رواية النصيب الفصل التاسع عشر 19 - بقلم وحيدة كالقمر

ملك كانت طالعة من الحمام وشافت خالد. كانت ماشية وواقف في طريقه. "بعد إذنك، عاوزة أعدي." خالد بإعجاب: "أول مرة أشوف جمال كده." وقرب منها وهي خائفة. ملك بخوف: "ابعد عني. هصوت وهفضحك." خالد وهو بيقرب أكتر: "محدش هيسمعك." كانت هتجري، مسكه من إيده. ملك بالصراخ: "ابعد عني يا حيوان! وضربته بالقلم. خالد اعصب ومسكه من الحجاب.

وفجأة لقي مراد مسكه وفضل يضرب فيه لحد ما وشه كله بقى دم. وملك كانت بتعيط. وجه سيد بيه. حاولوا يحوشوا مراد من على خالد. ومراد مسبش خالد غير لما اغمى عليه. مراد راح عند ملك. لقيه بتعيط وبتترعش. حضنه. ملك لما لقت مراد حضنته جامد. بعدين اغمى عليه. مراد شال ملك ومشوا. وصلوا الفيلا. طلعوا فوق. نامت على السرير. قعد جنبه وكان متعصب. عدت ساعتين وهي نايمة. كانت بتعيط وبتقول: "مـ ر ا د." مراد راح لها بسرعة وبيكلمها علشان تطمن.

"ملك، أنا هنا. متخافيش يا حبيبتي." ملك فتحت عينيها وقامت بخضة لما شافت مراد. ارتاحت وحضنته جامد. "مراد، متسبنيش. أنا خايفة." مراد كان حضنه جامد بيطمنها إنه معاها. "متخافيش يا روحي. أنا معاكي وهحميكي." "هنده الدادة تساعدك علشان تغيري." ملك بصت له بدموع: "متسبنيش." "هقف بره عقبال ما تخلصوا."

ورن على الدادة وطلعت. وهو استنى بره. خلصوا والدادة طلعت. دخل مراد. لقي ملك قاعدة على السرير ضامة نفسها وبتعيط. وشعرها مفرود على ضهرها. جري عليه. "ملك، انتي كويسة؟ ملك بصت له وحركت رأسها بمعنى لا. "ممكن تنام معايا النهارده؟ مراد هز راسه بمعنى ماشي. نام مراد جنبها وهي حضنته وناموا. في صباح يوم جديد. كانت ملك نايمة زي الملاك. مراد قام براحة وطلع بره ورن على صاحبه في الشركة. "زياد، أنت في الشركة؟

"أيوه، وسمعت عن اللي حصل امبارح." "افسخ الصفقة اللي بينا وبين شركة الأنصاري." "بس دي صفقة كبيرة." مراد بعصبية: "زي ما قلتلك هتعمل." "ماشي." وقفل. ومراد كان واقف بيفكر هيطلع ملك إزاي من اللي هي فيه. وسمع صوت ملك. عند ملك في الأوضة. كانت نايمة وبتفتكر اللي حصل امبارح واللي حصل من تلت سنين. وصحيت وهي بتصرخ. ومراد دخل بسرعة. "ملك حبيبتي، انتي كويسة؟ ملك بدموع: "شفت كابوس. الاتنين كانوا بيجروا ورايا."

"اهدي. مفيش حد. أنا هنا. خدي اشربي شوية مياه." شربت شوية مياه وهديت شوية. "يلا روحي خدي شور والبسي. وأنا مستنيكي تحت. عندي ليكي مفاجأة." ملك بتعب: "أنا تعبانة. مش هقدر." مراد بإصرار: "يلا بدل ما أنا أشيلك وناخد شور إحنا الاتنين." "خلاص. ماشي." مراد بهزار: "ماشي على إيه بالظبط؟ هتاخدي شور لوحدك ولا أنا أشيلك وناخد شور إحنا الاتنين؟ ملك بكسوف: "مراد." مراد ضحك على كسوفها: "خلاص. هستناكي تحت." "ماشي." تليفون ملك رن.