلوي: تحدي ولا صراحة؟ رحمة بضحك: تحدي. سلوي: اممم.. هتاكلي معلقة شطة عليها خل. رحمة: طيب ماشي. وقامت جابت معلقة شطة وعليها خل وكلتها. فارس: عاااش. سلوي: هههه. رحمة: يعع يخربيتك.

: أنا جيت يا عيال، وحشتوني.