رواية الوجه الاخر للحلال الفصل الثامن والعشرون 28 - بقلم ميفو سلطان

ما ان قال لها دراج انه لن يترك اخيه يمشي في سكة الحرام وسيكرث نفسه لرجوع عطر. لتنظر اليه بغل. لتلمح سكينا في طبق الفاكهه. لتهتف: انت اللي جبته لنفسك يا ابن طاهر. لتنتش السكينة وتغرزها فيه. ليبتعد دراج لتسقط ارضا. لتقوم والنار تشب في قلبها وتهجم عليه. ليدخل ايوب ليجدها تصارع اخيه. ليقترب ويمسكها من شعرها. لينال عليها ضربا. ليصرخ: انت ايه منك لله. عايزه تموتي اخوي. ليظل يضربها وينعتها بأبشع الالفاظ.

لتتراجع وتضع يدها على وجهها وتنكمش. وتظل تتراجع وتنكمش وتسقط ارضا. لينفجر في البكاء. فلم يعد يتحمل. فحبيبته ترتعش وتنكمش بجوار الحائط ومنظرها يدمي القلب. فتلك الحقيرة قد اخرجتها له. لينال عليها ضربا ويسمعها ابشع الالفاظ. ليظل واقفا. كان موقف مهيب. عطر مرمية على الارض بجوار الحائط مشعثة هالكة اثر ضربة لها وتنتحب. وهو يقف قلبه مخلوع عليها ودموعه تتساقط. ودراج يقف مذهولا. وقد اصابه ما اصابه مما يحدث.

فكأن عطر متلبسها شيطان او جن. ليقترب ايوب وهو ينتحب. يلمسها. لتصرخ وتنكمش خوفا. لينهار ارضا ويجلس ينتحب بجوارها. ليهمس: عطر جلبي. بالله عليكي بصيلي. انت مش فاهمه حاجة. طب بصيلي طيب. بطلي تترعشي اكده يا جلبي. كانت تخفي وجهها. ليهمس: طب اراضيكي. ما قصدتش والله ما قصد. يا مري اجول ايه ما عارفش انطق.

لتهمس: اني خايفة. بعد اني ما عملتلكش حاجة. بعد بالله. بعد بطل. والله همشي. هسيب لكوا الدار. ما عايزاش اجعد خلاص. والله ما هنطق تاني ولا هجول حلال وحرام. ماتعملش زي ابوي. والله ماهنطق. كانت ترتعش. طب طب. خلاص خلاص. هقعد ساكتة وهرضي بالحرام وهموت حالي خلاص. والله بس ماتضربنيش. اني خايفة. باعليك. اعمل ما بدالك. تاجر اه تاجر. وهات وهسكت. وهكل حرام. ماهنطقش. هاكل حرام. والله هاكل حرام.

لتصرخ: خلاص خلاص. راضية بالحرام. راضية بيه. لتلطم على وجهها. خلاص موتي بقه. موتي. حلال ايه. موتي خلاص. عيشي في حرامه. ارضي بحرامه. ماحدش عايزك. ماحدش. كانت تلطم وتمزق شعرها وتنتحب. ليشدها اليه. لاه لاه. عايزك. والله عايزك. يمين بالله عايزك بحلالك وجلبك الابيض.

كانت تصرخ وتهتف: خلاص اسكت اسكت. اني راضية بالحرام. هشبع حرام. هعيش حرام. اني خلاص هموت حالي. موتي يا عطر. موتي. عيشي مع حرام ايوب ودنيته. خلفي عيال تاكل حرام ولا تنطقيش. هسكت اهه. هسكت وهكون لك مرة في الحرام. خلاص اني تعبت. تعبت موتني. موتني. بتعمل فيا ليه اكده. اني حبيتك وعشجتك. بتمرط نفسي ليه اكده.

ليقترب لتصرخ: لاه لاه. بعد اني خايفة. بعد جولتلك هرضي بحرامك. هرضي والله هرضي. هاتلي وكل ومرغه في وشي. هرضي بيه. لبسني من مالك. هرضي بيه. هعمل كل حاجة في دنيتك وهرضي. ماهنطقش. ما هنطقش.

