رواية المشاغبة والامبراطور الفصل الحادي والثلاثون 31 - بقلم شروق مجدي

ندهت ناعسة لها. نظرت ندى ليونس بغيظ واتجهت للخارج. ناعسة بفرح: يلا نشوف العروسة ونلبس. اتجهت معها ندى بفرح. ودخلت للبنات والعروسة وهي فرحانة وجلست معهم. ظلت البنات تنظر لها باستغراب من ملابسها. وهي تنظر لهم بفرح لمظهر المكان الجديد عليها. بنت بهدوء: انتي منين وجوزك ده شغال إيه؟ نظرت لها ندى بفرح: ظابط قوات خاصة مقدم. ثم نظرت فجأة لها بصدمة ووضعت يدها على فمها بخوف: اااا احم بهزر هههههههههههه بهزر هو هو رجل أعمال.

نظرت لها ناعسة بخبث واتجهت للخارج سريعاً. ندى بتوتر: عن إذنكم ثانية. وخرجت. ثم رمت نفسها ليونس بخوف. ندى بخوف وتوتر: يونس. نظر لها باستغراب: في إيه؟ دخلت بتوتر: يلا نمشي اصل اصل... نظر لها بصدمة: هببتي إيه يا زفتة انتي. ونظر للخارج بهدوء وجد ناعسة ومعها بعض الأشخاص تتجه للخيمة. جذب يونس يدها بغضب. وجذب سكين من ملابسه وقطع الخيمة من الناحية الأخرى ورماها بها للخارج وهي ترمي نفسها معه. ندى بصدمة: استني يا يونس الفستان.

نظر لها بغضب وهو يرمي بها: اخرسي يا بت خاااالص. خفت من صوته ورماها معه في صمت. رجل بصوت عالٍ: الظابط اهو بيجري من هنا. نظر لها يونس بغضب: ظابط. روحي يا شيخة منك لله. ورماها به بسرعة إلى الحصان وحملها بقوة عليه ورماها للخارج بقوة. ظل رجل يضرب نار ليتوقف يونس. لكنه رماها بالحصان كالصاروخ حتى لا يلحق أحد بهم. ناعسة بغيظ: خسارة فيها شاب مثل الجمر والله. ابتعد هو كثيراً عنهم وتأكد أن لا يوجد أحد خلفه.

بدأ يهدئ من سرعته ونظر لها بغضب وجدها تبكي بصمت. يونس بغضب: عيطي عيطي ده اللي انتي فالحة فيه. قولتي ليه أنا مش قولت ما تكلميش. انتي ليه دايماً بتكسري كلامي. ليه دايماً بتعرضي نفسك للخطر. ليه ليه افهمي دماغك دي بيبقى فيها إيه. لو ما كناش لحقنا نهرب كانت تبقى مصيبة. كان زماني مت وحضرتك غازية عندهم مشاء الله. ردي عليا قولتي ليه لللللليه. ندى بوجع ودموع: رجلي يا يونس مش قادرة. توقف بخوف ونظر لها: مالها رجلك مالها؟

ظلت تبكي بوجع. نزل سريعاً وحملها برفق ووضعها على الأرض: مالك يا حبيبتي وريني. تحدثت بوجع: مش قادرة ااااه. نظر لها بارتياح: متخافيش ده جزع بسيط تلاقي وانتي بتجري اتجزعت. الحمد لله جت بسيطة. ثم نظر لها بتعب: شوفتي آخرت الجنان. ندى بدموع: ما كنتش أقصد والله. قولت بدون ما أقصد نسيت. آسفة. يونس بتعب: لازم تكبري شوية يا ندى مش كده. دي حركات عيال دي مش واحدة عاقلة أبداً. نظرت له بدموع وأغمضت عيونها بأسف.

