رواية الملتزمة الصغيرة الفصل الرابع 4 - بقلم سمر ابراهيم

أميرة أول ما دخلت انصدمت من محمود جوزها ماسك سكينة وسكران. محمود وهو سكران: مش معاكي فلوس؟ طيب إيه رأيك ندبحك ونطلع فلوس. أميرة حاولت تجري بره البيت بس هو لحقها وقفل الباب ومسك نفس وحط السكين على رقبتها. أميرة: أهي الفلوس خدها. محمود ساب نفس وأميرة شدتها للاوضة وقفلت الباب وطلعت التلفون بتاعها واصلت على ياسر النديم "الجد". أميرة: آلو ي بيه. أويس كان في أوضة جده بس الجد طلع بره. أويس: إيه دا؟ أم نفس؟

هو الرقم بتاعها بيعمل إيه عند جدو ومتصلة بيه ليه في وقت زي دا؟ أويس: آلو. أميرة: أويس بيه الحقنا أرجوك جوزي عايز يقتلنا أنا ونفس وهو سكران. أويس: طيب أنا جاي، صوتي لمي الجيران. أميرة: محدش بيجي منهم، أرجوك بسرعة الباب خلاص مش متحمل. أويس: خليكي معايا، حاولي تخبي نفس في مكان، وقفي ورا الباب. أميرة: حاضر، بس بالله عليك لو جرى ليا حاجة نفس أمانه في رقبتك.

أويس: متقلقيش، نفس حتة من روحي مستحيل أتخلى عنها، بس خبيها كويس، أنا قربت أوصل. أميرة: ماشي، أنت فاكر البيت لما وصلتنا؟ أويس: أيوه فاكره. أميرة: نفس اتخبي هنا ي حبيبتي، لو حصل إيه أوعي تخرجي مهما حصل. نفس: لا ي ماما خديني في حضنك بالله عليكي بلاش تسيبني، خايفة أوي. أميرة: أنا هنا جنبك اطمني ي حبيبتي، وأويس جاي.

نفس: أويس عنده عضلات ي ماما، لما يوصل اخليه يضرب بابا ويخدنا معاه، هو قالي أن أنا بتاعته، وهو في حد بيسيب حاجة بتاعته. أميرة: نفس عيب الكلام دا، اسمعي كويس الكلام دا، لو حصل ليا حاجة حافظي على نفسك، أنت مش بتاعت حد فاهمة، أوعي تثقي في أي راجل مهما كان. نفس: حتى أويس ي ماما، دا جاب ليا شبشب جديد. أميرة: حتى أويس ي نفس، كل الرجالة كدابين. أويس كان سامع كل دا من التلفون وسايق بأعلى سرعة.

محمود عمال يضحك بصوت عالي: ي مرمر بتتخبي مني ليه بس؟ وكمان بتضحكي عليا؟ ماشي. وفضل يكسر في الباب وخلاص الباب أعلن استسلامه ونكسر. محمود ظهر بضحكة الصفرة: بخ، أنا جيت. أميرة زقت نفس تحت السرير ووقفت تدافع عن نفسها. محمود فضل يضربها وحي بتحاول تشيل السكين من إيده بس انجرحت وإيدها بتنزف. محمود: يلا ي مرمر ي حبيبتي، دا أنتي غبية، أنا بطلع منك فلوس ونبقى أغنياء.

أميرة: محمود حرام عليك فوق، كفاية أرجوك فوق عشان خاطري وخاطر نفس، مش هي دي اللي كنت منتظر أنها تيجي على الدنيا دي؟ نفس بنتك، أنت اللي سميتها نفس لأنك بتتنفس حبها ليك، إيه اتغيرت كدا؟ محمود: اسكتي بقى. وفضل يضرب فيها بالسكين طعنة ورى طعنة. أميرة وقعت على الأرض وصرخت بكل صوتها: ااااااااااااااااااااااااااااااااااااااااااه يا رب. نـ نفس بنتي. أويس بيسوق بأقصى سرعة والحراس وراه.

