رواية النقاب ليس عائق الفصل الثامن 8 - بقلم هند حارس

الممرض: لا، مفيش حاجة. بس صاحب المستشفى ابنه التاني رجع من السفر، فوزع مكافأة لكل الموظفين 1000 جنيه، فعشان كده الموظفين مبسوطين ورايحين يقبضوا.

أنهى حديثه ليتركها. نظرت سلمى في أثره بابتسامة، وتحدثت مع نفسها، تخبرها بكرم الله عليها وتعويضه الذي يأتي في أحسن صوره. فقد كانت تتمنى النقاب والادناء بشدة، ولكنها تركتهم في سبيل أن ترى ابتسامة على وجه طفل صغير. ليأتيها العوض من الله الذي يخبرها كم أن الله كريم على عباده، وكرمه وسع السماوات والأرض، يعطي من يشاء. عند عائشة: ذهبت للشركة وجلست على المكتب الخاص بعملها، وبدأت العمل. وبعد دقائق أتى زين.

زين: دخلي لي المواعيد والمقابلات بتاعة النهارده. عائشة: حاضر يا فندم. دخلت خلفه لتترك الباب مفتوحًا حتى لا تكون خلوة، وقامت بشرح جدول أعماله له وما سيتم من مقابلات وصفقات. وفي وقت الظهيرة خرج ليسألها عن شيء، لم يجدها بمكانها، لينتظرها ما يقارب نصف ساعة. وعندما أتت: زين: انتي إزاي تسيبي شغلك يا أستاذة؟ هو انتي جاية هنا تلعبي؟ عائشة بهدوء: كنت بصلي الضهر.

زين: هو حضرتك مكنش ينفع تستني لما تروحي ولا تسيبي الشغل وأي حد يدخل ويخرج؟ عائشة بتهكم: هو حضرتك عايزني أدخل النار عشان الشغل؟ وبعدين والد حضرتك عارف إني مبشتغلش وقت الصلاة. زين: نعم؟ زين يصلي ويصوم ويحاول أن يصلح نفسه، ولكن ليس كل من يريد أن يصلح نفسه يظل جالسًا. يجب عليه البحث والمعرفة، وهو لم يفعل ذلك، فلم تكن معلوماته كافية ليظن أن الصلاة يجب أن تصلى ولا يهم الوقت الذي تصليها فيه.

فقال لها: هو أنا قولتلك ما تصليش؟ أنا قولتلك صلي لما تروحي. عائشة بهدوء: في 3 أوديه في جهنم، عارفهم؟ زين: لأ. سلمى: وادي الغي: وده للّي بيجمع صلاته في صلاة واحدة. قال تعالى: {فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا}. وده الوادي "وادي الغي" بتستعيذ منه جهنم كل يوم من شدة حرارته، فهل يتحمله بشر؟

وادي الويل: وهي لمؤخر الصلوات بدون عذر، وهو وادي مليء بالعقارب والحيات لقوله تعالى: {وَيْلٌ لِّلْمُصَلِّينَ الَّذِينَ هُمْ عَن صَلَاتِهِمْ سَاهُونَ}. وادي سقر: وهو لتارك الصلاة، حيث قال تعالى: {مَا سَلَكَكُمْ فِي سَقَرَ، قَالُوا لَمْ نَكُ مِنَ الْمُصَلِّينَ}.

وقال: {وَمَا أَدْرَاكَ مَا سَقَرُ، لَا تُبْقِي وَلَا تَذَرُ}. وهذا الوادي بمجرد دخول تارك الصلاة تذوب عظامه من شدة الحرارة، وتارك الصلاة يُحشر مع فرعون وهامان، ويُحرم من الشفاعة. عائشة: فهمت حضرتك. أجابها زين بتوتر. فكل مرة يحدثها بها يحاول أن يجد خطأ عليها تجعله هو المخطئ ويبدو في نظرها إنه لا يفقه شيء. أخبر نفسه إنه يجب عليه الاستفسار أكثر عن دينه، وحمد الله أن استفاد بشيء ووعد نفسه أن يحاول الانتظام في الصلاة.

زين: أيوه فهمت. عند سلمى: بعدما أنهت عملها في المستشفى، اتصلت بعائشة وقالت لها بإنها ذاهبة لشراء النقاب والادناء بفلوس المكافأة. وبالفعل ذهبت للمول ووجدت ما تريد ودفعت ثمنهم. وأثناء خروجها استمعت بدون قصد منها لحوار دائر بين بنت وفتاة ووالدتها. الأم: يا جنة مش ناوي تلبسي الخمار وتفرحي قلبي بيكي؟ انتي عندك دلوقتي 19 سنة، مينفعش كده.

