رواية المظلومة والقاسي المتعجرف الفصل الخامس عشر 15 - بقلم اسراء الاتربي

إلياس كان ماشي بعربيته وسرحان ودموعها في عينيه. وسايق بسرعة كبيرة جت قدامه شاحنة كبيرة. مقدرش يسيطر على عربيته واصطدمت بالشاحنة. ناس كتير اتلمت وطلعوا إلياس من العربية ونقلوه المستشفى. عند ميرا كانت نايمة وقامت مفزوعة من النوم على كابوس مرعب. ميرا: معقول إلياس حصله حاجة؟ أنا قلبي مش مطمن. مراد كان نايم وصحى على صوت تليفونه. مراد بصدمة: إلياس! أنا جاي حالا. مراد قام نزل جري.

ومكنش مصدق وكان بيأنب نفسه وإنه هو السبب، لو كان قاله على ميرا مكنش وصل لكده. مراد وصل المستشفى. مراد بخوف: دكتور، إلياس حالته خطر. الدكتور بأسف: للأسف حالته وحشة. إحنا بنجهزه هندخل عمليات. مراد رجليه مكنتش شايلاه. ودموعه نزلت، معقول هيفقد صاحب عمره. مراد: متسبنيش يا إلياس، وأنا هجبلك ميرا. أنا آسف. مر وقت طويل وإلياس في العمليات. فجأة الباب اتفتح وخرج الدكتور. مراد جري عليه. مراد: خير يا دكتور، إلياس كويس صح؟

الدكتور: اهدى يا ابني، في نزيف داخلي قدرنا نوقفه، بس للأسف دخل في غيبوبة. مراد بصدمة: غيبوبة؟ هيفوق منها امتى؟ الدكتور بأسف: الحقيقة مش هنقدر نحدد هيفوق منها امتى. إحنا عملنا اللي علينا. الدكتور مشي وساب مراد اللي من صدمته انهار ومكنش عارف يتصرف. تليفونه كان بيرن. مراد: أيوه يا نور، إلياس عمل حادثة وأنا معاه. حالته خطيرة ودخل في غيبوبة. بس أوعي ميرا تعرف حاجة. انتي فاهمة؟ مر أسبوعين.

ومراد معرفش حد بحاجة. واللي يسأله يقولهم في شغل أو مسافر، لأن تليفون إلياس مقفول. وميرا حاسة طول الفترة اللي فاتت بحاجة مش طبيعية. ميرا: نور، انتي تعرفي حاجة ومخبية عليا صح؟ مراد شكله حزين وبقى يجي البيت الصبح. إلياس في حاجة صح؟ نور مقدرتش تصمد أكتر من شكل ميرا. ودموعها نزلت. ميرا ببكاء: إلياس حصله إيه؟ أنا حسيت طول الفترة اللي فاتت بكوابيس. إلياس بس هو اللي فيه.

نور: لو سمحتي اهدى يا ميرا. أنا هقولك. إلياس عمل حادثة كبيرة ودخل في غيبوبة. ميرا اتصدمت. وحاسة الدنيا بتلف فيها ووقعت فاقدة للوعي. نور حاولت تفوقها مقدرتش. اتصلت بمراد. نور ببكاء: ابيه مراد الحقني، ميرا فقدت الوعي وأنا مش عارفة أصحيها. تعالي بسرعة والنبي. عدى نص ساعة. مراد رجع واخد ميرا المستشفى. مراد بغضب: وإنتي إزاي تعرفيها يا نور؟ نور ببكاء: يا ابيه، هي كانت حاسة. وصعب عليا منظرها. مراد مسح وشه بإيديه.

ميرا فاقت ونور كانت جنبها. فصلت المحلول اللي في إيديها علشان تقوم. نور حاولت توقفها بس مقدرتش. سندتها لبرا لعند العناية اللي فيها إلياس. ميرا ببكاء: أنا عايزة أدخله. أقولهم يا مراد والنبي. مراد فعلاً قال للدكتور وجهزه. ميرا ودخلت قعدت على كرسي جنب السرير. مسكت إيديه. وبصت على ملامحه. ميرا ببكاء: إلياس ارجوك فوق، وأنا هرجعلك. هسيبك تعمل فيا اللي انت عايزه بس فوق. ميرا فضلت تتكلم معاه. دخلت الممرضة وأجبرتها تطلع.