نفس تحت السرير عيونها مفتوحة على وسعهم، شافت أمها وهي بـ تتوجع وتحاول تكتم الوجع، لما شافت خوف بنتها حتى وهي بتموت بتفكر فيها، عيونهم جات في عيون بعض، نظرة قصيرة بس بتحكي كلام كتير ووعود، بس الوقت اتسرق منهم وطلع آخر نفس من أميرة. رفع جسمها كله لف وقالدم في كل مكان، وصل إيد نفس مسكت دم أمها وحركتها، انتشلت جسمها كله انتفض بخوف وزعر من المنظر. محمود على الأرض بـ

يمسك في الدم وبيضحك: هههههههه فلوس كتير، شفتي ي مرمر فيكي فلوس كتير أهي. أويس دخل هو والحراس اللي مسكوا محمود، وشعه وقف من بشاعة المنظر، بص لنفس لقاها سابته وماسكة الدم. أويس سحبها لحضنه وغمى عيونها وخرج من الأوضة ومن البيت ومن المكان كله. نفس: أويس أنت سبت ماما، أرجع خدها معانا. أويس: اششششش نامي ي نفس. نفس: ماما كمان نامت من التعب، صح؟ هي مش ميتة، قولي كدا.

أويس ساكت، ونفس صرخت بأعلى صوت، فضلت تصرخ كتير لحد ما أغمي عليها ونقلها للمستشفى. في فيلا النديم الكل متجمع، عامر وأحمد ومنال ومريم رجعوا من شرم الشيخ. بعد بوس واحضان وضحك. تفاؤل: مامي وحشاني اوووووي. عامر: وأنا ي توتو. تفاؤل: أنت شقطت المزة مننا ومشيت. عامر: شقطت مين؟ علمك الألفاظ دي؟ ي بت دي المدرسة بتاعتك أعلى مستوى. تفاؤل: نفس روحي هي اللي علمتني. عامر: مين نفس دي؟

مصطفى: اللي خطفت قلب جدو، ولو غابت يوم يولع فينا كلنا. أسد: وشكله كدا في فرح قريب. الجد: هههههههه، طب بس نفس توافق، وأنا أكون متجوزها وكاتب ليها الشركة باسمها. مريم: ليه كدا ي كبير؟ والعيال دي تتشرد؟ مش حابب تجوز أحفادك وتفرح بيهم؟ فهد: إحنا عيال ي ماما، حيل أننا كلنا مهندسين وإدارة، والشركة كانت علينا طول فترة غيابكم. عامر: صح ي بابا، مين أفضل واحد عجبك شغله من الشباب؟

الجد: أويس، مع أنه أصغرهم، بس كلهم سابوا الشغل عليه، هو فين الواد دا؟ منال: طبيعي أبني أويس، ديماً رافع رأسي كدا، هو فين؟ وحشاني موت. فرح: كان خارج يجري ي طنط، حاولت أوقفه مشي وسبني. منال: هههههه، دا الطبيعي، هو ديماً منفض ليكي. مريم: فرح يلا على أوضتك، وأنتي ي ست منال هو ابنك كان رئيس الوزراء؟ ما تهدي اللعب شوية. منال: مش هرد عليكي وأنزل من مستوايا. مريم: هو مستواكي ناقص انحطاط أكتر من كدا.

الجد: طيب اضربوا بعض قدامنا، وكل وحدة تحط لسانها في بقها، شكلكم نسيتوا الأصول يا هانم منك ليها. مريم: ي عمي أنت... الجد: بس مش عايز أسمع صوت تاني، عامر أنت وأحمد كل واحد يشد على مراته، واللي ما تحترمش وجودي ملهاش مكان هنا بعد كدا. عامر: حقك عليا ي حج، آخر مرة تتكرر. الجد: مصطفى رن على أخوك، خد تلفوني معاه، شكلة طمعان فيه. أويس: أيوه ي مصطفي. مصطفى: فينك يبني؟ جدك تاهمك في التلفون بتاعة. أويس: أنا في المستشفى مع نفس.

