رواية المراد الفصل الثاني 2 - بقلم ملك بكر

ليله: يا ماما حاسه إني مخنوقه. : انتوا الاتنين غلطتوا، واظن إنتي أكتر واحدة عارفة مراد، وكلامك مكانش سهل. ليله: كلامي كان قاسي، بس هو اللي استفزني. : اتحملوا نتيجة غلطكوا. ليله: أنا مش فارقة معاه لدرجة إنه راح خطب تسنيم بعد شهر بس. : عشان هي اللي استغلت الفرصة صح. ليله: ماما، أنا هقولك حاجة. : قولي. ليله: أنا... أنا... قصيت شعري. : بتمحي كل حاجة مراد بيحبها؟

ليله: عشان أنساه، ويا ريت لو توافقي على طلبي، أنا طول عمري محرومة من ماما وبابا، وانتوا هتفضلوا عيلتي الأولى، بس أنا حابة أبعد، أسافر، بعد شهر أكون رتبت نفسي. : مش وقته يا ليله دلوقتي. ليله: بس متنسيش الموضوع. جه وقت الغدا وكانوا كلهم بيتغدوا. ملك: هو إنتي لابسة الكاب ليه؟ إحنا في البيت ومافيش شمس. ليله: أنا مرتاحة كده. بقولك يا ماما ممكن أروح لميار شوية. : قولي لمراد. ليله: ممكن. مراد: عاصم هيكون هناك؟

ليله: معرفش، بس أكيد يعني. مراد: يبقى لأ. ليله: لأ، أنا بعرفك إني هروح. على فكرة مش باخد رأيك، سواء كان عاصم موجود أو لأ، أنا هروح في الوقت اللي يناسبني. مراد: مش هتخرجي. ليله: هخرج وهعمل كل حاجة أنا عايزاها، وبعد كده مش عايزة تضايق عاصم عشان هو صديق كويس، مش عايزة أخسره. بعد إذنكوا. قامت طلعت أوضتها، وبعد شوية باب أوضتها خبط. ليله: ادخل. دخل مراد. ليله: أفندم.

مراد: أنا جاي أعتذر على تدخلي في حياتك، بس المفروض إني أعاملك زي أختي، وعلشان إنتي مش حابة الوضع ده، فأنا مش هتعامل معاكي تاني واعملي اللي إنتي عايزاه براحتك. ليله: وأنا كمان آسفة على كل حاجة عملتها وحشة في حقك يا ابن عمي. مراد: مش هتفرق. عموما من دلوقتي إنتي حرة في أي حاجة تعمليها. ليله: إنت بطلت تحبني؟ مراد: لأ، إزاي بقى؟ ده إنتي أختي الغالية. قال كلامه وخرج من أوضتها. عدى أسبوع. في شركة مراد.

دخلت ليله مكتب مراد من غير ما تخبط. ليله: يعني إيه مش موافق على عاصم؟ كان في اجتماع ووجه كلامه للي معاهم. مراد: طيب يا جماعة اتفقنا، الأسبوع الجاي إن شاء الله نتمم الموضوع، تقدروا تتفضلوا. خرجوا كلهم ومبقاش موجود غير مراد وليله. مراد: إنتي إزاي تدخلي من غير استئذان؟ ليله: عشان إنت مستفز. مراد: احترمي نفسك معايا بعد إذنك. ليله: إيه البرود اللي إنت فيه ده؟ إنت مش قولتلي إنك ملكش دعوة بيا؟ مراد: وحد قال عكس كده؟

ليله: ولما محدش قال عكس كده بترفض ليه خطوبتي من عاصم؟ مراد: لأ، إنتي فهمتي غلط. أنا رفضت أقابله لأني مش هكون فاضي، هيكون عندي ميعاد مهم، لكن اعملي اللي إنتي عايزاه، بس بعيد عني. ليله: وهو فيه حاجة أهم عندك من أخواتك؟ مراد: آه، تسنيم. ليله: م بلاش نضحك على بعض، إنت عارف إن تسنيم طماعة وعمرها ما حبتك، وك...

قاطعها: دي حاجة تخصني، وزي ما أنا مبدخلش في حياتك إنتي كمان متتدخليش في حياتي، ويا ريت متضايقيش تسنيم تاني، ومتدخليش مكتبي بالشكل ده بعد كده. لو خلصتي كلامك اتفضلي. خرجت من مكتبه بسرعة وراحت مكتبها، وبعد شوية دخلتلها تسنيم. تسنيم: عايزة ملف آخر صفقة. ليله: هبعتهولك مع ناهد. تسنيم: لأ، م أنا مجتش آخده بنفسي عشان تقوليلي تبعتيه مع ناهد. ليله: مش فاضيالك دلوقتي.

تسنيم: خلاص هاتيه بنفسك، ومتنسيش مؤتمر بكرة، وبلاش الكاب اللي إنتي لابساها دي. ليله: دي حاجة متخصكيش، اتفضلي بقى. بالليل كانت ليله في أوضتها مستنية مراد يرجع كالعادة، وأول ما شافه نزلتله. مراد: إيه اللي مصحيكي لحد دلوقتي؟ ليله: م إنت عارف إني مبعرفش أنام غير أما أطمن إنك جيت. مراد: قصيتي شعرك يا ليله. ليله: إنت... إنت عرفت إزاي؟ ماما قالتلك؟

مراد: أنا عارف أي حاجة إنتي بتعمليها من غير ما حد يقولي، وعارف إنك هتتخطبي لعاصم مع إنك مبتحبهوش عشان بس ترديهالي. ليله: على فكرة إنت فاهم غلط. مراد: أنا أكتر واحد فاهمك صح، وطبعاً بما إنك قصيتي شعرك، فإنتي كده مبقتيش تحبيني. ليله: وإيه اللي وصلنا لكده يا مراد؟ مراد: المفروض مين يسأل مين؟ أنا عارف إنك معذورة وأنا مش هعدي الموضوع، بس إنتي شكيتي فيا وقولتيلي كلام محدش ممكن يستحمله.

ليله بدموع حضنته وقالتله: أنا بحبك أوي يا مراد. مراد: ششش... اهدي، مش عايز أشوف دموعك. ليله: أنا ضيعتك مني. مراد: أنا موجود أهو. ليله: إنت مع تسنيم. مراد: بس أنا قلبي معاكي إنتي. يلا اطلعي أوضتك واجهزي للمؤتمر بتاع بكرة، ومافيش داعي للكاب دي. ليله: مراد. مراد: قلبي. ليله: أنا مبطلتش أحبك، وأنا بعد ما قصيت شعري لبست الكاب ومحبتش أقلعه غير لما يطول تاني. مراد: حصل خير. يلا تصبحي على خير.

تاني يوم صحيت بدري ووقفت قدام الدولاب تختار اللي هتلبسه، وباب أوضتها خبط. ليله: مليكة... أنا فرحانة أوي. مليكه: يارب دايماً، بس إيه السبب؟ ليله: حاسة إني فرحانة بجد. مليكه: هو إنتي معرفتيش؟ ليله: معرفتش إيه؟ بصي لو خبر وحش بلاش عشان حاسة إني طايرة. مليكه: هو خبر وحش بس لازم تعرفيه. ليله: لا إنتي كده قلقتيني، في إيه؟ مليكه: مراد. ليله قلبها انقبض وقالت: ماله مراد؟ مليكه: هو وتسنيم حددوا فرحهم بعد أسبوعين من دلوقتي.