تحميل رواية النصيب بقلم رحاب القاضي pdf

كم هو مؤلم ان يضحكنا الحب، ويبكينا النصيب😞

كانت شهد نايمه علي السر*ير بعد ما أسر شالها وطلعها اوضتها وحاول يفوقها وهو بيقول بقلق وخوف حقيقي...

أسر

شهد ردي عليا يا حبيبتي..

صباااح بخوف

الموضوع محتاج دكتور يا أسر بيه هي مش فايقه معانا خالص..

أسر

طيب هاتيلها هدوم. من. الدولاب عشاان هاخدها المستشفي وانزلي قولي للسواق يجهزلي العربيه بسرعه.

صباااح

حاضر يا بيه تحت امرك..

_نفذت صبااح اللي طلبه منها ونزلت وجه أسر يغيرلها هدومها فمسكت ايده وقالت بتعب..

شهد

ابعد عني..

أسر بلهفه

انتي كويسه يا حبيبتي..

_هزت راسها بمعني لا ومسكت بطنها وبان عليها الالم اكتر، فقالها بخوف..

أسر

اهدي طيب وساعديني اغيرلك هدومك عشاان نروح المستشفي..

ردت عليه بصوت مقطع من شدت المها وقالت

بقولك.. ابعد... عني...

أسر بضيق

يعني عايزاني اخدك كده المستشفي بالمنظر ده..

جات صباااح بسرعه وقالت

أسر بيه انا كلمت هاله هانم وهي قالتلي هتجيب دكتوره صحبتها وجايه حالا، وبتقول هي عارفه شهد مالها وايه اللي تاعبها..

أسر بص لشهد بقلق وقال

طيب معلش كلميها استعجليها..

صباح

هي فاقت اهي انتي كويسه يا بنتي...

أسر بحده

هو ده منظر واحده كويسه يعني، روحي يا صباااح اعملي زي ما قولتلك..

_مشيت صباااح من قدامه بسرعه وخوف من عصبيته وهو فضل قااعد جنب شهد علي السرير وبدأت هي تفقد وعيها تاني تدريجياً، فمسك ايدها وباسها وقال بخوف..

أسر

هتبقي كويسه ما تخافيش انا جنبك يا حبيبتي..

_في الوقت ده دخلت نتالي واول ما شافها أسر وقبل ما تتكلم قاام بسرعه واخدها وطلعو بره الاوضه وهو شكله متدايق جداً وقال بعصبيه..

أسر

انتي مش شايفه انها تعبااانه ايه اللي جابك عندها...

نتالي

انا جيت اطمن عليها، وبعدين انت ليه بتكلمني كده. يا أسر؟..

أسر بغضب

يعني ما كنتيش عارفه انها واقفه واتعمدتي تعصبيها، اقسم بالله يا نتالي لو شهد حصلها حاجه اا..

نتالي بدموع

هتعملي ايه هي مراتك وانا هبقي مراتك، وانا فوق ده كله حبيبتك وحبك الاول ولا ده كان كلام...

أسر

لا ما كانش كلام بس مليون مره اقولك الوضع اتغير انتي بالنسبالي واحده كانت ميته وانا اتجوزت شهد وحبيتها، اختارت زمان احبك لانك كنتي عجباني، شهد بقي انا ما اخترتهاش نصيبي هو اللي جمعني بيها وخلاني اتعلق بيها لدرجة اني بتجنن لو فكرت بس انها ممكن تبعد عني، حاجه مش بأيدي اتحكم فيها..

نتالي

فاهمه يا أسر ربنا يطمنك عليها انا هقعد في اوضتي وهستناك تطمن عليها وتيجي عشان نتفق هنتجوز ازاي النهارده واللي هيحصل بعد كده..

_وسابته نتالي وراااحت اوضتها وهو تجاهل كل كلامها وكان تفكيره مشغول في شهد وانه يطمن عليها وبس، وبعد شويه جات هاله واول ما دخلت بصتله بحده وقالت..

هاله

انت عملت فيها ايه؟

أسر

هكون عملت ايه يعني، وبعدين يعني ايه انتي عارفه هي عندها ايه؟

هاله بتوتر

ولا حاجه قولت يمكن تكون انت عملت فيها حاجه كده ولا كده ما انت من يوم ما شوفتها وهي بتطفح المر معاك..

أسر بغيظ

لو تخليكم في حالكم انا حياتي هتبقي تمام بس ازاي تعملوها يا ناس حشريه..

هاله

اتنيل هو انت من غيري ومن غير وقفتي جنبك هتقدر تبقي بس بني ادم، انزل استني انجي جايه دلوقتي وخليها تطلع عشان تكشف علي شهد..

أسر بص لشهد بقلق وقال

طيب خلي بالك منها هي مش فاقده الوعي اووي يعني بس مش فايقه...

هاله

مش هتوصيني عليها اتفضل انزل يلا..

_قاام أسر ونزل عشان يستني الدكتوره، وهاله فضلت قااعده جنب شهد وبعد فتره قليله جااات الدكتوره وطلعت عشان تكشف علي شهد وأسر كان قااعد مستنيهم ودخلت رحمه وقالت..

رحمه

انا نفسي افهم هو انتو باب بيتكم ده مفتوح علي طول ليه، نفسي مره اجي واخبط عليكم زي الناااس...

أسر بغيظ

كانت ناقصه اهلك اصلا، ايه اللي جابك؟

رحمه

مش هرد. عليك عشان انا مش جيالك ولو عليا ما ادخلش بيتك اصلا، بس اعمل ايه نصيب صاحبتي الاسود انها اتجوزتك..

أسر

ما تلمي لساانك شويه وتبقي محترمه..

رحمه

انا محترمه غصب عنك وبعدين انا مش عايزه اتكلم معاك اصلا عشااان انا فيا اللي مكفيني..

أسر

اومال جايه ليه؟

رحمه

هكون جايه عاشقه جمال خلقتك انا جايه لصاحبتي فين شهد؟

أسر

الدكتوره عندها فوق وو..

شهد

يا نهارك اسود. عملت ايه في البت؟

أسر بغيظ

وانتي مالك اسكتي يا رحمه واستني الدكتوره تنزل تطمنا عليها ومعاها هاله فووق..

رحمه بقلق

يعني هو حصل ايه طيب عشان تتعب؟

أسر

ما بتاكولش من لما جات هنا طبيعي هتتعب يعني..

رحمه

ما انت في خلقتها هيجيلها نفس منين تاكل..

أسر اتنهد بضيق وقال

طيب ما تتكلميش معايا وما تسألنبش علي حاجه تاني ده انتي بنت رخمه اووي، ابو تقل دم اهلك..

رحمه بحده

واهلك

أسر

طيب ما تخرسي خااالص..

رحمه

اخرس انت الاول...

_اتنهد أسر بضيق وسكت وبعد شويه نزلت الدكتوره ومعاها هاله..

أسر

خير شهد عامله ايه؟..

الدكتوره

كويسه انا شرحت الحاله لمدام هاله، والف مبروك ان شاء الله تقوم بالسلامه..

أسر

الف مبروك انها تعبانه..

ابتسمت هاله ورحمه قالتله

يا عم افهم بتقولك الف مبروك وتقوم بالسلامه يعني شهد حامل مش محتاجه حاجه يعني عشاان تفهم..

هاله

اهي رحمه قالتلك يا سي أسر.

ابتسم أسر بعدم تصديق وقال

بجد يعني شهد حامل بجد؟..

هاله

يعني هنضحك عليك يعني..

الدكتوره

المهم بس انها تاكل كويس الاول تاكل وبعدين تاخد العلاج اللي كتبتهولها يا هاله وهستناها تيجي تتابع معايا..

هاله

اكيد طبعا أسر وصل الدكتوره وهات العلاج لمراتك يلاا..

أسر وهو لسه مبتسم

حاضر اتفضلي يا دكتوره..

طلع اسر معاها وهاله قالت لرحمه

كويس انك جيتي يا رحمه اطلعي عند شهد. خليها تاكل لازم تاكل اي حاجه قبل العلاج انا خليت صبااح تعملها اكل، انا والله ما كنت هسيبها بس في ميتنج في المدرسه بتاعت تياام ولازم ابقي موجوده معاه...

رحمه

عادي ولا يهمك انا مش هروح الجامعه اصلا وهقعد معاها لحد ما اخوكي يروح شغله ويرجع...

هاله

اوكي يا حبيبتي ربنا يخليكم لبعض يلا باي باي...

_ومشيت هاله وطلعت رحمه فووق وقبل ما تدخل اوضة شهد لقيت نتالي واقفه قدااامها ونظراتها كلها حقد..

مثلت رحمه انها اتخضت وقالت

يا ماما عفريت دي ولا بني ادم..

نتالي بغيظ

بنت قليلة ذووق زيك انا مش هرد عليها..

رحمه

ابقي قليلة ذووق احسن ما ابقي خطاافة رجاله وخرابة بيوت، بس كل ده انا ماليش دخل فيه اللي يخصني شهد والله يا صفرا يا بت الصفرا انتي لو فكرتي تعملي حاجه فيها هجيبك من شعرك والف بيكي مصر كلها واقول من دي بكره بقرش، هي غلباانه وطيبه بس ربنا كارمها بيا انا اعرف اجيبلها حقها منك ومن اشكالك، ومش بقولك. كده من فرااغ اصل النظره اللي في عينيكي دي انا فهماها كويس...

خافت نتالي منها وقبل ما ترد عليها قالت رحمه بحده

شششش انا مش بقولك كده عشان اسمع منك رد كفايه انك فهمتي انا اقصد اوعي بقي من وشي... يا صفرا...

_قالت رحمه كلامها بكل غضب ودخلت عند شهد وقفلت الباب، واول ما دخلت لقيت شهد قااعده بتعيط علي السرير..

رحمه

يا بنتي هو انا امتي هشووفك مبسوووطه..

شهد

كويس انك. جيتي..

قعدت رحمه جنبيها بسرعه وقالت

في ايه بس مالك..

شهد ببكاء

سمعته بيقولها انه هيتجوزها النهارده..

رحمه بغيظ

ابن كوم الجزم منكد عليكي كل حاجه حلوه، ربنا ياخده هو وابوكي في ساعه واحده والله وقتها هترتاحي

شهد

بعد الشر..

رحمه. بخبث

بعد الشر علي مين فيهم؟

شهد

الاتنين واحد ابويا وواحد للاسف جوزي وابو اللي في بطني، تخيلي يا رحمه انا هبقي ام لا وكمان زوجه تانيه في نفس اليوم...

رحمه

يا عبيطه ده انتي الزوجه الاولي وان شاء الله دلوقتي لما عرف انك حامل اكيد. هيكرشها بره البيت ويكمل معاكي انتي بس....

شهد بسخريه

بيتهيألك ده بيعشقها مستحيل يسيبها...

رحمه

عشان انتي عبيطه مع اني شايفه انه بيحبك اكتر احساس مش اكتر...

شهد

انا ما بقاش عارفه حاجه بس ما اتمنتش خالص اني ابقي حامل من أسر دلوقتي..

رحمه

اصبري ربنا اكيد ليه حكمه ولو ما كانش خير ما كانش جه البيبي ده دلوقتي..

دخلت صبااح عندهم في الوقت ده بعد ما خبطت علي الباب وهي ماسكه صنية الاكل وحطتها قدااام شهد وقالت..

صباح

واغلي حاجه عندك بقي تسمعي كلامي وتاكلي لو مش عشانك عشان اللي في بطنك..

رحمه

لا هتاكل غصب عنها كمان، انا هأكلها يا حجه تسلم ايدك بس لانشون ايه وجبنه وبيض كنتي هاتيلها نص فرخه شوية محشي..

صباح

ده فطار يا بنتي محشي وفرااخ علي الفطار..

شهد

خلاص انا اصلا ماليش نفس لا لفرااخ ولا لمحشي انا هاكل الاكل ده عادي، تسلم ايدك يا ست صبااح..

صبااح

تسلمي وتعيشي يا ست البنات، والف مبروك علي الحمل وربنا يكمل فرحتك علي خير..

شهد

ربنا يبارك فيكي..

طلعت صبااح ورحمه قالتلها

يلا اطفحي قال مش واكله من لما جيتي هنا، وشك بقي اصفر وشكلك دبلان ما هو لازم يتجوز عليكي.

شهد

هاكل اهو بس تعالي كلي معايا وقوليلي حصل ايه مع اكرم ما كلمكيش تاني؟...

وبدأت شهد تاكل ورحمه قالت بحزن

لا انا اللي روحتله بس هو مش مستعد انه يحارب عشاااني وقالي ان ابويا معاه حق..

شهد

علي فكره دي شخصية اكرم هو ضعيف شويه ومش عيب يعني هو حر..

رحمه

علي مين وحياة امه لاوريه انه كمان مش فارق معايا واني مش هموت عليه وكلمت بابا وقولتله اني موافقه بشريف..

شهد

شريف مين؟

رحمه

هو انا ما قولتلكيش مش شريف اخو شيري جه امبارح بعد ما اكرم مشي واتقدملي..

ضحكت شهد بكل قوتها وقالت

هههههههه انتي بتتكلمي جد، ده مجنون احنا لسه بندرس في اول سنه في المعهد...

رحمه

قال ايه هيشتغل مع باباه من دلوقتي وهيعمل اي حاجه بس نوافق بيه..

شهد

طيب عايزه ايه تاني واحد بيتمنالك الرضا ترضي وانتي مش راضيه بيه وبتجري ورا واحد ما صدق اترفض وخلاص كده الموضوع خلص....

رحمه

كملي اكلك يا شهد وخلاص انا وافقت بشريف وهتحمل تلزيق اهله ده لحد ما اغيره..

رحمه ضحكت وقالت

مش متخيله شكلك انتي وشريف وانتو مخطوبين واحد. من التجمع هيخطب واحده من شبرا..

رحمه

تخيلي انتي الوكسه اللي هبقي فيها، ده بيقول علي مامته مامي وانا بقول لامي يا حجه شايفه الفرق....

_ضحكت شهد وفي الوقت ده دخل أسر وابتسم اول ما شااف شهد بتضحك وقال...

أسر

طيب ما احنا حلوين وبنضحك وبناكل اهو، يا ريتني رحمه..

رحمه

ما فرقناااش عن بعض كتير..

ضحكت شهد تاني وأسر قال بغيظ

انتي بتعملي ايه هنا وقاعده علي السرير بالكوتشي انتي عبيطه يا بت انتي..

رحمه

انت اللي ازاي تدخل هنا من غير ما تخبط مش عارف اني هنا افرض كنت خالعه راسي دلوقتي؟

أسر بعدم فهم

يعني خالعه راسها دي؟

شهد بضيق

قصدها لو مش لابسه حجابها يعني..

أسر

اااه بس دي اوضتي انتي ايه اللي يدخلك هنا ويقعدك علي سريري ايه الغلاسه دي...

شدت رحمه الغطا واتغطت ونامت وقالت لشهد

بقولك ايه يا شوشو نص ساعه كده وصحيني..

ضحكت شهد وأسر قال بغيظ

قوومي يا بت انتي اطلعي بره انا عايز ابارك لمراتي علي البيبي بطريقتي..

رحمه

امم طيب قايمه..

شهد بضيق

لا يا رحمه خليكي..

رحمه

لا انا رايحه اكلم امي عشان ما قولتلهاش اني جيالك واهدي شويه يا حبيبتي...

وقالت بصوت واطي

اتعلمي من المسهوكه التانيه بتعمل ايه...

_قالت رحمه كلامها وطلعت، وأسر قعد جنب شهد وقالها بهدوء..

أسر

ده احلي خبر سمعته في حياتي، اني هبقي اب لطفل منك انتي..

شهد بغضب

وده اوحش خبر سمعته في حياتي وما كنتش اتمناااه خالص...

أسر بضيق

اوحش خبر يا شهد؟

شهد بدموع

سمعتكم بتتكلمو انت وهي وهتتجوزو النهارده..

أسر

غصب عني والله ما اقدرش اتخلي عنها..

شهد بحده

وطبعا انت مبسوط دلوقتي عشان هتقدر تخليني اتقبل الموضوع ده غصب عني، انت مش مبسوووط ان هيبقي عندنا طفل والكلام ده، لا انت مبسوط عشاان هتقدر تمتلكني اكتر وتتحكم فيا اكتر...

أسر بهدوء

بصراحه انتي معاكي حق انا مبسوط فعلا ان الطفل ده هيخليكي تفضلي معايا علي طول، وبرضو مبسوط عشان هبقي اب وهتبقي انتي امه..

شهد بدموع

طلقني يا أسر وانا هربيه لوحدي..

رد. عليها بعصبيه وقال

هو انا مش قولتلك ما تقوليش كده تاني، ولا بتستغلي انك. حامل فمش هقدر اديكي علي دماااغ اهلك..

شهد بخوف

لا بس..

قاطع كلامها وقال بحده

خلصنا يا شهد مالكيش دعوه بنتالي اتجوزها ولا ما اتجوزهاااش انا حر، انتي ليكي عندي اني ما اقصرش معاكي في حاجه وتخلي بالك من صحتك ومن ابني او بنتي،ودلوقتي كملي فطارك وخدي العلاج انا جبتهولك والموضوع ده ما يتفتحش تاني عشان انا ممكن امد. ايدي برضو لا هيفرق معايا انك حامل ولا زفت..

_قال كلامه ورمالها العلاج في وشها وسابها وطلع وهي فضلت تعيط ودخلت رحمه وقالتلها...

رحمه

يا بنتي حرام عليكي نفسك بقي كل شويه نكد وعيااط واخرتها.

شهد ببكاء

مش بالعافيه يا رحمه ده هيتجوز عليا وعايزني اسكت ازاي..

رحمه

طيب اهدي وكملي اكلك..

شهد

ماليش نفس خلاص.

رحمه

لا والله هتاكلي وانا هاكل معاكي، عشان خاطر النونو يلااا..

_ابتسمت شهد بهدوء وبدأت تاكل مع رحمه اللي فضلت تهزر معاها وكالعاده قدرت تغيرلها نفسيتها.

ــــــــــ #بقلم_الكاتبه_رحاب_القاضي ــــــــ

_وفي بيت فتحي ابو نسمه كانت قااعده في اوضتها بتعيط ومداايقه جدا، وخبط باباها علي الباب فمسحت دموعها وقالت..

نسمه

تعالر اتفضل يا بابا..

دخل فتحي وقال بأبتسامه هاديه

عرغتي منين ان بابا اللي بيخبط..

نسمه

عشان انت الوحيد اللي بتخبط علي الباب قبل ما تدخل يا بابا..

فتحي

معاكي حق امك لو عليها تشيل الابواب اللي في البيت كلها، بتكره صوت الخبط..

ابتسمت نسمه وقعد فتحي جنبيها وقال

عامله ايه مش احسن. دلوقتي..

نسمه

الحمد لله يا بابا احسن

فتحي

مش باين بطلتي تاخدي العلاج وبطلتي تاكلي وقاعده تعيطي ليل نهار وكل ده ليه وعشان مين؟

نسمه بدموع

عشان جوزي يا بابا، عشان ظلمني تاني وطلقني وانا ماليش ذنب في اللي حصل ده كله..

فتحي

ده. نصيب يا حبيبتي..

نسمه بسخريه

نصيب.. انا بقيت بكره الكلمه دي اووي، زمان كل ما اتخطب تحصل مشكله ماليش ذنب فيها وخطوبتي تتفسخ والناااس تلوم عليا وتقولو النصيب، ودلوقتي اتبهدل واتظلم تاني واتطلق وحياتي كلها تدمر وبرضو تقولو نصيب..

فتحي

انا مقدر زعلك والحاله اللي انتي فيها دي، بس لو كان ليكي خير معاه ما كانش طلقك الاختبار المره دي صعب عليكي يا نسمه بس صدقيني لو نجحتي فيه ربنا هيعوضك وهيكرمك احسن كرم، بس انتي اصبري وارضي بنصيبك كده وبلاش الصبر اللي هو بعياط واكتئاب ده ما اسموش صبر..

نسمه ببكاء

غصب عني يا بابا والله بس انا تعبت بجد، ليه انا اللي يحصلي كده..

حضنها فتحي بهدوء وباس راسها وقال

انا معاكي يا قلب ابوكي وكلنا جنبك لحد ما تعدي المرحله دي، وربنا هعوضك عن سعيد واهله كلهم واللي عملوه فيكي وافتكري كلامي ده كويس..

ــــــــــ #بقلم_الكاتبه_رحاب_القاضي ــــــــ

_وفي بيت شريف كان قااعد مع اخواته شيري ومسعد وقالهم انه راح خطب رحمه..

مسعد

اخص عليك مش في اخوك الكبير المفروض يتجوز الاول

شريف

مش وقت هزار انا كلمت بابا وهو وافق اكيد ما كنتش هروح من غير ما اقوله، المشكله بقي في ماما..

شيري

ايوه عشان ماما مش هتوافق انكم انتو الاتنين تتجوزو من مصر..

مسعد

بالظبط وده سبب رفضي للجواز اصلا

شريف

وانا مش هسيب البنت اللي بحبها عشان اتجوز علي مزاج ماما، انا روحت خطبت رحمه وهعمل المستحيل عشان تبقي ليا بس..

شيري

انا مش مستوعبه اللي انت بتعمله عشانها، اومال لو كانت بتعاملك كويس كنت هتعمل ايه

شريف

ما هي اكيد هتعاملني كويس لما تبقي بينا حاجه رسمي، رحمه كويسه جدا علي فكره بنت بلد ومحترمه واهلها ناس محترمين وجميله وانا مش عارف ما احبهااش بصراحه حتي طريقتها اللي نااس كتير شيفاها غلط انا حاببها كده بكل حاجه فيها، ها هتقفو جنبي ولا لا؟

مسعد

اكيد انا معاك واقولك انا اللي هكلم ماما واقنعها..

شيري

وانا كمان معاك

شريف

حلو وانا معاكم الموضوع يخصني فانا لازم اتكلم، هي جايه امتي يا شيري..

شيري

بكره ان شاء الله وربنا يستر..

شريف

هي رحمه كلمتك طيب؟

شيري ضحكت وقالت

هو كان رد فعلها غريب في الاول قالتلي عارفه لو شوفت اخوكي عند بيتنا تاني هروحهولكم متشال مرابعه..

اتصدم شريف ومسهد ضحك وقال

والله البت دي دماااغ، بقي واحده متقدملها عريس ترد برد زي ده

شيري

ما هي مسحت الرساله دي وقالتلي الرد هيكون مع باباها..

شريف

حلو هي ممكن كانت متفاجأه يعني بس..

مسعد ضحك وقال

يا حبيبي يا اخويا ده انت هتشووف ايااام سودا..

ــــــــــ #بقلم_الكاتبه_رحاب_القاضي ــــــــ

_وفي شركة فؤاااد كان واقف مع موظفه عنده وفجأه دخل أسر وقال بأبتسامه واسعه..

أسر

فؤش عايزك في موضوع مهم..

بصله فؤاد بضيق وقال

انا مش فاضيلك امشي ..

_قال فؤااد كلامه ورااح دخل مكتبه ورااح ورااه أسر وقاله بغيظ..

أسر

انت يا عم استني هنا مش هفضل اجري وراااك كتير انا..

فؤاد بحده

انت جاي ليه يا أسر ليك مصلحة ايه جاااي تضحك عليا عشانها..

أسر بهدوء

والله العظيم ما جاي عشان مصالح، انا جاي اصالحك ما انا مش مرتاح كده وانت مش بتهزأ فيا وتديني محاضرات..

فؤاد بجمود

اطلع بره يا أسر وسبق وقولتلك انا ما فيش حاجه تربطني بيك غير اختك غير كده انت في حالك وانت في حالي

أسر بخبث

بس ما انا لو كنت اخوك بجد زي ما كنت بتقول زمان ما كنتش هتعاملني كده دلوقتي، انما فعلا انا كنت ابن عمك وبس وعمرك ما اعتبرتني اخوك..

فؤاد

لا يا رااجل بس انت معاك حق انت ما كنتش اخويا بس كنت بعتبرك ابني كمان وكنت بخااف عليك اكتر من نفسي وكنت عايزك تبقي بني ادم محترم بس للاسف انت وحش اووي ومش هتتغير..

أسر

والله العظيم اتغيرت واللي حصل الفتره اللي عدت ده كله غيرني، تقدر تقول كده حبيت جو العيله والناس اللي بتحبني بجد وبنخااف علي بعض..

فؤاد

قصدك ايه؟

أسر

قصدي اني خلاص قررت بقي امشي مظبوط يعني موضوع السباقات ده انا همحيه من دماغي همسك شركة ابويا وهكبرها اكتر من كده كمان وهحافظ علي بيتي وعلي مراتي..

