رواية الملاك والشيطان والرومانسي الفصل الثامن والثلاثون 38 - بقلم مريم حسن سليمان

كريمه: طيب يبنتي ابقي طمنيني عليكي. جريت اسراء بسرعة وهي خايفة ملاك توصل قبلها. وفجأة بتبص على البيت لقت الباب موارب. دخلت بسرعة لقت ملاك واقفة قدام سامية باستغراب. سامية بارتباك: انتي جيتي يملاك؟ ملاك: أيوه. سامية: ونتي جيتي امتى؟ ملاك: لسه واصلة. سامية: دني لسه واصلة جبلك بشوي وكنت هخبر اسراء. اسراء وهي بتنهج وارتباك: نورتي يما. سامية: تسلمي. ملاك ابتسمتلهم ودخلت على الأوضة وقفلت الباب.

سامية بهمس: انتوا أي اللي جابكوا؟ اسراء: مخابرشي يما. هيا جت ليهه بس أني اتخضيت زيك أكده. سامية: يبااااي عليها أكده موش هنعرف نكمل الخطط. اسراء: منها لله. أني مخابرشي هنعمل أي دلوك. سامية بسخرية: أني مخابرشي هنعمل أي دلوك. أيوي يختي مهو ده كله بسببك. أجولك اخلصي نفذي تجولي حاضر ومتنفذيش. اسراء: مخابرشي أي الي كان بيمنعني يما. طيبين جوي معاي والله.

سامية: أوعي الشيطان يلعب بعقلك يبت. لاء أكده هتشودينا فداهيه. أني هفكر فخطه تانيها. اسراء: لقيتها يما. سامية: هتعملي أي؟ اسراء بغمزة: سبيها عليا. سامية بخبث: ماشي يبنت بطني. في الدوار والكل مجتمع على السفرة. رضوان: تروح ترجع مراتك بكرة يا فارس. فارس ببرود وهو بياكل: محدش جبرها تمشي عاد. هيا مشت بكيفها. رضوان: واحنا معندناش حرمة تغضب. تروح ترجعها بكرة وده آخر كلام. فارس ببرود: لو مجتش مليش دخل. وهيا مرة.

رضوان: هترجع. هيا بتحبك. بس انت تعامل معاها عاد. فارس: عادي بعد اللي عملته ده. سكت رضوان وفارس قام بغضب. وفي اليوم التالي خد دش ولبس وراح لها فعلاً. اسراء بابتسامة: اتفضل. فارس متبادل الابتسامة: شكراً. سامية خرجت: مين يبت ي اسراء؟ اسراء: ده فارس. خرجت سامية مسرعة. سامية: منور يفارس بيه. فارس باستغراب: هو حضرتك مش كنتي مسافرة؟ سامية: أيوه. مني جيت امبارح. فارس بشك: امبارح؟ امس؟ سامية: هدخل أعملك حاجة تشربها.

فارس: لاء. أنا بس عايز أشوف مرتي. ينفع؟ سامية بحقد: في الأوضة اللي في الوش. فارس خبط على الأوضة بس مردتش. فتح الباب براحة ودخل وقفله. لقاها نايمة. دموعها على خدها وصورته جنبها. ابتسم تلقائياً. وكان بيقرب يحضنها بس افتكر اللي هيا عملته. تراجع تاني واتكلم بصوت رجولي عالي نسبياً. فارس: ملاك. ملاك: قامت بسرعة: فارس. أنت هنا ولا أنا بتخيل؟ فارس: قومي البسي ويلا عشان ترجعي الدار. ملاك بزعل: لاء. مش عاوزة.

فارس ببرود: مبحبش أعيد كلامي. هتيجي؟ ملاك بغموض: لاء. أنا خاينة ومستهلش حبك صح؟ ولا إيه؟ فارس ببرود وهو بيلبس نضارته: صح. وسابها وخرج. ركب العربية ومشي. اسراء دخلت بسرعة. اسراء بطيبة مزيفة: ملاك. ليه مروحتيش معاه؟ ده فارس طيب. ملاك: معلش ي اسراء. أنا عاوزة أنام. اسراء بغضب: أومال كنتي بتعملي إيه دلوقت؟ وسابتها وخرجت. بعد مرور الأيام على أبطالنا. جاء موعد عقد القران. جاء موعد الفرح.

جاءت بعض النساء المسؤولين عن تجهيزات الفتيات وبدأوا في تجهيز الفتيات. رحمة: بلاش تتقلي الميك اب ي زينة. زينة: حاضر يا هانم. هدي: يولاه شكلي حلوة؟ حاسة الفستان منفوش أوي. رحمة: لاء. جميل خالص. زينة وباقي الفتيات: شكلك جميل والميك اب تحفة. هدي: احم احم. عارفة. ههه. كريمة بتخبط: يلا يولاه. المعازيم وصلوا. وبعد مرور الوقت نزلت هدي وسليم ومحمد ورحمة. فارس كان واقف برا بيسلم على اللي داخلين. : مبروك يا فارس بيه.

فارس بابتسامة: الله يبارك فيك. : مبروك يا فارس بيه. عقبال فرحتنا بالنون. فارس: إن شاء الله. الله. وفجأة شافها وهي داخلة بتبتسم رغم الحزن اللي جواها. أقل ما يقال عنها أميرة. دخلت وبصتله بابتسامة باهتة. ملاك: مبروك. فارس بتوتر: اااالله يبااارك فييك. سابته ودخلت وراحت تسلم على العرسان. بتسلم على رحمة وبتحضنها. ملاك بابتسامة: مبروك ي روحي. رحمة بفرحة: الله يبارك فيكي. كنت حاسة إنك هتيجي. ملاك: هو أنا أقدر مجيش.

ملاك: مبروك يا محمد. مبروك يا سليم. محمد/سليم: الله يبارك فيك. ملاك بتحضن هدي. ملاك: ي روحي. مبروك. فرحتلكو حقيقية. هدي: كنت عارفة إنك هتسمعي كلامي وهتيجي. شكراً يا ملاك. ملاك: الاهه. هو في شكر بينا يا كلبة؟ ضحكت هدي والكل اجتمع. وكانت الأنوار والزينة تملأ المكان. والفرحة والسعادة منتشرة في كل مكان. وصل المأذون وانطلقت زغاريط النساء وطلقات مسدسات الرجال. الكل اتجمع حوالين المأذون. المأذون: يلا يا بني مين الأول؟

رضوان: أي حد يا شيخنا. عقد قران سليم وهدي أولاً. ثم محمد ورحمة. والتقطوا بعض الصور العائلية. واشتغلت الأغاني وكانوا كلهم بيهيصوا بفرحة. وباين على العائلة إنهم فرحانين والناس مبسوطة. وفي اللي بيحقد عليهم. طلعت ملاك بهدوء برا عن الدوشة وقعدت برا سرحان. جه فارس من وراها. وغصب عنه قلبه حن ليها. فارس: مبسوط إني شوفتك. فارس: عارفة إنك كنتي جميلة أوي النهاردة؟ ملاك بابتسامة وفرحة: بجد؟

فارس: أنا كنت مركز في ضحكتك ولون عينك. وبجد قلبي كان بيرفرف كده. كل ما تضحكي. إنتِ إزاي حلوة كده.