رواية المظلومة والقاسي المتعجرف الفصل الثالث عشر 13 - بقلم اسراء الاتربي

عند إلياس.. دمر أوضة ميرا تكسير وتقطيع في هدومها، بقى زي المجنون. شاهيناز فتحت الباب ودخلت، اترعبت من منظره. شاهيناز بخبث: إلياس هو في إيه وميرا فين؟ إلياس قرب منها، وجذبها من خصرها وقبلها بعنف. حس إن ميرا اللي قدامه مش شاهيناز. استغلت الفرصة وضعفه اللي هو فيه، قربت منه أكتر. بس فجأة.. ومن حسن الحظ تلفون إلياس رن. زق شاهيناز وشاف الفون كان مراد، بس مردش. إلياس: اطلعي برا. شاهيناز بدلع: ليه يا حبيبي؟

ما إحنا كنا كويسين. إلياس بغضب: أنا قلت اخرجي برا. شاهيناز انتفضت برعب من صوته وطلعت. شاهيناز بغل: حتى لما بعدتك مش قادرة أقربله. هقتلك يا ميرا. طلعت تلفونها واتصلت باللي كان مع ميرا. شاهيناز: أيوه يا زياد، طلعت من مكانك ولا لأ؟ إلياس لو لاقاك هيموتك. اخلص بسرعة. يلا سلام. وفي يوم جديد، إلياس قام على صوت تلفونه. وكان اللي بيتصل والد ميرا. إلياس: أيوه يا عمي.. ميرا نايمة. تمام، لما تصحى هخليها تكلمك.

إلياس قفل واتنهد بتعب، وقام أخد دوش ولبس. نزل تحت كان مراد مستنيه. مراد: إلياس، قدرنا نوصل للولد اللي كان مع ميرا، موجود دلوقتي في المخزن بتاعنا. إلياس عنيه اسودت بغضب وبقت مرعبة. طلع ومراد طلع معاه. ركبوا العربية وإلياس ساق بسرعة كبيرة جدا. مراد: إلياس براحة الله يخليك، إحنا كده هنموت قبل ما نوصل. إلياس بص له نظرة رعبت. مراد: خلاص، موت براحتك.

مراد وإلياس وصلوا. إلياس نزل بسرعة واندفع ناحية الشخص المربوط على الكرسي وضربه لحد ما عضمة طق واتكسر. مراد اتدخل وحاول يشيله من عليه بس مقدرش. إلياس بغضب: انطق، كنت تعرفها من امتى يا كلب؟ زياد: أنا وهي نعرف بعض من زمان. إلياس بفحيح: هقتلك انت وهي. مراد قرب من زياد وطلع سلاح. مراد: انطق يلا وقول الحقيقة، متكدبش وإلا مش هستنى لحظة هفرغ السلاح فيك. انطق. قول مين اللي خلاك تعمل كده؟ ومتقولش إنك كنت تعرفها، انطق.

زياد انتفض برعب، وهو أصلاً مش قادر يتحرك لأن إلياس كسر له عضمة. إلياس بغضب: ماهو قال إن الست هانم كانت عارفاه من زمان. مراد: اهدي انت يا إلياس. مراد نزل ومسكه من تلابيب قميصه. مراد بنظرة مرعبة: هتُنطق ولا أشُد الزناد وأفجر راسك؟ زياد برعب: ما أنا قولت الحقيقة. زياد اترعب وحس إن مراد بيتكلم بجد لما شد الزناد وكانت الرصاصة هتطلع.

زياد برعب: خلاص خلاص، هقول. أنا وميرا منعرفش بعض نهائي. أنا اللي نطيت عليها وخدرتها وعملت كده عشان إلياس يسيبها. إلياس واقف مصدوم مش مستوعب حاجة. معقول ظلم ميرا دي؟ لو كانت عملتها كان أهون له من الألم اللي حاسس بيه دلوقتي. على إهانته وضربه ليها. إلياس قرب منه بغضب ومسكه بقبضة إيده من رقبته. إلياس بفحيح مرعب: مين اللي قالك تعمل كده؟ انطق. زياد: مش هقول. إلياس بغضب فضل يضرب فيه تاني وهو برضه مش عايز يقول. إلياس

وهو بينهج نتيجة غضبه: مراد هسيب لك الكلب ده ربيه. أنا لازم ألاقي ميرا بنفسي. إلياس مشي وهو مش قادر من صدمته. إزاي ميرا هتسمحه بعد اللي عمله فيها ده؟ كان هيموتها. ده كان تفكيره. إلياس فضل يدور ويدور وملقهاش. روح الفيلا وهو حزين ومكسور. طلع أوضتها اللي هو كسرها، بص لها بحزن. افتكر ضربه ليها وضعفها وهي بتقوله يصدقها. ولما قالتله بكرهك، سكاكين كانت بتقطع في قلبه.

إلياس: أنا لازم أرجعها. أنا غبي، في وقت غضبي مـفـكـرتـش صح. إلياس مقدرش يتحمل أكتر من كده ونزل ركب عربيته وراح سهر في بار وفضل يشرب كتير. وميرا مش مفارقة خياله وهو بيضربها وهي بتصرخ بين إيديه. عند مراد.. رجع البيت وقال لميرا اللي حصل. مراد: ميرا، أنا عارف إنه مش سهل ترجعي بعد اللي حصل، بس والله إلياس في وقت غضبه بيكون واحد تاني. ميرا: أنا هطلق منه، مش عايزاه يا مراد.

مراد: اهدي وفكري يا ميرا، وأنا أوعدك مش هعرفه مكانك عشان أنا كمان عايز أربيه وأعلمه ميتسرعش، رغم إنه ممكن ينهي صداقتنا بعد العملة دي. ميرا: شكراً يا مراد.. بس أنا فعلاً مش هقدر أرجع له. أنا اتأذيت منه كتير، ولو رجعت له هاخد حقي. مراد بجدية: أنا عارف إنك مجروحة يا ميرا، بس برضه الوضع اللي شافك فيه أي راجل مكانه كان هيعمل أكتر من كده كمان. اهدي وفكري بعقل.

ميرا دخلت أوضتها. هي اتشدت لإلياس، بس عمايله معاها خليتها مش قادرة تعرفه، هو حنين ولا قاسي. قاعدة على السرير وفضلت تبكي. إلياس روح الفيلا.. وكان سكران جدا وبيترنح في ماشيته. شاهيناز سمعت صوت عربيته ونزلت سندته وأخدته معاها، طلعته الأوضة. إلياس قرب منها.. وقال.......