جنة: يا ماما يا حبيبتي، ما انتي عارفة إنه لبسي واسع وبصلي، بس انتي عارفة إنه أنا مش عايزة البس الخمار غير لما أقتنع بيه عشان ألتزم بيه صح. استمعت سلمى لذلك الحديث ولم تصمت، فتدخلت في الحديث لأنها تمشي بقول "بلغوا عني ولو بآية". سلمى بتدخل في الحوار: السلام عليكم. الأم والبنت: وعليكم السلام ورحمة الله وبركاته.

سلمى: معلش سمعت كلامكم وأنا ماشية. وأكملت بهزار وبصراحة أنا حشرية، عايزة أقولك حاجة يا قمر. ونظرت لـ جنة وبدأت تتحدث. سلمى: فيه شيخ بيقول في درس من دروسه، انتي ممكن تكوني بتصومي أه وبتصلي وكمان حافظة القرآن كله بس متبرجة. خلي بالك بقى وتعالي أقولك إزاي. انتي ممكن تكوني فاكرة نفسك ماشية صح وفاكرة إنك ماشية في طريق الجنة، بس والله ما هتقربي منها غير لما تتوبي. ودا مش كلامي، ودا كله ليه؟ بسبب لبسك!

مفيش حاجة اسمها بنطلون واسع وبنطلون ضيق. مفيش حاجة اسمها بنطلون وفوقه تونيك. فيه حاجة اسمها الزي الشرعي الإسلامي كما وصفه الله ورسوله. أنا هكلمك النهارده، ولو شديت عليكي متزعليش، لأني خايف عليكي. ده الرسول نفسه عليه الصلاة والسلام خايف عليكي وقال لك: (يا معشر النساء تصدقن وأكثرن الاستغفار فإني رأيتكن أكثر أهل النار) . عايز أعرف منك إيه اللي السبب في لبسك ده؟ مستنية إيه علشان تلبسي اللبس الشرعي؟

مستنية موت الفجأة يجيلك ياخدك؟

انتي عارفة لو نزلتِ الشارع و100 واحد بص لك.. بـ 100 سيئة، بس مفيش مشكلة. لو نزلتِ الجامعة وألف واحد بس من الألوف دي بص لك، كل واحد بص مية بصة، بس 100,000 سيئة. ده غير لو شاب من الشباب المحترم اللي عينهم هيئة أرصاد جابك من فوقك لتحت ربع ساعة، يعني كمان ألف بصة. وقبل ما تنزلي ساعة قدام المرايا كمان بتتمكيجي فميزانك. نزلتي، واحدة في إعدادي شافتك قالت أنا هطلع زيك في ميزانك. واحدة ملتزمة لما شافتك فتنت بنظر الناس ليكي، خلعت الجاب في ميزانك. كل ده يجيله كام سيئة؟

مليون سيئة على الأقل في اليوم. يعني بقيتي بتلعبي في مليارات دلوقتي. والعداد شغال إلا أن تتوبي. طيب تعالي نشوف حكم رسول الله فيكي إيه؟ من أهل النار ولا تقرب الجنة ولا تجد ريحها؟ 1. ملعونة مطرودة من رحمة الله. 2. زانية ولا يقبل منها صلاة. 3. من صاحبات الكبائر التي تعادل القتل. 4. 5. جند من جنود الشيطان. عمرك شفتي ذنب الرسول بيعظم خطورته قد كده؟ الكلام ده جبته منين؟ من كلام الرسول عليه الصلاة والسلام. قال

الرسول صلى الله عليه وسلم: "صنفان من أهل النار لم أرهما، قوم معهم سياط كأذناب البقر يضربون بها الناس، ونساء كاسيات عاريات، مائلات مميلات، رؤوسهن كأسنمة البخت المائلة، لا يدخلن الجنة ولا يجدن ريحها، وإن ريحها يوجد في مسيرة كذا وكذا". والرسول حطك مع الظلمة اللي بيضربوا الناس بالكرابيج ليه؟

