رواية النصيب الجميل الفصل الثالث عشر 13 - بقلم فاطمة سعيد

ياتري مين اللي جاي ف الوقت ده. حمزة: ثواني هفتح اشوف مين. حمزه فتح الباب ولقي احمد. حمزة: انت خير ياترا، اي ايه سر الزياره السعيده دي. احمد: ايه مش هتقولي اتفضل، بس ولا يهمك اتفضل. أنا سمعت ان عم جمال تعبان قولت اجي اطمن عليه. راح دخل وشاف عهد ووعد قاعدين. احمد قعد علي الكرسي وقال: الف سلام ي عهد علي عم جمال.

وبعدين وجه كلامه علي وعد: سلامته الف سلامه ي وعد، الحمدلله انه بقا كويس، لو عوزتي اي حاجه ماتتردديش ي وعد، انا موجود. وعد لسه هتتكلم، حمزة قاطعها. حمزة بنرفزة: شكرا ي استاذ احمد، هما مش محتاجين حاجه وفر حاجاتك لنفسك، وشكرا علي الزيارة الكريمه دي. احمد: ايه ده، افهم من كده اني بتطرد بشياكه. حمزة بتريقه: افهم زي ماتفهم، نورت. احمد قام ولسه هيمشي قال لوعد: ممكن كلمه علي انفراد ي وعد. حمزة قام بغضب اداله بوكس ف وشه قاله:

..اولا اسمها الانسه وعد. ..وثانيا اظن ان مافيش بينكم كلام علشان تكون عايزها علي انفراد، اتفضل. احمد وهو بيمسح وشه: تمام ي حضرة الظابط، مردوده ان شاءallh. حمزة بسخريه: هنشوف. وبعدين احمد مشي وقفل الباب. حمزة بعصبيه: عيل سئيل. وعد: علي فكرة هو ماعملش حاجه لكلامك واسلوبك الصعب معاه ده. حمزة بسخريه: ايه، كنتي عايزة تقعدي معاه علي انفراد ولا ايه. وعد: والله. عهد علشان تنقذ الموقف والخناقة اللي

كانت علي وشك انها تحصل: طيب ي حمزة، هعملك قهوة وانتي ي وعد. وعد وهي متجهه علي اوضتها: مش عايزة حاجه. عهد بضحك: هعملك عصير فراوله، عارفاكي بتحبيه. وسابت حمزة ودخلت المطبخ. وعد في اوضتها بتفتح دولابها وبتطلع لبس. وف نفس الوقت حمزة بيخبط علي اوضتها وبيقولها: تعالي بره عايزك، بعدين انتبه للي بتعمله. وقالها: انتي بتعملي ايه. وعد: خارجه ولا ممنوع. حمزة دخل الاوضه

وساب الباب مفتوح وقال: خارجه ليه وراحه فين ان شاء الله، ومن نفسك يعني كده طقت ف دماغك. وعد: حابه اتمشي شويه. حمزة: خلاص، هجيب مفاتيح العربية واجي معاكي. وعد: عايزة اتمشي لوحدي. حمزة بصوت عالي نسبيا: مافيش حاجه اسمها لوحدك، هنزل اتزفت البس واجي معاكي. وعد بهدوء: ياريت ماتتأخرش، وياريت نتمشي مش بعربيتك. حمزة وهو وطالع من الاوضه: ماشي. حمزة طلع من الاوضه شاف وعد بالقهوة. عهد قربت منه قالتله: القهوة ي حمزة.

حمزة بابتسامه بسيطه: معلش ي عهد، اشربها لما ارجع أو أي وقت تاني، وي ستي انا اصلا مقيم عندكم لحد ماجيمي يبقي زي الأسد. عهد بضحك: يارب... تمام ي حمزة. حمزة طلع وفتح باب الشقه. قبل ماينزل قالها: ايوة صح ي عهد، وعد هتيجي معايا، قولي لبابا. عهد بايمائة: خلي بالك منها. حمزة أماء براسه ومشي. ******************** ي ماما انا رايحه عند وعد وعهد، وان شاء الله مش هتاخر.

