رواية المتمردة و الثعلب الفصل السادس عشر 16 - بقلم كتابات ولائيات

ايه الي دا بقي ان شاء الله ايه الزفت. داريناد: ايه في ايه يا باشا بتزعق ليه. رامي: ايه الي انتي عملاه في نفسك. داريناد: لابسه فستان علشان هنروح المقابله. رامي: دا مش منظر هتخرجي بيه اصلا. يدخل ادهم وينظر لها يصفر: واو ايه دا ممكن نتعرف يا فندم. رامي بضيق: ادهم اتفضل علي شغلك. ادهم: مش لما نتعرف بالحوريه. ريناد: ادهم بلاش مجامله لو سمحت. ادهم: دي الرائد ريناد مهاب مش ممكن دا انتي الي هتفوزي في المسابقه اكيد.

رامي: اتفضلي اطلعي غيري الزفت دا والبسي حاجه تانيه. ريناد: انت ملكش تزعق فيا كدا يا سيادة المقدم. ثم ان اهلي عارفين لبسي كويس وبعدين المفروض ان المسابقه لعارضات الازياء ومصممات الازياء ولعلمك بقي انا عارفه شغلي كويس متدخلش فيه. ادهم: بصراحة يا رامي ملكش حق دي تسحر. رامي وهو يخرج عن شعوره يذهب ل ادهم ويلكمه في وجهه بغضب: اتفضل انت كمان من هنا هي مش ناقصاك.

وانتي خلاص المهمة اصلا اتعدلت واتفضلي البسي حاجه محترمه مش هتخرجي بالمنظر دا ابدا انتي ماشيه جنب راجل ومليش دعوة بحد ليا دعوة طول ما انتي ماشيه جنبي تلبسي محترمي. لا اتفضلي نفذي الاوامر. ريناد تذهب بغضب وتصعد لتغيير ملابسها. ادهم يذهب له ويرد له اللكمة ولكن وهو يضحك: ما انت بتغيير اهو بتكابر ليه. رامي: انت خيالك واسع. وكل منهم يحاول ان يسدد للاخر الي ان تعبو ويجلس. ادهم: خلاص بقي يا رامي كفايه.

رامي: انا مش عاوز ليك علاقه بيها يا ادهم خليك في شغلك. ادهم: كلنا في شغل واحد يارامي ولا انت رايك ايه. ويتركه وينصرف. مهند: انا محبتش اتدخل من الاول. رامي وهو يمسح علي وجهه: انت هنا من امتي. مهند: من زمان يا رامي واضح ان في حد هنا وقع. رامي: انتو بتخرفو بتقولو ايه. مهند: انت الي بتكابر بس حابب اقولك ان متكابرش كتير من معرفت رنا بيها ابن خالتها هيموت عليه. رامي: اتاخرت ليه كل دا بتغيير الزفت.

مهند: فكر كويس انت صاحبي وخوفك عليها وغيرتك ومحاربتك ان المهمة تقف عند مصممة ازياء مش عارضه بعد ما عرفت نوعيه اللبس الي بيلبسوه. متفتكرش اني مش عارف انا عارف يا رامي انت عملت ايه علشان ريناد. وعلي فكرة ادهم مبيفكرش فيها انتو اصحاب مفيش داعي للعدائيه دي ادهم بيضايقك بس اقف مع نفسك وفكر. وعلي فكره فستانها عادي مش خليع انت بس الي شفها حلوة خفت حد يشوفها كدا.

رامي: انت بتحلم وتخرف يا مهند اتصل بيها شوف اتاخرت ليه دي مقابله شغل مش حفله. ولعلمك بقي انا شايفها زيك انت وسيف ومحمود بس من غير شنب هي ضابط زميلي وبس اتفضل. سارة: رجعتي ليه يا فندم في حاجة. ريناد: الزفت الي تحت مش عاجبه الفستان. سارة: ليه الفستان توحفه بجد وانتي كمان شكلك فيه زي القمر. تخيلي ممكن تكون دي المشكله. ريناد: مشكله ايه يا ساره انه حلو. سارة: لاء يا فندم تسمحيلي اقول بصراحه.

ريناد: اخلصي يا ساره انتي عارفه احنا بره الشغل بقينا اصحاب. سارة: بصراحه رامي باشا كلنا ملاحظين انه بيخاف عليكي وانتي تعبانه اتخانق مع ادهم باشا اكتر من مره انه بياخد باله منك وكان رافض وجوده جنبك. ريناد: ليه يعني ان شاء الله ادهم دكتور وعمره ما اتعدي حدوده ولا دخل يتابع حالتي وانا لوحدي. سارة: مهي دي الفكره وجوده بس قريب منك بيجنن رامي باشا وسمعته بيزعق له وبيقوله انك كنتي هتجيبي له تورته عيد ميلاد وانه ميقربش منك.