نظر لها بحزن فهي مهما فعلت معشوقته وابنته المدللة ويعشق جنانها. اقترب منها واحتضنها بحب: آسف. حصل خير. قادرة نكمل ولا ترتاحي شوية؟ نظرت له بزعل: لا يلا نكمل. نظر لها بحب: خلاص بقى ما تزعليش. آسف وقبلها من خدها بحب: خلاص بقى عارف إن مش قصدك. أعمل إيه طيب نصيبي هههههههههههه. شوفتي عملتي المصيبة وأنا اللي بعتذر في الآخر هههههههههههه. ندى بحزن: وحش صح نصيبك. وحش. نظر لها بعشق: أحلى نصيب. ما كنتش أتمنى أحلى من كده.

الحمد لله إنها جت على قد كده. نظرت له بخجل واقتربت منه: بجد. تنهد هو ووقف: احم يلا بقى. نظرت له بغيظ: طيب. حملها برفق ووضعها على الحصان ورحل بها لمكان الشيخ بدران شيخ عرب قبيلة هناك يعرفها يونس جيداً تساعد رجال الشرطة كثيراً بسيناء. اتجه ياسين للداخل ونظر لها وجدها تجلس على الفراش تضم قدمها وتضع رأسها عليها وتبكي بقوة. جلس بجانبها ونظر لها بحزن: ريم. نظرت له بدموع وغضب: عايز إيه مش أنت عايز تسيبني جيت لي.

نظر لها بصدمة: أنا أنا عايز أسيبك أنا. ريم بدموع: أيوه أنت عارف الشغل بالنسبة ليا إيه. يبقى لي بقى تعمل كده. ياسين بحزن: والله خايف عليكي. انتي مش مراتي بس انتي حبيبتي وروحي كمان. مقدرش أتخيل إن حد يهددني بيكي. مش هعرف وقتها أفكر. هبيع كل حاجة عشانك المهم أنقذك انتي. مش هعرف أفكر تفكير عملي وقتها. مش هعرف. نظرت له بحزن وفكرت بكلامه فهو معه حق كل الحق. ثم تحدثت بتفكير: خلاص اتنقل فريق تاني. نظر لها ببرود: نعم ياختي.

لا طبعاً مش هكون مطمن أبداً عليكي. نظرت له بغيظ: ياسين أنا مش هسيب شغلي أبداًااا. ثم نظرت له بتفكير: بس ممكن أغلب شغلي يبقى من المكتب. نظر لها بتفكير: حلو ده. وأنا أخلي يونس يظبط الموضوع ده. ونظر لها بحب: آسف إني عملت كده بس أنا فعلاً خايف والله عليكي. ريم بحب: وأنا عايزة أرضيك مع إن بحب أنزل الأماكن أكتر. بس عشان خاطرك هعمل ده. اقترب منها بعشق: آسف إني زعلتك. نظرت له بدموع واحتضنته: أنا بحبك أوي يا ياسين أوي.

آسفة مقدرش أبعد عنك أبداً. نظر لها بعشق وووووو. نادر بضحك: انزلي بقى. نادين من شباك غرفتها الذي يطل على الحديقة: لا. نادر بضحك: مشي والله انزلي ما تخافيش. نادين بغيظ: وأنا أخاف ليه إن شاء الله. ده أنا أطبقه بإيدي فكك منه. نادر بصدمة: أطبقه وفكك. ههههههههههه طب تعالي طيب أقولك والله هأقولك حاجة حلوة. نادين بتفكير: أوكي استنى. واتجهت للأسفل له: نعم عايز إيه. نادر بحب: وحشتيني.

نادين بغيظ: ده على أساس إيه مش لسه كنت معاك أنا. بطل تحوير ياض. نظر لها بقرف: أنتي إيه يا بت ده. ما تكلمي برومانسية شوية. نادين بغضب: أنا كده بيئة إن كان عاجبك. اقترب منها بخبث: عاجبني أوي. ونظر لشفتيها بوقاحة. ابتعدت هي عنه بتوتر واكملت بغضب: في إيه مالك قلبت على حمدي الوزير كده. ما تتلم ياض اتلم. نادر بصدمة: اتلم وحمدي الوزير هي حصلت. واكمل بخبث: أنا غلطان كنت هاخرجك وأفسحك يا معفنة. نادين بفرح: وحياة أمك.

