رواية الوحل الفصل الثالث عشر 13 - بقلم شروق الجندي

دخل حسن مسرعًا إلى غرفة جورى وحملها وأعطاها لسارة ونارين المذعورين وقال بصرامة: "أقفلوا على نفسكم الباب كويس." ثم سحب المسدس واتجه للخارج مع صفوت الذي سبقه، وعندما خرجوا وجدوا أن السيارة التي أطلقت الرصاص قد غادرت مسرعة بعدما أطلقت 3 طلقات على سيارة حسن، فوجد صفوت ورقة على زجاج السيارة: "دول 3 رصاصات هدية مننا، والمرة الجاية هيكونوا في دماغك أنت ومراتك وبنتك، وده آخر إنذار، والمرة الجاية فعل مش كلام." اشتعلت عينا صفوت بالغضب وأعطى الورقة لحسن. صفوت: "هه لا واضح، أنا هاخد سارة وجورى عندي لحد ما تعقل وتقدم استقالتك، عالأقل الفيلا متأمنة ومش عايز مناقشة." دخل صفوت وحمل جورى وأشار لسارة ونارين: "يلا هنمشي كلنا." نارين: "مين اللي عمل كده؟" سارة: "وحسن فين يا صفوت؟" صفوت: "أنتم هتيجوا معانا لحد الأمور ما تهدأ، يلا يا نارين ساعدي سارة ولموا هدومهم." سارة: "هدوم إيه وفين جوزي؟" دخل حسن وهو يشعر بأنه فشل في حمايتهم وقال بهدوء: "روحوا معاهم يا سارة، هنا مفيش أمان." ردت بانفعال: "وأنا مش هسيبك." نارين: "اهدئي يا سارة وأكيد ده أفضل ليكم." حسن: "ما تقلقيش عليّ، وعشانكم هقدم استقالتي الصبح."