رواية النقاب ليس عائق الفصل الخامس 5 - بقلم هند حارس

أبو يزن: مش تسلم علي أخوك وتبارك له خلاص قرر هيقعد معانا ومش هيسافر تاني. يزن ببرود: مبارك، في حاجة تاني؟ نظره له والده بإحباط: لا، اتفضل علي أوضتك. تحدث أخو يزن: زين: ليه لحد دلوقتي مش مسامحني يا بابا؟ والله أنا ندمت علي اللي حصل. 5 سنين عدوا وليه مش قادر يسامحني؟ أبو يزن: معلش يبني، هو برده اللي حصله مش قليل وأنت عارف إنه أكثر واحد كان يحبك. وأنت مش بس خذلته ووجعته، بس أنت عارف يزن قلبه طيب ومصيره يسامحك.

زين: أمتي بس يا بابا؟ أنا من ساعة اللي حصل وأنا سافرت عشان ميفتكرش اللي حصل. كنت فاكر لما ابعد هينسي ويسامحني، بس أنا كنت غلطان. كان لازم أفضل جمبه واخليه يسامحني. الأب: هيسامحك إن شاء الله. يلا روح استريح عشان تطلع معايا الشركة. زين: حاضر. عند سلمي: أنهت عملها في المستشفى وعادت للمنزل وجدت والدتها ووالدها وقد عاد من زيارة عائلته في الصعيد. سلمي: اي دا، اي دا! أبووي وأنا بجول البيت منور ليه!

الأب بضحك: بتتريقي عليا يابت عشان روحت الصعيد يومين؟ سلمي: معاش ولا كان اللي يقدر يتريق عليك يا أبا الحجاجي. حد يتريق علي أصله؟ دا أنا بحس بفخر أصلاً إني صعيدية مع أني مولودة هنا ومبروحش هناك كتير، بس انت عارف اني بحب أسافر هناك. الأب بهزار: عارف يابنتي. وبعدين تعالي هنا. اقتربت منه ليمسك أذنها ويقوم بشدها قليلا: الأب: اي دا أبو الحجاجي دي؟ ومرة ياسطا قوليلي يابت انتي اتخرجت من كلية اي بالظبط اعترفي.

سلمي بهزار: زراعه قسم خراطيم ياحج. الأب بضحك: أيوه كدا اعترفي، أنا أصلاً كنت شاكك. الأم بزعل مصطنع: هو انتوا نسيتوني ولا اي؟ من لاقي أحبابه نسي أصحابه. سلمي: اي دا القمر زعلان؟ أنا أول مرة أشوف قمر زعلانة. الأب والأم بضحك: يا بكاشة! الأب: قوليلي ياسلمي مبسوطة في شغلك الجديد؟ سلمي: أه الحمد لله يابابا. الأم: أنا هقوم أحضرلكم الأكل بقا.

الأب بضحك: طب خدي الـ 500 جنيه دول هاتي بيهم الأدنيه والنقاب اللي صدعتيني بيهم، أنا معرفش بتفرقي بين لبسك ازاي وهو كله غوامق. سلمي: حبيبي حبيبي ربنا يحفظك ليا يا رب. الأب: ويخليكي ليا يابنتي. سلمي بزعل مصطنع: لي كدا ياحج؟ أنا عملتلك حاجة وحشه؟ الأب: ليه يابنتي؟ هو انا قولت حاجة غلط؟ سلمي: مش قولت ربنا يخليكي. معنى كلمة "يخليك" فى اللغة تخليه (خلى... يخلى... تخليه) يعنى (ترك... يترك... تركا)

. فالتخلية بمعنى الترك. يعنى معنى كلمة "الله يخليك" اللي بنقولها كتير جداً بنية الدعاء احنا من غير ما نقصد بندعي عليهم. يعنى كلمة "الله يخليك" يعنى "الله يتركك أو يتخلى عنك". ممكن نبدل الكلمة دي بأي دعاء حلو فعلاً زي: الله يكرمك... الله يرضى عنك... الله يباركلك... الله يحفظك... وهكذا. فهمت بقي يحاج؟ الأب: ربنا يحفظك ليا يابنتي ويزيدك علم. سلمي: فاللهم آمين يحاج. ودون سابق إنذار صرخت وقامت تركض سريعاً لغرفتها.

سلمي: عاااااااا نسيت عائشة! الأب بضحك: البت اتجننت. ذهبت لغرفتها سريعاً وقامت بمهاتفة عائشة وأبعدت الهاتف عن أذنيها عندما استمعت لعائشة تصرخ. عائشة: نفسي نفسي! مرة تكلميني بدري ساعتين ساعتين! كنتي فين ياست هانم! دا كله ولا الشغل بينسي الصحاب، ماشي ماشي. سلمي: يا بنتي أهدي أنا شوية وهطير بسببك ياستي. خلصت الشغل ورجعت لقيت بابا رجع قعدت معاه وجيت اكلمك. عائشة: خلاص طالما فيها الحاج هعديها. عملتي اي بقا؟

قامت سلمى بقص كل ما حدث معها عليها. عائشة: جايبه الثقة دي كلها منين يختي؟ مش كان ممكن يطردك؟ سلمي بهزار: مش هقولك عشان متروحيش تجيبي من هناك. عائشة بغيظ: اقفلي ياسلمي اقفلي! وأنا اللي كنت متصلة أقولك علي اللي حصل. سلمي بضحك: خلاص خلاص بهزر. قولي.

عائشة: الشركة اللي أنا بشتغل فيها ياستي، انتي عارفة أنه صاحب الشركة راجل كبير وأنا السكرتيرة بتاعته. طبعاً انهارده جي قالي ابني رجع من السفر وهيمسك الشغل معاه وعاوزني أنا أبقي السكرتيرة بتاعته عشان أنا اكتر حد بيثق فيه. سلمي: طب وفيها اي يابنتي؟ ما انتي من ساعة ما اتخرجتي وانتي بتشتغلي هناك والشركة زي ما قولتي محترمة وكبيرة. خايفة ليه بقا؟ عائشة: مش عارفه. متوترة زي ما يكون أول يوم شغل ليا.

سلمي: لا متتوتريش واستغفري وصلي على النبي كتير وربنا هيريح بالك. عائشة: عليه أفضل الصلاة والسلام. طب يلا بقا هروح اصلي العشاء وانام. سلمي: وأنا كمان. يلا سلام. بعد أن أغلقت معها قامت لتتوضأ وصّلت، وسمعت والدتها تناديها من أجل العشاء.

كان يزن يجلس على الكنبة التي بغرفته بإرهاق ويفكر كيف له أن يسامح أخيه بعدما خذله. يعلم أن قلبه يؤلمه بسبب ما حدث، ولكن ليس كما يؤلمه عندما يتذكر أن أخيه الذي يكون بمقام ابن له وليس أخ كان السبب فيما حدث وتعرضها للخذلان. يسامحها لأن الإنسان يخطئ. يعلم أن أخيه نادم بشدة، ولكنها لا يستطيع تجاهل كل ما حدث، لا يستطيع أن ينسى. تنفس بإرهاق وأرجع رأسه للخلف وبدأ يتذكر ما حدث منذ 5 سنوات. Flash back...