ريناد: برقت رامي قال كدا طيب ليه دا علاقتنا انا وهو زي الزفت. سارة: ما اعتقدش انا شايفه يوم ما اتاخر بره في الاجتماع انتي معلش فضلتي منتظره حضوره واول ما دخل البوابه طلعتي. ريناد: لاء محصلش انا مكنش جايلي نوم. سارة: عموما رامي باشا زي القمر بجد وكمان ناجح ومتميز في شغله انا شايفه انك تواجهي نفسك. ريناد: اطلعي بره يا ساره انتي بتخرفي انا هتاخر خليني البس وانزل.

سارة: طيب انا خارجه بس انا شايفه ان الفستان عادي بس انتي الي حلوة فمفيش فستان هيعجبه عليكي وهتشوفي. وخرجت سارة. اميرة: انا جاهزة للمقابلات يا فندم. ديفيد: اميره افتكري بعد ما نخلص شغل عاوزك في موضوع مهم. اميرة: تحت امرك يا فندم. ديفيد: سمير يا اميره قولي سمير. اميرة: مستر سمير انا مقدرش ارفع التكليف كدا. ديفيد: قوليلي ايه جدول مواعيد عندك.

اميرة: انهارده هنقابل المصممات هما 31 رواية مشرف خليجيهاشتركت في مسابقات قبل كدا بس في الخليج. -نورين مشعل لبنانيهاغلب الممثلات هناك بيعتمدو عليها. –سينا منير مصريهبس عايشه طول عمرها في اوربا اخر استقرارها في النمسا. ديفيد: مش دي الي كانت مقدمه كمتسابقه كمان وانسحبت بس الاسم معروف. اميرة: ايوة يا فندم هي كتبت انها انسحبت لظروف شغلها ودول ملفات بصورهم. ديفيد: واو ال3 ملفاتهم ممتازه بس كدا هنحتار احنا محتاجين 2 بس.

وسينا دي مش سينا دي ملكه جمال خسارة انها انسحبت. اميرة: ممكن نحاول نقنعها يا فندم. ديفيد: ياريت بجد يا اميره دي تخطف. اميرة: مستر سمير حضرتك تقصد ايه. ديفيد: انا بتكلم عن الشغل يا اميره مالك زعلتي ولا ايه. اميرة: وازعل ليه حضرتك حرد. ديفيد: بس انا مش حر انا بحب ومش هبص غير للي بحبها علي فكره. اميرة بضيق: عن اذنك انا هروح مكتب. ديفيد: استني يا اميره مش هتعرفي مين الي بحبها. اميرة: دي حاجه متخصنيش يا فندم عن اذنك.

وانصرفت. تنظر ديفيد ل طيفها وهو يحدث نفسه انتي الي هتنفعي تكوني مراتي محدش ليكي هيسال عليا. تنزل وهي ترتدي فستان بسيط وتترك العنان ل شعرها منسدلا علي كتفيها وتلبس القليل من الاكسيسوارات. يرفع عينيه لتلتقي بعيونها و يسرح قليلا. ولاول مره تشعر بانه ينظر اليها وبعد ثواني من الصمت يتحدث. رامي: ايه اخيرا خلصتي اتفضلي مفيش وقت لاي تاخير لازم تكوني اد المسؤليه.

ريناد: تمام يا فندم انا جاهزة ومتاخرتش وللعلم انا كنت جاهزة من بدري بس سيادتك الي بتدخل في حاجات متخصكش نخلص المقابله وتاني مره ملكش تتدخل في استايلي تاني. رامي: المهمة مسؤليتي اتفضلي وايه الي معاكي. داريناد: ايه سلاح. رامي: في مصممة ازياء تمشي بسلاح وميري. ريناد: لاء طبعا هسيبه في العربيه بس مفيش ضابط بيمشي من غير سلاحه. مهند: تعرف يا محمود انك صح. محمود: طول عمري بس ليه.

مهند: كان غيران عليها وقال ايه شايفها ضابط ناقصها شنب. محمود: البعيد مبيشوفش. مهند: بتتلفت كدا ليه. محمود: اصل انت عارف ايده تقيله. مهند: وهو ينظر خلف محمود ايه دا رامي انت ايه رجعك تاني. محمود: يلتفت بسرعه. ليضحك مهند: يا جامد يا محمود. في الطريق حاسب انت ايه الي بتعمله دا.