مصطفى: ليه مالها؟ ومال صوتك أنت بتبكي؟ أويس: مصطفى نفس بتضيع مني، أبوها قتل أمها قدمها وهي انهارت بين إيديا، مش عارف أتصرف، تعالى على العنوان دا. مصطفى: طيب خمسة وأكون عندك. الجد: في إيه ي مصطفي؟ نفس مالها؟ مصطفى: لا حول ولا قوة الا بالله، أبوها قتل أمها ي جدو، وهي دلوقتي في المستشفى مع أويس. الجد: أويس فوق كدا وتكلم، حصل إيه؟ أويس: أخوها فين؟ لازم حد من العيلة يستلم الجثة من المشرحة. الجد: نفس فين دلوقتي؟

أويس: عندها انهيار عصبي، كل شوية تفوق تصوت، الدكتور أداها منوم. خالد: هو في إيه؟ أنا هنا. أويس بنفعال: أنت وأحد حمار، عارف أبوك بيسكر، سايب أمك واختك معاهم لوحدهم ليه؟ خالد: هو حصل إيه؟ أويس: أبوك قتل أمك يخويا. خالد وقع على الأرض من الصدمة وفضل يبكي. الجد: شد حيلك يبني، دا أمر الله. خالد: نفس أختي فين؟ الجد: نفس نامت، يلا نستلم الجثة ونجهز الدفن على نطلع بيها على ظهر الجمعة.

بعد انتهاء اليوم والدفن والتحقيقات، أويس في أوضة المستشفى مع نفس. الجد: يلا يا أويس على البيت ارتح شوية. أويس: لا ي جدو، أنا هفضل معاها، ارتاحوا أنتم، ولما تفوق اجيبها واجي. خالد: تاخدها فين؟ أنت عبيط؟ يلا. أويس: قسماً بالله اقتلك، أنت ليك عين تتكلم؟ ي عاطل ي فاشل أنت. الجد: أهدى ي أويس، وأنت ي بني نفس مش هتتحمل تعيش في البيت دا تاني بعد اللي حصل، وأنت راجل بس نفس محتاجة عيلة تتربى وسطها. خالد: أنت بتقول إيه؟

أسيب أختي مع عيلة لوحدها. عامر: لا تعالى بس افهمك بره لوحدنا. خالد: قول اللي عندك. عامر: من الآخر عايز كام؟ خالد: ههه، أحبك وأنت فاهمني، تلاتين ألف جنيه. عامر: ماشي، اهو شيك تصرفه بكرة، بس مش عايز أشوف وشك تاني، فاهم؟ خالد: اشطا، حلال عليك نفس، سلامو عليكم. أويس: دفعت للكلب دا كام ي بابا؟ عامر: تلاتين ألف، شكل نفس غالية عليك اوي ي حج. الجد: نفس من انهاردة حفيدتي زي أي واحد فيكم.

أويس: جدو أنا عايز اتكفل بكل مصاريف نفس. أسد: اشمعنا أنت يعني؟ كلنا بنحب نفس ومعانا فلوس. أويس: احترم نفسك، إيه تحبها دي؟ أنت ملكش دعوة بيها خالص. الجد: لا اضربوا بعض وأنا واقف. أويس: آسف يا جدو، بس أنا وعدت أم نفس قبل ما تموت إني اتكفل بكل حاجة تخص نفس. الجد: ماشي ي أويس، وأنت ي أسد بطل عند وخف شوية. أسد مشي وهو مضايق. نفس فاقت وفتحت عيونها لقيت العيلة كلها حواليـها، حتى تفاؤل وست معاها اللي هي مريم. نفس: ماما.