عطر. خلاص هتستحل الحرام وتندعك فيه. بس ماتعملش فيها اكده. اني روح ربنا ماتدعسهاش اكده. ما عتش متحملة. والله ما عتش متحملة. ااااه اااه يا خلعة جلبي على دنيتي السوده. يا جهرتي على ايامي. يا رب خدني يا رب خدني. بتعمل فيا ليه اكده. ليه ليه. عملتلك ايه. لتلطم على وجهها. ليحتضنها. ليهتف بحرقة: لاه ماه تموتيش. لاه لاه. بالله لاه. ليعتصرها بين يده. لتكلبش فيه. ليظل يحتضنها.

ليهتف: هجولك على كل حاجة وافهمك يا جلبي بعمل اكده ليه. اسمعيني. لينتفض بقهر. همست: لاه ماه هتجولش ولا هتعرف. اهي هتموت وتهملنا. ايه رايك في عطر. ايه رايك. مش جادرة وجوية اني. هموتهالك بيدها. لينتفض ويبتعد مصروعا.

لتقف وتهتف بغل: خلاص البت استوت وطلبت موتها. واني ماهخيبش طلبها. هموتهالك جوايا. اهي رضت بالحرام يا ايوب يابن طاهر. اني اللي هكسب في الاخر. اني اللي هعيش وهنكمل الحرام لاخره. هيا هتموت خلاص. اني حاسة اني جوية وجادرة وماحدش يجدر عليها. ليقف ايوب صامدا يهتف بغل: لو انت جادرة اني بقه جادر وفاجر في الخصومة. مش ايوب السوالمي اللي مرة سو تجدر عليه. مش ايوب السوالمي اللي يفرط في اللي يخصه.

ليستدير ويهتف: يمين بالله لاحرج حلبك. لتصرخ: رايح فين ومهملني. ليهتف: رايح اجهرك واعرفك مين هو ايوب. وفجر بفجر بقه نشوف مين اللي هايجدر عالتاني. وهوريكي اني هعمل ايه. اني دلوك نار جايدة جوايا. يمين اتحاسب عليه. لاحرج جلبك يا فاجرة. عللي عملتيه في جلبي وحبيبتي. بس اطول مرتي واخدها منك واعالجها. يا منجوع النجاسة. وحضرت كل حاجة وهتشوفي ايوب هيعمل ايه. لتضحك: روح يا غلبان. تعالج مين. روح.

ليهتف بغل: كنه اكده. اضحكي واتمجلتي بالجوي. اضحكي واني اخرتها هخلي ضحكك ده يجلب دم وحسرة. اضحكي كمان واعرفي ايوب شكله ايه. ايوب هيجيب شره كله يحطه عليكي ويحرج جلبك. ليقترب مستني. اشوف عنيكي تطج شرار واني بجهرك. مستني على نار. جابلي بقه ايوب الفاجر هيعمل ايه. مانت مرت ايوب والفاجر ما يتجوزش الا فاجر زيه. يمين بالله لاحسرك على طلعتك ولبسك لحبيبي اللي هموت على طرفه. ليستدير ليتركها ويذهب الى المخزن.

ليدخل ويفتح الصناديق. لينظر الى سنين عمله. لينظر الى شره الذي فقد به اغلى ما يملك. ليمسكهم بغل ويستدير ويذهب مسرعا الى النيل. ليرمي كل التماثيل في النيل. ويقف محصورا على دنيته التي ضاعت بسبب تلك الاشياء. فهو اختار النار فنهشت قلبه. اختار الجمر فكبشه بيده. نام في وسط الرماد فخنق انفاسه. ليقف ايوب وقد فتح تليفونه وصور كل شيء.