فؤاد

وده بقي لحد امتي، قولي عشان ما نتصدمش تاني؟..

أسر

لحد ما اموت ما هو ما فيش واحد يبقي عايش مرتاح زيي وربنا مديله حاجات كتير حلوه ويسيبها ويمشي او يرجع للتعب تاني، بص انا لا هعمل مشاكل مع حد ولا هعمل اي حاجه غير اني هبقي في حالي شغلي وبيتي وعيلتي اهم حاجه عندي، مش ده كان كلامك انت انا هعمل زيك..

فؤاد

والبت اللي مقعدها عندك هتتجوزها ولا هتقضيها مسخره..

أسر

انا ما خونتش شهد من لما اتجوزتها ولا ده هيحصل ابدا، ونتالي انا هساعدها لحد ما تتعود علي الحياه سواء هنا او في امريكا بس مش هتجوزها..

فؤاد بصدمه

انت بتتكلم جد. نتالي اللي انت اتجوزت شهد اصلا عشان تجيب ليها حقها لما كنت فاكرها الله يرحمها دلوقتي مش هتتجوزها، انت بتستعبطني يالا..

أسر

والله العظيم بتكلم بجد. دلوقتي شهد حامل وخلاص هبقي اب يعني حياه جديده ومسؤليه وشهد عنيده مش هتوافق اني اتجوز عليها فلو هختار بين الاتنين "مش هقدر اختار غير شهد"

راح فؤاد قعد علي مكتبه وقال

حلوه اللعبه الجديده دي..

أسر بعدم فهم

لعبه؟؟

فؤاد

ايوه هو انا هتوه عنك انت هتقول كده فانا واختك الغلباانه نصدقك ونقنع شهد تتقبل وجودها معاك وانت تاخد نتالي وتتجوزها في امريكا من ورانا ونتغفل منك تاني لا تاني ايه ده انت ماشي طول حياتك تغفل فينا

أسر

هو انت حقك ما تصدقنيش بس انا المره دي بكلمك كـ اخ لاخوه، المره دي بتكلم بجد انا مش مستعد. اخسر مراتي وابني وراحتي معاهم عشان اي حد حتي لو كانت نتالي، المهم هتتصالح ولا لا عشان انا عندي شغل مش فاضيلك انا كمان..

فؤاد

طيب امشي يا أسر خلاص..

أسر قرب منه وقال

لا لا اضحك الاول وقولي حبيبي يا اخويا ربنا يخليك ليا..

فؤاد ضحك غصب عنه وقال

ايه يالا المحن ده اتلمم...

أسر قرب منه اكتر

لا مش هتلم يا بيبي غير لما تقولي بحبك وو..

_في الوقت ده فتحت السكرتيره الباب وبصتلهم بصدمه وفؤاد فضل يضحك...

أسر بعد عنه بسرعه وقال

طبعا لو حلفنالك اننا بنهزر انتي مش هتصدقي..

ضحك فؤاد اكتر والبنت بصتلهم بقرف وقالت

احمم في اجتمااع كمان نص ساعه يا فؤاد. بيه انا بفكرك.، بعد اذنكم..

قالت كلامها وطلعت وفؤاد قاله

عجبك كده جاي حضرتك تشوه سمعتي في الشركه..

أسر

سيبك منها دي شكلها هبله اصلا، المهم انت خلاص مسامحني..

وقف فؤاد قدامه وقال

انا كل اللي كنت عايزه مش اعمل عليك كبير انا كنت عايز مصلحتك وعايزك تعيش حياتك صح، وزي ما قولتلك انت مش اخويا الصغير وبس لا انت ابني يا أسر..

حضنه أسر وقال بأبتسامه واسعه

ربنا يخليك ليا يا احسن اخ في الدنيا كلها..

_قبل ما يرد عليه فؤاد دخلت السكرتيره تلني وشهقت بصدمه فبعد عنه أسر بسرعه وقال بغيز..

أسر

هي البت دي ليه ما بتخبطش قبل ما تدخل..

رد. عليه فؤاد وقال

ههههههه انا بقول تمشي احسنلك بدل ما بوليس الادااب يجي يااخدنا..

أسر

ماشي يا عم وعلي فكره انا وشهد معزومين عندكم علي العشا عايزها تغير جو كده بدل قعدت البيت، الساعه تسعه هنكون عندكم قول لمرااتك...

فؤاد

حاضر هقولها وسلملي علي شهد لحد ما اشوفها..

أسر

الله يسلمك..

وعدي أسر من جنب السكرتيره وقالها بخبث

متجوزين في السر انا وهو يعني الحضن كان حلال..

بصتله السكرتيره بصدمه وفؤاد قاله بحدن

يلا يا حيوااان ...

_ضحك أسر وهو مااشي ودخلت السكرتيره حطت ورق قداام فؤااد وطلعت بسرعه، وهو مسك موبيله وبعت رساله لهاله وقالها..

فؤاد

"بعد ما تخلصي الميتنج اللي في مدرسة تياام كلميني، أسر تخوكي كان عندي وصالحني وخلاص الموضوع بينه وبيني اتحل، وهيجي هو وشهد عندنا بالليل علي العشا، ابقي كلميني بس غشان لسه في اخبار حلوه كمان... والاهم من كل ده بقي بحبك يا هاله ما قولتهاش كتير النهارده"..

_قال كلامه وقفل الفون ورجع يكمل شغله بتركيز واهتمام..

ــــــــــ #بقلم_الكاتبه_رحاب_القاضي ــــــــ

_وبعد شويه في بيت الفيومي كانت شهد قااعده لوحدها بعد ما رحمه مشيت، وحطت ايدها علي بطنها وبدون مقدمات ابتسمت وقالت..

شهد

هو انا دلوقتي اكلمك علي انك ولد ولا بنت، طيب انت هتسمعني دلوقتي ولا امتي، بس هو احساس حلو انك موجود معايا...

الباب بتاع اوضتها خبط فقالت بهدوء

ايوه اتفضل..

_دخلت صبااح وهي ماسكه صنيه عليها عصير وفاكهه وقالت بأبتسامه واسعه....

صباح

كويس انك صاحيه أسر بيه كلمني وقالي اعملك موز باللبن واجيبلك فاكهه عشان تاكلي وهو علي الموبيل اهو عايز يكلمك، انا هنزل وشويه هرجع اخد الصنيه بعد. ما تخلصي اكل وابقي اخد. الموبيل..

شهد اخدت منها الموبيل وقالت

حاضر معلش تعبتك معايا كتير النهارده..

صباح

تعبك راحه يا ست البنات، المهم بس تقوميلنا بالسلامه، هسيبك بقي عشان تتكلمي براحتك.

وطلعت صباح وهي حطت الفون علي ودنها وقالت

نعم....

أسر

انعم الله عليكي بتبقي مع الناس كلها رقيقه وحلوه وعند جوزك الغلباان بتتحولي..

شهد

عايز ايه انت دلوقتي؟

أسر

بطمن عليكي فيها حاجه دي؟

شهد

بتطمن عليا ولا علي ابنك او بنتك..

أسر ابتسم وقال

لا بطمن عليكم انتوو الاتنين او التلاته، تخيلي كده لو كانو توأم ولد وبنت مش هبقي عايز حاجه تاني من الدنيا خلاص..

سكتت شهد وما ردتش عليه وهو قال

انتي معايا ولا روحتي فين؟

مسكت شهد طبق الفاكهه وردت عليه وقالت

معاك..

أسر بخبث

يارب ديماً معايا..

ابتسمت شهد غصب عنها واسر قال

طيب ما انتي عامله نفسك زعلانه مني بتبتسمي ليه دلوقتي؟

شهد بتوتر

لا ما ابتسمتش وانا اصلا زعلانه منك..

أسر

كل حاجه هتتصلح يا شهد ووالله وغلاوتك عندي مش هزعلك تاني..

شهد بدأت تاكل وقالتله

هترجعلي موبيلي وتخليني اروح المعهد عشان الامتحانات قربت ولا لا؟..

أسر

حاضر كل اللي عايزاااه هيتعمل، المهم رضاااكي عليا..

شهد

انا هقفل عشان باكل مش فاضيه..

أسر

ماشي بالهنا والشفا وعايزك بالليل تجهزي عشان اول ما اجي هاخدك ونروح عند. هاله وفؤاد نقضي السهره معاهم..

شهد

لا لا مش هقدر عشان بدوخ كتير انا مش قادره اقوم من السرير اصلا..

أسر

خلاص ولا يهمك. نخليها وقت تاني، موبيلك عندك في الدرج اللي تحت التلفزيون افتحيه وانا هكلمك. كل شويه عشان اطمن عليكي..

شهد

حاضر سلام..

أسر

سلام يا قلب وحياة أسر..

_ابتسمت بهدوء وقامت بسرعه عشان تجيب موبيلها بس رجعت قعدت تاني وهي ماسكه راسها بألم وقامت بهدوء جابت موبيلها ورجعت تاني قعدت علي السرير وكانت مبسوطه انه سمحلها تستخدم موبيلها براحتها...

ــــــــــ #بقلم_الكاتبه_رحاب_القاضي ــــــــ

_وفي الوقت ده عند. أسر بعد ما قفل معاها كان مبسوط لانها بدأت تتكلم معاه بهدوء، وكان لسه هيبدأ يركز في شغله بس موبيله رن تاني برقم نتالي، اتنهد بضيق وقال..

أسر

وبعدين بقي هعمل ايه دلوقتي...

ومسك موبيله ورد عليها وقال

ايوه يا نتالي معاكي..

نتالي بضيق

قولت انك هتيجي تتفق معايا عشان موضوع جوازنا بس ما حيتش اطمنت علي مراتك ونسيتني..

أسر

بصي يا نتالي موضوع اننا نتجوز في الوقت ده صعب..

نتالي

صعب ازاي يعني؟

أسر اتنهد بضيق وقال

عشان شهد حامل وهي مش هتقبل تفضل معايا لو اتجوزتك، حاولت افرض عليها الموضوع عشان تتقبله حتي غصب عنها برضو ما عرفتش..

نتالي بدموع

خلاص براحتها طلقها زي ما هي عايزه..

أسر بضيق

ما اقدرش اطلقها، بصي اهدي دلوقتي وانا هبقي اجي بالليل ونتكلم انا مش هتخلي عنك وهفضل ديما معاكي تمام..

نتالي

اوكي يا أسر بااي..

ـ قالت كلامها وقفلت معاه وهو اتنهد بضيق ورجع كمل شغله وهو ناوي بجد ما يتجوزهاش،بس هل هي هتوافق وهتسكت ولا شهد اللي هتدفع تمن حب أسر واختياره ليها؟💔..

ــــــــــ #بقلم_الكاتبه_رحاب_القاضي ــــــــ

_وبالليل في بيت رحمه كانت قاااعده بتكلم شهد في الموبيل وقالتلها...

رحمه

خلاص نامي وانا الصبح هروح واقول لامك واخليها تجيلك هي واخواتك

شهد

لا ما تخليهمش بجو عشان الوفته اللي هنا دي، انا هخلي أسر يوديني ليهم، بس انا قلقانه يكون ابويا منكد عليهم او حاجه زي كده..

رحمه

لا ان شاء الله ما فيش حاجه انا والله هروحلهم بكره، المهم انتي نامي عشاان صوتك تعبان هو فرقع لوز جوزك ده فين؟

شهد

قال هيتأخر في الشغل واحسن هو بقي رغاااي اووي اليومين دول وانا عايزه انام..

ضحكت رحمه وقالت

ههههه طيب نامي ولو صحيتي في اي وقت كلميني انا سهرانه بذاكر...

شهد

ماشي سلام..

_قفلت شهد معاها وهي قعدت تذاكر وبعد شويه دخلت عندها مامتها وقالت..

عفاف

بت يا رحمه انزلي هاتي الطلباات دي من تحت..

رحمه

وبابا فين... ما ينزل هو يجيبهم انا بذااكر...

عفاف

الفلوس والورقه اللي فيها الطلباات اهي، وابوكي في اوضة التدريبات بتاعته عايزه تروحي تقوليلو ينزل براحتك هتنزلي تجبيهم انتي تبقي وفرتي علي نفسك التهزئ منه..

رحمه

يخربيت اللي عايز ينجح في بيتكم، هلبس الاسدال ونازله اهو..

عفاف

لا البسي حاجه حلوه..

رحمه

في ايه يا ماما ما انا علي طول بنزل بالاسدال..

عفاف

كبرتي وبقيتي عروسه والعين عليكي، يبقي تتشيكي كده وانتي نازله..

رحمه

اقسم بالله لو ما نزلت بالاسدال ما انا نازله..

عفااف

طيب اغسلي وشك وحطي روج كده خفيف وو..

رحمه

عفاف انا هنزل كده بمنظري ده عاجبك ولا ما انزلش..

عفاف بغيظ

براحتك هي خلقتك ولو خلقتي، وبيقولو خلفي بنت تفتح نفسك علي الحياااه، وانا مخلفه بووومه في شكل بني ادم..

_قالت عفاف كلامها وطلعت ورحمه قامت لبست اسدال الصلاه بتاعها ولبست عليه الحجاب بأهمال واخدت الفلوس ونزلت وقبل ما تدخل السوبر ماركت وقف شريف وراها وقال..

شريف

رحمه استني..

برقت رحمه وقالت

يارب اكون سامعه غلط ويكون بيتهيألي..

شريف

يا بنتي انا شريف وجاي عشاانك

بصتله بأحرااج من هيئتها وقالت

ايه ده انت ايه اللي جابك هنا..

شريف

جاي عشااان اشووفك واتكلم معاكي..

رحمه بتوتر

انا ابويا قالي ما اتكلمش مع ولاد بعد. اذنك...

قرب شريف منها بسرعه وقال

استني بالله عليكي انا لازم اتكلم معاكي ولازم تسمعيني..

رحمه بقلق

احنا في الشارع يا شريف وبعدين انت مش شايف منظري عامل ازاي..

شريف

انتي زي القمر في كل حلاتك والله

رحمه بأحراج

ولاا اتظبط كده واتكلم كويس، وعايز ايه اديني سمعاك..

شريف بنبره صادقه

انا بحبك يا رحمه..

رحمه بصتله بتوتر وحزن وقالت

ليه.. ليه بجد انا ما كنتش عايزااك تحبني..

شريف بجمود

هو في حد في حياتك يا رحمه، انا جاي عشان اعرف رد علي سؤالي ده ولو طلع لا ما فيش انا مش هسيبك وهتبقي ليا غصب عن الدنيا كلها، لكن لو كان في اوعدك اني هنسحب من حياتك بكل هدوء وشياكه قدام اهلك ومش هسببلك اي احراج..

_كان هو بيتكلم وهي عيونها علي اكرم اللي جه فجأه ووقف ورااه وملامحه كانت كلها غضب وهو بيسمع كلام شريف وقبل ما يقرب منهم اكتر او يتدخل رحمه قالت بجديه وثبات..

رحمه

لا ما فيش حد يا شريف في حياتي وانا موافقه بيك وموافقه اتجوزك واهلي كلهم راضيين بيك وبابا هيبلغك الكلام ده في اقرب وقت..

_اتملت عيون اكرم دموع وبصلها بحزن وندم، علي عكس شريف اللي ابتسم بسعاده وحب وقال..

شريف

ده احلي خبر في حياتي، علي فكره ماما كانت رافضه الموضوع بس انا كلمتها عليكي واقنعتها وهي وشيري هيقابلوكي عشان يتعرفو عليكي..

رحمه بصت لاكرم بخبث وقالت

يعني انت يا شريف وقفت قداام رغبة امك واقنعتها بيا..

شريف

ومستعد اقف قدااام الدنيا كلها عشاانك، المهم خلاص انا اخدت الرد اللي انا عايزه وعلي فكره مامتك مش عايزه الطلبات دي هي قالتلك كده بس عشان تنزلي وتشوفيني، كلمتها من عند شيري واتفقت معاها ابقي اشكريها ليا جدا حماتي المستقبليه..

_ابتسمت رحمه بصعوبه وهو راح اخد عربيته ومشي واكرم اتصنع انه داخل السوبر ماركت عشان شريف ما ياخدش باله انه كان واقف وسامع كلامهم، وبعد ما مشي شريف مشيت رحمه بسرعه ودخلت العماره بتاعتهم في الوقت ده رااح وراها اكرم ومسك ايدها قبل ما تطلع السلم وقال بحده..

اكرم

ايه اللي بتعمليه ده انتي ما بتحبيش الواد ده؟

رحمه بدموع

سيب ايدي بأي حق اصلا تيجي وراية وتتكلم معايا كده وتمسك ايدي..

اكرم ساب ايدها وقال

انا هطلع اتكلم مع ابوكي تاني وو..

رحمه

لا كتر خيرك يا اكرم انا خلاص مش عايزاااك، وزي ما سمعت انا وافقت بواحد تاني..

اكرم بحده

انتي بتعملي كده عشاان تستفزيني انتي مش بتحبي الواد ده

رحمه بنفي نبرته

هحبه عشان هو يستاهل حبي ليه لانه مستعد يعمل اي حاجه عشااني، مش من اول مشكله في حياتنا اتخلي عني..

اكرد

ما اتخلتش عنك انا جاااي اهو عشان اتكلم مع باباكي تاني

رحمه بدموع

وانا مش هوافق بيك عشان انت جاي وريك ضميرك عشان انا اللي جيتلك وطلبت منك تيجي وتتمسك بيا، وانت احرجتني الصبح ورفضتني وانا دلوقتي بقولك اهو لو انت اخر راجل في الدنيا انا مش هوافق بيك انا كرامتي غاليه اووي يا اكرم ومش واقفه عليك انا في ناااس كتير احسن منك مليون مره يتمنوني علي فكره، انا بس اللي لما حبيت اختارت واحد ضعيف ومش قد حبي ليه...

_قالت كلامها وسابته وطلعت بيتهم، وهو بصلها بحزن ودموعه نزلت وطلع بره بيتهم وبص للشارع وافتكر المواقف البسيطه اللي كانت بينه وبينها لما كان بيجي يقابلها تحت بيتهم، ونزلت دموعه وقال لنفسه بحزن..

اكرم

عمري ما هنسااكي يا رحمه هتفضلي اول حب دخل قلبي واكتر حاجه اتمنيتها وما عرفتش اوصلها عشان انا فعلا ضعيف وغبي...

_قال كلامه بكل حزن وأسي ومشي، وهي كانت واقفه ورا شبااك اوضتها وبتبصله وهو مااشي ببكاء ودخلت عندها عفاف وقالت..

عفاف

رحمه في ايه بتعيطي كده ليه. هو شريف قالك حاجه تزعلك..

حضنتها رحمه وفضلت تعيط وقالت

خلاص يا ماما انا نهيت كل حاجه مع اكرم، هو مش هيبقي ليا ولا هيرجعلي تاني...

عفاف بقلق

وانتي بتعيطي ليه كده لو كان يستاهلك ما كانش سابك حتي لو انتي اللي طلبتي منه..

بعدتها عفاف عنها وقالت

فكري في مستقبلك كويس شريف بيحبك وابن ناس ومستقبله مضمون وانتي مش هتكوني مع سعيده مع واحد ساهل يتخلي عنك قد. ما هتكوني سعيده مع واحد مستعد يشتريكي بكنوز الدنيا، اهدي كده وروحي اتوضي وصلي ركعتين لله واستعوضي حزنك ده عند ربنا وهو قادر يصبرك ويفرحك باللي يستاهلك..

_سمعت رحمه كلامها وراحت اتوضت وصلت وبعدين نامت وقررت انها فعلا هتطلع اكرم من حياتها ومن قلبها وهتبدأ من جديد مع شريف الشخص اللي بيحبها ونال رضا اهلها..

ــــــــــ #بقلم_الكاتبه_رحاب_القاضي ــــــــ

_وفي بيت الفيومي كان أسر متأخر في شغله وكانت شهد نايمه بكل هدوووء وفجأه باب الاوضه بتاعتها اتفتح ودخلت نتالي ووقفت قداام شهد وبصتلها بحقد وكره وهي نايمه وركزت علي ملامحها اللي كانت فعلا جميله جداً وبريئه لدرجة انها تبان طفله نايمه، اتنهدت نتالي بغضب وراحت مسكت السـ* ـكينه اللي كانت علي الترابيزه جنب طبق الفاكهه وقربت من شهد وحطت السـ*ـكينه علي بطنها في الوقت ده شهد فتحت عيونها لما حسن بالسـ*ـكينه علي جسمها واتنفضت برعب وخوف لما شافت نتالي جنبيها والسـ*ـكينه علي بطنها...

شهد بدموع وخوف

انتي بتعملي ايه، انني اتجننتي؟

نتالي بحقد

انا اتجننت لو سيبتك تاخديه مني، لا وكمان حامل منه ليه انتي انتي اللي تخلفي منه انا لولا الحادثه كان زماني متجوزه اسر ومعانا بيبي واتنين ولولا انك موجوده كان زمانه معايا ما كانش اهملني كده..

نزلت دموع شهد وبدأت تتنفض برعب وقالتلها

انا همشي والله وهسيبهولك بس ابعدي السـ*ــكينه من عليا..

نتالي بحده

اثبتي والا هموتك انتي فاهمه..

شهد ببكاء

حرام عليكي ابعدي عني..

نتالي

وانتي ما بعدتيش عني وعن حياتي ليه، عايزه تاخدي مني الحاجه الوحيده اللي انا عايشه عشانها ليه؟

شهد بخوف

قولتلك همشي واسيبكم وخديه براحتك، بس لو قتلتيني دلوقتي هتروحي في داهيه..

نتالي

لا ما هو اسر اكيد مش هيسيبني واكيد هيسامحني وقتها ومش هيخليني اتحبس..

_وفجأه ذقتها شهد جااامد وقامت بسرعه عشان تجري وتطلع من الاوضه بس نتالي قامت بسرعه ومسكتها من شعرها وحطت السـ*ـكينه علي رقبتها لدرجة ان شهد اتعورت ونذفت د"م، وقالتلها نتالي بغضب...

نتالي

انا مش هخليكي تعيشي دقيقه واحده تاني انا هخلص وارتاح منك خلاص...

_في الوقت ده الباب اتفتح ودخل أسر اللي اتصدم اول ما شاااف نتاااالي ماسكه شهد والسـ*ــكينه علي رقبتها، فبصلها بغضب وحده وقال..

أسر

انتي اتجننتي ابعدي عنها..

نتالي بخوف ودموع

لا لا مش هسيبها..

شهد ببكاء وخوف

خليها تسيبني والنبي يا أسر..

أسر بعصبين وقلق

انتي اتجننتي يا نتالي هو ايه اللي مش هسيبها، شيلي الزفته دي من علي رقبتها احسنلك..

نتالي بحده

اوعدني الاول انك مش هتسيبني وانك هتطلقها وترجعلي ونتجوز ونسافر امريكا..

أسر بحده وغضب

ولو قولتلك لا هتعملي ايه هتقتليها، والله يا نتالي لو ما بعدتي عنها لانا اللي هقتلك بأيدي انتي مجنونه عايزه تأذي مراتي..

نتالي ببكاء

هي اللي اخدتك مني وتستاهل اللي هعملو فيها..

أسر بخبث

انا قولتلك اني هتجوزك وهي هتفضل مراتي بس عشان حامل مني، فأهدي بقي وسيبي السكينه انا خايف عليكي انتي..

نتالي بدموع

يعني انت مش هتسيبني يا أسر، هنتجوز ونسافر مع بغض....

أسر

ايوه والله يا حبيبتي هعملك اللي عايزاااه، اروجوكي سبيها لو عملتيلها حاجه ما اضمنش هقدر احميكي من عقابك ولا لا، فبلاش مشاكل وسيبيها..

نتالي بقلق

هتطلقها يا أسر صح، مش هتخليها تاخدك مني؟..

أسر

ايوه هطلقها بس بعد ما اخد ابني اكيد مش هسيبلها ابني بقي..

_نزلت دموع شهد وهي مصدومه من كلامه، وفي الوقت ده بعدت عنها نتالي فقرب منها أسر واخد السكينه ورماها علي الارض وبكل قوته ضربها بالقلم...

أسر بحده وغضب

عايزه تقـ ـتقلي مراتي ده انا اخلص عليكي وعلي اي حد يقرب منها..

نتالي بدموع

انت بتضـ ـربني عشانها، ومدام بتحبها اوي كده انقذتني ليه، ليه كنت عايز تنتقم من فايز عشااني..

أسر بحده

اطلعي بره وايااكي يا نتالي تقربي من شهد تاني فاهمه ولا لا..

_بصتله نتالي بنظره مليئه بالخزلان وطلعت، وهو قرب من شهد اللي كانت واقفه بتبصلهم بخووف وهي حاطه ايدها علي الجرح اللي في رقبتها اللي بينزف، قرب منها أسر وشال ايدها وقال بهدوء.

