رواية الملاك والشيطان والرومانسي الفصل الثاني عشر 12 - بقلم مريم حسن سليمان

ملاك: من برا بريئة ومن جوا شيطانه. هعمل فيكي كل اللي عملتيه معايا بالظبط، هخليكي تترجيني وهخليكي تتمني الموت. ابتسمت بشر وجابت مايه من الحمام ورمتها في وشها. اسراء: آآآآآي، إيه ده؟ إيه اللي بيحصل؟ ملاك: معلشي يا حبيبتي، بصحيكي. اسراء: إيه الغباء ده؟ في حد يصحّي حد كده؟ ملاك: آه، وماله. ما أنتي كنتي بتصحيني كده، فاكرة ولا أفكرك؟ اسراء: ..... ملاك: إيه، القطة بلعت لسانك ولا إيه؟

اسراء: لا، مبلعتوش. أنتي نومك تقيل جوي، فكنت بصحيكي كده. ملاك: استحملي بقى يا روحي، أوكي؟ علشان كل يوم من ده. غمزت لها وكملت كلامها: يلا علشان تنزلي تطبخي بقى. اسراء: نعممم! أطبخ؟ ما الخدم تحت عاد، أطبخ ليه؟ ملاك: هو أنا مقلتلكيش صحيح، أصل بدرية اديتها إجازة، ومن النهارده أنتي اللي هتطبخي. اسراء: لا يمكن أطبخ! بعدين أنا ضيفة هنا، إزاي تقوليلي أطبخ والكلام الفارغ ده؟

ملاك: معلشي يا روحي، استحملي شوية. أصل هنا مفيش حاجة اسمها ضيفة. اسراء: إيه الهزار الفارغ ده؟ أنا مبحبش كده، يلا اخرجِ برا واقفلي الباب وراكي. ملاك: خدي بالك وأنتي بتتكلمي مع أسيادك، أوكي يا حبيبتي. اسراء بحقد: أنتي نسيتي نفسك ولا إيه؟ لو نسيتي نفسك، فأنا هفكرك. ملاك قاطعتها وهي بتقعد وتحط رجل على رجل: ده كان زمان يا روحي، أوكي؟ دلوقتي أنا ملاك هانم، هتقوليلي إيه؟ ملاك هانم. وكملت بزعيق: مفهومم!!

اسراء اتخضت: واتجوزتي وبقيتي تتنكي عليا كمان؟ ده أنتي كنتي بتجيبيلي الماية لحد رجلي، أنا مستحيل أقولك هانم ومستحيل أطبخ، مستحيل أعمل أي حاجة تقوليلي عليها. مش أنتي على آخر الزمن تعملي كده فيا؟ ملاك: أوكي، تمام. معلش بقى يا حبيبتي، ممكن تتفضلي برا بيتي، ما هو أصلو مش هتقعدي في بيتي من غير ما تعمليلي حاجة. ملاك: يلا زي الشطورة كده، روحي نضفي أوضتي واعمليلي عصير. فلاش باك: اسراء: قومي، روّقي أوضتي واعمليلي قهوة. يلا.

ملاك: اسراء، أنا تعبانة من الصبح، مش هقدر أنضف تاني، وبعدين أنا مروقاها الصبح. اسراء: اتبهدلت، وبعدين أنتي بتعملي إيه أصلاً عشان تتعبّي؟ يلا قومي. أنتي مش هتعدي في البيت ومتعمليش حاجة. يلا بسرعة، مش عايزة كلام كتير. ملاك: معلشي، أنام شوية طيب. والله مش قادرة أقف على رجلي، والله تعبت. وفي الآخر بتقولوا مش بعمل. اسراء بزعيق: ما قولتلك قومي. ملاك: حاضر. باك: ملاك: بس بس... سرحتي لفين؟ اسراء: ها؟ ولا حاجة.

ملاك: أوكي، يلا روحي نضفي الأوضة. اسراء: هو فارس هناك؟ ملاك بغيره: وأنتي بتسألي على فارس ليه، ها؟ يلا روحي نضفي الأوضة، وبعدين تجيبيلي العصير في الجنينة. اسراء: تمام. خرجت اسراء وهي عمالة تشتم في ملاك في سرها. وملاك ابتسمت بشر. وفجأة دخل حد عليها وهو بيبتسم بشر وقال: الشخص: ده إحنا هنوريها السواد وهنعرفها مين هي ملاك. اسراء واقفة في الأوضة مش عارفة تعمل إيه، فضلت تبص يمين وشمال. وفجأة خطر على بالها خطة حلوة.