ليهتف: اهه بيدي برمي شجي عمري. بس شجي الشر والحرام. شوفي يا جلبي حبيبيك جدر ازاي. شوفي اهه حبيبك باصص لرب السما وواجف تحت سماه. بينضف نفسه. شوفي يا واخده عجلي. شوفي حبيبك اهه كله عشانك وعشان ربنا يرضي ويردك ليا. شوفي يا جلب ايوب. متعي عيونك بالحرام اللي بينزاح ويترمي ورايد مكانه الخير. شوفيني واني بنضف وجوايا راضي ومبسوط. شوفي يا جلبي يا واخده عجلي. شوفي حرام ايوب بيترمي في الميه. نفسي اترمي معاهم عشان اتغسل. بس

رجوعك ليا هيغسلني. شفتي ايوب حبيبك. ايوه حبيبك. نضف ازاي. شفتي عارف انك هتحسي بيا عشان روحنا متعلجة ببعض. شوفتي انت عملتي فيا ايه. شفتي. تعالي افرحي. كت دايما تجولي عايزاك طيب. ماتاخدش الا الطيب. اهه طيبك يا غالية يا نسمة عالية. يا حب عمري ورضا ربنا عليا. يا جلب ابيض ما عملش حاجة في دنيته. يا روح ايوب اللي ما يستغناش عنها. يا نفسي الطاهر. ارحعيلي. اهه نضفت. رايدة ايه هعمله. منين ماتطلبي هعمله. منين ماتجولي هعمله. تحت

امرك وتحت يدك. بس ترضي. بس تبصيلي بعين رايجة وترضي. ايوب السوالمي اهه بجبروته واجف باصص لرب السما وموطي راسه. صغير وجليل. كسر حاله وكبره ونضف نفسه لاجل حبيبي يتراضي وجبليه لاجل ربنا يعفو عني. حاسس براحة وجواتي راضي وسعيد. ناجصني انت. ناجصني عيونك يا جلب ايوب. عيون البنفسج الصافي. حبيبك مستنيكي ومتوكد انك جايه.

ليتوحش عيناه ويهتف بغل: وانت يا منجوع النجاسة. بصي اللي طلعتيله عمل ايه. شرك اهه في الميه. تعالي نطي واكبشي. تعالي اتحسري على حالك. ماعاد ليكي حد. ماعاد عايزك حد. ايوب نضف يا عطور. يا بت عادل. ايوه انت بت عادل. انما جلبي عطر بت هدي. هدي من ربنا رايدها وهاخدها من نن عينك. وهحيل عليك بلاد وناس تجيب مرتي من نارك. اخرتك هتترمي. ولو ما طلعتيهاش. هعيشك مع دراج العمر كله يا شر. دانت لو مرة ابليس ماهتكونيش اكده. بس هو شر

ايوب والحمد لله وعي وشاف اهه. علي عينك يا تاجر. ما عتش حيلتي حاجة الا تجارة ابوي بالحلال. وعهد عليا ماهيمس تجارتي جرش حرام لو روحي طلعت. عهد عليا. لاكلك حلال وابلعهولك. عارف انه حنضل ومرار. ابلعي بقه المرار كله. شوفي هتناطحي لمين. وانت ما عادش ليكي الا الغل يجهرك.

ليقفل الفيديو ويقف يشعر براحة ويدعو لربه ان يستجيب توبته. اما عطر كانت تغلي. ايه هيعمل ايه. لاه ماهيهملش تجارته. دا بيحرجني. لاه ماهيعملش حاجة. اهدي. لتظل تفكر لتبتسم بخبث. طب يا ايوب نلاعبك بقه. لترفع تليفونها وتتصل بوالدها تطلب منه شيئا يساعدها في التحكم في زوجها. لتنزل لتجد زينه جالسة. لتقوم وتهتف: جوني يا بت اعمليلي شاي. لتنظر اليها زينه بغضب: يلا من اهنه. خدامة عندك اياك. لتهتف: ايوه خدامة. وكل اللي اهنه خدم.

لتصرخ زينه: بت انت. انت بطلي جرف والا اجولك اهملك الحتة تاكلي روحك. جتك الجرف. وصعدت. لتجلس عطور مغلولة. لتهب تلحقها عالسلم. لتهتف: هيا مين اللي جرف. يا زبالة. لتشدها. لتهتف زينه: بعدي لاسخمط عيشتك. لتضحك عطور وتهتف: بجد. طب مش تجولي. لتندفع بغل لتدفعها لتقع من عالسلم. لتصرخ زينه. لترتعب وتحس بشلل في جسدها. لتنزل عطور بروية. تتهدى بخبث وزينه تتألم ويبدو ان قدمها كسرت. لتصرخ. لتنزل عطور لترتعب زينه.

