رواية الورث الفصل الثاني عشر 12 - بقلم صلاح الديب

هقولك كل حاجة بس تعالي أعرفك عليه الأول. تعالي يا أسارة. أحب أعرفك، دي سارة. ودي ريم. ريم: أهلاً وسهلاً يا سارة. بس برضه أنا مش فاهمة حاجة، وإيه علاقة سارة باللي بيحصل ده؟ هقولك. من متابعتي لأولاد عمك، عرفت كل حاجة عنهم. وكان لازم أشتغل عليهم واحد واحد. وقررت أبتدي بأكبر واحد فيهم. وهنا جه دور سارة، واللي هي دراعي اليمين في الشركة بتاعتي. وطلبت منها تقوم بالدور ده، وعملته صح جدا. ريم: مش فاهمة حاجة.

فهد: ابن عمك الكبير، عرفت إنه بتاع بنات ومقضي معظم وقته عليهم وفلوسه رايحة عليهم. وهنا بعت سارة عشان توقعه وتجيبه الأرض. ده اللي حصل. ومعظم فلوسه مع سارة. وهيبيع الفيلا عشان يديها من تمنها ربع مليون جنيه. وهفضل وراه لحد ما يفلس خالص. ريم: ياآآآه، ده أنت عبقري. كل ده بتفكر وتخطط وشغلك وأنا؟ وبتعمل كل ده؟ فهد: عشان حبيتك، وأخدت وعد على نفسي إني أرجعلك كل حقوقك. ريم: للدرجادي أنت بتحبني؟

فهد: وأكتر من كده بكتير. اصبري بس عليا، شوفي هعمل فيهم إيه واتفرجي. ريم: الأول هننقذ عامر إزاي؟ وإيه اللي هتعمله؟ فهد: هقولك. هو دلوقتي خاطف عامر ومفكر إنه كده بيضغط علينا. ريم: أكيد. فهد: حلو قوي. بصي بقى، دلوقتي ده آخر مشهد لسارة في القصة دي. ريم: هتعمل إيه؟ فهد: هقولك. دلوقتي هترن عليه وتستنجد بيه. الحقني! وتقوله: الحقني، في ناس بيهاجموني وعايزين يقتلوني. لو ما ادتهمش الفلوس اللي أنا طلبتها منك هيقتلوني.

وطبعاً الباشا... مش هيسيبها وهيجري ينقذها. وطبعاً هياخد نصه رجالته معاه، إن ما اخدهمش كلهم. ريم: ها وبعدين؟ فهد: هنا بقى رجالتي هتبدأ تتحرك. ويدخلوا ينقذوا عامر. وبكده نكون خلصنا من حوار الفيلا، وأنقذنا عامر. ريم: حلاوتك وأنت بتخطط. بس كده سارة في خطر وممكن يعمل فيها حاجة لو عرف إنها نصبت عليه. فهد: هه، متقلقيش. اللي سارة هتعمله معاه دلوقتي هتخليه يكره صنف البنات. وممكن يحصله حاجة ولا يروح فيها.

فهد: هقولك. سارة دلوقتي هتطلع على الشقة اللي المفروض إن ابن عمك جاي عليها. وهتروحي هتلاقي رجالتهم هنا. هتدخلي تحضري المطلوب منها بالحرف. ريم: إيه المطلوب منها تاني؟ وليه رجالتك هيكونوا هناك؟ فهد: هتعرفي هتحضر إيه، بس مش دلوقتي. إنما بقى رجالتهم هيكونوا هناك ليه؟ هقولك. نصهم هيعملوا دور الناس اللي بيهاجموا سارة. وأول ما الباشا يحضر، هتدور ما بينهم معركة ورجالتي هتستسلم ليه. ريم: طب ليه؟

وليه هيكونوا هناك طالما هيستسلموا؟ فهد: عشان الباشا يطمن ويفهم إنه مسيطر. وهيبتدي يدخل لسارة يهديها ويطمنها إنه خلاص وصل وخلصها من الناس اللي بتهاجمها. ريم: ها وبعدين؟ فهد: هنا هيبدأ دور سارة وأهم دور في الموضوع كله. ودي هتكون نهاية ابن عمك ده. ريم: هتعمل إيه؟ فهد: سارة هتقولك، لأن دي خطتها هي.