أسر

اهدي ما تخفيش ده جرح بسيط..

ردت عليه ببكاء وقالت

كنت هموت بسببك..

أسر بضيق

خلاص يا شهد مش هتتكرر تاني..

شهد بحده

بس هيحصل الاوحش من كده لو فضلت معاك..

أسر بهدوء

مش هتجوزها وهخليها تمشي النهارده قبل بكره، مرتاحه كده؟

شهد بدموع

مش هرتاح غير لما انت تبعد عني..

قرب منها بهدوء وقال

اهو ده اللي مستحيل يحصل، انا مش هبعد عنك لو اي حصل لو الدنيا كلها وقفت ضدي عشان ابعد عنك انا مش هبعد، يا غبيه ما انا بقولك اهو هسيبها ومش هكمل معاها ومش هيبقي حد في حياتي اهم منك، هي عملت كده ليه دلوقتي مش لما حست اني ما بحبهاش زي ما بحبك وانك عندي الدنيا باللي فيها..

شهد ببكاء

بس برضو كنت هموت بسببك..

حضنها بهدوء وقال

ما تخافيش ما حدش هيقدر يعملك حاجه تاني، تعالي بس ارتاحي واهدي وانا هخلص الموضوع ده كله دلوقتي وهطلعها من حياتنا النهارده قبل بكره..

_سمعت كلامه وراحت نامت علي السرير وهو جابلها لاسقه للجروح وحطها علي رقبتها وقال بهدوء..

أسر

نامي واهدي وانا شويه وجاي..

شهد

هتعمل ايه؟

أسر

اللي كان لازم يتعمل من اول ما عرفت انها عايشه..

شهد بقلق

هتتجوزها من ورايا وهتضحك عليا صح؟

أسر

هو انتو ليه واخدين عني الفكره الزباله دي، واقسم بالله ما هتجوزها بس مش هينفع اتخلي عنها..

شهد بضيق

اعمل اللي عايزه انت اصلا ما تفرقش معايا..

أسر بخبث

ايوه ما انا عارف، نامي يا شهد وما تفكريش في اي حاجه انا هنا ومش هسيبك لوحدك خالص..

_ما ردتش عليه ونامت وكانت غصب عنها خايفه بسبب اللي عملته فيها نتالي، وهو طلع من عندها وراااح لنتالي اللي كانت قااعده بتعيط..

أسر

المفروض اعمل فيكي ايه دلوقتي بعد اللي عملتيه..

نتالي بحده

من حقي اعمل كده واكتر من كده..

أسر

انتي مش هتقدري تعملي حاجه تاني لشهد...

نتالي بدموع

قول اللي عندك يا أسر وما تتكسفش..

أسر

مش مسألة كسوف انا خايف علي مشاعرك يا نتالي، بس انا مش قادر ابقي معاكي ومعاها..

نتالي

انت هتكمل مع اللي بتحبها اكتر، هتكمل مع شهد مش كده؟

أسر

قبل كده انقذت حياتك وعرضتها هي للخطر، بس دلوقتي انا ما اقدرش اسيبها، ما اقدرش اتخيل حياتي من غيرها يا نتالي هي اللي علمتني اعيش صح وحببتني في الجواز والعيله مش هقدر والله اسيبها..

نتالي ببكاء

تمام انا فهمت انا همشي وو..

أسر

مش هسيبك لوحدك في الفتره دي، بس بعد اللي حصل من شويه والحركه المجنونه اللي عملتيها دي انا لازم ابعدك عن شهد، هتروحي تقعدي في شقه بتاعتي واللي تحتاجيه انا هعملهولك ولو عايزه تكملي دراستك انا معاكي بس ما اقدرش اعمل اكتر من كده..

نتالي بصتله بحزن وقالت

همشي امتي ؟؟

أسر

دلوقتي السواق هيوصلك ولو احتاجتي اي حاجه في اي وقت كلميني..

نتالي

تمام وسوري ما كنتش اقصد اللي عملته مع شهد انا ما اعرفش اللي عملته كده ازاي..

_ما ردش عليها أسر وسابها وخرج وهي بصتله بغضب وعصبيه وقالت..

نتالي

انت اللي حكمت عليها يا أسر، انت السبب في اللي هيحصل بعد كده..

قُل للّيالي أن تُطيلَ ظلامَها، لربَّما تأتي المسرةُ بغتةً

وتُراك تنسى كلَّ أيام الألم!

_صحي أسر من نومه وما لقاش شهد جنبيه ولا في الاوضه كلها نزل بسرعه يدور عليها لقاها قاعده. بتفطر وجنبيها صباح بتتكلم معاها وبيضحكو..

أسر

لا والله قال وانا اللي خايف عليكي..

قامت صباح وقفت وبصتله شهد بعدم فهم وقالت

هتخاف عليا ليه هكون روحت فين يعني..

أسر

ما انتي كل يوم بتصحي متأخر وخصوصا لو مش وراكي محاضرات فصحيت مالقتكيش جنبي خوفت تكوني اتهبلتي في دماغك وسبتيني..

شهد بخبث

ولو كنت عملتها يعني كنت هتعمل ايه؟..

قرب منها وقال بابتسامه هادئه

كنت هولع فيكي بس يا حبيبتي..

صباح بأحراج

تحب اجهز لحضرتك. الفطار يا أسر بيه؟

أسر

اوكي يا صباح. وهاتيه فووق انا اجازه النهارده اصلا..

شهد

اجازه ليه وعايز ليه تفطر فوق..

أسر غمزلها وقال

وحشااني وعايز اقضي وقت كبير معاكي، وقومي كده احنا مش هننزل من فوق النهارده

شهد

لا اوعي بس انا مستنيه هاله اصلا

أسر

مستنياها ليه وايه اللي هيجيب هاله عندنا دلوقتي؟

شهد

هتاخدني عند دكتور عشان اتابع الحمل وهروح معاها الجمعيه اغير جو..

قعد. أسر جنبيها وقال

دكتوره يا شهد انتي هتابعي الحمل مع دكتوره، وتروحي الجمعيه ليه ده انا ما صدقت ان علاقتنا تتحسن شويه

شهد

لا ما انت مدام. صرفت نظر عن. موضوع جوازك. عليا فأطمن انا من ايدك دي لايدك. دي..

أسر

طيب كلمي هاله قوليلها تلغي معاد الدكتور وما تخليهاش تيجي انا هبقي اخدك ونروح لدكتوره، وهاخدك افسحك في اي مكان نفسك. فيه قال جمعيه قال،انتي من غير حاجه وبتنكدي عليا تقوم الغبيه تاخدك كمان لحقوق المرأه..

شهد ابتسمت وقالت

خلاص طيب نفطر بره النهارده؟

أسر

لا معلش انا افتكرت ان عندي معاد دلوقتي مع حد مهم..

شهد

يا سلام ما انت كنت فاضي من شويه، ومعاد ايه ده؟

أسر بخبث

بنت كده زي القمر نفسها تركب العربيه بتاعتي وتتفسح شويه..

شهد بحده

ايوه بقي انا كنت عارفه ان عمرك ما هتتغير اصلا وو.

اسر

اهدي وافهمي الاول انا بتكلم عن مين؟

شهد

هي هتفرق انت بتتكلم عن مين وبكل برود بتقولي كمان، طلقني يا أسر..

اسر

بس كده انا بقيت اتفائل بالجمله دي طلقني يا اسر، لو ما سمعتهااش بحس يومي ناااقص حاجه، وبعدين يا هانم انا بتكلم. علي ملك اختك..

شهد

ملك اختي انت بتتكلم بجد؟

أسر

ايوه والله هاخدها شويه بالعربيه معايا تكوني انتي اخدتي العلاج وارتحتي واروحها واجي اكمل اليوم معاكي

شهد ابتسمت وقالت

انت بجد هتعمل كده مع ملك؟

أسر

ما هما من النهارده اخواتي انا كمان مع اني لسه بتلخبط فيهم بس هحفظهم وهخليهم يحبوني زي ما بيحبوكي كده

شهد ضحكت وقالت

ياريت بجد وعارف كمان انا نفسي ابقي حامل في ولد لان من زمان وانا نفسي يبقي عندي اخ ولد بس ما حصلش نصيب، واكيد لو جيبت ولد هيبقي ابني واخويا وصاحبي وكل حاجه

أسر بغيظ.

يارب تجيبي بنت يا شهد؟

شهد

اشمعنا؟

اسر ابتسم وقال

بصراحه عشان خايف اجيب ولد يعمل فيا زي ما عملت في ابويا..

ضحكت شهد وقالت

ههههههه يارب توأم ولاد واشووفهم مطلعين عينك..

ابتسم بهدوء لضحكتها ومسك ايدها وباسها وقال

عارفه الضحكه دي عندي بالدنيا، انا مستعد اعمل اي حاجه بس تفضلي كده معايا علي طول..

شهد

ابعد عن كل ما هو مؤنث وانا هفضل كده معاك علي طول، وبالمناسبه حبيبة القلب فين دلوقتي؟

أسر اخد السندوتش اللي في ايدها وبدأ ياكل فيه وقال ببرود

ماانتي قاعده جنبي اهو، ولا انتي قصدك علي حد تاني؟

شهد ضربته علي كتفه وقالت

ماتستظرفش انا بسأل علي نتالي؟

أسر

خليتها تروح الشقه بتاعتي وبعت معاها الشغاله الجديده، وهشوف بقي هي هتقرر تقعد هنا ولا تمشي

شهد

وطبعا لحد ما هي تقرر انت كل يوم هتروح تطمن عليها، هو انت كده فاكر الموضوع خلص.

اتنهد أسر بضيق وقال

وبعدين يا شهد ما انت بعدتها عنك. خالص والمفروض تثقي فيا لما كنت ناوي اتجوزها كلمتك بصراحه وقولتلك، بس خلاص الموضوع اتقفل ليه مصممه تنكدي عليا علي الصبح

شهد بدموع

معلش..

جات تقوم بس هو مسك ايدها بسرعه وقال

مش قصدي ازعلك بس كتير والله عليا بقالي كام بتحايل عليكي يا شهد؟

شهد بعِند

عشان انت غلطان وبعدين عايز تروحلها براحتك اصلا

أسر

خليكي واثقه فيا وحياة امك، وانا لو روحتلها مش هطول عندها هيكون للضروره وياستي لو عايزاني اخدك معايا هاخدك

شاورت علي الجرح اللي في رقبتها وقالت

عايزني اروح عند واحده كانت عايزه تموتني

أسر

يبقي اسكتي واقسم بالله اللي يشووف النكد ده ويفكر يتجوز تاني يبقي ما اترباااش..

ابتسمت بخبث وقالت

طيب كويس ان النكد. جاب نتيجة معاك..

أسر قرب منها وقال

مع ان كان ممكن تقنعيني بطريقه تانيه فيها دلع مش نكد..

شهد

ما بعرفش وابعد كده عشان اغير هدومي واجيلك بسرعه

أسر

ليه عايزه تروحي فين؟

شهد

هروح اطمن علي ماما واخواتي معاك لحد ما ترجع انت وملك..

أسر

ماااشي وبالمره نقولهم انك حامل اكيد هيفرحو جدا

شهد

رحمه حاليا راحت عند ماما عشان تطمني عليهم وزمانها قالتلهم

أسر

اممم رحمه.. هي متدخله في حياتنا كده ليه؟

شهد

أسر حبيبي رحمه دي في كوم والدنيا كلها عندي في كوم تاني..

أسر

ربع حبك ليها بس وهعيش من غير نكد. باقي حياتي..

شهد ابتسمت وقالت

رحمه كانت ومازالت اكتر حد في الدنيا بثق فيه وبحبه ده احنا كده من لما كنا اطفال، فمتقارنش نفسك بيها...

أسر بغيظ

قووومي يا شهد بدل ما اروح اقتلك رحمه

شهد قامت وهي بتضحك وقالت

بعد الشر عليها...

_قالت كلامها وطلعت فووق وهو ابتسم بهدوء وبدأ يفطر، وموبيله رن برقم نتالي فعمل تلفون صامت وقال لنفسه بضيق..

أسر

مش وقتك خالص يا نتالي...

ــــــــــــــــــ

_وبعد شويه في الناادي كانت قااعده رحمه هي وشيري اللي قامت فجأه وقالت..

شيري

اسعد اخويا هناااك اهو ثواني هخليه يجي عشان يتعرف عليكي

رحمه

شوفته وعرفااه قبل كده، وبعدين انتي جيباني هنا ليه ما كنا روحنا اي كافي النادي ده. غالي وبتاع ناس نضيفه اوي اوي وتقيل علي قلبي كده..

شيري ابتسمت وقالت

ما فيش حاجه تغلي عليكي يا مرات اخويا، واستني شريف جااي وهيفهمك كل حاجه

رحمه بضيق

شريف مين اللي جاي انا مش عايزه اقابل اخوكي ما كان عندي بالليل عايز ايه تاني

شيري

بلييييز اهدي وهو هيفهمك. كل حاجه، هروح انا لاسعد قبل ما يمشي دقيقه واحده..

ـ مشيت شيري ورحمه فضلت قاعده مدايقه، وبعد كام. دقيقه جه شريف وقعد قدامها وقال..

شريف

بعتذر جدا عشاان اتأخرت عليكي، ومعلش جبناكي هنا من غير ما تفهمي حاجه

رحمه بقلق

افهم ايه هي ايه الحكايه بالظبط؟

شريف

فريده هانم المظ بك جايه دلوقتي؟

رحمه

اهلا وسهلا تنور بس مين دي خالتك؟

شريف

ماما يا رحمه معقول مش عارفه اسم حماتك

رحمه

هو انا كنت اعرف انها هتبقي حماتي وما عرفتش اسمها، وايه اللي جايبها قصدي جايه ليه وانا مالي؟

شريف

هي عايزه تتعرف عليكي وانتو قاعدين مع بعض لوحدكم، علي فكره هي طيبه اووي بس تفكيرها غربي شويه عننا

رحمه

والمطلوب مني ايه؟

شريف

زي ما بتعاملي مامتك عامليها وانا علي الاساس ده هشووف بقي مراتي المستقبليه اد ايه محترمه

رحمه

انا لسه فاتحه دماغ امي بأيد الهون وانا جايه، انا مش محترمه مع اهلي ومش محترمه مع حد اصرف نظر عن الموضوع بقي وريحني

شريف ابتسم وقال

حتي لو مش هسيبك بس انا لو بقولك حاجه دلوقتي زي كده فعشاان عايز الوضع بينك وبين ماما يبقي لطيف، وكمان لو لقيت حاجه مش عجبااني مع الوقت هظبطها بطريقتي بس اسيبك. مستحيل بعد كل اللي بقي جوايا ليكي

رحمه

بقولك ايه انا ما بحبش جو الاختبارات ده وامك. تجيبلي فوله تقولي اكسريها وتشوف شعري وحاجاتي عشان تطمن علي ابنها..

شريف

لا لا ماما مش هتعمل كده ماما اصلا businesswoman واسلوبها راقي جدا مع كل النااس وبتحب التعامل بحدود حتي معايا انا واخواتي لازم تبقي في حدود وقواعد نلتزم بيها..

رحمه

من. الاخر يعني انت عايز ايه دلوقتي؟

شريف

اول ما ماما تيجي قوليلها ازاي حضرتك يا فريده هانم، اسمعي كلامها قوليلها حاضر وبس وانا والله بعد كده هعملك اللي انتي عايزااه..

رحمه. بسخريه

ابن امك وكده انت اول اختبار فشلت فيه اهو..

شريف

اوكي بس انا هنجح في التاني علي فكره مدام. بعيد. عن. ماما..

رحمه. بخبث

متأكد انك هتنجح فيه؟

شريف

جربي بنفسك وهتشوووفي..

رحمه

امم هبقي اشووف يا شريف، الله ايه البنت المزه اللي هناااك دي..

بص شريف بتلقائيه وراااه فرحمه ضربته بشنطتها وقالت بغيظ

بتبص علي ايه ياللي تنشك واهو تاني اختبار فشلت فيه..

شريف

ايه الرخامه دي انا ببص بفضول مش قصدي

رحمه.

مش عايزه اسمع تبريرات منك تاني، وامك دي هتيجي امتي مش هفضل قااعده معاك كتير انا..

شريف بقلق

اهي جات هناك اهي زي ما قولتلك يا رحمه مدام فريده او فريده هانم..

رحمه بصت لام. شريف بانبهار وقالت

شريف هي الوتكه دي امك؟.

شريف

الـ ايه؟!

رحمه

وتكه يا شريف يعني المزه ده حتي كلمه قديمه ازاي مش عارفها..

شريف

ما علينا ايوه هي دي ماما..

رحمه

اتوكس ده انا اللي ماما، الوليه من لما دخلت والكل بيبصلها، دي كأنها لسه في العشرين..

شريف

طيب بس اسكتي يا رحمه..

_وقربت منهم فريده وسلمت علي شريف وحضنته بهدوء وبصت لرحمه من فووق لتحت وقالت بضيق..

فريده

هي دي اللي انت عايز تتجوزها؟!..

بص شريف لرحمه وقال بقلق

ااا دي رحمه. يا ماما اللي حكيتلك عنها..

مدت فريده ايدها لرحمه وقالت

ازيك يا رحمه..

سلمت عليها رحمه وقالت بهدوء

الحمد لله يا خالتي ام اسعد

بصلها شريف بصدمه وفريده قالتله بسخريه

معقوله يا شريف انا مرات ابني تقولي يا خالتي؟...

رحمه ببرود

هي خالتي دي كلمه عيب ولا ايه، ما احنا طول عمرنا بنقولها عادي يا خالتي..

شريف بقلق

طيب نقعد مش هنتكلم واحنا واقفين كده..

_وقرب شريف من مامته وسحبلها الكرسي عشاان تقعد، وراح قعد جنب رحمه وقالها بصوت واطي..

شريف

هو ده اللي اتفقنا عليه برضو؟

رحمه

انت ما شوفتش يعني الست امك بصتلي ازاي اول ما شافتني، ده ايه الجوازه المنيله بنيله دي..

فريده

انتي من عيلة ايه يا رحمه؟

رحمه

من عيلة ابو سفره..

فريده

نعم عيلة ايه؟!..

ضحك شريف وقال

هههههههه بتهزر يا ماما هو في عيله اصلا اسمها ابو سفره.

بصتله رحمه بعيظ وقالت

خلصت تريقه يا ظريف..

شريف بتوتر

هو ده اسم عيلتكم بجد؟!..

رحمه

ايوه ده اسم عيلتنا؟

فريده

انا اول مره اسمع الاسم ده، طيب باباكي بيشتغل ايه؟

رحمه

انا بابا كان ملاكم وواخد بطولة الجمهوريه سنة 2001،وحاليا مدرب ملاكمه في جيم..

فريده

وليكي اخوات؟!..

رحمه

ايوه ليا اخ واحد بس مهاجر في كندا وهيرجع بعد كام سنه..

فريده

ومامتك بتشتغل ايه؟

رحمه

ربة منزل بتهتم ببيتها وكده يعني..

فريده

امممم وانتي منين ساكنه فين هنا في مصر؟!....

رحمه

شبرا مصر يا خالتي اكيد تسمعي عنها...

فريده

اااه بسمع... احنا من التجمع شايفه الفرق بينا ازاي؟

شريف

ايه يا ماما اللي بتقوليه ده، ما فيش بيني وبين رحمه اي فرق، بالعكس ده هي بنت الف واحد يتمناااها..

فريده

تروح تختار منهم وتسيبك انت، بصي يا اموره انا مش مصريه بس بقالي كتيره عايشه هنا واتعلمت كل حاجه في مصر واعرف العدات والاصول كويس اوووي، حتي لهجتكم انا بقيت بتكلم زيكم برضو، يعني هعرف اكلمك بطريقه انتي لو فعلا بنت اصول ومحترمه هتفهميها من غير ما تحطيني انا اوانتي في موقف محرج..

جه شريف يتكلم بس رحمه قالت

بعد اذنك يا شريف انا عايزه اسمع فريده هانم المظ هتقول ايه؟

ـ حطت فريده رجل علي رجل وطلعت سجاره من شنطتها وولعتها وقالت بجمود...

فريده

اولا انتي شكلا مش عجبااني مظهرك برضو مش عاجبني طريقة كلامك وحشه جدا جدا جدا، احنا واهلك مش هينفع نتقابل في مكان مع بعض كعيلتين شبه بعض، شريف هيدمر مستقبله لمجرد انه اعجب ببنت غريبه عن البيئه اللي هو عايش فيها،انتي بالنسباله بنت شافها مختلفه عن البنات اللي عرفهم قبل كده، لكن هو هيجي عليه وقت ويندم وانا ما احبش ابني بندم او يختار غلط، انا كنت فاكره هاجي الاقي بنت شيك من عيله كبيره او معروفه شويه حد من اهلها ليه اسم وهيبه، انما انتي كل حاجه بالنسبالي صفر من عشره..

كتمت رحمه حزنها وابتسمت بهدوء وقالت

شكرا جدا علي صراحة حضرتك وكويس وخلتيني انا كمان اشوووف الصوره صح واشوف ايه اللي يناسبني وايه اللي لا، انا فهمت كلامك كويس واوعدك. انا من النهارده ماليش علاقه بولادك خالص مش بس شريف لا كمان شريف وشيري.

_قالت رحمه كلامها وقامت عشان تمشي بس شريف قاام ومسك ايدها وقال بجديه..

شريف

لما هنتجوز انتي هتعيشي معايا انا ولا مع ماما؟

رحمه بدموع

سيب ايدي لو سمحت الموضوع اصلا خلص من قبل ما يبدأ.

شريف

لا مش هيخلص انا بحبك يا رحمه وحبيتك وانتي علي كده من غير ما افكر اغير اي حاجه فيكي، ومستعد اعمل اي حاجه عشاانك..

فريده بحده

شريف الناااس كده هتتفرج علينا اقعد وسيبها تمشي خلاص الموضوع مش مستاهل اللي انت بتعمله ده..

شريف بعصبيه

لا مستاهل يا ماما وانا ما جبتكيش عشان تقرري بالنيابه عني ايه اللي يناسبني وايه لا، انا جاي اعرفك علي البنت اللي بحبها وانا مش عيل صغير عشان امشي ورا رئيك..

فريده بغضب

لا عيل صغير ولولا دعمي ليك انا وباباك انت مش هتقدر تعيش اصلا، واقولك علي حاجه لو اختارت تتجوز البنت دي انسي انك تاخد مننا قرش واحد روح عيش معاها في المستوي اللي هي منه..

_بصلها شريف بعدم. تصديق وجه في الوقت ده اسعد ومعاه شيري اللي سألتهم بقلق وقالت..

شيري

في ايه يا. جماعه وايه الكلام اللي ماما بتقوله ده يا شريف؟

رحمه بضيق

سيبني يا شريف امشي وكفايه مشاكل كده بينك وبين اهلك، خلاص ما حصلش نصيب عادي..

شريف بصلها بجديه وقال

لا مش عادي هو انتي لو بالنسبالي عادي انا كنت جيت اتقدمتلك دلوقتي، وبعدين انا عشاانك اعمل اي حاجه انتي مستعده تتحملي ظروفي وانا لوحدي من غير اهلي ولو علي اهلك انا مستعد اقنعهم، انا قدام الكل اهو بقولك اني بحبك وعشانك مستعد اعمل اي حاجه..

_بصت رحمه لمامته اللي كانت متعصبه جدا علي عكس اخواته اللي كانو مبسوطين من كلامه ومتابعة النااس ليهم، وردت عليه وقالت وهي بتسحب ايدها منه..

رحمه

ما عنديش مشكله طبعا بس لو هتخسر اهلك عشاني فانا مش موافقه، وجايز مامتك معاها حق يا شريف وانا فعلا مش مناسبه ليك، معلش بس انا مش هقدر ارتبط بيك بعد الحوار اللي حصل ده كله، ربنا يرزقك بالاحسن مني مليووون مره وتكون من مستوي فريده هانم. عشان ما تعملهاش مشكله، بعد. اذنكم..

_قالت كلامها وسابتهم ومشيت ووقفت تاكسي بره النادي ورجعت بيتهم وهي في الطريق افتكرت تمسك شريف بيها واعترافه قدام الكل اكتر من مره انه بيحبها وابتسمت وقالت بسخريه..

رحمه

اهو لو اكرم كان عمل ربع اللي انت عملته ده يا شريف كان زماني انا وهو مخطوبين..

ــــــــــــــــــ

_وفي بيت اهل شهد كانت واقفه وشايله نور اختها اللي عندها تلات سنين وهي بتدور علي الموبيل بتاعها ودخل ابوها في الوقت ده وقال بعصبيه..