لتقترب منها وتمسك قدمها وتكتم فمها وتضغط عليها. وزينه تشهق وتنتحب من الألم. لتهتف: جولتلك بعدي عن طريقي. جولتلك. بس انت بتحربي. لتضغط على قدمها لتصرخ زينه. لتهتف: هتلمي نفسك والا المرة الجاية تنحدفي من الشباك. لتهز زينه راسها برعب. لتتنهد عطور وتملس على راسها. شاطرة يا خيتي. شااااطر. ايوه اكده. لتقوم وتنادي زوجة عمها. لتهتف: الحجيني يا مرت عمي. زينه وجعت. لتتصنع البكاء. لتأتي السيدة: يا مري. ايه ده. البت انكسرت.

وزينه تنتحب وتنظر لعطر بخوف. لتهتف عطور: طب هاتي الغفرا يشيلوها. معلهش يا زينه استحملي. تبقي كويسة. كانت تملس على راسها وعيونها تلمع. وزينه ترتعش. لتتركهم وتصعد للاعلى. وتقف امام المرآة. وتنطلق ضحكاتها وتنطر بغل. وتحدث نفسها. لتهتف: واحدة واحدة. كلو هيتلم. ايوب بس نشوف له صرفة. واخرها نلم دراج والا اهدفه في اي مصرف. يغور يتعفن. ********* اقترب يحي من سارة. ليهتف: بجولك يا جلبي. بكره عندينا فرح. هنروحو.

لتنظر اليه ببرود: فرح ونروحو. هما مين يا يحي. ليهتف: احنا هنوجبو صاحبي اني ومرتي. لتهتف: روح يا يحيى الله يرضى عنك. بلا مرتك بلا بتاع. روح وهملني في حالي. ما نجصاش. ليتنهد ويهتف: يا سارة. الزعل ما لوش دعوة بالواجب. لتهتف: زعل. هو احنا زعلانين من بعض. لتقوم وتنظر اليه وتهتف: احنا ما زعلانينش من بعض يايحي. ما عاد فيه راجل ومرته. ولا عاد فيه واجب. انا ما عاتش ليه عندك واجب. انا دلوك لحالي. مرة من غير راجل.

ليهتف: ساره. حاسبي على كلامك. هاسبكيش على اي حاجة بتجوليها. لتضحك هي بسخرية وتهتف: لا والله. كمان عايز تحاسبني. ده ايه المرار ده. روح يا ابن الناس. لا تحاسبني ولا احاسبك. ما عاد فيه اصلا حاجة نحاسب بعض عليها. ليشدها اليه ويهتف: لاه. بيننا كل خير وكل حاجة هترجع. عشان جلبك وجلبي متعلجين ببعض.

لتهتف: ده لما يكون في جلب عايش بينبض. لتشير الى قلبها. ده مات يا يحيى بشوفتي وانت حاضن واحدة غيري. بشوفتي وانت بتحط دبله في يد واحدة ثانية. مات لما حبيبي حط عينه على مرة ثانية ونسي ان له مرة بتعشجه وتحبه. استهان بالحب ده. روح. روح خد خطيبتك واعمل الواجب. روح ما تفرجش وانسى سارة وايام سارة. انسى. انسى يا ابن الناس. واجفل على كده. لما تبقي انت راجلي عن حج تبقي تجول واجب. لما كت تجدر اني ليا واجب كت اعملك احلى واجب.

عمري مافرطت في واجبك يا يحي. بس دلوك لازمن افرط. لاني فرطت فيك يا يحي. ما عاتش في عيني يابن الناس. ما يهمنيش. حتى تروح والناس تتكلم. لاه داني رايدة الكل يعرف اننا ماعدناش لبعض. عشان الناس تفهم ان مافيش حاجة اسمها حب. الحب بقي رخيص ويندعس بسهولة. وانت دعست حبي. واني اوعدك اني هدعس حبك ده الف مرة.