نظر لها بقرف: رجعت في كلامي خلاص. نادين بفرح: لا ونبي ونبي نفسي أخرج. أنا محدش معبرني خالص في البيت ده وعمري ما تفسحت أبداً أبداً. يلا بقى. نظر لها بحب: وأنا رحت فين ده أنا هخليكي تقولي نفسي أقعد في البيت بقى. نادين بفرح: بجد طب يلا طيب. نادر بحب: تحبي تروحي فين. نظرت له بفرح: نفسي أروح الملاهي أوووي. كنت بسمع عنها من العيال وفي التلفزيون. نظر لها بفرح: تصدقي ولا أنا روحت خالص.

نادين باستغراب: أنت كان عندك بابا وماما يبقى مرحتش ليه. نظر لها بضحك: أبويا كان بيحب الفلوس أكتر. ومابيرضاش يدينا فلوس نخرج. الله يرحمه بقى مش كل اللي معاه أب وأم مرتاح. ويلا بسرعة عشان نلحق. اتجهت للأعلى وهي ترمي بفرح. نظر لها باستغراب وحزن: جوه تلك المشاغبة المجنونة طفلة تحلم بالخروج للحياة. وعاهد نفسه أن يحاول إسعادها بكل الطرق. فهي بداخلها طفلة حزينة على ما مرت به في حياتها تحلم بالفرح مرة أخرى.

وصل يونس للمكان وهو يمشي برفق حتى لا يتعب قدمها من هزة الحصان. نزل وحملها بهدوء. ندى بوجع: ااااااااه. يونس ببرود: بطلي دلع دي بسيطة. نظرت له بغيظ: خلاص نزلني. نظر لها بحب: مش هتعرفي تمشي. الشيخ بدران بفرح وهو يتجه لهم: يا مرحب يا مرحب. يونس الهلالي عندنا نورتنا يا ولدي أهلاً بيك والله ما صدقت أول ما قال لي يحي ولدي إنك جاي انت ومراتك. أهلاً يا بتي مالها حملها ليه كده.

يونس بحب: انت كمان وحشتني يا راجل يا طيب والله أبداً. تعبانة بس رجليها اتجزعت ومحتاجين نرتاح أوي يا شيخ بدران. نظر لهم بفرح: البيت ينور بيكم يا ولدي. أنا جهزت البيت القبلي عشانكم. تعالى أوصلكم نورتنا. ندى بفرح وهي تنظر للمكان: بنورك يا حج حلو المكان أوي. الشيخ بدران بحب: هبعت لك بنتي معاها دهان إن شاء الله تبقى زينة وتتفرجي براحتك على المكان هيعجبك أوي. ندى بفرح: شكراً.

اتجه بها يونس لمنزل صغير من منازل البدو مخصص للضيوف كان بغاية البساطة والجمال ووضعها على الفراش برفق. اتجهت لهم فرح ابنة الشيخ بدران ودقت الباب. فتح لها يونس: أهلاً فرح ازيك. فرح: نورتنا يا يونس بيه. اتفضل ده الدهان وشوية وأجيب لكم الأكل. يونس بهدوء: طب تعالي اتفضلي شوية. فرح بخجل: شكراً. أبوي بيقولك نام وارتاح عشان بليل فيه حفلة لأجانب جايين. يونس بهدوء: حاضر شكراً ليكي. وأغلق الباب. ندى بغيظ: في إيه إيه ده.

تعالي واتفضلي وهي هي ومي مي إيه ده مش عامل احترام ليا. نظر لها ببرود: بت لمي نفسك واتكلمي عدل. وجلس أمامها وجذب قدمها له ووضع الدهان عليها وهو يدلكها لها برفق. وتحدث بهدوء: الدهان ده حلو أوي شوية وتبقى كويسة خلاص. بالمناسبة أنا قدمت لك في كلية هندسة وندى في تجارة عشان تتجوزي الأستاذ نادر بتاعها. ندى بفرح: بجد بجد أكمل دراستي والله بجد. يونس بهدوء وهو يدلك قدمها: أيوه بجد مش أنا وعدتك ولا إيه. المهم تبقي شاطرة بقى.

