رواية النصيب الفصل الثاني عشر 12 - بقلم وحيدة كالقمر

البنات كانو بيبصو من الشباك والشباب كانو جايين كل واحد بعربية وفجأة ضربو ألعاب نارية في الهوا. ملك: أي يا بنات الصوت ده؟ سما: دي ألعاب نارية. نور: العريس طالع، يلا يا بنات. ملك: رايحين فين؟ سها: هنطلع نستناكي بره علشان تتكلموا شوية. ملك: لا متسبونيش لوحدي، أنا أصلاً متوترة. عبير: متتوتريش، اهدي. أنا كنت زيك كده، بس بعد شوية هتبقي كويسة. سوسي: خلاص يا قلبي، مش هنسيبك. دخل مراد وأول ما شاف ملك اتصدم وفضل متنح.

مراد بيكلم نفسه بصوت واطي: أي الملاك اللي واقف قدامي ده. البنات كانو بيضحكو على شكله. ملك: بتقول حاجة؟ مراد: لا، يلا. نزلوا وركبوا العربية. أدهم ركب سوسي ونور معاه. آدم ركب عبير وسما وسها. وإسلام وسليم وزياد ركبوا في عربية. وكانوا ماشيين، عربية العريس من في النص والعربيات محاوطاهم وبيزمرو. ولفوا بيهم ساعة وبعدين راحوا على البيت.

البنات كانو ماسكين الفستان من ورا ودخلوا البيت وقعدت ملك، والكل بيزغرت وبيغنوا ويرقصوا. البنات سحبوا ملك وهي مكنتش عاوزة ترقص. وبعدين قالت لنفسها: أقوم أفرّح شوية، ما هو فرحي برضو. وقامت وقعدت ترقص لحد ما سما راحت جابت مراد وخلته يرقص معاها. ورقصوا قصاد بعض. والفرح خلص وكل الناس مشيت وكل واحد راح على أوضته. عند أوضة مراد. ملك قاعدة بالفستان بتفكر هتعمل إيه، ولقيت مراد رايح ليها. ملك قامت بخضة. ملك: واقف عندك.

مراد واقف مكانه. شاف الخوف في عينيه. قال لنفسه: تعال نهزر شوية. مراد: أقف إزاي وأنا بحلم باليوم ده. ملك بصدمة: إيه؟ مراد: تعال هقولك على حاجة. ملك طلعت تجري في الأوضة وهو بيجري وراها وبيضحك عليها. مراد: هتروحي مني فين يعني. ملك: أنا كنت مفكراك محترم وهادي. مراد: مين عطاكي الفكرة دي عني؟ ملك: أنا. مراد: انتي غلطانة، تعالي بقى هاتي بوسة. ملك بصدمة وشهقة: يا قليل الأدب. مراد: أنا قليل الأدب طيب تعالي. وجر وراها.

ملك كانت هتعيط: خلاص أنا آسفة. مراد: خلاص، متعيطش. أنا كنت بهزر معاكي. ملك: بص هنعمل اتفاق. أنا معرفكش كويس، هنعمل خطوبة نتعرف فيه على بعض علشان إحنا معملناش خطوبة أصلاً. وبعدين نشوف إيه اللي هيحصل. مراد: تمام، ماشي. بس قدام الناس انتي مراتي ومافيش اتفاق. ملك: قدام الناس بس. مراد بياكد على كلمة: آه، قدام الناس بس. ملك مدت إيدها وسلمو. ملك: اتفاقنا. مراد: اتفاقنا. راح قعد على الركنة اللي في الأوضة.

مراد: أنا تعبت من الجري. ملك مترددة تقوله: مراد. مراد: نعم. ملك وهي متوترة: ممكن تفتحلي السوستة. مراد: ماشي. فتح لها السوستة وجرت على الحمام وقفلوا الباب. مراد ضحك عليها. ملك في الحمام غيرت ولبست بجامة بنص كم وعملت شعرها كحكة لفوق. وطلعت لقيت مراد غير وقاعد. ملك: هتنام فين؟ مراد: على السرير. ملك: وأنا؟ مراد: على السرير. ملك: لا مش هينفع. مراد: ليه؟ ملك: إحنا متفقين وأنا مبحبش حد ينام معايا على السرير.

مراد: دي أوضتي على فكرة. ملك: بقت أوضتنا طيب، أنا هنام على الركنة وانت على السرير. مراد: لا مش هينفع، أنا هنام على الركنة. ملك: خلاص نعمل بالدور. مراد: إزاي؟ ملك: انت يوم على السرير وأنا يوم. مراد: ماشي. ملك: انت النهارده وأنا بكرة. مراد: تمام، اتفاقنا. ملك: اتفاقنا. فضلوا الليل كله صاحيين. جه الصبح بدري. كانوا نايمين، الباب خبط. قامت ملك بخضة وجريت عند مراد. ملك: مراد، مراد. مراد: في إيه؟ ملك: جوه. مراد: مين؟

ملك: جوه علشان الصبحي. مراد قام بسرعة. ملك: أنا هدخل أغير وانت افتح. مراد: ماشي. دخلت ملك الحمام وفتح مراد الباب. ودخلوا أمه وأم ملك ونسوان العائلة. والبنات زغرتوا. أم مراد: صباحي مباركة يا عريس. مراد: الله يبارك فيكي يا أمي. أم ملك: صباحي مباركة يا جوز بنتي. مراد: الله يبارك فيكي يا مرات عمي. خرجت ملك من الحمام، بص مراد واتصدم.