لتتركه مقهورا وتنزل وتجلس وتنزوي وتنتحب والقهر ياكل قلبها. لتنزل عطور لتجد سارة تنتحب. لتقترب وتتأفف. لتهتف: لما انت بتحبيه اكده. ماتتصالحي بقه. بلاش جرف ونح. لتنظر اليها سارة: ايه يا عطر. بتكلميني ليه اكده. لتهتف: عشان انت خايبة. وهو راكب ومدلدل. لتتنهد: خلاص يا عطر. مامونوش لزوم. لتهتف عطور بخبث: طب تعالي هجولك حاجة. نروح مشوار ابسطك فيه. لتهتف سارة: مشوار ايه ده. لتهتف: تعالي بس. لتهتف: بس يحي مش اهنه.

لتهتف: وماله. نجول لمرت عمي. لتاخذها وتذهب بها الى احد الاماكن التي يسهر فيها ابوها. لتدخل بها. لتنكمش سارة: ايه يا عطر. جايباني ليه اهنه. اتخبلتي. لتهتف: اكتمني. ماسمعش صوتك. الا يجتلونا. اني جاية اخد حاجة وامشي. ليقترب ابوها ويعطيها لفة. لتاخذها. لتهتف عطر: تشربي حاجة. لتصرخ سارة: اشرب ايه وطين ايه. مشيني من اهنه. لتضحك عطر: هنمشي. بس خدي اشربي ده الاول. لتهتف سارة: لاه ماهشربش. لتهتف عطر: خلاص. مامشينش.

لتنتش سارة الكاس وتشربه عن اخره. لتعطيها عطر واحد تلو الاخر. لتبدا سارة في الترنح. لتاخذها عطر وتعود بها. لتدخلها حجرتها. كانت سارة تترنح. ليدخل يحي: فيه ايه. امي جالتلي ان سارة دايخة. لتضحك عطور: ايوه دوختهالك اهه. وهتبقي راضية بيك. بس ساعتها ليا الحلاوة. ليهتف يحي: حلاوة ايه. لتهتف: ليك عليا ارجعلك مرتك. بس تجف جنبي. ليهتف بستغراب: اجف جنبك ازاي. لتهتف: ماتخليش ايوب يهمل تجارته.

ليتنهد: بس ايوب خلاص بيخطط يسيبها. واني ماهجدرش عليه. لتقترب منه وتحاوطه بذراعيها. ليرتعب يحي. ليهتف: انت مخبولة. لتنظر اليهم سارة. كانت نصف واعية ولكنها تشعر بالدوار. كانت دموعها تنزل لما تراه. لتنظر عطور: الي سارة. ايه. مش احلى منها دي. هبله. وال ايه. ما عايزاكش. مشيها. وانا ابسطك. ليشعر بالغثيان: يا مري. بتعرضي حالك عليا يا عطر. لتهتف: ايه. مش كت هتجيب مرة تخلفلك. ليهتف: انت مرت اخوي. انت مخبولة.

لتهتف: ممكن ابقي مرتك انت في ثانية. ليتراجع بخوف. فمنظرها مرعب. ليهتف: انت يا بت مخبولة. يلا غوري من اهنه. وما هنطقش بكلمة لاخوي. انت بجيتي سو. بس يمين. لو ماتعدلتي لافلجك نصين. لتصرخ: انتو مخابيل. حد يرفضني. يرفض عطور. اسمع. يا تخلي ايوب مايهملش تجارته. يانت حر. ماهسيبكش. ليقترب ويصفعها. ليصرخ: اخرجي بدل ماجتلك.

لتنظر اليه بغل: طب ياخويا. خليك في المعدولة اللي سففتها خمرة. واعمل حسابك المرة الجاية هرجعهالك حامل. وتنبسط وتفرح. مش عايز عيال. ليهجم عليها ويصفعها: بره يا زبالة. يمين بالله لاطلع روحك بره. منك لله. ليدفعها ويستدير ليذهب لزوجته. كانت دموعها تنزل. فهيا تائهه. كل ما وعته احتضان عطر لزوجها. ليقترب محروقا: حبيبتي مالك. شربتك ايه بت الكلاب دي. يا مري. طب بتعيطي ليه طيب. ليحتضنها. لتهمس بتوهان: بتحبه.

