رواية النصيب الجميل الفصل الأول 1 - بقلم فاطمة سعيد

في إحدى الحواري المصرية الراقية يسكن الأستاذ جمال هو وزوجته، وهي أسرة ميسورة الحال. يتحدث مع زوجته: جمال: خلاص ياشهيرة، أنا راضي بقضاء ربنا وكفايا عليا إنتي ياحبيبتي، ماليا عليا الدنيا. ربنا ما يحرمني منك أبداً يارب.

شهيرة: ولا يحرمني منك أبداً ياجمال، بس أنا نفسي أبقى أم والله. مش معترضة على أمر ربنا، بس نفسي في طفل يقولي ماما. إحنا بقالنا 5 سنين متجوزين وتعبنا من كتر الدكاترة، وكلهم بيقولوا موانع بسيطة وتمشي بالأدوية، طيب إيه المانع في إننا نخلف؟ أنا مش قادرة. أنا رايحة للدكتورة النهاردة ياجمال. جمال: خلاص ياشهيرة، زي ماتحبي. نروح للدكتورة. عند الدكتورة: شهيرة: بجد يادكتورة؟ يعني في أمل نخلف؟

الدكتورة: أيوه ياشهيرة، في أمل كبير بإذن الله. جمال: طيب في أدوية نمشي عليها يادكتورة؟ الدكتورة: أنا هكتبلها شوية فيتامينات وهتيجي الشهر الجاي بإذن الله. بعد مرور شهر: الدكتورة: ألف مبروك ياشهيرة، إنتي حامل. جمال وهو يبكي: بجد يادكتورة الكلام ده؟ الدكتورة: أيوه يا أستاذ جمال، يعني أنا هزر في الموضوع ده؟ الموضوع ده مافيهوش هزار. جمال: مالك ياشهيرة؟ مش بتتكلمي ليه؟ شهيرة بكلام متقطع: أنا مش مصدقة. حاسة إن قلبي هيوقف.

ثم قام جمال باحتضانها وبكيا سوياً. جمال: خلاص يا حبيبتي، بعد صبر 5 سنين الحمدلله ربنا عوضنا وهنبقى أم وأب أخيراً. وتمر الشهور وتبقي شهيرة في الأشهر الأخيرة من حملها. شهيرة وهي تشاهد التليفزيون كرتون حزين وتبكي بحرقة. دخل جمال من باب المنزل، وجد شهيرة تبكي بهذا الشكل. جري عليها. جمال: مالك ياحبيبتي؟ بتبكي ليه؟ تعبانة؟ حاسة بحاجة؟ قومي يلا نروح المستشفى. شهيرة ببكاء: لا ياجمال، أنا مش تعبانة.

وشاورت على التليفزيون: شوف نيمو بيدور على أهله إزاي ومش لاقيهم. جمال وهو يكاد يموت من فرط الضحك: إيه ياشهيرة؟ وقعتي قلبي ياحبيبتي، وفي الآخر على كرتون. قامت شهيرة وضربته على صدره: ماتكلمنيش تاني ياجمال، ها بتضحك عليا؟ ماتكلمنيش تاني. وفجأة قامت بالصراخ: الحقنييييي ياجمال بموووت.