ندى بفرح: إن شاء الله شكراً أوي بجد شكراً. نظر لها ببرود: يارب نبطل جنان ونعقل بقى. نظرت له بحزن: أنا آسفة يا يونس والله ما قصد أقول إنك ظابط هي جت كده. نظر لها ببرود: خدي بالك بعد كده من تصرفك مش كل مرة هقبل أسفك وعديها. نظرت له بدموع: هتضربني. نظر لها بصدمة: أضربك. لا يا ندى عمري ما همد إيدي عليكي تاني أبداً أوعدك بده. بس هبعد عنك وهزعل منك ومش هكلمك تاني. نظرت له بصدمة: لا اضربني أرحم إيه ده.

نظر لها بحزن واتجه للكنبة ونام. ندى بصدمة: مش مش هتنام جنبي. نظر لها ببرود: لا وعايز أنام ممكن ولا إيه. وأغمض عيونه. نظرت له بدموع وحاولت أن تقف واتجهت للخارج وجلست على الكرسي بحزن وظلت تبكي. فتح هو عيونه ونظر لها بتعب ووقف واتجه لها وحملها برفق بين يديه. نظرت له بدموع وعتاب. اتجه بها للفراش ووضعها عليه ونام بجانبها ونظر لها. نامت هي الأخرى على الوسادة ونظرت له بدموع: انت مش عايزني يا يونس. صح.

نظر لها بشوق واقترب منها: ممكن تحضنيني. محتاج أنام بس بجد ممكن. نظرت له بفرح واحتضنته بحب وبادلها هو الحضن وراح بنوم عميق كأنه لم ينام من زمن فات. ونامت هي الأخرى بسلام. نادر يضحك بقوة عليها: يا مجنونة كفايه. ظلت هي تضحك وتصرخ وهم يركبون أحد الألعاب الضخمة بالملاهي. نزلت منها بضحك: يلا نركب دي يلا. نادر بتعب: كفاية يا نادين مش قادر. تعالي ناكل بقى ده إحنا ركبنا الألعاب كلها كل مرة تلاتة أنا جعاااان. نادين بغيظ: طفس.

طب أنا عايزة غزل البنات وآيس كريم. نادر بضحك: واخد بنت اختي أنا هههههههه. بصي يا كتكوته ناكل ساندويتش فيه حاجات تخلينا أقوياء أوي ونشرب عصير. وبعد كده أجيب لك ده ماشي يا بطة والا مفيش لعب. نادين بضحك وفرح: ماشي. وتمسكت بيده: يلا بقى. نادر بفرح: يلا يا روحي. نظرت له بخجل واتجهت معه. وظلت تأكل وتلعب وتجري وكانت بغاية الفرح وهو يشاركها هذا ولم يمل منها أبداً كان فرحان لفرحها فهي أبسط الأشياء تسعدها.

نادين بفرح: عايزة العروسة دي. نظر لها بحب ثم اتجه للمحل وجلب لها عروستين ودبدوب ضخم. وخرج لها: اتفضلي يا ستي. نظرت له بفرح: كل ده عشاني أنا. أنا شكراً أوي. واقتربت منه وقبلته من خده بفرح ورماحت بخجل. وضع يده على خده باستغراب وفرح: لا أخوكي لازم يرجع. أنا عايز أتزوج أنا كمان. خدي ياااابت ورماحت خلفها. فتح عيونه ونظر بتعب ووجد أن الوقت تأخر. نظر لها ووضع يده على خدها بحب: ندى حبيبي قومي بقى إحنا نمنا كتير أوي.