الجد: ي سلام، الدنيا كانت وحشة اوي وأنتي تعبانة ي نفس، يلا قومي كدا وقولي ي راجل ي عجوز. نفس: هي ماما خلاص ي جدو راحت عند ربنا. مريم: بس ي حبيبتي بلاش عياط، ربنا يجمعك بيها في الجنة. نفس: طيب أنتم حطتوها في القبر والضلمة لوحدها؟ هي بتخاف من ظلامات القبر، ممكن تاخدني عندها ي جدو؟ أويس: أنتي فوقي وأنا اخدك عندها. نفس: هو أنت خدت بابا فين ي أويس؟ أويس: هو في السجن دلوقتي، متخافيش مش هيخرج تاني.

نفس: طيب خدني عند ماما، عايزة احكيها حاجات كتير. مريم: طيب إيه رأيك نقرأ ليها قرآن من هنا؟ نفس: لا ي طنط دا مش صح، هو إحنا بناخد العقيدة بتاعتنا من فين؟ من القرآن والسنة ولا من كلام الناس؟ مريم: من القرآن والسنة ي حبيبتي. نفس: طيب هاتي كدا آية أو حديث بيقول نقرأ قرآن للميت؟

مفيش خالص، ودا كلام العلماء مش كلامي، النبي لما قال "وولد صالح يدعوا له" مش يقرأ ليه قرآن، اللي بيوصل للميت الصدقة والدعاء، غير كدا كلام اخترعته الناس مش ثابت. مريم: حتى سورة الفاتحة. نفس: حتى سورة الفاتحة، الكل بيقرأها للميت، في الحقيقة مفيش حتى حديث واحد يقول إن القرآن بيوصل للميت. الجد: نفس إيه رأيك تعيشي معايا ديماً واسيب الشغل على العيال دي ونفضل نقرأ أنا وأنتي مع بعض. نفس: بس هو خالد أخويا فين؟

المفروض ياخدني معاه، مش أنا أخته. مريم: هو جه وفضل عشان ياخدك، بس احنا حبين تعيشي معانا. تفاؤل: أيوه ي نفس نعيش مع بعض وتروح المدرسة مع بعض. نفس: بلاش تضحكوا عليا، هو أكيد فرح أنه وأخيراً يرتاح مني ويفضل يكلم في بنات براحته، ربنا يهديه. أويس: طيب إيه رأيك نرجع للفيلا انهاردة. نفس: لا عايزة أروح قبر ماما الأول وادعي ليها كتير، ممكن دلوقتي الملائكة تكون بتسأل فيها، ربنا يثبتها وقت الدعاء. أويس: ماشي.

مريم: أنا جاية معكم. الكل راح ونفس قعدت على التراب وفضلت دموعها تنزل بصمت والكل بيبكي. نفس: ماما أنا خلاص قربت أختم القرآن، فاضل نص سورة بس، كنت عايزة أحتفل معاكي، طيب دلوقتي مين ياخدني في حضنه ويحكي ليا قصة الصحابة وأمهات المؤمنين كل يوم؟ مين لما أحس بالبرد ياخدني في حضنه ويطبطب عليا. نفس فضلت تدعي ليها بالرحمة والمغفرة والثبات والكل بيبكي.

نفس: بس خلاص ي ماما بنتك قوية، هي فترة ضعف قصيرة كدا وترجع نفس تاني زي الأول واقوى. ”مش هروح على قبرك أبكي وحكي ليكي على اللي فيا ولو هضعف بعد منك وعيش حياتي على الأسية هو دا كان وعدي ليكي إني أكون بعدك قوية غصب عني ي أمي ضعفي والدموع بـ تسيل من عنيا وانهياري مش بإيدي دي الحياة قسيت عليا قلبي متحملش بعدك الصدمة كانت عليه قوية مهما حاولت إني اداري ضعفي ظهار من عنيا أمنيتي أنك ترجعي حضنك يهون عليا”