رواية الوحل الفصل الأربعون 40 - بقلم شروق الجندي

كان يدور ذهابًا وإيابًا أمام غرفة العمليات، وقلبه يرتجف خوفًا على محتلة كيانه وشريكة دربه، وعلى صغيره الذي لم يرَ النور بعد. فأوقفه معاذ: – اهدأ يا حسن، ودلوقتي هيخرجوا بإذن الله. وفجأة دخل صفوت وأمه يهرولون باتجاه حسن: – طمني يا ابني، سارة عاملة إيه؟ رد وهو يحاول طمأنتها، بينما القلق ينهش قلبه: – لسه يا ماما مخرجتش، اقعدي ارتاحي. رأى صفوت القلق على وجه أخيه، فعانقه بقوة. فزفر حسن بارتياح بعدما شعر بالأمان، وهمس أخوه له: – متقلقش يا حبيبي، هيخرجوا بالسلامة. فجأة سمعوا صراخًا يسرق القلوب، فتهللت أساريرهم وأنهالت المباركات على حسن. وخرجت الممرضة بوجه بشوش وهي تحمل الصغير: – ألف مبروك على النونو القمر ده. مد يداه وحمل الصغير بحب وطبع قبلة على جبهته، وشم رائحته الذكية، وأردف: – وسارة عاملة إيه؟ – المدام كويسة وهتخرج كمان شوية. – ما شاء الله قمر يا حسن، وطبعًا هتسميه معاذ على اسمي، كفاية إني ضحيت بفرحي وسبت عروستي عشان الباشا اللي شرف ده. نظر صفوت له باشمئزاز: – معاذ مين؟ امشِ يا عم من هنا، هيسميه صفوت طبعًا. – بس بس أنت وهو، ولما سارة تطلع نشوف الاسم. رن هاتف حسن، فأعطى الصغير لوالدته وفتح الهاتف: – آلو. – بجد يا فندم، أنا متشكر جدًا، حضرتك بشرتني بالخير.