لينظر اليها بقهر: هيا مين يا جلبي. دانا بموت عليكي. لتهتف: عطر. عطر حلوة. مش اكده. انت بتحب النسوان الحلوة. لتركن عليه. ليشدد عليها: اني احب جرف وزبالة. داني بعشجك. والله بعشجك. فوجي يا جلبي. اه يا ناري منك لله يا محروجه. لتحاوطه: اتوحشتك. ماتروحلهاش. اني هديك حالي. لتنزل دموعه: اروح لمين. انا حاسس اني دخلت جهنم. اروح اجتلها دلوك. لتظل تقترب منه تحاول ان تقبله. ليهتف: اهدي يا جلبي. انت في عالم تاني. اهدي.

لتهمس: اني وحشة صح. انت كت هتتجوز. ودلوك عطر. اني وحشة. ليعتصرها: مين دي. داني نور عيني. لاه ما جادرش يا جلبي. ارحميني. بطلي شد فيا. ليقوم ويحملها ليريحها عالفرش: نامي. نامي. لتبدا في خلع ملابسها. ليتجمّد ويمسك يدها: يا مري. بطلي. الله يرضى عنك. اني هفطس اكده. لتهمس: مش رايدني خلاص. عايز عطر. مش اكده. ليهتف: ساره يا جلبي. فوجي. والا نامي. اني جتتي غليت. ما عتش جادر. لتقوم وتترنح وهيا تلبس قميصها الداخلي.

لتهتف: طب ارجصلك طيب. ليقوم مسرعا ويمسكها: يا حزنك يا يحي. اهدي يا عمري. يا بت بتعملي ايه. اهمدي. الا مابتعملي اكده وانت فايجة هتخلصي عليا. اهدي. لتقترب من وجهه وتحاول ان تقبله. هديك حالي. ماتروحش لحد. ماتجهرنيش.

ليهتف بقهر: اروح لمين. واسخمط ايه في ايامي الطين. ليمسك يدها يحاول ان يهديها. طب اهدي بس. بطلي شد فيا. يادي الحزن. منك لله يا محروجه. منك لله يا يحي. انت كمان. يا جلبي. جتتي شاطت. بتعملي ايه. انت اتخبلتي. البت نازلة تحسيس. هفطس. لتشده الى الفراش. لتخلع قميصها وتلاصق به. لينكمش بعيدا من غليانه ويدفعها. ليصرخ: يا مراري. يا ساره. مش جادر. لتشعر بوجع وتهمس: خلاص. انت مش رايدني. لتنكمش وتنام بغلب.

ليقترب ويشدها اليه: مش رايد ايه بس. مش رايد ايه. هموت والله. لتظل تنظر اليه: يعني رايدني. ليهمس بغلب: هموت عليكي. يمين بالله. لتهمس: ارجصلك طيب. ليهتف بغلب: اما تفوجي ارجصي. ان رضيتي اعملي مابدالك. لتبتسم وتقبل شفتيه وتهمس: خلاص هرجصلك واديك حالي. بس ماتروحش بعيد. ليهتف: والله ماهتسخمط. اروح في نصيبة تاخدني. لتهتف: يعني رايدني. ليهتف بعشق: رايدك. بس داني هفطس ومحصور وهموت على جلب حبيبي.

لتهمس بهيام وبدأت تتوه: طب خلاص. خدني. اهه وافرح بيا. اني بحبك وهحبك. حبني يلا. ليهتف بهيام: احبك. جومي واني هشبعك حب. والله هشبعك. لتهمس: طب هتسيبهم كلهم. وما تروحش لحد. ليهتف: ايوه. انا ماهروحش لجنس مخلوج. لتحاوطه: وهتخليك ليا وبس. ليهتف: ماني ليكي. ولا هكونش الا ليكي. بس ترضي. لتهمس بهيام خلع قلبه: اهه راضية. جرب اني. اهه رايداك وبس. ليشعر بنار داخله: اني في مرار طافح. اعمل ايه دلوك.