صابر

يخربيتك انتي بتعملي ايه نزلي اختك..

نزلتها شهد بسرعه وقالت بخوف

انا كنت شيلاها عشان بتعيط والله ما عملتش حاجه..

طلعت فاطمه من المطبخ وقالت

في ايه يا صابر بتزعق ليه؟

صابر

بتك اللي لسه حامل جديد شايله نور وعماله تتنطط بيها..

فاطمه

طيب بالراحه طيب ما تعرفش انه غلط..

شهد

هو ايه اللي غلط والله كنت قاعده اصلا بس قومت ادور علي الموبيل..

صابر

قولي لاخواتك ما تقوميش انتي لحد ما الحمل يثبت..

فاطمه

ومن امتي يا اخويا الحنيه دي كلها...

صابر

من لما عرفت انها حامل، قال وكانت عايزه تطلق الغبيه...

فاطمه

كلمي جوزك يا بنتي خليه يجيب اختك ويجي عشان نتغدو سوا كلنا..

شهد وهي بتدور علي الموبيل بتاعها

حاضر بس الاقي الموبيل الاول...

صابر

اقعدي انتي انا هدورلك عليه..

_قعدت شهد وقعدت جنبيها فاطمه اللي قالت بعدم تصديق..

فاطمه

هو ابوكي ماله ايه الحنيه دي كلها بجد من امتي؟

شهد

كل ده عشان حامل ده أسر ما عملش كده..

قعد صابر جنبيها وقال

امسكي موبيلك اهوو، واستني ما تكلميش جوزك دلوقتي، هقولك كلمتين قدام امك تخفظيهم يا شهد بلاش حركات العيال اللي بتعمليها دي وما تبقيش نكديه زي امك...

فاطمه بغيظ

انا قايمه اشوف الغدا، كلامك تقيل علي قلبي زيك يا صابر..

دخلت فاطمه المطبخ وصابر قال

شايفه اهو ده النكد. بعينه، المهم القصد من كلامي تكسبي جوزك الف واحده تتمني راجل زيه ومن حظك انك اتجوزتي واحد زيه كفايه انه كويس مع اهلك وبيحبنا وبيعاملنا كويس..

شهد

حاضر يا بابا..

صابر

وتخلي بالك من اللي في بطنك وان شاء الله ما تبقيش زي امك وتجيبي ولد يبقي اخ لاخواتك البنات ، وقتها انا اللي هاخده اربيه ده انا كنت هموت وامك تخلف ولد..

شهد

ان شاء الله يا بابا اللي يجيبه ربنا كله كويسه..

_وسمعت في الوقت ده صوت عربية أسر وجات شهد تقوم بسرعه، فوعق فيها صابر وقال بحده..

صابر

يا بت الجزمه انا لسه بقول ايه، في واحده شايله تقوم كده ما تتحركيش خالص..

شهد

هبص عليهم بس من فوق..

صابر

ما هما طالعين هيباتو تحت يعني، خفي حركه بدل ما اديكي في وشك..

_اتنهدت شهد بضيق وفضلت قاعده وخبط الباب وقام صابر فتح ودخلت ملك وهي مبسوطه ومعاها أسر اللي كان بيتكلم مع صابر عند الباب وكان كالعاده بيدي ابوها فلوس، وبعدين دخل وقعد جنبيها وقال..

أسر

اختك طلعت عيني الشمس كلت دماغي وفي الاخر تقولي دي ما تتحسبش انا ما شوفتش مصر كلها..

شهد بضيق

معلش هي هتتلهي في المذاكره وهتنسي..

أسر

ايه قلبة الوش دي والله ما عملت حاجه..

شهد بصوت واطي

ممكن ما تديش ابويا فلوس تاني، حتي لو هو طلب منك..

أسر بجديه

مالكيش دعوه بالموضوع ده يا شهد، وبعدين اهلك هما اهلي انا كمان..

شهد

انا بدايق من الموضوع ده ومش عايزاه ياخد منك فلوس..

أسر

ما ينفعش ابوكي يبقي بيعاملني زي ابنه ويطلب مني حاجه واقولو لا، يا ستي كبري دماغك...

قعد صاابر قدامهم وقال

بالله عليك يا أسر ما تخليها تتحرك كتير وما تجيبهاش عندنا احنا نيجي نشوووفها، او خليها هنا لحد ما تولد..

أسر

لا انا مش بحب مراتي تبات بعيد عني، وانتو تنورونا في اي وقت عادي..

صابر

تسلم يا ابن الاصول هو الدكتور ما قالش لسه هي حامل في ولد ولا في بنت؟..

أسر

تقريباً لسه بدري عشان نعرف، بس ان شاء الله تبقي بنوته وتطلع لمامتها..

صابر بغضب

نعمم بت ايه ما فيش خلفة بنات..

أسر بقلق

هو في ايه مال ابوكي؟

شهد

لازم تقول بنت يعني هو عنده فوبيا من خلفة البنات..

أسر بسرعه قال

توأم ولدين توأم ان شاء الله ويبقو شبهك يا حمايا..

صابر

يااااه لو عملتوها بجد ده انا هبقي اسعد واحد في الدنيا، انا كان نفسي يبقي عندي ابن ولد بس النصيب ربنا اداني خمس مصايب..

ملك

يا ابو المصايب كلم ماما..

ضحك أسر هو وشهد وصابر قال بغيظ

اهي خلفة البنات اهي ما باخدش منهم غير اللسان الطويل..

شهد

انا هدخل اشووف ماما واساعدها..

صابر

لااا خليكي قاعده انتي انا هدخل اساعدها..

دخل صابر المطبخ وأسر قالها بسخريه

ابوكي فرحان انك. حامل اكتر مني ومنك..

شهد

تبقي مصيبه لو جيبت بنت هيولع فيا وفيك..

أسر

سيبك من ابوكي انا نفسي في بنت وتكون شبهك كده، تقريبا لو جيبنا بنت هتبقي شبهك اختك. الصغيره دي لانها نسخه منك...

شهد ابتسمت وقالت

تخيل نور دي هتبقي خالتو هتبقي اكبر من النونو بتاعي بتلات سنين بس..

أسر

اخواتك طيبين اوي هيبقي حنين اووي علي البيبي و...

شهد

ورحمه دي هتبقي اطيب خالتو في الدنيا..

أسر

اهي دي بالذات مالهاش دعوه بعيالي عموماً انا ناقص هبل..

شهد بغيظ

قول اللي انت عايزه ما حدش هيربي عيالي معايا غيرها اصلا..

أسر بغيظ

افضلي انتي كده سخنيني عليها لحد ما اولعلك فيها خالص وارتاح..

شهد

بعد الشر عليها، وانا عايزه منك طلب صغير..

أسر

ما فيش بياات هنا يا شهد هنتغدي وهنمشي هوصلك عند. هاله وهروح الشغل وارجع بالليل نتعشي عندهم ونرجع بيتنا وما فيش طلوع تاني لحد. ما الحمل يثبت...

شهد

الدكتوره قالتلي اتحرك عادي علي فكره

أسر

هي الدكتوره هتعرف مصلحتك اكتر مني، واستني احنا ناخد رأي ابوكي يا عم صابر..

شهد

خلاص اسكت وايه عم صابر دي علي فكره الفرق بينك وبينه خمس ست سنين..

أسر بغيظ

قصدك اني قد. ابوكي يعني..

ابتسمت شهد وقالت بخبث

لا انا مش قصدي انت قد ماما علي فكره..

أسر

طيب اخرسي يا شهد وبعدين ما فيش فرق كبير بينا، امك. وابوكي هما اللي اتجوزو وخلفو بسرعه، كانو مستعجلين علي ايه بس..

شهد.

قصدك ايه ان الجواز والخلفه دي حاجه وحشه...

أسر

بومه والله متجوز بومه، فين ملك البت فرفوشه وروحها حلوه مش كتلة نكد..

شهد وقته جامد وقالت

روحلها يا حبيبي خليها تنفعك واقسم بالله لانا بايته هنا النهارده وخليها نكد. بنكد. بقي..

أسر

لا لا والله انا بهزر ده انا اللي بومه وانا اللي نكد. الدنيا فيا..

شهد

انا حلفت خلاص واسكت عشان صوتي ما يعلاش اكتر من كده..

أسر بغيظ.

مااشي يا شهد ماااااشي..

_وسابته وقاامت قعدت جنب نور علي الارض وهو راح وقف في البلكونه وابتسم بهدوء علي كلامها وعندها معاه اللي ديما بيغيرو مزاجه للاحسن حتي لو مدايق..

ـــــــــــــــــ

_وفي نفس اليوم بالليل كانت رحمه قااعده في البلكونه بتاعت اوضتها وهي بتكلم رحمه ولابسه بجامه طويله وحجابها وقالتلها..

رحمه

يا قادره ومشيتي كلامك عليه وهتباتي مع اخواتك

شهد

ايوه عشان يبطل يرخم عليا، بس الغريب بجد. بابا يا رحمه ده مخليني انام في اوضته هو وماما وراااح نام في الصاله هو وخلي ماما تنااام مع اخواتي..

رحمه.

سبحااااانه ربنا يهديه عليكي وعلي اخواتك ويارب تجيبي ولد ويتلهي فيه عنكم...

شهد.

هو انتي فاكره اني لما اجيب ولد هسيبه هنا لابويا، مستحيل هو انا اللي شوفته هنا قليل يا رحمه ده انا بدعي ربنا ما يحصلش لاخواتي زي ما حصلي ويكملو تعليمهم من غير مشاكل ويتجوزو بشكل طبيعي وتبقي حياتهم حلوه..

رحمه

ان شاء الله ما اظنش ابوكي هيكرر اللي حصل معاكي ده تاني وخصوصا لما شااف اللي حصل في بيت اهل سعيد ده حياتهم خربت والوليه امه اتحبست..

شهد

هو انا مش شمتانه فيها بس مبسوطه ان حصلها كده علي اللي عملته فيا والله، وفي نفس الوقت صعبان عليا سعيد بيقولو طلق مراته وطفش ما حدش يعرفله طريق..

رحمه

ما يصعبش عليكي غالي ما هو لو كان راجل معاكي من الاول كان... لا كده كتير..

شهد

في ايه؟

رحمه

شريف تحت بيتنا يا شهد..

شهد

بتهزري بيعمل ايه؟

رحمه

مش عارفه ده طالع عندنا اقفلي اشوفه جاي ليه ده وهبقي اكلمك اقولك..

شهد

مااشي بس ما تتأخريش عليا..

رحمه

حاضر والله، سلام..

_قفلت رحمه معاها وطلعت لقيت ابوها واقف في الصاله كالعاده بيتمرن فقربت منه وقالت بقلق..

رحمه

يا ابو الكباتين

سامي

عايزه ايه؟

رحمه

شريف جاي شوفته من فوق..

سامي

جااي عايز ايه مش امه رفضتك زي ما قولتي

رحمه

مش عارفه بص مهما قال انا مش هتجوز واحد امه مش عايزاني، اوعي يغرك انه غني وكده وتقل مني وتوافق يا بابا..

سامي قرب منها وقال

انتي عبيطه يا بت انتي اقل من مين؟ من بنتي ده انا لو اللي اتجوزك ده ما كانش واحد هو واهله شايفينك جوهره وغاليه واحسن منهم مش هديكي ليه..

رحمه ابتسمت وقالت

ربنا يخليك ليا يا ابو الكباتن، اهو بيخبط انا هقف في المطبخ هشووف جاي يقول ايه وانت افتحله وانفخه بقي كمل تدريبك فيه..

_قالت كلامها وجريت علي المطبخ وسامي ابتسم عليها بهدوء وراااح فتح الباب ولقي فعلا شريف واقف وقال..

شريف

ازاي حضرتك يا عمي..

سامي

اسمي كابتن سامي يا حبيبي، خير عايز ايه؟

شريف بتوتر

انا كلمت حضرتك قبل ما اجي بس ما رديتش عليا..

سامي

عشان انا مش عايز اتكلم معاك، هو مش الست والدتك خلصت الموضوع في ايه تاني بقي يا ابن النااس..

شريف

طيب انا مش طالب غير ان حضرتك تسمعني حتي لو لاخر مره وانا والله حليت كل حاجه..

سامي بصله بهدوء وقال

ادخل اما نشووف اخرتها..

_دخل شريف وهو وداخل لمح رحمه وهي واقفه عند. باب المطبخ فأبتسم بهدوء وراح قعد في الصاله وسامي قعد قدامه وقال..

سامي

سامعك يا شريف اتكلم..

شريف

اولا انا بعتذر جدا علي الكلام اللي قالتله مام.. امي لرحمه النهارده..

سامي

وثانيا ايه بقي؟

شريف اتنهد بهدوء وقال

انا بحب رحمه وحتي لو اللي بقوله ده غلط بس دي الحقيقه واهم حاجه في الموضوع وعايز حضرتك تعرفها من غير اي رسميات وكلام متزوق، انا من اول مره شوفت فيها رحمه وبدأت اميل ليها بشكل كبير، كل حاجه فيها عجبتني شكلها وطريقة لبسها وتحفظها في التعامل معايا وطريقتها اللي نااس كتير بتنتقدها انا حبيتها بسببها، وما شوفتش فيها حاجه ناقصه او تقلل من كونها هتبقي زوجه ليا، وقولتها ليها النهارده وهقولها تاني لحضرتك انا مستعد اعمل اي حاجه بس رحمه تبقي من نصيبي..

حاول سامي يداري ابتسامته وقال

انا فهمتك وانك. تيجي تاني وتتكلم في الموضوع ده اثبتلي انك فعلا بتحبها، بس الحب لوحده مش كفايه بنتي مش هتعيش معاك لوحدك، اهلك هيفضلو في حياتكم ومدام الست امك رافضه الموضوع يبقي انا ما اقدرش ادخل بنتي وسط عيله فيها طرف من الاطرااف الاساسيه مش عايزها...

شريف

مام.. اقصد امي..

سامي

قول ماما عاادي عارفكم انا يا بتوع التجمع ومدينتي ما فيش داعي تغير من طريقة كلامك..

ابتسم. شريف بهدوء وقال

والدتي تفكيرها مختلف شويه، وما كانتش تعرف ولا متأكده من حبي لرحمه بس انا اقنعتها وهي لو حضرتك موافق هتيجي معايا هنا هي وبابا وهتعتذر لرحمه وهنتفق ونقرا الفاتحه..

اتصدمت رحمه من كلامه وسامي قاله بهدوء

انت قد. كلامك ده...

شريف

لو مش قده ما كنتش جيت واتكلمت معاك. يا عمي، ولو مش قد. حبي لرحمه ما كنتش قولتلك ولا قولتلها اني بحبها، بس مدام اعترفت بحاجه زي دي مش هتبقي مجرد كلمه انا لازم اخليها تتأكد. اني بحبها لازم اخليها تبقي من نصيبي ولو ما عملتش كده هبقي كداب وما حبيتهاش..

_اتملت عيونها دموع وافتكرت كلام. اكرم ليها وازاي استسلم واتخلي عنها، وفي نفس الوقت شريف بيحاول وينقع في اهله واهلها عشاان يثبتلها انه فعلا بيحبها، وقطع تفكيرها صوت سامي اللي قال..

سامي

رحمه. اظهر وباان تعالي هنا..

ظبطت رحمه. شكل حجابها وقالت بغيظ

مش مكتوبله يشوفني وانا مظبطه نفسي خالص لازم يشوفني في اسوأ حلاتي..

_وطلعت رحمه. ببجامتها الطويله وحجابها اللي كان من. لون مختلف غير البجامه وشكلها مش منظم. خالص وقالت وهي باصه للارض بتوتر..

رحمه

نعم يا بابا..

سامي

سمعتي اكيد. اللي قاله شريف، هاا رأيك ايه؟

رحمه

اللي تشوفه حضرتك يا بابا..

سامي بخبث

انتي هتعملي مكسوفه طيب انا مش موافق..

رحمه. بصتله بغيظ وقالت

ليه يعني يعملك ايه تاني الراااجل، بتوقف حالي ليه انت وو..

رجعت بصت تاني للارض وقالت بأحراج

قق قصدي اللي تشوفه حضرتك. يا بابا..

_ضحك سامي وشريف اللي بصلها بنظره عاشقه، وساامي قاله بهدوء وابتساامه واسعه..

سامي

اديك سمعت الرد بنفسك كلمني وبلغني باليوم اللي هتشرفنا فيه انت واهلك. واللي فيه الخير يقدمه ربنا..

شريف

تمام يا عمي وشكرا جدا لتفهمك، بعد اذنكم..

_وصله سااامي للباب ورجع لقي عفاف مراته كمان طلعت من اوضتها وهي مبسوطه وقالت..

عفاف

اسلام كان معايا بيكلمني وقولتله علي العريس وموافق..

سامي

طيب كويس وانا هبقي اكلمه ولما يحصل نصيب هبقي اخليه يتعرف علي خطيب اخته..

ومسك. ايد رحمه وقال

انا مش ببص علي المظاهر يا رحمه، والواد الاولاني ده لو كنت لقيته متمسك بيكي ومصمم انه يتجوزك كنت هعيد. تفكيري فيه من تاني، لكن هو من لما جه يتقدم وانا حاسس انه ضعيف ومتردد وخايف وده ما ينفعش، انا عايز اجوزك لواحد يحارب الدنيا كلها عشاانك يحسسني ان بنتي مهمه. عنده وشاريها، زي الواد شريف كده ده ثبتني بالكلام

رحمه ابتسمت وقالت

وثبتني انا كمان والله، وهتخطب والبس دبله يا سامي زغرتي يا مامي لحد ما اروح اقول للبت شهد..

ـــــــــــــــــ

_وتاني يوم الصبح كان أسر قاااعد في مكتبه وبيحاول يكلم شهد ومش بترد عليه..

أسر بغيظ

رديي ردييييييي..

_وفي الوقت ده موبياه رن كالعاده برقم نتالي فأتنهد بضيق ورد عليها وقال..

أسر

نعم يا نتالي؟..

نتالي

هو انت مش بترد. عليا ليه يا أسر، افرض جرالي حاجه مش هلاقيك جنبي

أسر

لا طبعا بس مشغول يا نتالي والله، انتي في حاجه ناقصه معاكي او محتاجه حاجه؟

نتالي

كنت عايزه فلوس ومعلش لو هتقل عليك انا قريب هسافر امريكا وهعتمد علي نفسي مش هحتاج منك حاجه..

أسر

ارجوكي يا نتالي ما تقوليش كده، احنا قبل اي حاجه كانت بينا احنا كنا صحاااب ومقربين كمان وانا قولتلك مش هسيبك ابدا وهفضل ديما جنبك في اي وقت، والفلوس اللي عايزاها هتوصلك حالا.

نتالي

والاهم من كل ده تيجي وتخليني اشووفك انا ما اعرفش غيرك يا أسر في الدنيا دي كلها..

أسر بهدوء

حاضر اول ما افضي هجيلك، ابعتيلي المبلغ اللي عايزااه وانا هبعتلك اكتر من منه مع السوااق وهعملك حساب في البنك في اقرب وقت ومش هخلي جاجه تنقصك خالص وو..

كلمته شهد في الوقت ده فقال بسرعه

نتالي انا لازم اقفل حالا شوفي عايزه كاام وقوليلي..

_قال كلامه وقفل في وشها ورد بسرعه علي شهد وقال بحده مصطنعه..

أسر

بكلمك من امتي يا هانم انا وانتي مطنشاااني..

شهد

انت كنت بتكلم مين؟

أسر

شغل يا شهد وبعدين ردي عليا مش بكلمك. انا..

شهد بحده

أسر الرقم ده الشخصي بتاعك مش بتكلم حد. من بتوع الشغل عليه، فقول كنت بتكلم مين احسنلك..

ابتسم بهدوء وقال

احسنلي كمان.. مااشي يا ستي كنت بكلم نتالي..

شهد بغيره واضحه

اممم طيب سلام..

أسر

استني يا بت انتي ما انا بقولك اهو هي كانت عايزه حاجه مني فعشان. كده كلمتني وبعدين هي ما تعرفش حد غيري ومش كل شويه هفضل اوضحلك يعني المفروض يبقي في ثقه بينا اكتر من كده

شهد بسخريه

شوووف مين. بيتكلم علي الثقه، المهم انا عايزه اروح لرحمه

أسر

لا كلميها هي تجيلك ايه اللي يخليكي تروحي هنااك وبعدين نبطل حركه كتير..

شهد

عشان خاطري انا عايزه اروح اقعد. معاها شويه وهرجع البيت ومش هعمل اي حركه تاني والله..

أسر

طيب هبعتلك السواق، وعلي فكره هكلم حد يأجلك السنه دي في المعهد بتاعك لحد ما تولدي وتبقي كويسه..

شهد

لا لا كله الا دراستي يا أسر..

أسر

متمسكه بيها علي ايه دراستك دي ما انتي اخرك هتقعدي في البيت وتربيلي عيالنا..

شهد بغيظ

ومتعلم في اوربا وكنت عايش نص عمرك هنااك وتفكيرك زي جدي الله يرحمه فعلا المظاااهر خداااعه...

أسر بخبث

طيب ما انتي كمان شكلك كيوت وبريئه وطفله في نفسك وقولت لنفسي هتجوزها بقي واعرف اخليها تسمع كلامي وتعمل اللي انا عايزه، وفي الاخر انتي يا اللي ما كملتيش ٢٠سنه مخليااني الف حوالين نفسي زي المجنون عشان ارضيكي..

ضحكت شهد بهدوء وقالت

اذا كان عاجبك يا سي أسر، وانجز يلا وابعتلي السواااق..

أسر

اوامرك يا اسطا وترجعي من عند رحمه علي البيت ما فيش بيات بعيد عني تاني..

شهد ابتسمت بهدوء

حاضر يلا سلام..

أسر

سلام مؤقت...

_قفلت معاه وراحت فعلا لرحمه، وهو كمل شفله اللي بقي بيحبه جدا ومهتم. بيه بشكل كبير...

ـــــــــــــــــ

_وعدت الايااام وجه يوم خطوبة رحمه اللي كانت في قااعه حلوه جداً، وكانت برضو قااعده هي وشريف في الكوشه بفستانها الازرق الرقيق وحجابها اللي كالهاده خلاها مميزه في نظر شريف، اللي مال عليها وقال بهدوء..

شريف

هي مين الست اللي قاعده هناك دي وعماله تبصلنا كأننا كلنا ورثها؟

رحمه

دي خالتي عزه..

شريف

شكلها بتحبك اووي..

رحمه

بتموت فيا لدرجة انها كانت ديما تقول لماما بنتك بلسانها الطويل ده هتبور يا عفاف مش هتلاقي اللي يتجوزها ويرضي بيها،فحقها تبصلنا كده وانا اتخطبت قبل بناتها وكمان لعريس متريش وابن ناااس زيك..

ابتسم شريف وقال

طيب وام اصفر بيلمع اللي قاعده جنب مامتك دي؟

رحمه

دي عمتي الهام..

شريف

شكلها مدايق هي كمان، هما للدرجه دي مش طايقينك..

رحمه بثقه

البركه في لساااني مخليني منبوذه من العيله كلها..

شريف

والله ما بيفهموش طيب ده انا اكتر حاجه عجباني فيكي صراحتك..

رحمه

مش عارفه اصدقك في الموضوع ده، يعني الناااس كلها شايفه ان دي حاجه غلط..

شريف بخبث

يمكن عشاان بحبك فحابب كل حاجه فيكي حتي لو كانت غلط في عيون النااس انا متقبلها وشايفها جميله، وانتي مش غلط علي فكره دي شخصيتك ومش لازم تغيريها عشان حد اللي عاجبه عاجبه واللي مش عاجبه ما يتعاملش معاكي..

ابتسمت رحمه وقالت

انت بقالك كام يوم مخليني حبيت نفسي اووي..

_ضحك شريف بهدوء وفي اللحظه دي بصت هي قدامها وشاافت أكرم قااعد جنب أسر وفؤاااد وبيبصلها بحزن، فأختفت ابتسامتها وبان علي ملامحها الحزن..

شريف

في حاجه ولا ايه؟..

رحمه بضيق

لا بس ااا... ما فيش انا كويسه..

_قاام اسعد ورااح وقف جنب شريف وقاله بصوت واطي..

اسعد

هو ايه الجو ده وايه الموسيقي دي النااس زهقت..

شريف

ماما اللي صممت تعمل الخطوبه علي ذوقها والحمد لله ان رحمه وافقت والا كانت هتبقي مشكله كبيره، فخلينا قاعدين حلوين كده..