نظرت له بنوم: حلوة حبيبي منك. نظر لها بعشق وجاء يقترب منها ولاكن طرق الباب. وقف بتوتر واتجه للخارج: أهلاً فرح. فرح بخجل: جيت كذا مرة صح النوم. سخنت الأكل تلات مرات وأجي ليكم. جذب منها الأكل: تسلمي يا رب تعبناكي معانا. نظرت له: خد ده كمان لبس ليك ولعروسك عشان تحضري بيه الليلة. ندى وهي تخرج: شكراً يا فرح. فرح بحب: أهلاً يا ست البنات مشاء الله قمر هتبقي حلوة أوي بلبس ده والحفلة هتعجبك أوي. ندى بفرح: شكراً ليكي.

فرح بهدوء: عن إذنكم. أغلق يونس الباب واتجه للطعام: يلا أنا جعان أوي. جلست أمامه وبدأت تأكل معه. بعد قليل اتجه يونس للحمام وأخذ شاور وخرج وهو يرتدي سروال فقط. نظرت له بخجل وتوتر. اتجه ليرتدي الجلابية العباية الخاصة بالبدو وهو لا ينظر لها حتى لا تخجل منه: يلا ادخلي البسي انتي كمان. اتجهت بخجل وأخذت شاور وخرجت وهي تلبس روب قصير لمنتصف القدم وشعرها مفروض وينزل على وجهها. وابتسمت له: حلو الروب ده ههههه. نظر لها

بتوتر ثم نظر للجهة الأخرى: أه حلو لذيذ. احم هستناكي برا خلصي وتعالي. وفتح الباب وخرج ينتظرها بالخارج في الهواء: اففف اجمد يا يونس الحفلة انت جيت هنا عشان تبسطها اجمد كده. نظرت له بصدمة: هو بيتهرب مني ولا إيه. ومسحت دموعها بغيظ: ماشي يا يونس ماشي. ظل ينتظر إلى أن خرجت له. نظر لها بصدمة: إيه ده يا بوووووي هما البدو قمر كده. نظرت له ببرود: طبعاً أنت فاكر إيه. وأنت كمان حلو أوي في اللبس ده. هتتعاكس.

نظر لها بعشق كانت حقاً رائعة بملابس البدو وشعرها المفروض والبرقع على وجهها. جذب يدها بحب: رجلك كويسة. نظرت له ببرود: الحمد لله. مش يلا ولا إيه. يونس بحب: يلا. اتجهت معه للحفل كانت بها موسيقى البدو وبعض الأجانب وبوفيه يوجد به أكلات كثيرة وبعد أشخاص يقومون بشوي الخرفان. و أماكن لعمل الشاي على الفحم. و اسطبل به خيل يرمي ويرقص على صوت الأغاني. ندى بفرح: المكان حلو أوي أوي.

يونس وهو يضمها له بحب: كنت عارف إنه ها يعجبك أوي. المكان ده بسيط وجميل جداً جداً روعة أنا بعشقه. ندى بحب: وأنا كمان حبيته أوي أوي. جذبها من يدها واتجه بها للرقص مع الأجانب. وظلت هي ترقص معه بفرح وهو يبتسم عليها. ويعلمها بعد حركات رقص البدو وهي تقلده بضحك وفرح وترمي حوله وترقص بفرح. كانت في غاية السعادة معه. اتجه يونس لحصان وصعد عليه واتجه لها والحصان يرقص والكل يصفق بفرح لهم.

وحملها من خصرها أمامه وظل يضحك على خوفها وهو يتراقص مع الحصان بفرح. نادر بحب: عقبال ما نروح سوا بيتنا. ولا هتبقي عايزة فيلا زي ندى وريم. نادين بضحك: يا عم أنا كنت لاقية قفص حتى الحمد لله حلوة الشقة حلوة. نادر بحب: بكرة أخده تتفرجي عليها. نادين بغيظ: وحياة أمك. إيه الفيلم العربي المهروس ده. أنت منهم يلااااه قول كده وخروج وحوارات. نادر بصدمة: مهروس ومنهم. غوري يا بت غوري بدال ما أرزعك قلم. نادين بغضب: ترزع مين ياض.

لا بقولك إيه ده أنا نرجس. آه صحصح معايا. نادر بغيظ: طب غوري بقى غوري بوظتي أم الليلة. امشي. واتجه للعربية وجاء يرحل. نادين بحب: نادر. نظر لها ببرود: نعم. ابتسمت له: شكراً بجد فرحتيني أوي. ربنا يخليك ليا أنا أنا بحبك أوي. نظر لها بحب: ويخليكي ليا يا مجنونتي أنا. أنا بموت فيكي. الشيخ بدران: شايف العشق في عيونك يا ولدي. عمري ما شفتك كده ديما بتيجي مهموم. يونس بحب وهو ينظر لها من بعيد وهي مع

بنات البدو وتنظر له بخجل: فعلاً عشقت يا شيخ بدران عشقت. الشيخ بدران بحب: ومستني إيه. عينك ملهوفة عليها بشوق مش مراتك دي. خدها يلا قولها الكلام الزين ده. نظر لها بعشق: هي مبسوطة بالمكان. لما تزهق هتقول وندخل. بحبها مبسوطة. الشيخ بدران بضحك: قوم يا واد خد مراتك. هي أصلاً معاك مش مع البنات. والليلة خلاص خلصت أهي. جوم يا واد جوم. ربنا يسعدكم يا ولدي. نظر لها بشوق: انت شايف كده.

الشيخ بدران بضحك: أيوه يلا جوم ده انت قاعد معايا وانت معاها أصلاً وهي كمان. جوم جوم. وقف وابتسم له: تصبح على خير. واقترب منها. وقفت هي الأخرى واقتربت منه. نظر لها بشوق: انبسطي. ندى بفرح وخجل من نظراته: أوي أوي يا يونس أوي. جذب يدها بفرح: طب تعالي بقى هقولك على موضوع مهم. اتجه بها للمنزل ووقف أمامه ونظر لها بلهفة ثم حملها برفق واتجه بها للداخل وهي تنظر له بخجل ولاكن نظرت أمامها بفرح.

المنزل مزين بشكل جميل ورومانسي والورود بكل مكان. والطاولة عليها طعام والسرير مزين بشكل جميل ورائع. ندى بفرح: كل ده ليا. ونظرت له: عملته إمتى ده. يونس بفرح وهو ينزلها برفق: فرح إلى عملت ده. أنا طلبت منها عجبك. ندى بفرح: أوي أوي. نظر لها يونس بتوتر: ندى. واقترب منها برفق: فيه فستان جوه لو انتي. لو انتي عايزة ده البسي لو مش عايزة دلوقتي والله ما هزعل. نسهر سوا وننام صدقيني هقدر خوفك.

أوعي تيجي على نفسك عشاني ممكن عادي ننام في بكرة أصلاً رحلة سفاري هتعجبك أوي أنا عامل حسابي نقعد هنا أسبوع والعربية تيجي تاخدنا. وعملك برنامج تحفة. لو بجد مش عايزة تلبسي خلاص تعالي نقعد نسهر سوا. نظرت له بخجل وفرح: حلو السفاري أوي. واتجهت للداخل وغمزت له بحب. وغيرت ملابسها ونظرت لنفسها بفرح: قمر قمر بس ما فيش فستان محترم عن ده شوية. أخرج إزاي كده يالهوي. يونس من الخارج بتوتر وهو يضع يده على شعره: ندى نمتي ولا إيه.

اتجهت هي للخارج ووقفت بخجل: حلو. نظر لها بصدمة وتوتر وبلع ريقه: يخربيت كده. واقترب منها سريعاً ونظر لها بشوق وحملها من خصرها بشوق لمستواه. ندى بخجل: مش هناكل ونرقص. يونس بشوق لها: أكل ورقص إيه بس. واكمل بصدق: انتي خايفة مني. وضعت يدها حول عنقه بحب وشوق له أيضاً: تؤ مش خايفة. أنا مبسوطة أوي يا يونس أوي. بمجرد أن قرأ شوق عينيها له دق ناقوس الخطر.

