رواية الرعد الفصل السابع عشر 17 - بقلم شهد جبريل

يارا بصوت متقطع: رعد الحقني. ثم أغمي عليها. رعد: يارا... الو... الو... في إيه يا يارا؟ ولكن لم يأتيه رد. أتت جاسي على صوت رعد. جاسي: رعد... في إيه؟ مالها يارا؟ رعد: يارا في خطر. أومال ياسين فين؟ هو والحراس؟ لا يدري رعد بأن صديقه يضرب ويعاني ويقاوم الحياة. رعد: أنا رايح أشوفها بسرعة. جاسي: هاجي معاك. رعد: المكان خطر عليكي هناك، ومي محتاجة حد عندها. خليكي عندها. أنا خايف عليكي. شعرت جاسى بألم. "لهذا الحد يخاف عليها؟

وهي من خدعته؟ ليتني لم أسمع لحسام." جاسي: متخافش عليا يا رعد. رعد: تعالى بس خليكي بعيدة. أخذ رعد الحراس وجاسـي، متبعين موقعهم من هاتف يارا. ووصلوا إليها، ولكن وقف رعد وجاسـي منصدمين مما حدث. لا يستوعبون هذا المشهد الأليم. فرت دمعة من عين رعد واتبعتها الأخرى حينما رأى صديقه مغرق بالدماء، مضروب، وأثر الضرب على وجهه، وعلى تلك المسكينة التي تنزف بشدة. شهقت جاسي لما رأته وذهبت مهرولة إلى ياسين ويارا. جاسي: ياسين... ياسين!

وأخذت تهز به ولكن دون جدوى. وهرولت ليارا ولكنها لم تستجب لها. ونظرت لرعد المتحجر مكانه، لا يستوعب ماذا يفعل. "أخسر صديقي ورفيق دربي؟ ذهب رعد إلى ياسين. رعد: ياسين... ياسين فوق يا ياسين. معقول هتسيب صاحبك؟ لا يا ياسين، أنت قوي وهتقوم. قوم يا صاحبي. وأخذ يصرخ: إسعاف...

اطلبي الإسعاف يا ياسين. متعملش معايا كدا. أنا اتولدت من هنا واتيتمت من هنا، وأنت اللي كنت أخويا وأبويا وصاحبي. أوعى يا ياسين تسيبني. دايماً كنا نوعد بعض إننا هنفضل مع بعض. قوم. أنت مش راجل لو راجل هتقوم. الراجل مبيخلفش بكلمته وأنت بتخلف. قوم. أخذت جاسي تبكي على حال ياسين وعلى رعد. ترك رعد يد ياسين وذهب إلى يارا. رعد:

قومي يا يارا. أنتوا دايماً متعودين تعملوا مقالب في بعض، وأكيد بتعملوا فيا دلوقتي. أنا عارف. يلا يا يارا قومي، وياسين هيقوم وراكي. وأخذ يصرخ: لاااااااااااا! أوعى تسيبني يا صاحبي. قوووووم. رعد عمره ما بكى على حد، وأنت عارف كده. رعد طول عمره قلبه حجر، وأنت طول عمرك عارف كده، وكنت تقول لي: "متبكيش على اللي راح يا صاحبي". ودلوقتي أنت السبب يا ياسين إنـي أبكي. يلا قوم يا ياسين. قومي يا يارا.

ثم أتت الإسعاف وأخذتهم إلى المستشفى. وأخذ رعد سيارته وهرول ورائهم. وصلوا للمستشفى. رعد: اعملوا أي حاجة، وإياكم أخسر واحد فيهم. بسررررعة. وأخذ الأطباء يجرون على يارا وياسين. الدكتور: دخلوهم العمليات بسرعة. وقف رعد أمام الغرفة وهو يرى. يشفق عليه. "أهذا رعد؟ جاسي: هيبقى كويس يا رعد. هو ويارا. رعد: مش هستحمل خسارته. ياسين دايماً معايا على المرة قبل الحلوة. فاقت مي وجدت نفسها في المستشفى وتذكرت ما حدث. مي: يارا...

يارا فين؟ وخرجت خارج الغرفة ووجدت رعد وجاسـي، وحالة رعد سيئة تماماً. مي في نفسها: "معقووول يكون ليارا حصلها حاجة؟ وجرت على رعد. مي: في إيه يا رعد؟ أنتِ قاعدة كده ليه؟ يارا حصلها حاجة؟ قولي يا رعد. رعد: ياسين ويارا في العمليات. مي: يارا حصلها إيه يا رعد؟ قولي. رعد: بقولك ياسين كمان معاها. أنتِ عارفة إن ياسين خاطـر علشان خاطر ينقذها يا مي. وهو في العمليات بسببكم يا مي. ياسين...

أنا مش هستحمل خسارته يا مي. لو حصله حاجة مش هسامحكم. مي وهي تنظر لحالة رعد: هيكونوا بخير يا رعد. وقفت مي بجانب رعد. مي: هيبقى كويس يا رعد. ياسين هيحارب عشانك وعشان يارا. ياسين ويارا روح واحدة. رعد: أتمنى يا مي. مي: أكيد يا رعد. مي: أنا آسفة يا رعد. آسفة. خوفي على يارا خلاني أنسى ياسين. رعد: ياسين طيب وبيحب كل الناس. ياسين مش صاحبي يا مي. ياسين كل حياتي. مي: هيفوق يا رعد. هو ويارا.

هدأ رعد من كلام مي وتشجيعها له، ولكن هذا الهدوء لم يبقى كثيراً. الممرضة وهي تجري. رعد: في إيه؟ الممرضة: المريض... حالة المريض بتسـوء. والرصاصة بجانب القلب ومش عارفين، ونزف كتير. مي: ويارا؟ الممرضة: مش عارفة. رعد: يعني إيه مش عارفين؟ انطقي. مي: اهدأ يا رعد.

ذهبت الممرضة سريعاً لتحضر أكياس الدم بسرعة لكليهما. ودخلت إلى العمليات. وأخذ رعد يقف وهو على أعصابه، يدور بأنحاء المكان لا يعلم ماذا يفعل. وأخذت مي وجاسـي يدعوان ليارا وياسين. خرج الدكتور. مي: في إيه يا دكتور؟ الدكتور: لحقنا ننقذ الآنسة يارا علشان الجرح كان سطحي. رعد: وياسين؟ الدكتور بأسى: ياسين مش هنقدر نحدد حالته علشان الرصاصة قريبة من القلب، وكمان خسر دم كتير والحقناه في وقت متأخر. فممكن يدخل غيبوبة. رعد ممسكاً

ثيابه: يعني إيه؟ انطق. لازم تعملوا أي حاجة بسرعة. الدكتور: لازم نستنى 24 ساعة تحت الملاحظة. وأنتم كمان استووا. ياسين هيحصل فيه إيه؟