اسعد

بقولك ايه هي صاحبة رحمه اللي قااعده مع شيري دي مش كنتو بتقولو انها هتطلق، هي اطلقت ولا لا؟

شريف

اسعد البت لسه متجوزه وتقريبا حامل وجوزها قااعد هنااك مع ابوووك اهوو فأتلم وبلاش مشااكل..

اسعد

ما هو انا قولت حاجه بتستفسر، وبعدين انا ما فيش واحده لفتت نظري ولا عجبتني طول حياتي غير البنت دي، بص رقيقه وكيوت ازاي لا وحلوه اوووي..

_في الوقت ده أسر اخد باله ان أسعد بيتكلم مع شريف وهو بيبص لشهد اللي واقفه هي وشيري مع بعض، فقااام وهو متعصب ومسك ايد شهد وقال..

أسر

تعالي معايا..

شهد بقلق

في ايييه يا أسر..

قعدها أسر جنب هاله وقال

ما تتحركيش تاني لحد ما نغور ..

شهد

طيب انا عملت ايه ما انا واقفه جنب شيري وسااكته..

هاله

في ايه يا أسر مالك ومالها ما هي واقفه مع صاحبتها..

قعد أسر جنب شهد وقال بحده

مزاجي كده بقي انا حر، وبعدين ايه القرف اللي انتي لابسااه ده، ما قولتليش ليه انك هتلبسي فستان زي ده..

شهد بدموع

معلش هبقي بعد كده اخد اذنك فلبسي عشان ما يبقاش قرف...

بصتله هاله بلوووم وفي الوقت ده جه فؤااد وقال

مالكم قالبين وشكم ليه وانت يا بني ادم مش قاعدين مع الراجل وبيتكلم معاك بتسيبه وتقوم ليه فجأه كده..

أسر

خلاص يا فؤاد اسكت وخلي ام اليوم ده يعدي علي خير..

قعد فؤاد جنب هاله وقالها

اخوكي غيران علي مرااته وانا هخليه يولع اكتر..

هاله

بس يا فؤاد هيزعلها هي في الاخر..

فؤاد

مالكيش دعوه انتي اتفرجي بس..

وقال فؤاد لشهد بخبث

ايه الحلاوه دي يا شهد تصدقي ان النااس افتكرتك بنتي لما كنت واقف معاكي من شويه ومش بس كده ده كمان تلاته كلموني لحد دلوقتي عايزين يخطبوكي لولادهم..

اتوترت شهد وأسر قال بغيظ

يا خفة دم اهلك مش وقتك يا فؤااد انا علي أخري اقسم بالله..

كتمت هاله ضحكتها وفؤاد قال

هو انت فاكرني بهزر طيب وحيااة ابني اللي ما بحلف بيها ابدا، ابو العريس افتكرها بنتي وطلب ايدها لابنه الدكتور سعد ولا سعيد ده مش فاكر اسمه..

أسر بغضب

هي كده جابت اخرها قوومي يا هانم هنمشي يلا..

شهد بقلق

هنمشي فين يا أسر انا قولتلك هقعد. مع رحمه لاخر اليوم..

أسر بحده

وانا قولت نمشي ولا انتي مستنيه عريس تاني يجي يخطبك مني انا المره دي..

فؤاد

عيب يا أسر انا قولتلهم. انها مرات أسر الفيومي واتصدمو قال شكلها صغير عليك..

أسر

اخرس يا فؤاد والله مش ناقص انا، وانتي قوومي اخلصي...

هاله

خلاص يا شهد روحي معاه وانا هقول لرحمه. انك. تعبتي شويه ومشيتي..

_قامت شهد مشيت معاااه وهي مدايقه، وهاله قالت لفؤاد. بلوم..

هاله

ينفع كده. اللي حصل اهو نكد عليها.

فؤاد

تبقي. عبيطه لو زعلت ان. جوزها بيغير عليها، وبعدين هو ابو العريس طلب ايدها فعلا بس الباقي ده من. عندي انا، فرصتي ان احرق. دم اخوكي وجات لحد. عندي..

هاله

والله انت وهو رخمين وفي الاخر اتنكد علي شهد. الغلبانه..

_وبعد شويه في عربية أسر كان متعصب جدا وهو سايق العربيه وقالتله بقلق..

شهد

ممكن تسووق بالراحه شويه..

أسر

حاضر..

شهد

وبعدين انت زعلان مني ليه، وانا ذنبي ايه في اللي حصل..

أسر بضيق

نقفل الموضوع وكأنه ما حصلش واول واخر مره يا شهد. تلبسي فستان يبقي دايق كده او تحطي الزفت اللي حطاااه في وشك ده..

شهد بحزن

علي فكره انت مزودها اووي معايا، ما الست نتالي اللي كنت هتتجوزها كانت بتخرج من البيت بشورت وفوق ما فيش خالص وانت عادي وانا عشان الفستان دايق حبتين وحطيت ميكآب خفيف القيااامه قامت..

أسر بجديه

انا لو كنت بحب نتالي ربع ما بحبك انتي ما كنتش سيبتها عشاانك، انتي غير اي حد. يا شهد وفكرة ان حد يبصلك بنظرة اعجااب اياً كان مين بتجنني هتسميها غيره تملك اي حاجه براحتك بس اللي انا اقوله يتنفذ..

ابتسمت بهدوء وقالت

حاضر اللي انت عايزه هنفذه..

بصلها بهدوء وقال

قمر وانتي بتسمعي الكلام، وصلنا اهو...

_نزلت شهد من العربيه ودخلو البيت وقالتله بفضول...

شهد

هي فين الكلبه بتاعتك؟!

أسر

مشيتها اديتها لواحد بيهتم. بالحيوانات..

شهد

انت كنت بتحبها اوووي..

أسر

بس انتي بتخااافي منها، مع انها مرتبطه بذكري اول مره شوفتك. فيها..

شهد

ايوه لما خليتها تجري عليا وتعضني..

أسر ضحك وقال

انتي خدتي بالك يعني بس والله ما كان قصدي انها تعضك يعني، كنت هرخم عليكي بس..

شهد

اااه اصل انا كنت ناااقصه ده انا كنت واخده علقه معتبره وطفشاانه من اهلي وطليقي ومتخزوقه من ادهم واكرم اللي طردني من عنده وتكمل عليا انت..

أسر

اهو كل ده عدي خلاص وما بقاااش فاضل غيري انا وانتي وحياتنا السعيده، وانك تبقي مبسوطه معايا وبس..

قربت منه شهد وقالت بهدوء

اكيد طبعا هبقي مبسوطه مش جنب اكتر راجل بحبه في حياتي كلها..

أسر بأبتسامه واسعه

ايوه بقي هو ده الكلام اللي انا عايزه، ونكمله فووق بقي لوحدنا وبراحتنا.

_وعلي هذا الاساس كانت حياتهم مع بعض لمدة شهور وكانت شهد خلاص وصلت لاواخر الحمل بتاعها....

ــــــــــــــــــ

_وفي شقة ام محمد كانت طلعت من السجن وقااعده في شقتها ووشكلها بقي حزين جدا وخست اووي وكأنها بقيت واحده تانيه، وسمعت حركه قدام باب الشقه فقامت بسرعه وفتحت الباب لقيت نعمه وولادها نازلين..

ام محمد

علي فين كده هو انتو ماشيين ولا ايه؟

نعمه بضيق

نفسي والله نمشي بس اعمل ايه في ابنك. اللي مش عايز يسيبك لوحدك.، اصل انا يا حماتي ما داخلش عليا الفيلم اللي انتي بتعمليه ده وانك قلبتي فيها ملاك بجناحين وبصراحه كده من وقت اللي عملتيه في اختي انا مش طيقاكي ولا طايقه القعده معاكي في بيت واحد يا رد. السجون..

ام محمد بدموع

يعني انتو مش ماشين؟

نعمه

لا يا اختي مش ماشيين بس رايحه احضر كتب كتاب نسمه اختي، اما هتتجوز حتت عربس يا حماتي ما فيش منه ربنا عوضها عن ابنك واللي شاافته معاه، حتت معاون شرطه اد. الدنيا..

ام محمد بحزن

ليه هتتجوز سعيد بيحبها ولما يرجع هيزعل اووي لما يعرف انها اتجوزت..

نعمه بحده

ما يزعل ولا يتفلق هو مالوش دعوه بيها اصلا، واقولك علي حاجه ابنك مش هيرجع تاني..

ام. محمد بحده

لا ابني هيرجع مش هيهون عليه يسيبني كده لوحدي..

نزل محمد من فووق في الوقت ده وقال

في ايه يا نعمه مالك يا اما انتي كمان في ايه؟

ام محمد ببكاء

مراتك بتقول سعيد. مش هيرجع يا محمد، مش انت قولتلي انه كلمك وقالك انه جااي

بص محمد لنعمه بغضب وهي قالت ببرود

انا ما بحبش اكدب يا اخويا معلش وبعدين امك بتقول قال ايه بلاش نسمه تتجوز عشان اخوك لما يرجع ما يزعلش..

محمد

خلصتي كلامك يا نعمه روحي يلا مكان ما انتي رايحه..

نعمه

هو انت مش هتيجي معايا ولا هتقعد جنب امك

محمد بحده

ايوه قااعد جنب امي وما اسمعش صوت اهلك تاني بدل ما اقول ما فيش طلوع من البيت ليكي ولا للعيال النهارده..

_ما ردتش عليه نعمه واخدت عيالها ومشيت، ومحمد مسك ايد امه وقال بحنان..

محمد

ماتزعليش منها يا اما حقك عليا انا..

ام محمد ببكاء

اخوك. جاااي يا محمد صح، سعيد هيرجع يعيش معانا تاني هو قالك انه جاي مش كده؟

محمد بهدوء

ايوه تعالي بس نقعد. جوه لحد ما يجي..

ام محمد

طيب انا عايزه افطر ومستنيااه وهو ما جااش..

محمد

لسه هتفطري يا اما ده احنا داخلين علي العشا، تعالي انا هجهزلك الاكل وناكل ونستنااه..

ام محمد

هو هياكل في الطريق مش كده؟

محمد بحزن

ايوه يلا ادخلي يا ست الكل وهو هيجي علي طول..

_وفي بيت اهل نسمه. كانت قااعده في اوضتها وهي لابسه فستان اوف وايت شكله حلو جدا، وباصه لنفسها في المرايا وسلمي صاحبتها بتظبطلها الميكآب..

سلمي

شكلك زي القمر مش ناقص بس غير انك. تضحكي..

نسمه

حاضر هضحك يا سلمي..

سلمي

هروح اشووف امك بره عايزه ايه اعمله معاها تكون نعمه اختك جات واجي اقعد معاكي..

_طلعت سلمي من عندها وهي قاامت مسكت موبيلها وفتحت الشاات بينها وبين سعيد اللي من لما كانت متجوزااه ما اتكلمتش معاه فيه خالص، واتملت عيونها دموع وبعتتله رساله صوتيه وقالتله فيها..

نسمه

"لاخر مره هكلمك انا وافقت علي مُهاب عشان اخليك تكلمني وترجعلي بس خلاص الموضوع قلب بجد. وهتجوز بجد يا سعيد، بقالي ست شهور كل يوم بقول انك. هترجع وانا والله هرجعلك وهنسي كل حاجه، حتي دلوقتي وانا خلاص هيتكتب كتب كتابي كمان ساعه انت لو جيت انا مستعده اوقف كل حاجه عشانك، رد. عليا يا سعيد عشااان خاطري "

_بعتتله الرساله ووصلتله فعلا وفضلت قاااعده مستنياااه يسمعها ويرد عليها، وفعلا سمعها ورد. عليها برساله صغيره وقالها فيها...

سعيد

"ما تستنيش سعيد يا نسمه عشان انا مش هرجع، والف مبروك بجد والله فرحتلك انتي تستاهلي كل خير، وياريت ما تبعتليش تاني ومن ناحيتي انا هغير الرقم ده. خالص"..

_واول ما سمعت رسالته اتصدمت من كلامه ليها ودموعها نزلت بحزن، ورجعت بعتتله رساله تانيه وقالتله بنبره غاضبه..

نسمه

" انا غلطانه اني بعتلك او في يوم فكرتك. بتحبني، بس انت ما تستاهلش فعلا غير انك تبقي لوحدك "

_ في شقه بسيطه. جدا في حاره شعبيه كان قاعد. سعيد في اوضته وسمع رسالتها ومسح دموعه بحزن، وقفل موبيله خالص ودخل عنده في الوقت ده عزت صاحبه اللي قاله..

عزت

ايه. يا عم سعيد بننده عليك. من بدري عشان تتعشي قبل ما ننزل الشغل..

سعيد

جااي اهو..

عزت

في حاجه يا اسطا ولا ايه، انت كنت بتعيط عيزنك. حمرا كده ليه؟.

سعيد

لا لا بس غشان لسه صااحي، يلا قبل السفاحين اللي بره دول ما يخلصو الاكل..

_طلع سعيد وقعد مع صحاابه اللي بيشتغل معاهم وبدأ حياته معاهم من الصفر من غير ما يكون للماضي اي صله بيه..

القانون ليس صحيح فالجميع اجمل من بعيد، والقرب مؤذي، والنصيب في بعض الأحيان اقوي من الحب 💔

ـــــــــــــــــ

_وفي بيت الفيومي رجع أسر من شغله واول ما دخل البيت لقي صبااح نازله من فووق فقالها بهدوء..

أسر

شهد صاحيه يا صبااح.؟

صباح

ايوه بس..

أسر بقلق

بس ايه.. هي كويسه؟

صباح

ايوه كويسه بس مش عارفه مالها هو حضرتك. لامؤخذه يعني مزعلها في حاجه دي اليوم كله بتعيط النهارده..

أسر بضيق

اوووف لا مش مزعلها دي هرمونات النكد..

_ضحكت صباااح بهدوء وهو طلع فوق لقاها قاعده علي الكنبه قدام التلفزيون وفي ايدها طبق فاكهه كبير وشكلها مدايقه جدا..

أسر

مساء الخير..

_بصتله بطرف عينها بضيق وما ردتش عليها، كتم هو ضحكته بصعوبه وقعد جنبيها وقال بهدوء..

أسر

طيب انا عملت ايه دلوقتي ما انا طول اليوم في الشغل وقبل ما امشي الصبح كنا زي الفل..

شهد بدموع

معلش بقي انا نكديه يا عم ما تتكلمش معايا..

اتنهد أسر بضيق وهي قالت بسرعه

سكت ليه. قصدك اني نكديه بجد....

أسر

اديني فرصه ارد هو انا لحقت، وبعدين انا اللي نكدي يا ستي ما تزعليش..

شهد

انت بتاخدني علي قد عقلي اتجننت انا يعني..

أسر

طيب اعمل لامك ايه، اسكت مش نافع اتكلم مش نافع اعمل اييه.؟

شهد ببكاء

انت بتزعقلي..

أسر

لا ما زعقتش

شهد

لا انت بتزعقلي اهو، مش كفايه اللي عملته كمان بتزعقلي..

أسر

ايوه انا عايز اعرف انا عملت ايه؟

شهد

ياااه كل ده وما عملتش حاجه، ده انا من يوم ما عرفتك وانت بتزعلني تحب افكرك عملت فيا ايه زمان..

أسر

زمان وخلص خلاص ايه اللي فكرك بيه دلوقتي يا شهد؟

شهد ببكاء

مش عارفه انا فجأه كده بفتكر الحاجات دي وابقي عايزه اعيط وبعيط فعلا اهوو....

ابتسم أسر بهدوء واخدها في حضنه وقال بهدوء

خلاص ما تزعليش حقك عليا خلاص..

شهد

يعني انت معترف اهو انك. غلطان..

أسر

ايوه انا ابن كلب وما اتربتش والله، اهدي بقي..

شهد بهدوء

ايوه انت فعلا كده...

ضحك أسر وقال

انا كده فعلا يا جزمه، تيجي نخرج بدل قعدت البيت اهو نفسيتك تتحسن بدل النكد ده..

بصتله شهد بحده وقبل ما تتكلم هو قال بسرعه

النكد اللي انا سببه يا فرفوشه يا حلوه ياللي ما فيش منك انتي..

شهد بهدوء

لا مش عايزه اخرج ببطني دي، بحس الناااس كلها بتتنمر عليا، واولهم انت بتتريق علي مشيتي.

رد. عليها وهو بيضحك وقال

ما انتي من الشهر الخامس وبقيتي تمشي بطريقه غرييه..

شهد بغيظ

ما هو بسبب ابنك، وبعدين احنا لحد دلوقتي ما لقيناش ليه اسم..

أسر

اختاري انتي وانا معاكي..

شهد

طبعا ما انت لو كان يهمك كنت اختارت، بس انا عارفه هو لو كان ابن ااا..

حط أسر ايده. علي بوقها وقال

مروان كنان واياد ونديم اكتر اربع اسماء بحبهم مع ان نفسي اسميه احمد علي اسم احمد صاحبي الله يرحمه بس الاختيار ليكي عشان لو انا صممت علي اسم هيتنكد. عليا وبرضو مدام قولتلك تختاري هتنكدي عليا عشان مش مهتم من وجهة نظرك، فشوفي انتي عايزه تعملي ايه واعمليه وانا موافق بس بلاش نكد. وغلاوتي عندك يا شيخه..

بعدت شهد عنه وابتسمت وقالت

هو انت ليه خايف مني كده انا كنت هقولك اني عايزه برضو نسميه احمد علي اسم صاحبك الله يرحمه..

أسر اتنهد بهدوء وقال

الحمد لله عدينا الموضوع من غير نكد..

شهد

اطلبلي اكل من بره بقي وخلي صباح تعملي موز باللبن وتعالي اتفرج معايا علي التلفزيون..

أسر

بس كده من عينيا هغير هدومي وجاااي..

_ودخل جوه ومسك موبيله اللي كان بيرن برقم نتالي وحمد ربنا ان شهد ما اخدتش بالها ورد عليها وقال بصوت واطي..

أسر

نعم..

نتالي

بكلمك من بدري مش بترد يا أسر ليه؟

أسر

مشغول معلش يا نتالي في حاجه ولا ايه؟

نتالي

عايزه اشووفك بسرعه

أسر

مش فاضي والله خالص..

نتالي

عشااان خاطري يا أسر انا بكره راجعه امريكا، ويمكن دي اخر مره اشووفك فيها ارجوك..

أسر بضيق

طيب ساعه كده وهجيلك..

قغل معاها وطلع قال لشهد بهدوء

جالي شغل ضروري يا شهد لازم ارجع الشركه حالا..

شهد بهدوء

مااشي انا هستناك..

أسر قرب منها وباسها من خدها وقال

وانا مش هتأخر عليكي وجاااي بسرعه، وابوس ايدك قبل ما هرمونات النكد تسيطر عليكي افتكري اني بحبك وبعشقك وبلاش عيااط..

ابتسمت بهدوء وقالت

حاضر هحاول بس والله هي بتبقي غصب عني..

أسر

علي قلبي زي العسل بس انا مش عايزك تزعلي اتفقنا..

شهد

حاضر اتفقنا وابقي هاتلي حاجه حلوه وانت جااي..

أسر غمزلها وقال

ما فيش حاجه. حلوه غيرك يا اسطا..

شهد بحده

يعني مش هتجيب..

أسر بنفاااذ صبر

هجيب يا شهد كلي تفاتح واتفرجي علي التلفزيون يلاا..

_ قال كلامه وسابها ومشي ، ورااح لنتالي وخبط علي الباب فقالتله بصوت عالي من جوه..

نتالي

الباب مفتوح يا أسر ادخل..

_دخل أسر واول ما شافها كانت لابسه قميص نوم قصير جدا وشكله ملفت بدرجه كبيره وقربت منه وقفلت الباب وقالت..

نتالي

حتي لو هتبقي اخر ليله بينا انا عايزه اكون معاك..

ولسه هتقرب منه بس بعد أسر عنها وقال

وانتي جيباني هنا عشاان كده؟

نتالي بهدوء

ليله واحده بس هتبقي كتير عليا يا أسر..

أسر بجمود

الليله دي هتخليني ابقي رااجل خاين في نظر مراتي وفي نظر نفسي، وانا ما اقدرش اعمل كده..

نتالي بغيظ

هي عملالك ايه للدرجه دي خلتك تنسااني وما تتأثرش بيا خالص..

أسر بهدوء

ما اعرفش هي عملتلي ايه بصراحه خلاني مش طايق اي واحده. غيرها، يمكن عشان ديما معايا حتي وهي مراتي غاليه اووي، ما بتتصرفش معايا بالطريقه دي هي بنت محترمه وبريئه، خلتني احبها بجد مش عايزها لمجرد علاقه هتبقي ليله واحده وخلاص كده..

ـ بصت. للارض باحرااج. من قسوة كلامه ليها، وهو قرب منها وقال بهدوء..

اسر

انتي فعلا كل اللي عملاااه ده ما اثرش فيا عشان مراتي ماليه عيني اوووي وخوفي علي زعلها عندي اهم من اي حاجه في الدنيا، وانتي برضو يا نتالي اغلي من انك. تعملي الحركات دي عشان تلفتي نظري وتأثري فيا لـ ليله واحده..

نزلت دموعها بحزن وهو قال بجمود

توصلي بالسلامه بكره وبعد كده. لو محتاجه حاجه هخلي السكرتيره بتاعتي تتواصل معاكي، عشام مراتي بتدايق من كلامنا وانا قولتلك بخااف علي زعلها، بعد. اذنك..

نتالي بحزن

عرفت ان فايز اخد اعد_ام؟!..

أسر

ايوه عرفت وعشان كده هسيبك تسافري وما تخافيش من حاجه، وبكده انا بساعدك وبقوم بالواجب بزياده معاكي، سلام يا نتالي...

_قال كلامه وسابها ومشي وهي قعدت علي الكنبه وفضلت تعيط وقررت انها هتمشي فعلا وتختفي من حياته لانها اتاكدت خلاص ان مهما عملت هي مالهاش مكان معاه

ـــــــــــــــــ

_وبعد كام يوم كانت واقفه شهد هي وأسر في محل لملابس الاطفال وبيختارو هدوم. البيبي بتاعهم..

أسر

اللون ده هيبقي جميل عليه اووي..

شهد

لو كان اسمر مش هيبقي لايق عليه..

أسر

طيب خلاص نستني نشووف البيه هيبقي شكله ايه ونجيبله يا شهد..

شهد

علي فكره لو ما كنتش عايز تيجي ما كنتش جيت ويا تختار حاجه كويسه يا تسكت..

أسر

انتي بتزعقي ليه. دلوقتي طيب، وبعدين انتي نفسك مش عارفه هتجيبي ايه

شهد

عشان انت موترني يا أسر اللي هو عايز تجيب اي حاجه وخلاص المهم نمشي..

جات رحمه وقفت جنبيها وقالت

شوشو ايه رئيك في اللون ده؟

شهد

الله حلو جدا يا رحمه...

أسر بغيظ

مش حلو مش عاجبني..

رحمه

ما حدش خد رئيك..

أسر

ده ابني علي فكره ويلبس علي مزاجي

شهد

اللون حلو يا اسر وهيليق عليه سواء كان اسمر او ابيض..

أسر

انا مش عاجبني انا حر ابني مش هيلبس اللون ده..

رحمه بعصبيه

سبيه يا شهد هو مش هيااخد اللون ده عشان انا اللي اختارته، مش عارفه هو مش طايقني ليه با ابن النااس هو انا كنت كلت ورث اللي خلفوك عشان تعاملني كده..

أسر

شاايفه لساانها يا شهد

شهد

لا حوش جنحاتك اللي طرفت عيني،ما انت اللي بتعصبها...

العامله بهدوء

لو سمحتو يا افندم ممكن الصوت شويه عشان الناس بس انزعجت منكم..

أسر

شايفه اخرة انك تجبيها معانا..

رحمه

اللهم صبرني ياارب قبل ما ابعهتولك متكيس في شنط. زباله..

شهد

يا أسر اللون حلو..

أسر

طيب ناخد رأي الانسه اهو ده شغلها وهي تفهم فيه اكتر..

وبص للبنت وابتسم بهدوء وقال

بزمتك يا شيخه انهي لون احلي ده ولا ده؟

بصتله البنت باعجاب وقالت

لو البيبي هيبقي شبهك كده هيبقي الاتنين لايقين عليه، لكن من رأي اللون حضرتك. اختارته حلو جدا..

أسر بص لشهد بتوتر وقال

ااا اهو يعني اهو الحجه قالت اللون اللي اختارته انا احلي..

رحمه بصوت واطي

ما كفايه كهن بقي يالا، بقي عملت الحوار ده. كله عشان تشقط البت اخصص ديل الكلب فعلا عمره ما يتعدل..

رد. عليها اسر بنفس نبرتها وقال

كلب اما ينهش لحمك يا اخت ابليس انتي، اوعي تمشي ورا كلامها يا شهد دي عبيطه..

