رواية النصيب الفصل العشرون 20 - بقلم وحيدة كالقمر

تليفون ملك رن وكانت سوسن. ملك: سوسي عاملة إيه؟ سوسن: الحمد لله يا قلبي، انتي عاملة إيه؟ ملك: تمام، أخبار البلد عندك؟ سوسن: كويسة. ملك: كل اللي عندك عاملين إيه؟ سوسن: كويسين، بيسلموا عليكي. ملك: الله يسلمهم. سوسن: إيه مفيش أي أخبار؟ ملك: الأخبار دي عندك، عاملة إيه مع أدهم؟ سوسن: عملت كل حاجة، والبعيد مبيحسش، سيبك منه، مراد عامل إيه معاكي؟ ملك: كويس... حنين أوي. سوسن بمكر: حنين بس؟

ملك بتتكلم بهيام: وسيم وحنين ورحيم أوي. سوسن: شكلنا وقعنا أوي، هتعترفيله إمتى؟ ملك: مش عارفة. سوسن: اعترفي في أسرع وقت. ملك: ماشي، هقفل دلوقتي وهكلمك بعدين. سوسن: ماشي، سلام. ملك: سلام. قَفَلَت ملك وراحت تلبس. لبست فستان أحمر وجزمة حريمي شيك كعب عالي وطرحة سودة وحطت ميكب خفيف. نزلت وركبت العربية وكان مراد مستنيها في المكان اللي اتفقوا عليه.

وقفت العربية، نزلت من العربية وبصت للمكان بدهشة. المكان كان عبارة عن حتة في صحراء فيها ترابيزة لشخصين وسجادة حمراء عليها ورود. كانت ملك بتمشي على الورد وهي بتضحك، وكان مراد واقف على أول السجادة ومبتسم. وصلت ملك عنده. مراد بابتسامة: إيه رأيك في المفاجأة؟ ملك وهي طايرة من الفرح: جميلة. مراد مسك إيد ملك وراحوا قعدوا على التربيزة. شربوا عصير واشتغلت أغنية ملك المفضلة. قام مراد مد إيده لملك.

مراد: تسمحيلي برقصة دي يا أميرتي؟ ملك هزت راسها أنها موافقة. بدأت الأغنية وكانوا بيرقصوا. الأغنية: "بطير وأنا لسه في مكاني، حياتي اتلونت تاني.. بطير وأنا لسه في مكاني، حياتي اتلونت تاني." وكانت ملك بتغني مع الأغنية. وقف مراد عن الرقص وبص لملك. بص في عيونه وقال: مراد: ملك أنا... أنا بحبك. مش عارف إزاي وفين وكيف وإمتى، بس اللي أعرفه إني من أول ما شوفتك أعجبت بيكي، أعجبت بشخصيتك... بس مش عارف إمتى حبيتك.

ونزل على ركبته وطلع خاتم. مراد: تقبلي تتجوزيني؟ ملك كانت واقفة مصدومة ومراد سألها تاني. مراد: تقبلي تتجوزيني يا ملاكي؟ ملك واقفة مش متحركة. مراد بهزار: ملك يلا رجلي وجعتني. ملك بصتله ووافقت ولبسته الخاتم. مراد حضن ملك وشاله ولف بيه. ملك بخوف وهي ماسكة فيه: بس يا مراد هقع. مراد: متخافيش طول ما أنا معاكي... ملك هنبدأ بداية جديدة وحياة جديدة. ملك بصتله وهي مبتسمة وكأنه بلع لسانه من الفرحة.

مراد: هعملك فرح زي اللي بتحلمي بيه هنا. ملك: لا مش عاوزة. مراد: ليه؟ هنعمل فرح صغير فكري. ملك بخوف: خايفة اليوم ده يحصل فيه حاجة. مراد بيطمنها: متخافيش أنا معاكي. خلصوا السهرة ورجعوا على البيت. دخلت ملك الأوضة ودخل مراد وراها. ملك: مراد حبيبي. مراد بابتسامة: إيه يا عيون مراد. ملك بابتسامة: اطلع بره. مراد بزعل: ملك هطلع ليه. ملك: عقبال الفرح مينفعش أنا وانت ننام في أوضة واحدة. مراد: هقعد مؤدب. ملك وهي بتزقه لبره: لا.

مراد: على فكرة دي أوضتي. ملك بابتسامة: دلوقتي أوضي، وبعدين هتبقى أوضتنا. مراد بابتسامة: صح. ملك وهي بتقفل الباب: تصبح على خير. مراد بضيق: وانتي بخير. كانت ملك بتفتكر كانت مع مين وبقت مع مين وقررت تقول لمراد كل حاجة.