رواية المراد الفصل الرابع 4 - بقلم ملك بكر

وقفها وهو بيقولها: استني هنا رايحة فين؟ ليله: رايحة شغلي. مراد: انتي لسه تعبانة. ليله: أظن أنا اللي أحدد سواء كنت تعبانة ولا لأ، مش انت؟ مراد: طب متروحيش بعربيتك، اركبي معايا. ليله: لأ. مراد: أنا بعرفك، مش باخد رأيك... عندك معاد انهارده؟ ليله: آه... الساعة اتنين. مراد: طيب كويس... لو عايزة توقفيها ومتروحيش وحاسة إنك اتحسنتي ممكن متروحيش. ليله: لأ، هروح وأكمل...

بس ياريت تسيبني في حالي وتشوف عروستك وتحضر لفرحك يا عريس. مراد: يلا عشان منتأخرش. في الشركة دخلت ناهد لليله وقالتلها: تسنيم كانت عايزة، بس أنا مشيتها. ليله: أحسن... الواحد مخنوق أوي يا ناهد... وحاسة إن الدنيا وحشة. ناهد: فترة وهتعدي... أهم حاجة إنك تثبتيله إنك قادرة تعيشي من غيره... انبسطي واخرجي واعملي اللي انتي عايزاه. ليله: مش قادرة... أنا بجد تعبانة. ناهد: دي حاجة طبيعية...

بس هي فترة صغيرة بس اللي تزعلي فيها وبعدين ارجعي لطبيعتك. ليله: ربنا يسهل... عندنا شغل إيه انهارده؟ عند الدكتورة ليله: اهتمام مراد بيا كان أكبر إنجازاتي... من وأنا صغيرة وأنا متعلقة بيه... وأي حاجة أنا عايزها بطلبها منه... اللي بينا كان أكبر من الحب... تخيلي إني أعرفه من أول يوم ليا في الدنيا... على قد ما هو شخصية باردة شوية بس بفرح أوي لما بخرجه عن شعوره... أنا الوحيدة اللي بخرجه عن شعوره أصلاً...

تسنيم ظهرت في حياتنا من وأنا في الثانوي... هي أكبر مني بسنة... دخلت حياتنا يوم 2015/7/19... ومن وقتها والحياة اتغيرت... أو تقدري تقولي إن أنا اللي اتغيرت. فلاش باك خيرية: تعالي يا ليله ويا ملك ويا مليكة سلموا على طنط ماهيتاب وتسنيم. سلموا عليهم وخيرية قالت لولادها ياخدوا تسنيم ويقعدوا معاها وخرجوا الجنينة. ليله كانت مع مليكة بعيد عن ملك وتسنيم شوية: مش عايزة أقعد معاها، حاسة إنها تنكة. مليكة: يا ستي شوية وهتمشي.

ليله: بس أول مرة نشوفهم يعني... عمر ماما ما حكت عنهم. مليكة: تلاقيها صاحبتها من زمان. _: حبايبي المقطقطين. كان صوت مراد اللي جه من وراهم. ليله جريت عليه واتشعلقت في رقبته: مراد... شفت مين عندنا. مراد: مين؟ ليله: صاحبة ماما وبنتها الرخمة. مراد: وهو انتي اتعاملتي معاها عشان تقولي عليها رخمة؟ ليله: انت أصلاً لو شفتها مش هتحبها. مراد: وانتي إيه رأيك يا مليكة؟ مليكة: والله دمها واقف بس أهو شوية وهتمشي. مراد: اممم...

أومال ملك فين؟ ليله: قاعدة معاها. مراد: أهي ملك اللي جدعة فيكوا وبتعرف تتعامل مع أي حد. مليكة: ماما اللي قالتلنا اقعدوا معاها بس إحنا خلعنا ودبسنا ملك. مراد: يا اندال... تعالوا نشوفهم. راحوا وملك قامت بدور إنها تعرفهم على بعض وليله مأنكشة في مراد جامد. وتاني يوم نزلت ليله من أوضتها بدري ودخلت تفطر معاهم واتفاجئت إن تسنيم هي ومامتها قاعدين معاهم. ليله باستغراب: صباح الخير. ردوا

عليها التحية وخيرية قالت: اقعدي يا حبيبتي وأنا هطلع أصحّي مراد. دخل مراد: أنا صاحي من بدري وجاهز... إحنا عندنا ضيوف ولا إيه؟ خيرية: ضيوف امبارح يا حبيبي... أصل طنطك سعاد أخدت فيلا في الكومباوند اللي جنبنا. مراد: نورتوا والله. سعاد: بنورك يا حبيبي. مراد: خلصتي فطارك يا ليله ولا هتأخريني كالعادة. ليله: أكلت خلاص... يلا بينا. باك ليله: ومن ساعتها مشوفتش يوم حلو...

متعرفيش أنا مفتقدة يوم من الأيام اللي كنت عايشاها قبل ما تدخل حياتي وتدمرها كده... مراد من حقي أنا... أنا اللي أعرفه قبلها... أنا اللي تمنيته قبلها وأكتر منها... أنا اللي المفروض أكون مراته مش هي... أنا اللي المفروض عياله يقولولي يا ماما مش هي... إزاي ممكن أحلامنا تروح لناس عمرهم ما حلموا بيها. إيمان: لسه النهاية مجتش يا ليله... خلي عندك ثقة في نفسك... أنا عارفة إنك قوية بس ده مش كفاية...

لازم أساساً تقابلي مشاكل في حياتك وتتعلمي منها. ليله: طب أنا تعبت انهارده... ممكن ننهي الجلسة. إيمان: آه طبعاً... بس مش عايزة كلمة منه تأثر عليكي وترجعك لحالتك الصعبة. ليله: متقلقيش أنا مبتهزمش بسرعة... ونعمل كل جهدي عشان أنهي الجوازة دي قبل ما تبدأ. إيمان: وأنا واثقة فيكي.