لتهمس: يحي. اني حلمت اني جبت توم. هتفرح بيا صوح. ليشعر بالقهر: اني فرحان يا جلبي. من غير حاجة والله. من غير. يا جهرك يا يحي. حبيبك بيمزع فيك. لتهمس وتشده: طب يلا. ليهتف بغلب: يلا ايه يا جلبي. لتهتف: نجيب التوم. لتتخلص من ملابسها. ليصرخ: يا مراري. يا مراري. ماتنامي يا ساره. دا حزن ايه ده. لتهمس: بحبك جوي. لتتوه لتسقط على صدره. لا تحس بشيء. لياخذها في احضانه. ليشدد عليها ويظل يغلي لفترة.

ليهتف بقهر: اني استحج النار االي شابطة في جتتي. استحج كل الحزن الاسود اللي راشج فيا. منك لله يا محروجه. اصحي واسود عيشتك. اني مرتي تشرب خمرة. يا محروجه. طيب يا عطر. والله لاوريكي. طب هنام كيف دلوك. ودي عريانة اكده. يا غلبي وايامي الطين. اعمل ايه بغلي من جواتي. رايدك الف مرة. توم ايه وطين ايه. والله ما عايز طين. بس انت. انت وبس. يا رب راضي. والله راضي بكل حاجة. نام يا طين. منك لله. نام. ليظل يتلمسها بعشق.

عايزه ترجصيلي يا جلبي عشان احبك. داني هموت على طرفك. ليظل يفرك حتى نام اخيرا مقهورا. ******** دخل ايوب على عطر. ليجدها تلبس قميص نوم مكشوف وتقف امام المرآة تتلمس نفسها بغرور. لينظر اليها بقرف. ليهتف: ايه الجرف والرخص ده. عامله في حالك ليه اكده. هيا البعيدة مابتحسش. لتضحك: عامله لراجلي. امال اعمل لمين. اروح اجيب راجل تاني اعمله.

ليهتف: اسمعي. لو فاكراني هتحمل اكده. اني كلمت الحكما. وماهسيبش مرتي. وهجبلك بلد بحالها تجفلك. لتضحك: والله. طيب. خير ربنا يشفيهالك. لتقوم تتهادي: ايه. ماوحشتكش. اطلعهالك الليلة. لينظر اليها بقهر: لمالك مجهور اكده. هطلعهالك يا واد خلاص. لتقترب وتعطيه كوبا من العصير.

لتهتف: خد. بس روج. ولو عايزها. اطلعهالك. دا غلبانة غلب اصلك. جاهرها اخر مرة وجايلها. ما عايزكيش. وهيا يا جلبي مدبوحة وما فهماش. انت مش عايزها ليه. مفكرة ان زينه هتاخدك ليها. حاجة حزن. اني مش عارفة البت دي غبية وضعيفة ليه اكده. لياخذ ايوب الكاس بغضب وينتشه منها ويشربه عن اخره. ويهتف: دا مش ضعف. دا خير وفطرة سليمة. البعيدة ماتعرفش عنها حاجة. لتهتف: والله انت عندك بطر. ما عطر جدامك اهه. لابسة وجمر. ماتاخدها وتعيش.

ليهتف بغل: اخد جرف في جرف. ليحس بشيء غريب وبعض الدوار. ليمرو وقت راسه تثقل وتتوه. لينظر اليها ليجدها تبتسم بحالمية. ليرجف قلبه. ليهمس: عطر. يا جلبي. انت اهنه. لتضحك وتقترب: اه. تصدج اني اهنه. ليظل يفتح عينه ويقفلها ويتوهم حبيبته. ليهتف: جلبي. وحشتيني. لتشده وتهتف: طب الاول امضي اهنه. لتعطيه ورقة ليمضيها وهيا تتدلل عليه. لتشده: خلاص اكده حجي خدته. وهطوله. وانت بقه يا تجعد معايا. لاخليك تترجاني اكون ليك.

لتشده من يده وتدفعه عالفرش. وهو يترنح. فهيا قد اعطته حبوب هلوسة ليتوهم انها عطر. لتهتف: وماله. خد واشبع يا ايوب. من الهبله. بس معايا اني. مع ست الناس. لتندفع عليه و .... وحسرة عليها يا حسرة عليها 😂😂😂😂ليه يا رب تعمل في الواد كده ليييه 😂الشرف يا جبيصي. البندجة يا ولد 😂😂