طلعت ميرا. ومراد طلب من نور تاخدها وتمشي. عند شاهيناز مكنتش عارفة أي حاجة عن إلياس ومش فارق معاها. كانت فاكرة إنه مسافر لشغل. كل يوم سهر في البارات للصبح ومقضية حياتها. بس شرها مبيخلصش وبتخطط تتخلص من ميرا وبدور عليها. بس كانت بترن كتير على تليفون مراد. ومراد زهق منها وقالها على حالة إلياس. جت شاهيناز. وشافت ميرا. شاهيناز بغل: انتي بتعملي إيه هنا؟ امشي. ميرا بغضب: انتي اللي تمشي من هنا مش أنا.

شاهيناز: اللي جوه ده جوزي. على الأقل أنا مخنتوش زيكم. مراد بغضب: شاهيناز اخرسي. ميرا مخنتش إلياس. شاهيناز: أنا بكرهك يا ميرا. انتي السبب في كل حاجة. ميرا بصتلها ونور جذبتها وطلعت بيها من المستشفى بالعافية. شاهيناز بغل: ماشي، أنا هوريكي هتقربي منه إزاي. إلياس كان سامع كل حاجة ميرا قالتها وحس بوجودها. شم ريحتها اللي عمره ما ينساها. بدأ يتحرك ويفتح عينيه براحة. وأول حاجة قالها. إلياس: ميرا، انتي هنا.

الدكتور: إلياس بيه، حمد الله على السلامة. إلياس بتعب: ميرا كانت هنا. الدكتور باستغراب بصله. فحصه وطلع. نادى مراد. مراد دخل. وشاهيناز دخلت معاه. مراد بابتسامة: حمد الله على سلامتك يا إلياس. إلياس: مراد. ميرا كانت هنا صح؟ أنا حسيت بيها. مراد بارتباك: ميرا إيه اللي هيجيبها هنا يا إلياس؟ شاهيناز بصتله بشررر. وقررت حاجة في نفسها. إلياس بغضب: بقولك أنا حسيت بيها. سمعتها وهي بتكلمني. ريحتها في المكان يا مراد.

إلياس حاول يقوم. وشال الأجهزة اللي عليه. مراد جري عليه. مراد: إلياس، انت اتجننت؟ اهدى أرجوك. شاهيناز فضلت واقفة وبصتله بحقد وحلفت لتخليه يتحسر على ميرا. أخدت بعضها وطلعت. مراد نادى الدكتور. ومسكه إلياس بالعافية وادوه مهدئ ونام. مراد اتنهد بحزن: أعمل إيه بس؟ أنا لازم أروح وأتكلم مع ميرا. أنا خايف من رد فعله لما يعرف. ممكن ينهي صداقتنا. إلياس بيكره الكذب.

ميرا ونور وصلوا تحت العمارة ولسه هيدخلوا. وقفت عربية ونزل منها اتنين أخدوا ميرا معاهم. وسط صريخ نور. اللي طلعت تليفونها بإيد بترتعش واتصلت بمراد. نور ببكاء: مراد الحقني، ميرا في ناس أخدوها. مراد. طلع من المستشفى ركب عربيته وبسرعة كبيرة كان وصل. لقى نور منهارة من العياط. مراد: نور إيه اللي حصل؟ بطلي عياط وفهمني. نور: في عربية وقفت قدامنا فجأة ونزل منهم اتنين أخدوا ميرا. مراد: يادي المصيبة السودا. أنا هقول لإلياس إيه؟

أقوله مراتك كانت عندي ومقدرتش أحافظ عليها. نور بتفكير: ابيه، أنا حفظت رقم العربية. مراد بص لها: طب هاتيه بسرعة. مراد أخد منها الرقم واتصل برجالته. واتصل بواحد زميله هو وإلياس في الشرطة. واداله الرقم بتاع العربية. عند ميرا ابتدت تفوق من تأثير المخدر. لاقيت نفسها في أوضة معتمة جداً. وفي حد قاعد قصادها. ميرا بصت بصدمة وقالت...