نجوي: ماشي ي حنان، ياريت متتاخريش علشان الليل ي حبيبتي، وسلميلي عليهم. حنان: حاضر، ومتخافيش ي ماما، وكمان رنا رايحه معايا. رنا: ايوة، ما انا الفلبينية اللي جايبهالك امك. نجوي بيأس: انا مش عارفه انتي بتجيبي كلامك ده منين. رنا: هكون جيبته منين ي نوجه، من الفيس والتلااافزيون. حنان باشمئزاز: تلاااافزيون🙂. طيب ي أستاذة رنا، ممكن نمشي علشان منتأخرش. رنا: يلا. فتحوا الباب. نجوي

نبهت عليهم للمرة المليون: اوعوا ي بنات تتاخروا. حنان ورنا معا: حاضر ي ماما، سلااام. وقفلوا الباب ونزله. _ركبوا تاكسي ووصلوا عند البيت. نزلت رنا من التاكسي وبعدها حنان. **** فجاه خبط فيها شخص. رفعت راسها علشان تزعقله. احمد: انتييييي، ي لهوووي، انتي طالعالي ف البخت. حنان بعصبيه: انا ي استاذ، ولا انت ف كل مكان الاقيك ف وشي، وبعدين ده بدل ماتعتذر. احمد بغرور: انا اعتذر ليه، ومنك انتي. حنان بنرفزة: تصدق انك بني آدم ق ل.

-فجأه شدتها رنا وقالتلها: يلا بينا خلاص، ودخلوا العمارة. حنان شدت ايديها وقالتلها: انتي ازاي تشديني، كنتي تسبيني اوريه قيمته المهزء ده. رنا: خلاص ي حنان، يلا بينا ي بنتي. حنان بضيقه: يلا. ............. عهد قاعده مع باباها بيتكلموا. فجأه رن الجرس. عهد: ثواني ي بابا، هشوف مين علي الباب. -فتحت عهد الباب. ..حنووووون اذيك عامله ايه، وحشاني. حنان: وانتي اكتر ي عهد، عامله ايه، ووعد وعمو جمال عامل ايه. عهد: بخير الحمدلله.

....... فجأه جيه صوت من ورا. *ايه، احنا هنقضيها سلامااات علي السلم. عهد بضحك: ازيك ي رنا، عامله ايه، اتفضوا ي بنات. ف الصالون. حنان: مش شايفه وعد فينها. عهد: خرجت من مده شويه وتيجي ان شاء الله. حنان: بإذن الله. ... عمو جمال ي عهد، عامل ايه. عهد بزعل: والله ي حنان، بابا تعب اووي ف الايام اللي فاتت.. ثم تابعت بفرحه: بس الحمدلله بقا احسن من الاول، والدكتور طمنا عليه، يلا ندخل عند.

رنا: الف سلامه عليه، ربنا يديم عليه الصحه والعافيه يارب العالمين. عهد: اللهم امين يارب العالمين، تسلميلي ي رنا. تعالوا اتطمنوا عليه. عهد دخلت لباباها قلتلوا حنان ورنا عايزين يطمنوا عليه. جمال بإبتسامة: دخليهم ي عهد. عهد نادت عليهم: اتفضلوا ي بنات. ..... حنان ورنا دخلوا. حنان: الف سلامه عليك ي عمو جمال، ربنا يتم شفاؤك علي خير ان شاء الله. رنا: الف سلامه عليك ي عمو. جمال: الله يسلمكم ي بنات، مكنتوش تعبتو نفسكم.

حنان: ازاي ي عمو جمال، انت ف مقام بابا الله يرحمه، ربنا يطول ف عمرك يارب. جمال: يارب.. ربنا يعلم انتوا عندي زي عهد ووعد. حنان بإبتسامة: تسلم ي عمو جمال، ربنا يبارك لنا فيك يارب. ..عن اذنك هنمشي علشان مانتأخرش علي ماما. جمال: اتفضلوا ي حبايبي، خلوا بالكم من نفسكم. حنان ورنا: حاضر ي عمو. ... عهد طلعت معاهم: خليكوا شويه، انتوا مش بتيجوا دايما عندنا. حنان: مرة تأتي بإذن الله. وحضنوها ومشيوا. *************

_نروح عند وعد وحمزة هما وبيتمشوا. حمزة: ها ي ستي، ايه اللي مزعلك. عهد: مافيش. حمزة بسخريه: مافيش بالله عليكي، دي خلقت واحده مش زعلانه. وعد: طيب ي حمزة، ايوة زعلانه، ومنك انت كمان. حمزة بدهشه: مني انا. وعد: ايوة، بتتحكم فيا ولا كأني واحده ف الابتدائي، انا كبيره ي حمزة واقدر افرق بين الصح من الغلط. وبعدين انت بتتحكم فيا بتاع ايه اصلا، ايه الرابط اللي بينا يخليك تتحكم فيا للدرجادي.

حمزة بعصبيه: ايه الرابط، تمام ي وعد، انا هوريكي ايه الرابط. وقرب منها وبعدين.......