شهد بحده

ليه هو انا مش شايفه اللي بيحصل قداامي يا أسر؟

أسر بضيق

طيب انتي هتاخدي انهي لون دلوقتي..

شهد بغضب

مش هاخد حاجه خالص هنبقي نيجي انا ورحمه لوحدنا نجيب اللي عايزينه تعالي روحني..

اسر

طيب اهدي طيب وبعدين. مش احنا متفقين نتعشي مع بعض..

رحمه

لا لا انا شريف علي وصول اهو عشاان خارجين انا وهو..

أسر

انا بكلم مرااتي حد. كلمك انتي..

شهد بحده

كلمها كويس..

أسر

اعملها ايه يعني، وبعدين واحد ومراته خارجين ينقو حاجات ابنهم مع بعض ايش حشرك بينهم انتي

رحمه

شايفه جوزك يا شهد قولتلك ما اجيش بيحرق دمي وهيجبرني امد ايدي عليه..

أسر بحده

لو خلف فيكي ابوكي اعمليها، انا نفسي تبدأ وما حدش يلومني علي اللي هعمله فيها..

رحمه بعصبيه

هو انت تقدر تعمل فيا حاجه يالا يا طري انت..

شهد مسكت بطنها بألم وقالت

بس بقي انتو الاتنين..

أسر بقلق

في ايه يا حبيبتي مالك؟

شهد بألم

مش عارفه جالي الم مره واحده..

رحمه بقلق

طيب تعالي نروح للدكتور بسرعه، انت هتتفرج علينا روح هات العربيه بسرعه ما تنحش كده..

_بصلها أسر بغيظ وما ردش عليها ورااح بسرعه جااب العربيه بتاعته قدااام المحل واخدها بسرعه المستشفي، وبعد شويه قدااام اوضة العملياات كانت قااعده رحمه هي وأسر وجات هاله هي وفؤااد وقالت بقلق..

هاله

في ايه مالها شهد ما لسه فاضل شويه علي الولاده بتاعتها..

أسر بغيظ

البركه في الهانم اللي فضلت تعصب فيها لحد ما خلتها تتعب.

رحمه بسخريه

ليه ان شاء الله هو انا اللي كنت بشقط البنت..

فؤاد

يا جماعه انتو الاتنين مش بتتفاهمو مع بعض ما تتقابلوش خالص..

رحمه

يا نعم. انت كمان ايييه ما اشوفش صاحبتي يعني

هاله

يا حبيبتي هو مش قصده كده بس فعلا انتو الاتنين بتتقابلو بتفرجو عليكم النااس..

اسر

هي اللي مستفزه..

رحمه

وانت بني ادم مُهزأ واتلم بقي في يومك ده عشان اقسم بالله جيبت اخري منك..

جه في الوقت ده أسعد وقال

خير يا جماعه لسه شهد في العمليات..

بصله أسر بحده فقال بسرعه

قصدي مدام شهد..

رد عليه فؤاد وقال

تقريبا ايوه هي بقالها اد ايه يا أسر..

أسر

ساعه بالظبط، وانت عرفت منين يا دكتور؟..

اسعد

شيري قالتلي اجي اقف جنبكم انا شريك هنا في المستشفي وموصيهم علي مدام شهد من اول ما بدأت متابعه مع الدكتوره نورا هنا..

أسر

كتر خير اهلك..

ـ طلعت الممرضه بعد شويه وهي شايله الطفل علي ايدها فكلهم قربو منها واولهم أسر اللي سألها وقال بلهفه..

أسر

شهد كويسه؟

الممرضه

ايوه نص ساعه بالكتير وهتخرج من العملياات اتفضل يتربي في عزك يا اسر بيه...

_اخد أسر ابنه منها وبصله بابتسااامه واسعه وكلهم وقفو جنبيه بيشوفو البيبي..

رحمه

خلوه يفتح عيونه كده نشووفه اخد. لون عيون شهد ولا لا؟

هاله بدموع

نفس شكلك وانت مولود يا أسر والله انا فاكره كويس..

فؤاد

حصل والله بس أسر كان وشه ادخن من كده شويه..

أسعد

هو انتو هتسموه ايه؟

رحمه

هيسموه احمد..

أسر

هي لحقت تقولك؟

رحمه

بص ما تبوظش اللحظه وخلاص ما تزعلش مني هسامحك علي رخامتك عشاان خاطر ابنك..

هاله

رحمه فتح عيونه اهو نفس عيون شهد والله..

_ضحكو كلهم وفي الوقت ده جه صابر وفاطمه اللي قالت بحده..

فاطمه

عاجبك كده ادينا اتأخرنا والبت ولدت...

صابر بابتسامه واسعه

ده حفيدي ولد صح؟

قرب منه أسر وقال

ايوه يا عم صابر ولد خده بقي وسمي عليه وكبرله..

_اخده منه صاابر ورااح قعد علي جنب وبدأ يكبرله في ودنه وعيونه كلها دموع وكلهم كانو مصدومين من رد فعله..

رحمه

مين ده؟

فاطمه

والنبي ما اعرف ده اللي ما عملها وعيط في بنت بناته..

فؤاد

ما هو زي ما بيقولو اعز الولد..

اسعد

يا جماعه انتو جببتوني في الجواز والخلفه والله..

أسر

طيب كفايه بقي يا عم صاابر هات الواد بقي..

صابر

لا لا سيبوه معايا ده انا مستنيه من زماان، خلاص ده مش حفيدي ده ابني...

ضحكو كلهم وفؤاد قال لاسر بسخريه

مكتوبالك تتجوز تلاقي صاحبتها مشاركاك فيها، وتخلف تلاقي حماك مشاركك في ابنك..

أسر

انا حد باصصلي في حياااتي والله..

_وطلعت الدكتوره بعد شويه وطمنهم علي شهد، واخد أسر ابنه ودخل عندها لوحده بعد. ما فااقت من البينج وقالها..

أسر

بالعافيه خليت امك ورحمه يمشو ويجو بكره، عشاان نعرف نفرح بالواد لوحدنا..

شهد جات تقوم وقالت بلهفه

هات احمد كده انا عايزه اشووفه..

أسر

طيب خليكي نايمه زي ما انتي وانا هنيمه جنبك اهو..

_ونيمه فعلا أسر جنبيها وهي بصتله بدموع وقالت بسعاده كبيره..

شهد

انا اول مره في حياتي ابقي مبسووطه كده، انا مش عايزه حاجه تاني خلاص من الدنيا..

أسر قعد جنبيهم وبقي احمد بينهم وقال بهدوء

انا كده هغير منه بقي، انا عايز اسمع كلام حلو زي كده علي طول..

شهد ضحكت بهدوء وقالت

طيب اقوم من اللي انا فيه ده طيب وانا هسمعك كل اللي انت عايزه، المهم هنعمل السبوع فين وامتي..

أسر

في بيتنا طبعا وهيبقي حفله خاصه كده بالحبايب بس قومي انتي الاول بألف سلامه يا حبيبتي..

_وفعلا بعد كام. يوووم كانو متجمعين كلهم في بيت أسر وشهد وبيحتفلو بالسبوع بتاع ابنهم، وكانت شهد قااعده جنب اخواتها بابنها وقرب منهم صابر وقال.

صابر

قومو العبو بعيد وانتي يا ام احمد ما تخليش حد يبوس الواد هينقلو الامرااض ليه..

ملك

هو انت شايفنا حشرات..

صابر

اسمعي الكلام يا ام لساااان ونص..

قامت ملك واخواتها وهو قعد جنب شهد وقال

ما تزعليش من ابوكي..

شهد بتوتر

لا مش زعلانه والله هزعل ليه يعني..

صابر بحزن

زعلتك وظلمتك كتير انتي وامك واخواتك، بس والله ندمان علي كل اللي عملته زمان ولو رجع بيا الزمن اا..

قطعت شهد كلامه وقالت بهدوء

ده نصيب يا بابا الحمد لله علي كل حال، وكفايه ربنا عوضني بأسر وابني وناس كتير بتحبني ومبسوطه معاهم اهو..

صابر

معاكي حق وانا والله يا بنتي مش قاسي الفقر والظروف اللي كنا فيها خلت الواحد يلبس توب مش توبه، بس والله اللي جاي كله هيبقي حلو..

شهد

اهم حاجه يا بابا تعلم اخواتي تخليهم يكملو تعليمهم ويتجوزو ناس مناسبه ليهم وبرضااهم واغلي حاجه عندك..

صابر

حاضر يا ام الغالي، هاتي بقي حبيب جده ده وروحي شوفي ضيوفك..

_واخده منها وهي قاامت وقغت جنب أسر اللي قالها بهدوء..

اسر

هو عادي اني اغير عليكي من ابوكي كمان..

شهد ضحكت بهدوء وقالت

لا مش عادي كده اوفر اوووي بصراااحه..

أسر

لا مش اوفر انتي بتاعتي انا وبس وحقي اغير عليكي من اي حد...

ابتسمت شهد وقالت

اكرم...

أسر

لو ما كانش جه كنت هزعل منه..

قرب منهم اكرم وقال

الف مبروك ربنا يباركلكم فيه..

أسر

الهديه دي فيها ايه يالا؟

شهد

حد. بيقول كده يا أسر شكرا يا اكرم وربنا يبارك فيك، وعقبال ما نفرحلك احنا كمان..

اسر

او نفرح فيك فركز وانت بتختار..

اكرم

والله انا ما في حاجه مخوفااني اتجوز غير جوزك يا شهد..

_ ضحكو بهدوء وبعدين راااح اكرم وقف مع فؤاد وابو شيري واسعد وشريف وكابتن سامي اللي كانو قاعدين مع بعض، وبعدين قاام يتكلم في الفون وهو ماشي فجأه خبط في شيري اللي كانت داخله بسرعه وكعب جزمتها اتكسر..

شيري

يا نهار اسود..

اكرم

انا اسف والله مش قصدي..

شيري

لا لا ولا يهمك انا اللي كنت داخله بسرعه، بعد اذنك..

_وسابته ودخلت وراااح اتكلم هو في الفون وبعدين رجع لقي رحمه قاعده جنب شريف وهي بتضحك وباين عليها مبسووطه جداً ومش متأثره بوجوده وكأنها لقيت فعلا اللي يناسبها ومرتاحه معاه، فأبتسم بهدوء ورجع قعد مكاانه وجات شيري وقالتله بهدوء..

شيري

معلش بس ممكن الفون بتاعي جنبك..

ابتسم اكرم بهدوء وقال

ما اخدش بالي والله اتفضلي..

شيري ابتسمت بهدوء وقالت

لا ولا يهمك مره تانيه يا....

اكرم

اكرم اسمي اكرم..

ردت عليه هي بهدوء وقالت

وانا شيري صاحبة شهد..

اكرم

اهلا بيكي يا شيري..

_ابتسمت بهدوء وراحت قعدت جنب شيري ورحمه وعيونها علي اكرم وهو كمان بس من غير ما حد. ياااخد باله منهم.. وفي الوقت ده سمعو صوت ضرب نااااار فكلهم خافو بلا استثناااااء ، واتجمعو حراااس البيت كلهم وفجأه ظهر كااارم وقال بابتسامه واسعه..

أكرم

اخص عليكم يا وحشين كده ما حدش يعزمني..

فؤاد بحده

تاني يا أسر الراجل ده تااااني..

أسر

والله لا تاني ولا تالت انا ما عزمتوش ايه اللي جابك يا كارم..

كارم

شايفه يا شهد بيعاملوني ازاي وانا جاااي اباركلك..

شهد.

ايوه انتو ليه بتعاملوه كده اتفضل يا كارم نورتنا..

كارم

وسعو كده فين بقي الصغنغن..

قربت منه شهد وهي شتيله ابنها وقالت

اهو ايه رئيك فيه؟

كارم

يا خراااشي يا خراشي حلو اوووي، يارب يطلع زيي..

كلهم. قالو في صوت واحد

بعد الشر..

ضحك كارم وقال

ههههههه طيب يلا اخد معاكم بقي صوره تذكاريه قبل ما امشي، يلا اجمعو كلكم..

_واتجمعو كلهم في صوره تذكاريه برعاية كارم اللي بعد ما اتصور معاهم سابهم ومشي وهما فضلو يضحكو علي تصرفاته وكملو الحفله بتاعتهم بكل هدوء...

_كنت اخاف من النصيب وقواعدة القاسيه..حتي وجدتُ نفسي آمناً،ووصلت لأسمي درجات الحب فأدركتُ حينها أن النصيب كان عادلاً وجميلاً ❤

أتذكُر العهد الذي لي قُلتهُ؟

الغدرُ بين قلوبِنا لا يُقبَلُ..

ها أنتَ أهملتَ الفؤادَ وخُنتهُ

للهِ ذنبُكَ أمثلُ قلبي يُهملُ؟!!

ــــــــــــــــــــــــــــــــــــــــــــــــــــــــــــــــــــــــــ

_ في شقة نسمه وسعيد كانت لابسه حجابها وطالعه من البيت وقبل ما تفتح الباب دخل سعيد وكله غضب وهي اول ما شافته بالشكل ده خافت ورجعت كام خطوه لورا وقالت..

نسمه

سعيد.. انت ايه اللي جابك بدري كده؟

سعيد بحده

رايحه فين ريحاله عشان اتأخر عليكي ما هو الخروف جوزك مش هياخد باله يا بنت ال&*&*&*..

_قال كلامه العنيف ليها وضربها بالقلم بكل قوته لدرجة انها وقعت علي الارض وهي حاطه ايدها علي وشها وبتبصله بصدمه وخوف..

نسمه

والله العظيم انا مظلومه وانت فاهم غلط انا هقولك كل حااجه..

سعيد بحده وغضب

هو انا لسه هسمعك ده انا هقتلك واشرب من دمك...

_وفضل يضرب فيها ويشتمها باشبع الكلام وهي بتصرخ بكل قوتها عشان حد ينقذها وفي الوقت ده طلعت ام محمد من شقتها وبصت لفووق بشماااته وقالت بحقد..

ام محمد

الحمد لله والبت نعمه في بيت اهلها وما فيش حد يدافع عنك يا ست هانم نسمه، اديها يا واد يا سعيد برد ناري منها اللي اخدتك مني دي وفاكره اني مش هقدر اخليها تمشي من هنا وما تفكرش ترجع تاني، بس احسن الواد يعمل فيها حاجه ولا تموت في ايده..

ودخلت شقتها بسرعه واتصلت بمحمد اللي رد عليها وقال

ايوه يا اما في ايه؟

ام محمد

الحق اخوك ما اعرفش ماله ماسك في مرااته وعادمها العافيه واختها مش هنا..

محمد بقلق

ليه عملتي ايه يا اما يخلي سعيد يعمل كده في مراته؟..

ام محمد

يقطعني يا ابني ان كنت عملت حاااجه انا اهو قاااعده في شقتي كافيه خيري شري، والحق عليا اني بكلمك واقولك عشان تيجي تلحق البنت...

محمد

طيب اقفلي يا اما انا خلاص داخل علي البيت اهو وربنا يستر منك ومن ابنك..

_وقفلت معاه ومحمد اول ما وصل طلع لفوووق علي طول وفضل يخبط علي الباب بتاع شقة سعيد جامد ومعاه امه اللي طلعت وهي بتتصنع الخوف والقلق وكان صوت نسمه اختفي خااالص..

محمد

افتح. يا سعيد ما ينفعش اللي انت بتعمله ده؟

ام محمد

افتح يا حبيبي والكلام بالعقل ونشوف هي عملت ايه واللي انكسر يتصلح..

_بصلها محمد بغيظ بس قبل ما يرد. عليها بأي حاجه الباب اتفتح وكان سعيد واقف وعيونه كلها غضب ودموع..

محمد

نسمه فين عملت ايه في البت؟..

_ما ردش عليه سعيد فزقه محمد ودخل ودخلت ورااه امه واتصدمو اول ما لقيو نسمه واقعه علي الارض ووشها كله كدمات ودم وفاقده الوعي....

ــــــــــ ــــــــ

_وفي بيت فتحي ابو نسمه كانت نعمه قااعده هناااك مع امها اللي قالتلها بقلق...

ناديه

ما تكلمي اختك تشوفيها اتأخرت كده ليه، مش قالتلك جايه من بدري..

نعمه

قالت هتنزل الاول تقول لجوزها انها جايه عشان واخد منها الموبيل ومش هتعرف تكلمه ولا انا حتي اكلمها...

ناديه

انا مش فاهمه موضوع زي ده اختك تسكت ليه عليه لحد جوزها ما يشك فيها، مالهاش اهل كانت جاات واتكلمت واحنا كنا هنصدقها وجوزها اكيد كان هيصدقها ويجيبلها حقها..

نعمه

يا ماما نسمه غلبااانه مش زي البنات اللي بتلف وتدور، وكانت خايفه من تهديد اللي ما يتسمي ده ليها..

ناديه بقلق

تيجي بس ونكلم ابوكي ونجيب سعيد ونخلص الموضوع ده، هات العواقب سليمه يااارب...

رن موبيل نعمه في الوقت ده فقالت لابنها اللي معاه الموبيل

واد يا كريم هات الموبيل..

كريم

لا بلعب..

نعمه بحده

ياد هات الموبيل لو كان ابوك وما ردتش عليه هيطين عيشتي..

كريم بغيظ

يووووه خدي اهوو ده انتي زهقتيني..

ناديه بسخريه

الله علي التربيه يا روح امك..

نعمه بغيظ

الحق مش عليه هو بيتكلم زي ما ابوه بيكلمني..

وردت علي محمد وقالت

ايه يا محمد..

محمد

انتي فين؟

نعمه

ما انا قولتلك هاخد العيال ورايحه عند امي..

محمد

ابوكي عندك؟

نعمه

لا في شغله، ليه بس بتسأل عليه في حاااجه ولا ايه؟..

محمد رد عليها بنبره حزينه وقال

طيب عدي علي امي سيبي معاها العيال وهاتي امك وكلمي ابوكي وتعالي علي المستشفي اللي في أخر الحي..

نعمه بخوف

مستشفي ليه انت كويس؟

محمد

اختك تعبت شويه وفي المستشفي..

نعمه بخوف

نسمه مالها نسمه يا محمد اخوك عمل فيها ايه؟.

ناديه بدموع

مالها اختك. يا نعمه، بنتي مالها عمل فيها ايه سعيد؟..

محمد بجمود

اخلصي يا نعمه واعملي اللي قولتلك عليه وتعالو يلااا وهنا هتعرفو كل حاجه..

قال كلامه وقفل معاها وناديه سألتها بخوف وقلق

مالها اختك يا نعمه ردي عليا اختك. فيها ايه؟..

نعمه بدموع

مش عارفه والله يا ماما محمد بيقولي اودي العيال عند امه ونروح انا وانتي المستشفي ونقول لابويا يجي ورانا هو بيقول انها تعبااانه..

ناديه بخوف

ودي العيال عند. سميره جارتنا ويلا بينا بسرعه نشوف اختك وكلمي ابوكي يلااا...

ــــــــــ ــــــــ

_وقدام بيت كارم اللي فيه شهد ونتالي كان واقف أسر مستني خروج نتالي، وبعيد عنه بشويه كان واقف اكرم ورحمه عند عربيته، وفعلا بعد كام دقيقه طلعت نتالي مع واحد من رجالة كارم واول ما شااافت أسر واقف قدااامها ابتسمت بدموع ولهفه واشتياااق وجريت عليه بسرعه وحضنته وقالت ببكاء..

نتالي

انا ما كنتش متخيله اني هشووفك تاني..

بادلها أسر الحضن وابتسم بدموع وقال

انا مش عارف اصدق انك لسه عايشه اصلا وفي حضني ومعايا دلوقتي..

بعدت عنه شويه وقالت

بس انا من يوم الحادثه لحد. النهارده وانا مصدقه ومتأكده انك هتنقذني منه..

أسر بص لرجالة كارم وسألها

كان معاكي حد. جوه؟..

_بصتله بضيق وهي عارفه انه بيسأل علي شهد وردت عليه بخبث وحقد وقالت..

نتالي

حد. زي مين؟

أسر

بنت. اسمها شهد؟

نتالي

لا ما كانش حد غيري جوه مين دي يا أسر؟..

اتنهد أسر بضيق وقال

خلاص تعالي هنمشي يلااا..

_وعند رحمه واكرم في الوقت ده كانت واقفه رحمه وهي بتبص لأسر ونتالي بغيظ واكرم قالها بقلق..

اكرم

شهد ما طلعتش..

رحمه بدموع

هتطلع ازاي وهو ما اختار انها تفضل عندهم وينقذ البت دي..

اكرم

اكيد هو هيعرف يتصرف يا رحمه..

جه أسر ومعاه نتالي وقال

يلا بينا هنوصلكم وانتي يا رحمه روحي بيتكم وانا هشوف موضوع الفلوس ده عشان شهد..

رحمه بحده

شهد هو انت لسه فااكر شهد ده انا افتكرتك نسيتها..

أسر بحده

اقسم. بالله انا اللي فيغ مكفيني يعني مش ناقص كلامك ده خالص..

رحمه بعصبيه

لا انا اتكلم برااحتي انت اللي مالكش دعوه بشهد تاني وانا بقي هعرف اخلص صاحبتي من الورطه اللي هي فيها بسببك، عشان لو انت راااجل بجد ما كنتش تتخلي عن مراتك يا عرة الرجاله...

قالت كلامها ومشيت واكرم قال لأسر

انا هروح مع رحمه مش هينفع اسيبها لوحدها..

أسر

ماشي يا اكرم وما تخليهاش تعمل اي حركه غبيه انا هعرف ارجع مراتي كويس..

اكرم بضيق

ان شاء الله بعد اذنك...

_مشي أكرم وركب أسر عربيته ومعاه نتالي اللي كانت مدايقه من اهتمام أسر بشهد وكلامه عنها انها مرااته، وقالتله بحزن..

نتالي

انت اتجوزت يا أسر؟

أسر بضيق

بعدين يا نتالي هفهمك كل حاجه..

نتالي بدموع

عايزه اعرف بس انت اتجوزت بجد حبيت واحده غيري يعني؟

أسر بنفاذ صبر

والله ما وقته يا نتالي بعدين هنتكلم وهفهمك كل حااجه، هوديكي عند هاله اختي تقعدي معاها لحد ما اخلص الموضوع بتاع فايز ده خالص..

_قال كلامه واخد عربيته ومشي وعند اكرم ورحمه كانت واقفه عند العياااده بتاعت ادهم وقالها أكرم بحده..

اكرم

استني يا رحمه ماله الراااجل ده بشهد؟

رحمه بدموع

هو ده اللي هيسااعدها لانه بيحبها بجد الراجل ده لحد النهارده بيكلمني عشان يطمن عليها، هو ليه معارف وهيسااعدها..

_ودخلو فعلا عند ادهم اللي استقبلهم كويس وقال بهدوء..

ادهم

خير في حاجه يعني جاين فجأه كده والعياده وسط. ما انا بشتغل قلقتوني بصراااحه؟

بص أكرم لرحمه باحراج وهي قالت بخوف

شهد اتخطفت..

ادهم بصدمه

نعممم ازاي يعني اتخطفت ومين خطفها، اهلها صح؟

رحمه

لا مشاكل مع جوزها وهو اتخلي عنها وسابها..

اكرم

لا لا بلاش ظلم هو قال هيتصرف والموضوع غصب عنه..

أدهم

هو ايه اللي غصب عنه يعرض حياتها للخطر وكمان يتخلي عنها، انتو تعرفو مين اللي خطفها؟..

بصت رحمه لاكرم وقالت

ايوه نعرف واكرم يعرف شوية تفاصيل عنهم كمان..

ادهم

تمام انا اعرف حد في الدخليه قريبي ومهم جدا، هعتذر بس للمرضي بره وهروح معاكم علي طول ومش هسكت غير لما شهد تبقي في امان..

رحمه بدموع

ياريت يا دكتور ادهم، بجد شهد مالهاش حد قولت لباباها قالي جوزها يتصرف ما حدش راضي يقف جنبيها ولا يساعدها..

ادهم

لو الدنيا كلها سابتها انا معاها ومش هتخلي عنها تاني ولا هخلي حاجه. تحصلها...

ــــــــــ ــــــــ

_وفي المستشفي وصل فتحي ابو نسمه وكانت نعمه وناديه قاعدين. جنب محمد. مستنين حد. يطمنهم علي نسمه..

فتحي

في ايه. مالها. نسمه حصلها ايه؟..

بص محمد للارض بأحرااج وضيق وناديه قالت ببكاء

ضيعو البت يا فتحي جوزها كان هيموتها ظلم...