عشان انتوا الاتنين بتحطموا في الأمة. بتترتكبوا جريمة. أعدائنا عرفوا إن الأمة مش هتتدمر بالقنابل، بل بكأس وغانية. ترضي إنك تبقي قنبلة تنفجر في الدين؟ ترضي إنك تبقي سكينة ينطعن بيها كبد الدين؟ اديكي رضيتي. (لعن الله النامصة والمتنمصة) (لعن الله الرجلَة من النساء) . اللعنة يعني الطرد من رحمة الله. ترضي كده؟ (أيما امرأة استعطرت فمرّت بقوم ليجدوا ريحها فهي زانية) . يعني حط التبرج مع بقية الكبائر. مستنية إيه بقى؟

مستنية عقوبة ربنا في الدنيا؟ ولا مستنية سوء الخاتمة؟ ولا مستنية عقوبة ربنا في القبر؟ ولا مستنية عقوبة ربنا في النار؟

كده كده هيتحجب غصب عنك حجاب شرعي كامل وانتِ داخلة قبرك، خمس أو ست لفات كفن ملفوفة فيهم. وممكن تتحجبيه في الدنيا لولا قدر الله أصبتي بحرق ولا حاجة هتبقى عايزة أي حاجة تداري بيها الحرق ده. البسيه حبًا قبل ما تلبسيه غصبًا. اللي كان بيبص عليكي في الدنيا لو بص عليكي في القبر هيترعب من منظرك. تعالي بقى نشوف يوم القيامة هيبقى موقفك إيه؟ الرسول بيقول العنوهن فإنهن ملعونات. يعني هتطردي من رحمة الله. إزاي؟

يعني في عز الحر هتطردي من ظل عرش الرحمن، هتطردي من إنك تشربي من إيد النبي. وهتقابلي ربنا إزاي؟ قال رسول الله: (يُحشر المرء على ما كان عليه من ثياب) . يعني ثياب التبرج دي هتبعتي بيها؟ اه، طب ليه؟ عشان تتميزي وتتعرفي بالمعصية اللي كنتي بتعمليها في الدنيا. ((يُعْرَفُ الْمُجْرِمُونَ بِسِيمَاهُمْ فَيُؤْخَذُ بِالنَّوَاصِي وَالْأَقْدَامِ)

). البنات اللي لحد دلوقتي لسه بتجادل وبتكابر، أنا كده كويسة، أنا أحسن من غيري، أنا بلبس تونكات أطول من غيري؟ يا أختي كابري في أي حاجة إلا مصيرك. بإيدك تحددي مصيرك. ماتتردديش في القرار. الحجاب يا جماعة عداد حسنات مفتوح، والتبرج عداد سيئات مفتوح، فاحذري. أيُعقل تبيعي الجنة عشان حتة قماش؟ افتكري دائمًا: "من يتق الله يجعل له مخرجًا ويرزقه من حيث لا يحتسب" و "من ترك شيئًا لله عوضه الله خيرًا منه".

أنهت سلمى حديثها، ثم نظرت للفتاة فوجدتها منهارة من البكاء وتحدثت وسط بكائها. جنة: أنا والله ما كنت أعرف كله ده. أه بصلي وأصوم، بس مكنتش فاكرة إن لبسي ده مخالف لأوامر ربنا في اللبس. والنبي قوليلي أعمل إيه؟ أنا مش حمل إني أدخل النار. سلمى: أولًا مينفعش تحلفي بغير الله لأنه يعتبر شرك، فلو قولتي كده تاني قولي بعدها لا إله إلا الله. البت: حاضر، بس انصحيني. مش عايزة أموت كده.

سلمى: مش هتعملي حاجة غير إنك تسمعي كلام الست الطيبة دي وتلبسي الخمار وتشتريلك كم فستان كده، بس وهتبقي قمرين. البت: حاضر، بس تعالي اختاري معايا. الأم: مش عارفة أشكرك إزاي يا بنتي. سلمى: الشكر لله يا حاجة. يلا تعالي اختار معاكي يا عسل بقى. وفي نفس الوقت كان هنا فتاة مع طفلتها تستمع للحوار، وكان أخوها يستمع لكل كلمة تقال، وعلم صاحب ذلك الصوت، ولم يكن ذلك الشخص سوى يزن.

قامت سلمى بشراء الفساتين والخمارات للفتاة، التي أصرت أن ترتديه ولا تخرج من هذا المول إلا وهي راضية لله ومطيعة لأوامره. خرجت مع سلمى بعد أن ارتدت الزي الذي يرضي الله، وتركتها سلمى بعد أن ودعتها لتذهب لشراء شيء. ولكنها استمعت لصوت سيارة يحتك بالأرض ثم صرخة فتاة عالية، لتعلم سلمى صاحبة ذلك الصوت الذي كان يحدثها منذ دقائق. سلمى: