رواية المصير الفصل الرابع 4 - بقلم مريم عماد

ماما قالتلها ليه يا رانيا بتقولي كده؟ دا عمر بيحبها جامد. وهي كمان بتحب عمر، أبوها وأمها بيحبوا عمر، وكلهم عيلة طيبة. قالتلها: ده انتي اللي طيبة. ده أول ما تتخطب هتشتغل بقى طلبات يا حبيبتي، وهيصرف مرتبه كله عليها. شوفي بقى. ماما قالتلها: بجد؟ قالتلها: أيوه يا أختي أمل، انتي فاكرة إيه؟ دي بنت أشهر راجل فاتح كشري، يعني أكيد هتبقى مدلعة وعايزة كل حاجة تجيلها زي ما أبوها بيجبهالها. وفضلت تكلم ماما قد كده.

ماما بعد ما كلمتها فضلت تفكر في كلامها. أما بابا فرح أوي وقال لأخته. وأخت بابا طيبة جداً وكمان معندهاش غير يوسف، وكمان يوسف عنده تلت سنين. فكانوا فرحانين جداً، غير مرات خالي اللي قالبه الجو. جه يوم الاتنين وماما الفرحة اللي كانت فيها مشيت. وأنا اتضايقت طبعاً. بابا بيقلها: مالك؟ قالتله: مفيش. جه خالي وراح سلم عليا وبيقولي: كده يا عمر بتخطب بره العيلة؟ كان يوم نكد بسببهم. وميار ملقتهاش جت.

بقول لماما: يعني ميار زعلت ومجتش؟ راحت قالتلي: لأ. مامتها بتقولي إن صاحبتها شبكتها النهاردة، فراحت معاها. دنيا كانت جاية مع صحابها. باباها قال: أهي دنيا جت. وسمعنا بقى الزغاريط. وطلعت عشان آخد دنيا، لقيت دنيا معاها صحابها ومن ضمنهم... ميار!؟ أنا اتلخبطت ومكنتش فاهم حاجة. قرينا الفاتحة وحددنا ميعاد. هنروح فين عشان نجيب الشبكة، وكل ده وأنا مش فاهم. هي مش ميار راحت عند صحبتها عشان شبكتها النهارده؟

طب لو منار صحبت دنيا، دي قراية فتحة مش شبكة، فإيه اللي بيحصل؟ جت ميار وقالتلي: ألف مبروك. قلتلها: الله يبارك فيكي. خالي روح، وعمتي روحت. فبقول لدنيا: هو انتي تعرفي ميار؟ لقيتها بتقولي في نفس الوقت: هو انت تعرف ميار؟ ضحكت أنا وهي لما اتكلمنا في نفس الوقت. رحت قلتلها: هااا. قالتلي: ميار صحبتي من ثانوي. وهي صحبتك انت كمان من ثانوي عشان تقلك ألف مبروك. قلتلها: سيبيني أكمل كلامي، دي بنت خالي.

قالتلي: أمل مقلتش ليه إنها بنت خالك ليه؟ قلتلها: مهو ده اللي كنت عايز أعرفه. يعني كده بقا انتي تعرفيها. وبعد كده مشينا. بالليل ماما سألتني نفس السؤال. وقلتلها إنهم صحاب من زمان. قعدت تاني يوم، إجازة. وبعدين برن على دنيا يوم الخميس، مردتش. بعد ساعتين بالظبط، لقيتها بعتتلي رسالة: "كلمني شكراً". رحت رنيت عليها وبقلها: فينك يا دنيا؟ مردتيش ليه؟ قالتلي: معلش يا عمر، كان صحابي عندي ومكنتش عارفة أكلمك. فهم لسه ماشيين.

أنا وبتكلم معاها، لقيت أمي بتنادي عليا وهي متضايقة. مش قلتلك استنى لما تعرفها. بقلها: في إيه؟ أمي قالتلي إن مرات خالي بتقولها إن دنيا ماشية مع ولد. بقلها: إزاي يا ماما؟ دنيا محترمة وكمان أبوها، وانتِ عارفة كده كويس. قالتلي: يا عمر، أنا عارفة إنك عارف إن أبوها كويس، بس انت تعرفها منين؟ قلتلها: أنا متأكد. قلتلها: طب استني يا ماما. هي مرات خالي عرفت منين؟ قالتلي: يا عمر، إن منار قالتلها. يا ماما، هو عمر ملاقش غير دنيا.

وقالتلها إنها بتكلم ولد معانا في الكلية. قلتلها: يا ماما، طب لو منار محترمة ومديقة أوي كده، ماشية ليه مع دنيا اللي هي بتكلم ولد؟ ماما فكرت واستنت وقالتلي: أيوه صح يا عمر. طب والله لهكلمها وأقولها. أنا معرفش أه ده صحيح يا ابني. ماما كلمتها وأنا جنبها. راحت ماما بتقولها: أيوه يا رانيا، أنا عايزة أكلم منار. قالتلها: بس هي مش هنا، انتي عايزها في حاجة ولا إيه؟

مرات خالي فكرت إن لما ماما قالتلي كده أنا خلاص هسيبها وأروح لمنار. بس ده لو منار عملت إيه، عمري مفكر أجوزها. ولما قالت لماما انتي عايزها في حاجة، ماما قالتلها: أيوه يا رانيا، مهم طبعاً. راحت قالتلها: دي مع صحابها. أمي قالتلها: ومن ضمن صحابها دنيا؟ قالتلها: أيوه دي دنيا صحبتها من زمان. عشان كده إحنا عارفينها وقلنا لعمر على طول. ماما قالتلها: خلاص، اديني رقم منار. مرات خالي أدت أمي الرقم. وراحت مكلمها. منار: الوو مين؟

ماما قالتلها: أنا عمتك يا منار، أم عمر. قالتلها: أيوه، ازيك يا عمتو؟ عاملة إيه؟ أمي قالتلها: كويسة يا منار الحمد لله. قالتلها: نعم يا عمتو؟ أمي قالتلها: يا منار، هي دنيا بتكلم ولد معاكم في الكلية؟ منار قالتلها: مين اللي قالك كده يا عمتو؟ دي منار صحبتي من زمان ومتعملش كده. هو فيه حاجة يا عمتو ولا إيه؟ ماما قالتلها: لأ يا منار، شكراً يا حبيبتي. ماما استغربت من رد منار. وأنا ضحكت على رد منار. اللي بيبين إن أمها كدابة.

أمي قالتلي: معلش يا عمر، أنا اتضايقت لما سمعت كده. هيه عملت كده ليه طيب؟ قلتلها: متعرفيش هيه عملت كده ليه بجد يا ماما. دي باينة أوي. مهي عايزاني أجوز بنتها، وأنا مبحبهاش. بس والله بينتلي قد إيه أمها كدابة. أنا وبتكلم مع أمي، لقينا التليفون رن. رانيا. ماما فتحت. رانيا قالت لأمي: كلمتي منار؟