فتحي

انا مش فاهم حاجه عملت ايه. بنتي يا محمد عشان اخوك يعمل فيها كده..

ناديه بغضب

انت. لسه بتسأله دلوقتي حالا تبلغ عنه ده. كان. هيموتها وبنتي ما عملتش حااااجه والله العظيم ما عملت حاجه يا فتحي دي اغلب من الغلب طول عمرها..

محمد

طيب خلينا الاول نطمن علي نسمه ونشوف بعدين الموضوع ده..

زعق فيه فتحي وقال بحده

اسمع يا محمد انا حذرت اخوك وقولتله بنتي لو غلطت يجبهالي اربيها انما يعمل فيها كده وفاكرني اسكت ده وغلاوتها هي واختها عندي لاسففه تراب الارض سواء بنتي غلطاانه او مش غلطااانه..

وبص لنعمه وكمل كلامه وقال

وانتي تقعدي ببنتك عندي وولاده خليهم ليه لما نشوف اخرتها مع العيله دي ايه..

جات نعمه تتكلم بس محمد شاورلها تسكت وقال

اللي تشوفه يا عم فتحي وحق بنتك هيرجع عشان نسمه برضو اختي وما ارضلهاااش بالظلم..

فتحي بغضب

اتكل علي الله من هنا يا محمد وكتر الف خيركم لحد كده انت واخوك عرفتو فعلا تصونو الامانه..

نعمه

يا بابا هو محمد ماله بس؟

فتحي بحده

ولا كلمه يا بت انتي اخرسي خالص ما هي دي كانت مشاورتك من الاول...

محمد

خلاص يا نعمه خليكي معاهم هنا...

وقرب من نعمه وقال بصوت واطي

انا همشي وهاجي تاني يكون ابوكي بقي هادي شويه ولو احتاجتو اي حاجه كلميني..

نعمه

حاضر يا محمد..

_مشي محمد وبعد شويه طلع الدكتور من عند نسمه وقاله فتحي بخوف..

فتحي

طمني يا دكتور بنتي اللي جوه دي نسمه مالها ايه اللي حصلها؟

الدكتور

يا حج بنتك ربنا كتبلها عمر جديد مين اللي عمل فيها كده؟..

ناديه ببكاء

جوزها اللهي ربنا ينتقم منه..

فتحي بدموع

يعني حصلها ايه برضو انا مش فاهم حاجه عملو فيها ايه؟..

الدكتور بهدوء

هو حج ضاربها بشكل عنيف اووي لدرجة ان جالها نزيف في دماغها والحمد. لله وقفناه وايدها اتكسرت ده غير كسر في جسمها تاني وكدمات كتير انا من رأيي تبلغ عنه ده كان هيقتلها...

فتحي بدموع

ان شاء الله خير يا دكتور اطمن علي بنتي واللي فيه الخير يقدمه ربنا..

ــــــــــ ــــــــ

_وفي الوقت ده في بيت صابر ابو شهد كان قااعد بيتغدي وقعدت جنبيه فاطمه وقالتله..

فاطمه

ليك نفس تاكل هي مش البت رحمه قالت ان بنتنا مخطوفه..

صابر

واعمل ايه انا جوزها معاها يتصرف هو انا هشيل همها وهي في وشي وبعد ما تمشي ما كفايه باقي اخواتها اللي مطلعين عيني..

فاطمه

يا صابر البت مالهاش غيرنا لو جوزها ما اهتمش بيها طيب تروح مننا البت..

صابر

ما انا كلمت جوزها ما ردش عليا، اصبري وهو هيتصرف احنا هنوصله يعني ولا هنعمل اللي هو ما يقدرش يعمله...

فاطمه بدموع

استغفر الله العظيم يارب طيب نروح نطمن عليها..

صابر

بعدين تبقي هي تيجي حلي بقي عن نفوخي مش ناقص نكد انا...

فاطمه

طيب هات تلفونك انا هكلم جوزها ولا البت رحمه اطمن علي البت..

صابر

يوووه بقي ما تخرسي خالص يا وليه انا مش ناقص قرف..

فاطمه ببكاء

روح يا شيخ منك لله يعني لا راضي تجيبلي موبيل ولا مخليني اخد. موبيلك، تدوق من اللي في قلبي يا صابر...

_قالت كلامها وسابته وقامت وما كانتش عارفه هتتصرف ازاي وتطمن علي بنتها

ــــــــــ ــــــــ

_وفي الوقت ده في بيت الفيومي كان قاااعد أسر في اوضته وبيحاول يتواصل مع كارم بس مش عارف، ودخلت عنده هاله في الوقت ده زهي متعصبه جدا وقالت..

هاله

انت ايه اللي عملته ده، اتخليت عن شهد سيبتلهم مراتك يا أسر وعشان مين عشان واحده كانت علاقتك.بيها كلها حرام وبتعصيك علي اهلك..

أسر بجمود

هعرف ارجعها هدفع الفلوس لكارم وهترجع..

هاله بحده

وليه تعمل كده من الاول مين نتالي دي، اقسم بالله انت شهد خساره فيك ولما هترجع انا اول واحده. هساعدها تبعد عنك وعن القرف اللي انت عايش فيه ده..

أسر بحده

خلصتي كلامك اطلعي بره بقي ومالكيش دعوه بنتالي..

هاله بحده

وانا مش عايزه البنت دي تقعد في بيتي مش عايزه شهد لما ترجع وتقعد معايا هنا تشوفها..

أسر بحده

وده بيتي انا كمان وليا فيه اكتر منك وانا اللي اقرر مين يقعد ومين يمشي....

_رن موبيل أسر في الوقت ده برقم كارم فرد عليه بسرعه وقال...

أسر

ايوه يا كارم مراتي فين؟

كارم

مالكش حق يا حبيبي تسأل عليها فايز كسب الجايزه واخد كل حاجه خلاص وانت اخدت حبيبتك القديمه وهو في مقابل انه يفوز هياخد شهد..

أسر بغضب

يعنييي ايه انت ليك عندي تاخد فلوسك وترجعلي مراااتي..

كارم

لا لا انا مش همشي علي مزاجك يا حبيبي، اللعبه دي لعبتي انا وهتمشي لمصلحتي انا، فايز مش بس كسب السبااق ده كمان كسب قلبي وهيخلصلي شغل مهم جدا وانت اكيد عارف شغلي كويس وفي المقابل هياخد شهد ويساافر وانا وافقت..

أسر بحده

اقسم بالله اقتلك واشرب من دمك انت وهو لو فكرت بس يا كارم تخلي فايز يشوفها حتي..

كارم

اممم مش حلو الكلام ده انا ما بتهددش واعلي ما فخيلك اركبه باي باي..

_قال كلامه وقفل الموبيل في وش أسر اللي كان هيتجنن وهاله سألته بخوف وقالت..

هاله

في ايه وشهد فين؟..

_ما ردش عليها أسر وكلم ياسر اللي كان بيراقب فايز بره مصر واول ما رد عليه قاله..

أسر

ايوه يا ياسر اسمعني كويس عايزك تعرفلي فين مكان فايز وتجهز شوية رجاله حلوين الراجل ده مش هيصبح عليه صبح النهارده..

ياسر

انا ما اقدرش افيدك المره دي لان فايز عند كارم سلطان وانت عارف يعني ايه كارم سلطان..

أسر

عنده فين بالظبط؟

ياسر

في الفيلا اللي انت كنت عندها النهارده بعد السباااق..

أسر

طيب قولي انت تعرف شغل كارم مع مين؟

ياسر

اعرف كل حاجه عنه..

أسر بخبث

حلو اووي اسمع بقي الكلام اللي هقولهولك وتنفذه بالحرف الواحد...

ــــــــــ ــــــــ

_وفي الوقت ده عند. شهد كانت قااعده في العربيه جنب كارم وعيونها كلها دموع وخوف بعد ما سمعت اللي قاله لأسر، وكارم بصلها بحزن وقال..

كارم

انا ماليش ذنب في اللي انتي فيه ده، جوزك. السبب بس خلاص انا هخلصك منه..

بصتله شهد بخوف وقالت

انت هتعمل ايه؟

كارم

هخليكي معايا لحد ما اخلص شغلي وهسيبك ما تقلقيش مش هخلي فايز ياخدك بس انا لازم اخده علي قد عقله عشان يخلصلي شغلي..

شهد بحده

هو انت ليه كده ضحكت علي أسر ودلوقتي علي الراجل التاني ده، اكيد طبعا انا مش هصدقك دلوقتي..

كارم

بس انا هساعدك..

شهد

وانا ليه اصدقك وانت كداب، الله واعلم بتقولي كده دلوقتي وبتخطط لايه من ورايا..

كارم ابتسم وقال

ايه الجراءه دي انا ما حدش يقدر يغلط فيا في وشي كده، مع ان شكلك كيوت ما يقولش انك جريئه..

شهد بسخريه

انا مش بغلط فيك انا بوصفك وبقولك اللي حاسه بيه..

كارم

طيب انتي عايزه ايه دلوقتي اسيبك تمشي ولا اكلم أسر يجي ياخدك؟

شهد بحزن

لا ولو هتخليني امشي سيبني امشي لوحدي انا مش عايزااه..

كارم

هو اصلا ما يستهلكيش..

شهد. بدموع

معاك. حق انا من الاول كنت عارفه انه بيضحك عليا وانا اللي استاهل انا اللي غبيه وصدقته وفكرت ان واحد زيه ممكن. يحبني ونعيش حياه زوجيه سعيده..

كارم بسخريه

ما فيش. حاجه اسمها حيااه سعيده، كنتي بتسأليني ليه بكدب وبضحك علي كل اللي حواليا الاجابه اللي لازم تبقي مصدقاها ديما لو عايزه تبقي سعيده هي انك لو ما خنتيش هتتخاني ما حدش يستاهل نديله الامان، هل انتي حسيتي بالامان مع أسر ولا كنتي خايفه؟..

شهد بدموع

حسيت بالامان معاه بس كنت برضو خايفه وقلقانه ومش مصدقااه، بس كنت بكدب نفسي..

كارم

انا هسيبك تمشي ومش هأذيكي ما تستاهليش تتأذي.

شهد ببكاء

قولهم بقي كده اللي مش بيعملو حاجه غير انهم يأذوني..

كارم

لازم انتي اللي تقولي وانتي قويه مش ضعيفه، تعرفي اني بخااف اووي كمان..

شهد بصتله بعدم فهم وقالت

انت بتخااف وبتخاف من مين؟

كارم

من اعدائي ما انا عندي اعدااء كتير وببقي مرعوب منهم بس عمري ما بينت خوفي لحد ديما ببان قدامهم مش فارق معايا حاجه ومش هخسر حاجه واللي بيبقي كده بيتخاف منه، بلاش تحسسي حد. انك. ضعيفه وانك. محتاجه وجوده عشان تبقي بامان امانك دماغك وبس لو فضلتي غبيه زي ما بتقولي يبقي عمرك ما هتلاقي السعاده وهتفضلي تتأذي، يمكن. صدفة اننا نتاقبل دي عشان اديكي درس مهم. في الحيااه تبقي بسببه قويه وتتخلي عن ضعفك..

بصتله شهد بأهتمام وقالت

وانا هاخد الدرس ده. من مجرم. زيك؟

كارم بصلها بأهتمام وقال

تفتكري برضو انا اتولدت مجرم ؟؟..

شهد بجديه

اكيد. لا؟

كارم بنبره حزينه.

كنت برئ زيك. كده واكتر بس الدنيا والقسوه بيغيرو..

شهد

مش مبرر انك. تبقي مجرم..

كارم ابتسم. بسخريه وقال

صدقيني مش فارقه يبقي لحالي ده. تبرير ولا لا، بس انا بقيت فيه ومش هينفع اسيبه لحد ما اموت...

شهد

انت هتوديني فين؟

كارم

مكان. تاني بعيد عن عيون فايز مش عايزه ياذيكي بجد..

شهد بهدوء

شكرا انك هتعمل كده، ولا شكرا ايه انت اصلا خاطفني..

_ابتسم كارم بهدوء واخدها لشقه بسيطه في مكان شبه شعبي وكانت فيه ست كبيره قااعده هنااك وقالها...

كارم

دي ام واحد كان شغال عندي قتلته من غير ما اقصد وو..

شهد بصدمه

عملتله ايه؟..

كارم بصوت واطي

بقول قتلته وما تقوليش قدام الست دي عشان انا بكفر عن ذنبي..

شهد

انت عايز تجنني ولا انت مجنون اصلا؟

كارم

اقعدي معاها وانا هبقي متابعك ما تخافيش لما الموضوع بتاعي يخلص هوصلك لحد بيت اهلك..

شهد بقلق

طيب ما تضحك علي فايز ده وقوله اني معاك وخليني امشي والنبي...

كارم

انتي هتاخدي عليا اقعدي هنا بقي وما تخلنيش ازعل..

شهد

اللهي يارب تتفلق..

كارم

عيب تغلطي في واحد قد. ابوكي عييييب يا بيبي..

_قال كلامه وسابهم وطلع بره الشقه وكان في واحد من رجالته واقف بره الباب، وقامت الست من علي الكنبه وقالت..

نعيمه

كارم بيه بيقولي انك غاليه عنده واخد بالي منك، وانا عايشه من خيره..

شهد

اممم ما انتي ما تعرفيش اللي فيها..

نعيمه

طيب يلا يا حلوه غيري الهدوم الغاليه النضيفه دي والبسي عبايه من بتوعي اللي جوه وامسحيلي الارض دي.

شهد بخوف

نعم اعمل ايه؟

نعيمه

اخلصي يا بت ده انا ما صدقت حد. يجي يساعدني اليومين دول وادخلي برضو اغسلي الهدوم اللي جوه دي وانشريها يلاا اوام ما تبقيش لخمه كده..

شهد بخوف

حاضر.. ومنك لله يا أسر علي البهدله اللي انا فيها دي..

ــــــــــ ــــــــ

_وفي بيت قديم في مكان مقطوع كان هاني قااعد علي الارض ومتكتف ومحمد واقف قداامه ومعاه تلات شباب شكلهم يخوف..

محمد

بقولكم ايه يا شباب قبل ما تكسرو عضمه انا عايزكم تروحو تولعو في المحل بتاعه..

هاني بخوف

لا يا محمد ابوووس ايدك. ده اكل عيشي انا واهلي مالناش حاجه غيره المحل ده..

محمد

طيب اتكلم وقول الحقيقه وانا بقول الحقيقه اهو عشان ورحمة ابويا لو قولت حاجه غيرها مش هديك فرصه تانيه وهخليك تندم علي اللحظه اللي فكرت فيها تلعب بأخويا وتوقع بينه وبين مراااته..

هاني بدموع وخوف

هقولك كل حاااجه امك. هي السبب هي اللي جات عندي المحل وطلبت مني اعمل كده..

محمد بصدمه

نعمم؟؟ ازاي يعني امي السبب وامي تعمل حاجه زي دي ليه، انت هتستهبل يا روح امك...

هاني

والله العظيم هو ده اللي حصل هي كانت عايزه اخووك. يطلق مرااته وخلتني انا اقرب من نسمه واهددها وفي نفس الوقت هي بطريقتها هتخلي سعيد يشك فينا ان نسمه بتخونه معايا يعني..

محمد

يعني كلام نسمه صح بقي انت كنت بتهددها، بس امي هتعمل كده ليه يلا ده شرف ابنها..

هاني

افتح موبيلي واسمع كل المكالمات اللي بيني وبين امك وانت هتعرف الحقيقه انا مسجل كل حااجه..

بص محمد بأحرااج للشباب اللي واقفين وقال

مدام دي الحقيقه يبقي ما تقولهاش ليا انا، تروح تقولها في القسم وتقول انك انت السبب ان كان في واحد هيموت مراته بسببك.. بسببك انت وامي..

هاني بخوف

ابوس ايدك القسم لا انا كده مستقبلي هيضيع..

محمد بغضب

وانت ما خوفتش ليه وانت بتضيع في سمعة واحده مالهااش اي ذنب ان بيتها يتخرب وحياتها تدمر بسببك، ما خوفتش ليه وانت بتسمع كلام امي..

هاني بدموع

عشان عايز فلوس ما تبص لحالي انا عامل ازاي كل الشباب اللي في سني واصغر مني اتجوزو وفاتحين بيوت وانا يدوب مكفي مصاريفي ومصاريف اهلي بالعافيه، ولما جات المصلحه دي من ناحية امك الشيطان لعب في دماغي وقولت القرشين اللي هاخدهم منها هوسع بيهم المحل واكبر شغلي شويه..

محمد بحده

انت دمرت سمعت البت، خربت حياتها وحياة اخويا وانت واي حد كان السبب في اللي حصل ده هيتحاسب وهتروح تعترف باللي عملته في القسم وابو نسمه هيعمل محضر فيك وفي امي وفي اخويا واللي ليه حق يااخده..

ــــــــــ ــــــــ

_وفي بيت أسر الفيومي كان هناااك ادهم واكرم ومعاهم رحمه اللي موبيلها بيرن برقم امها وعماله تقفل في وشها..

اسر

انا مش فاهم برضو انتو جايين عايزين ايه، والدكتور جاي هنا ليه الموضوع ده يخصك في ايه اصلا..

ادهم بحده

اللي يخصني اطمن علي شهد وانها تبقي كويسه

أسر بحده

شهد دي تبقي مراااتي وانا هعرف احميها كويس..

رحمه بسخريه

لا ما هو واضح يا أسر انك هتعرف تحميها بدليل انها لسه مخطوفه وانت اختارت تنقذ البت بتاعتك وما فرقش معاك شهد فين ولا بيحصل فيها ايه..

اكرم

يا جماعه لو سمحتو الموضوع مش خنااقه ومش بنعلي علي بعض مين الاحسن دلوقتي، يا أسر احنا اهم حااجه عندنا نلاقي شهد ونساعدها ودكتور ادهم جابلنا ناس مهمه تساعدنا فاضل بس نعرف كام معلومه عن كارم ده عشان نعرف نوصله...

ادهم

مش عايزين منك غير رقم موبيله الشخصي مثلا اماكن بيكون فيها بحيث نراقبه ونشوف سجلات مكالماته ونعرف شهد فين..

رحمه بدموع

حرام عليك يا أسر شهد مش ناقصه بهدله عشان يحصل فيها كل ده..

ادهم

لو انت خايف عليها بجد ساعدني..

هاله

قولهم هو مش كارم ده بيكلمك وانت اكيد عارفله نمرة موبيل شخصيه..

أسر

تمام هديكم رقم موبيله الشخصي والاماكن اللي بيكون موجود فيها وكمان اعرف تفاصيل عن المهمه اللي هيعملها في مصر هنا وانه هيدخل كمية ممنوعات كبيره مصر...

رحمه بحده

انا قولت من الاول انت شكلك شمال وهتمرمط البت ما حدش صدقني..

أدهم

رحمه انتي مش هينفع تيجي معانا ممكن تستنينا هنا وانا هكلمك اطمنك..

اكرم بص لادهم بغيظ وقال

روحي بيتكم يا رحمه عشان مامتك اللي بتكلمك وانا اللي هبقي اطمنك وابلغك بكل حاجه علي طول

رحمه

ماشي يا اكرم حاضر..

قال ادهم بجمود لأسر

اتفضل حضرتك معانا عشان نشوف هنتصرف ازاي..

_مشي معاهم أسر وفضلت رحمه قااعده مع هاله اللي قالتلها...

هاله

انتي هتمشي علي طول..

رحمه.

ايوه وربنا يطمني علي شهد انا اليوم كله بره ولولا اني هروح اتنفخ من ماما ما كنتش همشي غير لما اطمن عليها، قوليلي بس البت اللي اخوكي انقذها وساب شهد مكانها قااعده فين؟

اتنهدت هاله بضيق وقالت

مرزوعه فووق زمان البنت دي كانت سبب بعده عن ماما وبابا وان أسر اتغير علينا وبقي شخص مستهتر ومهمل، ودلوقتي بسببها اخويا متورط مع مجرمين وبعد عن مراته اللي مالهاش غيره..

_في الوقت ده دخلت عندهم فااطمه ام شهد وقالت وهي بتبصلهم بتوتر وخوف..

فاطمه

مساء الخير..

رحمه

طنط فاطمه؟..

هاله

مين دي؟

رحمه

ازاي مش عرفاها دي ام شهد..

هاله

اه ما اتقبلنااش للاسف قبل كده اهلا وسهلا تعالي اتفضلي..

فاطمه بدموع

بنتي فين هي كويسه صح؟

هاله بحزن

ايوه أسر رااح يجيبها ان شاء الله هيرجع وهي معاه، وانا اسفه علي اللي بيحصل ده بس هي ظروف غصب عننا..

رحمه

طيب انا همشي بقي وما تقلقيش يا طنط فاطمه والله شهد هترجع بس هو عم صابر ما بلغش ليه؟

فاطمه بسخريه

عمك صابر مش فارق معاه بيقول جوزها يتصرف، يعني انتي لسه هتعرفيه يا رحمه..

رحمه بحزن

معاكي حق وشهد معاها ربنا اللي احسن من الكل، بعد اذنكم..

مشيت رحمه وهاله مسكت ايد. فاطمه وقالت

تعالي اتفضلي يا ام شهد معلش الظروف ما خلتنااش نتقابل في ظروف كويسه، انا هاله أخت أسر..

فاطمه مسحت دموعها وقالت

عرفاكي شهد حكتلي عليكي كتير انتي والاستاذ فؤاد جوزك بتحبكم اووي والله..

هاله ابتسمت بحزن وقالت

واحنا كمان بنحبها اووي شهد مش مرات اخويا وبس دي اختي الصغيره واحنا كلنا اهل، وما تقلقيش هترجع والله وهتبقي زي الفل..

فاطمه

هي ايه الحكايه طيب يا اختي وايه اللي حصل في البت؟

هاله بتوتر

مم مشاكل في الشغل مع جوزها فبيهددوه بمرااته..

فاطمه

استغفر الله العظيم يارب، هي البت شهد من يومها كده فرحتها مش كامله حسبي الله ونعم الوكيل فيهم..

هاله

خير ان شاء الله يا ام شهد خير..

ــــــــــ ــــــــ

_وفي شقة ام محمد كانت قاعده جنب سعيد وقدامهم اكل كتير وقالتله بسعاده وفرحه كبيره..

ام محمد

في داهيه اوعي تزعل نفسك عشانها وكويس وعملت كده راجل يا حبيب امك..

سعيد بنبره حزينه

انتي كان معاكي حق ياريتني سمعت كلامك يا اما من الاول..

دخل محمد عندهم في الوقت ده وقال بحده

كنت سمعت كلامها في ايه يا سعيد، وكنت عايز تعمل ايه اكتر من كده كنت عايز تقتل مرااتك..

سعيد بغضب

تستاهل دي خانتني العروسه الشريفه اللي انت قولتلي ما فيش منها اللي امنتها علي بيتي وعلي شرفي داست علي كل ده بالجزمه وطلع سبب رفضها ليا من الاول انها بتحبه هو..

محمد

كمل قول كمان كل اللي في نفسك وانتي يا ست الكل لو عندك. حاجه قوليها يلا..

ام محمد

جرا ايه يا واد هي مراتك لحقت تدافع عن اختها وتغيرك علينا، ما الحكايه باينه اهي زي عين الشمس البت كان بتغفلنا ومقرطسه اخوك، انا بنفسي شوفته وهو طالع عندها كتير وكنت بسكت واقول اما يعرف بنفسه عشان لو كنت اتكلمت ما كانش حد هيصدقني

محمد

ولا عمري هصدقك ولا هديكي الامان ياما، عارفين هاني فين دلوقتي.

اتوترت ام محمد وقالت

واحنا مالنا بيه ده خلاص سعيد هيطلق البت دي ونقفل الموضوع ده من غير فضايح..

محمد بخبث

لا لا مش هيتقغكفل غير لما الحقيقه تظهر واللي ليه حق ياخده، وهاني رااح القسم مع ابو نسمه وهيعترف بكل حاجه..

_اتحولت ملامح ام محمد من السعاده للخوف وسعيد سأله وقال بعدم. فهم..

سعيد

حقيقة ايه وهاني راح ليه القسم مع حمايا؟

محمد

الحقيقه اللي هي ان امك وهاني اتفقو يفرقو بينك وبين مراتك ويخلوك تشك فيها وفي نفس الوقت كان هاني بيهددها وبيبتزها عشان يااخد منها فلوس..

سعيد بصدمه

ايه اللي انت بتقوله ده يا محمد، ازاي يعني كان بيهددها ومتفق مع امي ازاي انا مش فاهم حاجه

محمد بحزن

والله ولا انا فاهم حاجه، ما هي ما توصلش لكده يا اما تشوهي سمعة البت وتخلينا نشك في اخلاقها وشرفها.