وذهب معها لعالمهم الخاص عالم انتظره كثيراً ليعيش معها به وهي أيضاً عالمهم هم فقط. بعد مرور عام بالمشفى. ندى بتعب: ااااااااااه منك لله يا يونس طلقني طلقني مش عايزة أتجوزك. يونس بخوف عليها: حاضر حاضر ياروحى لما تولدي عيوني. ندى بصدمة: يا خاين عايز تطلقني. اااااااااااااع حد يخلصني مش قادرة. نادر بصدمة: ااااااااااااااع دراعي يا جزمة. ندى بغضب: غور من وشي اااااااااااه حرام عليكم بقى.

يونس بحب: روحي استحملي شوية بنتنا الحلوة جاية تنور بيتنا معلش يا روحي. نادين ببرود: علاقة ملزقة أوي. ثم نظرت لياسين الذي يقف بجانب ريم الحامل بالشهر الخامس وهو ممسك يدها بحب: علاقة مقرفة إيه الناس دي. نادر بضحك: يا بت انتي قربتي تولدي اتهدي شوية. نادين ببرود: كويس إنك فاكر. أنا عايزة لعب للبيبي. نادر بصدمة: نعم ياختي والعب اللي جايبها دي إيه. إن شاء الله. نادين ببرود: هنستعبط ولا إيه دي ليا أنا.

نادر بصدمة: ربنا يصبرني بدل ما أقتلك. كل دي ليكي انتي بس. نادين بضحك: أيوه هو كده هات من اللعبة اتنين ليا ول ابنك. ندى بدموع: ااااااااع أنا عايزة العروسة بتاعت بنتي فين. يونس بخوف: الدكتور اهو يلا يا دكتور ارجوك. ندى بغضب: مش هولد لا أوعي أنا عايزة العروسة فين العروسااااا. ياسين بهدوء: اهدى يا حبيبتي بقى فين الزفت يا يونس. نادين بصدمة: أولدي يا ولية وخلصينا بقى. الدكتور بهدوء: مدام ندى خدي نفس عميق ويلاه ندخل.

ندى بغضب: مش داخلة ومش هاخد نفس. اخرس انت. أنا عايزة العروسة يا يووووونس. يونس بغضب: ده وقته عناد ده وقته. اولدي يا بت وخلصي هبقى أجيب لك زفت. ندى بدموع: انت بتشخط فياااااااا. أنا عايزة أطلق. يونس بتعب لأنه يعرف أنها عنيدة ومجنونة فهو يعاني للان من عنادها وجنانها: ندى روحي عمري أنا بنوتي الحلوة. أوعدك أول ما تخرجي إن شاء الله العروسة هتكون في انتظارك عشان خاطري يا ندى يا حبيبتي يلا. ظلت الممرضات تنظر له بإعجاب.

ندى بدموع وهي متغاظة منهم: قولي بحبك. يونس وهو يقبل جبينها: بعشقك يا روحي. ندى بدموع: بو'سني يا يونس. قبلها من خدها بحب. ندى بغضب: بو'سني بوووو'سني بجد اااااااه. يونس بصدمة: حبيبتي مش هنا. مالك يا ماما يلا بقى. جاء الممرضات تأخذها صرخت بغضب: مش هولااااد. أوعي انتي وهي بقولك بو'سني بوووو'سني. الدكتور بغضب: يا عم بو'سها وخلصني أنا زهقت ده إيه الولادة المهببة دي. نادين بضحك: بو'س بو'س غمضوا عنيكم يا جماعة.

ابتسم ياسين وريم على جنان ندى وعنادها وتحمل يونس لها. اقترب منها هو وقبلها بعشق أمام الجميع والجميع ينظر لهم بحب والبعض بغيرة. ابتعد عنها بخجل وتوتر من نظرات الناس له: ها خلاص يا قلبي أولدي بقى. نظرت للممرضات بتكبر: يلا بينا بقى اااااااه. انفجر الجميع من الضحك عليها تلك المختلة العنيدة.