سعيد بصدمه وغضب

ده انا سمعتي انا دي، نسمه مراتي ةامي راحت سلمت شرفها لواحد واطي زي ده وتغفلني عشان تخليني اصدق انها بتخوني، انتي مبسوطه وانا بتعذب بسبب اللي خلتيني اصدقه علي مراتي، ليه بتعملي كده ليه، قولي انه غلط انا عندي اصدق ان مراتي خانتني ولا اصدق ان امي تأذيني كده..

ام محمد

انا ما كنتش بأذيك انا كنت بخلصك من الجوازه دي

زعق فيها سعيد وقال بحده

مالها الجوازه دي، ومالها نسمه عملتلك ايه عشان تعملي فيها. كده، كل ده عشان انا اختارتها من غير ما انتي تبقي موافقه بيها؟

محمد

بقولك ايه يالا مش وقت كلامك ده انت تبقي راااجل لو لمره واحده في حياتك وتقول اللي حصل كله عشان حق نسمه يرجع..

ام محمد بقلق

هتحبسو امكم ولا ايه؟

محمد

لا لسمح الله مش احنا اللي هنعمل كده يا اما دي الحكومه..

سابهم سعيد ومشي وام محمد قالت بصوت عالي

يا سعيد استني يا ابني انا عملت كده لمصلحتك..

_ما ردش عليها سعيد ومشي وهي بصت لمحمد بعصبيه وقالت...

ام محمد

انت ليه بتعمل فيا كده، ما تخليك في حالك وتسيبني انا واخوك في حالنا مدام مش عاجبك كلامي وحالي..

محمد

هو انا يبقي ماشي معاكي علي مزاجك وماليش شخصيه يا اسيبك وما ابقاش ابنك، انا اسف في اللي هقوله ده بس انتي ست مريضه يا اما ومش معقول تبقي في ام زيك كده بتدمر في حياة عيالها، نسمه دي مرات ابنك يعني كل اللي عملتيه ده هيعيب ابنك قبل ما يعيب حد تاني ومش هيطلقها بس اللي حصل ده هيبعده عنك حتي انا كمان مش هستأمن اقعد معاكي في بيت واحد، واستني بقي عقاب اللي عملتيه لما تيجي الحكومه تقبض عليكي...

مشي محمد هو كمان وهي قالت بخوف

الله يلعنك يا شيخ بوظتلي كل حاجه يا محمد، بس انا هتصرف ايوه لازم اتصرف..

ــــــــــ ــــــــ

ـ وبالليل عند شهد كانت طالعه من البلكونه بعد ما نشرت الغسيل وهي لابسه عبايه قديمه من بتوع نعيمه وقالت..

شهد

خلصت اهو كل اللي انتي قولتيلي عليه ممكن بقي ارتاح شويه

نعيمه

لا تسلم ايدك ست بيت شاطره لو السيد ابني كان عايش كنت هجوزهولك يا بت بس الله يرحمه قولي يا بت الله يرحمه

شهد

الله يرحمه

نعيمه

تعالي اقعدي كلي معايا انا عامله سمك مشوي اهو ورز، بتحبي السمك ولا لا؟..

قعدت شهد معاها لانها كانت جعانه اووي وقالت

مدام جعاامه يبقي هاكل اي حاجه حتي لو ما بحبهاش، ابويا زمان لما كنت اقول علي الاكل مش عاجبني كان يزعقلي وسعات ما يخلنيش اكل واقعد جعانه لحد ما اتعودت ارضي بأي حاجه تتحط قدامي حتي لو ما بحبهاش..

نعيمه

شكلك غلبااانه يا بت ايه اللي وقعك انتي في سكة كارم بيه ده راجل قادر..

شهد بسخريه

النصيب..

نعيمه

بس النصيب ده احنا نبقي سبب فيه، يعني كارم بيه ما جاش جابك. من بيتكم وحطك في طريقه مثلا..

شهد

لو كنت فضلت في بيت اهلي ورضيت باللي هما كانو عايزينه كنت شوفت الاوحش من كةرم ام. سعيد..

نعيمه

مين ام سعيد دي؟

شهد وهي بتاكل

دي حكايه طويله بس الست دي هي وابنها السبب في كل اللي بيحصلي ده وقبلهم ابويا اللي اسهل حاجه عنده يرميني لاي حد عشان يخلص مني..

طبطبت عليها نعيمه وقالت

طيب كملي اكلك وما تحطيش في بالك لسه عندك غسيل مواعين اد كده..

ابتسمت شهد بهدوء وقالتلها

حاضر هبقي اغسلهم..

_وبعد شويه كانت واقفه بتعسل الاطباق في المطبخ وسمعت صوت كارم بره مع نعيمه، غسلت ايديها بسرعه من الصابون وخرجت من المطبخ وسألته بخوف..

شهد

هتخليني امشي من هنا ولا انت جاي ليه؟

نعيمه

اخص عليكي يا شيماء عايزه تسبيني وتمشي طيب حتي كملي باقي شغل البيت دت انا ست كبيره..

كارم

شيماء مين؟

شهد

هي مسمياني شيماء قولي هتمشيني امتي؟

كارم

جوزك بوظلي شغلي يا شهد ومعاه واحد كده اسمه..

شهد

اكرم ولا فؤاد؟

كارم بخبث

لا اسمه ادهم الشيمي..

شهد بصدمه

دكتور ادهم مع أسر ازاي؟

كارم

برغم ان أسر اغني منه بكتير الا ان ادهم ليه معارف اكتر وعرف يخلي الشرطه تقبض علي فايز وبصراحه انا ما كانش ينفع اظهر فخليت الليله كلها يشيلها فايز وهو يستاهل اصلا يتحبس وجوده بره مؤذي..

شهد

وانا هتعملو فيا ايه؟

كارم

هخليهم ياخدوكي ومش مهم اللي خسرته كفايه انك هتبقي كويسه..

شهد بعدم فهم

انت بتتكلم جد. ولا بتضحك عليا وبتاخدني علي قد. عقلي..

وقف كارم قدامها وقال بهدوء

انا زمان كنت زيك كده وكنت بتمني حد يديني فرصه زي اللي بديهالك عشان ابقي كويس واكمل حياتي في سلام بس ما حدش هان عليه يساعدني فغصب عني اتحطيت في الطريق اللي انا فيه ده، وانا اهو بديكي فرصه عشان تبقي حره وتبقي كويسه من غير ما تتفرض عليكي حياه انتي مش عايزاها، هتبقي غبيه لو خليتي حد يتحكم فيكي ويختارلك حياه انتي مش عايزاها..

شهد

هو انت ليه بتعمل معايا كده، انا كنت فاكراك شرير..

كارم ابتسم وقال

ما هو انا كده فعلا يا بيبي، بس في الاخر برضو انا انسان وعندي شوية رحمه...

_ في الوقت ده قدام بيت نعيمه وقفت عربية أسر وكام معاه ادهم واكرم وأسر قال لادهم بنبره غاضبه..

أسر

اظن كده كتر خيرك وزياده انا بقي هعرف اجيب مراتي وهمشي..

ادهم بجديه

وانا قولتلك مش همشي غير لما اشووف شهد زاطمن عليها، وبلاش الثقه الزياده دي انا لولا وقفتي معاك الله واعلم كان هيحصل ايه في شهد ده انت حتي ما هانش عليك ربنا تقول اي كلمه تدين بيها الرااجل اللي خطفها..

اكرم بضيق

الدكتور معاه حق يا أسر انت فعلا حطيت كل التهم. في وش اللي اسمه فايز ده وما جيبتش سيرة كارم اللي هو اصلا خاطف شهد

اسر

ما كانش ينفع اقول حاجه عليه لاني ما عنديش دليل وهو اصلا جايب فايز عشان لو الخطه باظت يبقي بعيد. عن. الصوره، ولو كنت جيبت سيرة كارم. كنت انا كان هروح في داهيه لكن لما قولت فايز بان الموضوع طبيعي عشان المنافسه اللي كانت بينا في السبااق

ادهم

طيب ما انت برضو بوظت شغل كارم برضو ليه يكلمك ويقولك علي مكان شهد كده بسهوله؟

أسر

مش عارف اديني رايح اهو وهشوف..

ادهم

رجلي علي رجلك لحد ما اطمن عليها..

اكرم

وانا كمان هروح معاكم...

أسر بنفاذ صبر

طيب اتفضلو اصلها رحله..

_نزلو من العربيه وطلعو فووق وكان واقفين رجالة كارم عند. الباب وأسر قالهم..

أسر

كارم فين؟

الحارس

جوه في انتظاركم..

_دخل أسر ولقي كارم قااعد بياكل ولما شافهم. قال ببرود..

كارم

اهلا اهلا تعالو الست نعيمه عامله شوية سمك انما ايه جامدين..

أسر

فين شهد؟

كارم

جوه دقيقه وجايه، تعالو بس خلينا نتكلم اعمليلنا شاي يا ست نعيمه..

نعيمه

عينيا يا كارم بيه حاضر..

_بص أسر وادهم. لبعض بقلق من هدوء كارم وراحو قعدو وأكرم بدأ ياكل معاه وأسر قاله بغيظ...

أسر

انت بتهبب ايه؟

اكرم

انا بحب السمك. اووي وجعان..

كارم

طيب خلي بالك من الشوك، قولي يا أسر انت ايه اللي خلااك تثق فيا وتيجي لحد هنا مش خايف مني؟

أسر بجمود

لا مش بخااف منك ولا من. غيرك انا الحاجه الوحيده اللي خايف عليها مراتي..

كارم

ومدام خايف عليها اووي كده سيبتها ليه واختارت حبيبتك القديمه، هي كانت شايفه كل حاجه علي فكره وعارفه الموضوع كله، وحرفيا مش طايقه تشوف وشك..

أسر ببرود

حاجه. ما تخصكش..

كارم

فؤاد ابن. عمك. دفعلي الفلوس النهارده كده. احنا خالصين، وهعديلك اللي عملته وانك. بوظتلي شغلي عشان خاطر شهد..

بصله أسر بحده وكارم. كمل ببرود

عشان هي مالهاااش ذنب في حاجه. وانا اذيتها من. غير ما اقصد فأتنازلت عن شغلي اللي باظ عشانها..

أسر بحده

شهد فين؟

_طلعت في الوقت ده شهد. من. اوضة نعيمه وهي لابسه هدومها اللي كانت مخطوفه بيهم واول كد عيونها جات عليه هو أسر اللي قام بسرعه وحضنها قدامهم كلهم وقال بنبره صادقه..

أسر

انا اسف حقك عليا انا أسف..

_اتملت عيونها دموع وذقته بكل قوتها وراحت وقفت جنب ادهم. وقالتله بجديه..

شهد

انا عايزه امشي من هنا معاك انت..

_ابتسم ادهم بهدوء علي عكس أسر اللي اتحولت. ملامحه للغضب ومسكها من دراعها جامد وقال بحده..

أسر

انتي اتجننتي تمشي. مع. مين.؟..

مسك. ادهم. ايده وقال بحده

مالكش دعوه بيها ونزل ايدك. عنها..

أسر بعصبيه

وانت مال اهلك. انت كمان..

كارم. بهدوء

عيب يا ولاد. احنا هنا في بيوت ناااس ما يصحش كده..

اكرم

معلش يا أسر سيبها دلوقتي وانا هبقي معاهم..

_قام. كارم ووقف قدام. شهد وطلع من. جيبه موبيلها اللي كان واخده منها وقال بهدوء

كارم

موبيلك اهو وسجلتلك رقمي. عندك. لو احتاجتي حاجه في اي وقت كلميني وهتلاقيني جنبك..

زاد غضب أسر اكتر وقال بحده

اااه ما هي كانت ناقصه اهلك. انت كمان..

تجاهلته شهد وردت علي كارم بهدوء وقالت

بجد شكرا اووي علي اللي عملته ده علي الاقل عرفت ناس كتير علي حقيقتها واكيد لو احتاجت حاجه هكلمك...

_ومشيت مع ادهم واكرم وكارم بص لأسر اللي كان واقف متعصب وقال ببرود..

كارم

معلش. مش كل حاجه بتبقي علي مزاجنا انت اختارت تكسب حاجه واحده حبيبتك. القديمه اتقبل بقي خسارة مراتك..

أسر بغيظ

فرصه. منيله بستين نيله يا كارم. اني. شوفتك واتعاملت معاك وكده. خالصين. ياريت ما اشوفش وشك. تاني..

كارم

من عينيا كانت لعبه حلوه بجد اتسليت فيها اووي يا حبيبي..

_اتنهد أسر بغيظ ومشي وفي الوقت ده كان ادهم بيطلب اوبر وشهد واكرم واقفين جنبيه، فقرب منهم أسر ومسك ايد. شهد. بقوه وتملك وقال..

أسر

كفايه بقي لعب عيال وفي بيتنا نعمل اللي عايزينه..

شهد بحده

انت ما بتفهمش انا مش عايزه اروح معاك...

أسر بعصبيه

ما تستهبليش يا شهد اومال عايزه تمشي مع. دول يعني...

ادهم بهدوء

هي عايزه تروح بيت اهلها ومش عايزه تبقي معاك لوحدها فانا هاجي معاكم...

أسر بحده

وانت مال اهلك انا بتكلم مع مرااتي انت دخلك. ايه في الموضوع ده ولا انت عايزني اعلم عليك تاني..

ادهم بغضب

المره اللي عدت سكتلك. عشان بنتي كانت معايا انما لو عايزها خناقه. بجد. انا جاهزلك. اهو يلاا..

_في الوقت ده وقفت شهد تاكسي كان معدي وقالت لـ اكرم بعصبيه..

شهد

تعالي حاسبلي التاكسي وسيبهم. يتخانقو براحتهم

اكرم

حاضر وعلي فكره يعني انتو لو عيال صغيره مش هتعملو كده..

_وركبت فعلا شهد التاكسي واكرم حاسبلها عليه ومشيت، وأسر سابهم. واخد. عربيته ومشي...

اكرم

انا هاخد تاكسي يا دكتور هتيجي معايا..

ادهم

ماشي يلا بينا..

ــــــــــ ــــــــ

_وفي بيت الفيومي كانت لسه قاعده. فاطمه مع هاله مستنيه تطمن علي شهد ونزلت عندهم نتالي وقالت...

نتالي

هو أسر فين. يا هاله؟

هاله بضيق

ما اعرفش..

_نتالي بصت لفاطمه واخدت بالها من الشبه الكبير اللي بينها وبين شهد وقالت..

نتالي

انتي مين؟

هاله بخبث

دي حمات أسر مامت شهد. مرااته..

نتالي بغيظ

امم اهلا وسهلا هما لسه ما لقيوش شهد،عشان كده أسر حبيبي سايبني لوحدي؟

فاطمه بغيظ

مين دي اختك. ولا قريبتكم. دي ولا مين؟

هاله بتوتر

دد دي تبقي اا..

نتالي

انا نتالي حبيبة أسر وقريب اووي هيطلق بنتك وهيرجعلي انا..

هاله بحده

انتي ازاي تتكلمي كده ايه قلة الذووق دي..

نتالي

انا اتكلم. براحتي وياريت تكلمي أسر انا عايزااه دلوقتي حالا خليه يجي..

فاطمه بحده

وانا كمان عايزااه وعايزه اعرف بنتي فين..

_دخل في الوقت ده أسر وكان شكله متعصب جدا وقال..

أسر

في ايه؟

فاطمه بحده

كويس انك. جيت بنتي فين. ولا انت مشغول هنا بحبيبة القلب دي وسايب بنتي الله واعلم فينها

أسر بجمود

شهد بخير وزمانها في بيتكم دلوقتي..

فاطمه

انت بتتكلم جد والنبي؟

هاله

بجد يا أسر شهد. كويسه؟

أسر

جوزك دفع الفلوس لكارم وهو سابها ودلوقتي هي في بيت اهلها ما رضيتش تيجي معايا..

فاطمه

طيب انا همشي اروح اطمن. عليها..

أسر

استني هخلي السواق يوصلك، وقولي لشهد اني هجيلها لما تهدي ومش هسيبها خالص..

اتنهدت نتالي بغيظ وهاله قالت بابتسامه واسعه

وانا كمان بكره ان شاء الله هجيلها واطمن عليها..

فاطمه

تنورو في اي وقت بعد. اذنكم...

_قالت كلامها ومشيت وطلع معاها أسر عشان يخلي السواق يوصلها، ولما رجع نتالي قالتله بدموع..

نتالي

ايه اللي بيحصل ده يا أسر انا مش فاهمه حاجه؟

مسك أسر ايدها وقال

انا هفهمك كل حاجه بس مش دلوقتي عشان هموت وانام وبعد كده هقعد معاكي وهفهمك كل حاجه، عشان بعيد. عن كل ده. انتي وحشااني اووي..

هاله بغيظ

انا طالعه اوضتي الجو هنا بقي تقيل اووي علي قلبي..

وسابتهم. هاله ومشيت ونتالي قالت بحزن

اختك مش طيقاني وبعدين انت ازاي يعني اتجوزت هو انت نسيتني يعني..

أسر

عمري ما نسيتك وسبب جوازي اصلا في البدايه كان عشانك وعشان اجيبلك حقك، علي. فكره فايز اتقبض عليه هيقضي باقي عمره في السجن..

نتالي ابتسمت. بعدم. تصديق وقالت

بجد والله يعني خلاص. انا خلصت منه..

حضنها أسر بهدوء وقال

ما تخفيش مش. هيقدر يعملك حاجه تاني ومن النهارده انتي معايا وكل حاجه. هتتغير.

نتالي مسحت دموعها وبعدت عنه شويه وقالت

طيب وخالتو هي لسه في امريكا..

أسر

مش. انتي عارفه عنوانها ساهل اوي نجيبها هنا وانا هتصرف..

نتالي

انا بجد. مش مصدقه اني رجعتلك. تاني وانك دلوقتي معايا، انا النهارده مش. هسيبك هفضل الليل كله معاك ومش هبعد عنك لحظه، انا هقعد في اوضتك فوق علي فكره وو..

أسر بضيق

لا لا مش هينفع دي اوضة شهد واللي بتتكلمي فيه ده مش وقته..

نتالي بحزن

هو انت مش بتقول انك اتجوزتها عشااني، في ايه بقي؟

أسر بجديه

قولتلك بعدين هفهمك. كل حاجه وانا مش هسيبك تمام انتي هتفضلي معايا علي طول وما حدش ليه دعوه بينا بس سبيني ارتاح دلوقتي وبعدين هفهمك. كل حاجه..

نتالي بضيق

زي ما تحب كفايه انك معايا وبس..

ــــــــــ ــــــــ

_وفي الحاره عند شهد كانت لسه نازله من التاكسي وقبل ما تدخل بيتهم قعدت في الشارع قدام البيت وافتكرت اللي حصل كله من. اول ما اتخطفت لحد ما أسر اختار نتالي واتخلي عنها وفضلت تعيط وما كانتش عارفه هتقول لاهلها ايه اصلا، في الوقت ده قعد. جنبيها سعيد اللي كان لسه رااجع الحاره هو كمان وقالها..

سعيد

انتي كويسه يا شهد؟

بصتله بدموع وقالت

وانت مالك..

جات تقوم بس هو قال بسرعه

هو الغلط كان من امي ولا مني انا، يعني لو كنتي وافقتي ترجعيلي انا كنت هعرف احميكي منها..

شهد

السؤال ده اسأله لنفسك. انت كنت هتعرف ما تخليش امك تأذيني، انا لو كنت شايفه انك هتقدر تحميني. ما كنتش هربت من اهلي بسببك..

ونزلت دموعها وقالت بحزن

ما كانش كل ده. حصلي لو كنت من الاول اتجوزت رااجل بجد ما كانش كل ده. حصلي كان زماني مرتاحه بس انت السبب انت اللي ما كنتش راجل بجد معايا يا سعيد وما كناش تستاهل انك تتجوز يا ابن امك. اصلا..

_قالت كلامها وسابته وطلعت بيتهم، ورجع لبيتهم هو كمان وخبط علي شقة امه وفتحله محمد وقال..

محمد

انت كنت فين الشرطه كانت هنا وقبضت علي امك وابقي روح سلم نفسك..

سعيد

حاضر..

محمد

انت رايح فين؟

سعيد

هروح اسلم نفسي..

محمد

بس محامي كلمته وقال ان اللي ممكن تتعاقب امك والواد هاني انت الموضوع ممكن يعدي..

سعيد

ما بقتش فارقه يا محمد انا ما عرفتش احمي نسمه وظلمتها واستاهل اللي يجرالي...

محمد

في ايدك الفرصه لسه نسمه بتحبك وهتبدأ. معاك من جديد. بس ابعد عن هنا وانا بعد. امك ما تطلع انا كمان هسيب البيت ده...

سعيد بنبره ساخره

والله حتي الفرصه اللي انت بتتكلم عليها دي انا ما استهلهاش...

_قال كلامه وطلع بره البيت ومحمد بصله بحزن وقال..

محمد

منك. لله يا اما عاي اللي عملتيه في سعيد. ده..

ــــــــــ ــــــــ

_وفي بيت شهد اول ما خبطت علي الباب فتحلها ابوها اللي كان. شكله نايم واول ما شافها قال بحده..

صابر

انتي رجعتي يا بت ادخلي..

دخلت شهد. وقالت بقلق

امي فين؟

صابر

راحت تسأل عليكي في بيت جوزك بيقولو كنتي مخطوفه، عارفه يا بت لو طلعتي كنتي طفشانه زي المره اللي فاتت والله لاولع فيكي..

شهد بدموع

لا انا كنت مخطوفه بجد والله، بس هو انت ليه ما دورتش عليا مش انا بنتك واهمك. برضو..

صابر

وانا كنت هدور عليكي فين جوزك. يتصرف..

شهد

وجوزي اتخلي عني وسابني ليهم..

صابر

يا سلام اومال سابوكي عشان سواد عيونك..

شهد ببكاء

لا صعبت عليهم انا بقيت بتحامي في نااس غريبه عشان تجيبلي حقي لا انت ولا جوزي عرفتو تساعدوني..

صابر

بطلي الكلام الفاضي ده وجايه هنا ليه ما رجعتيش لبيت جوزك ليه؟

شهد بدموع

انا هطلق خلاص مش هروح هناك تاني..

مسكها صابر من شعرها وقال بحده

هتعملي ايه يا روح امك، انا ما عنديش بنات تطلق..

شهد بخوف وبكاء

هو مش عايزني اصلا..

صابر بحده

تتصرفي وترجعيله دي تاني جوازه ليكي وجوزك راجل ما يتعايبش عايزه تطلقي تاني ليه عايزه تعملي فيا ايه تاني اكتر من اللي عملتيه..

دخلت في الوقت ده فاطمه وجريت عليه وبعدته عن. شهد واخدتها في حضنها وقالتله بحده..

فاطمه

حرام عليك عملتلك ايه عشان. تمد ايدك عليها..

صابر

عايزه تطلق بت الكلب..

فاطمه بحده

ما تطلق. حياتها وهي حره فيها..

صابر

انتي بتخرفي تقولي ايه يا وليه، النااس تقول علينا ايه وبلاش النااس هنلاقي عريس زيه تاني فين ما تبصو احنا كنا فين وبقينا فين بسببه بقينا احسن واغني ناس في الحته بعد ما كنا اقل نااس..

شهد ببكاء

وانا تعبت دفعت تمن كل اللي انت فرحان بيه ده بس مش هدفع تمن حاجه تاني..

صابر

اقسم بالله يا شهد لو ما اتلميتي وشيلتي الكلام ده من دماغك ورجعتي لجوزك وبقيتي خدامه كمان تحت رجليه لادفنك وانتي عايشه، طلاق مش هيحصل، تدخلي ترتاحي النهارده هنا وبكره ترجعي لبيت جوزك مفهوم..

فاطمه بصتله بعصبيه وقالت

مش وقته لما يجي ياخدها تبقي ترجعله، انما بنتي هتفضل معايا دلوقتي..

_واخدتها فاطمه ودخلتها اوضتها هي واخواتها، وفكتلها الحجاب بتاعها وباستلها علي راسها وقالت ببكاء..

فاطمه

حقك عليا يا حبيبتي بس انا مش هقلا منك تاني واللي عايزااه هعمله ليكي وسيبك من ابوكي ده خالص حتي لو حكمت اني اطلق من ابوكي واخدك انتي واخواتك ونقعد في اي حته..

شهد ببكاء

انا عايزه انام يا ماما معلش..

فاطمه

ماشي يا حبيبتي نامي وما تخافيش من حاجه ربنا معانا..

_قلعت شهد الكوتشي بتاعها ونامت جنب نور اختها الصغيره وحضنتها بهدوء ومن تعبها وحزنها راحت في النوم علي طول..