رواية الصعيدى العاشق الفصل الرابع عشر 14 - بقلم رونا

كنا واقفين عند الجد لما سأل أزهار هي بتروح عند مازن ليه المخزن. أزهار: عادي يا عمي. الجد: أما ولدتي حور وقالوا إن الطفل التاني مات. أنا حمدت ربنا وصبرت جوزك ومستغربتش ده قضاء ربنا. بس اللي كان غريب إن الطفل اللي مات ده كان بنت. الدكتورة كانت قايلة إنك حامل في ولد وبنت، فإزاي فجأة كده يكونوا بنتين… في إسكندرية. مراد بخضة: مالكم بتجروا كده ليه؟ ممرضة: والدتك تعبانة قوي والدكاترة عندها جوه.

فضل مراد واقف قدام باب الأوضة. وبعد نص ساعة خرج دكتور. مراد بخوف: أمي مالها؟ الدكتور: العملية هتتعمل بعد ٢٤ ساعة. مراد: مش كانت بعد أسبوع؟ الدكتور: حالتها هتتدهور واحنا بعتنا لدكتور التخدير وهيجي من السفر كمان ١٥ ساعة تقريبًا. مراد: تمام. ماشي. دلف مراد إلى الغرفة. مريم بتعب: تعالى يا مراد. مراد: سلامتك يا أمي. مريم: الله يسلمك يا حبيبي. كلم أزهار خليها تيجي. مراد: حاضر. هطلع أنا أكلمها وإنتي ارتاحي. مريم: ماشي.

وخرج مراد فعلاً ورن على رعد. -عند رعد وحور. بعد ما خلصوا أكل، حور مكنتش قادرة تقعد معاهم وطلعت ترتاح. ورعد طلع معاها عشان لو تعبت. رعد: متأكدة إنك كويسة يا حور؟ حور: أيوة. رعد: شكلك ميطمنش. حور: حاسة بصداع. رعد: طيب أنا هجيب لك مسكن ونامي شوية. حور: أنا زهقت من كتر النوم. رعد: طب أقولك على فكرة حلوة. حور: فكرة حلوة ومنك إنت؟ أشك! رعد: يا بنتي احترمي نفسك ده إنتي تعبانة. حور: اخلص عاوز إيه؟

رعد: كنت هقولك لو حابة تنزلي تتمشي شوية في الأرض. حور بفرحة: بجد؟ طيب يلا. رعد: اهدى طيب وبعدين يلا إزاي وإنتي كده؟ حور: مالي يعني؟ رعد: هتنزلي بالبيجامة؟ حور: عادي يعني الأرض هنا جنب السرايا. رعد: وبالنسبة لأدهم وأركان والناس اللي شغالة في الأرض يشوفوكي كده عادي؟ حور: مش شايف إنك عصبي سيكا؟ رعد: روحي يا حور غيري عشان متعصبش. حور: على نفسك يا روح أمك وكمان تتعصب على… مالك يا رعد إنت وشك عامل كده ليه؟ إنت هتتحول؟

رعد بغضب مكتوم: روحي غيري واسمعي الكلام. حور: على فكرة أنا كده كده كنت هروح أغير، مش هغير عشان إنت قلت لي يعني. رعد: مصدقك. اتفضلي. ذهبت حور إلى حجرة الملابس لتبدل ملابسها. رن هاتف رعد وكان المتصل مراد. رعد: ألو. السلام عليكم. مراد بحزن: وعليكم السلام ورحمة الله وبركاته. رعد: مالك يا مراد؟ مراد: أمي هتعمل العملية كمان يوم وعاوزة تشوف أزهار. رعد بمواساة: طيب اهدى وبإذن الله هتكون زي الفل.

مراد: يا رب. المهم خليها تيجي ومتقوليش لحور عشان هتصمم تيجي وأبويا وعمي هيكونوا هنا. رعد: حاضر. مراد: يلا سلام. رعد: سلام. حور خلصت وخرجت. حور: يلا. رعد: يلا. نزلوا تحت وكان الجد وأزهار خلصوا كلام وكلهم متجمعين. الجد: على فين يا ولاد؟ رعد: هاخد حور تتمشى شوية في الأرض عشان تفك عن نفسها. الجد: ماشي يا حبيبي. خرج رعد وحور ولكن… رعد: أنا نسيت الفون جوه هدخل أجيبه. حور: ماشي. متتأخرش. دلف رعد إلى الداخل.

الجد: رجعت ليه وحور فيـ… رعد: واقفة بره. مرت عمي الخالة مريم هتعمل العملية بكرة ومراد طلب مني إني أبلغك تروحي عشان عاوزاكي. أزهار بخوف: طيب أنا هقوم ألبس. الجد: يلا. وإحنا كمان هنيجي معاكي. همسة: طب… ه… هو… مراد… مق… مقالـ… قالش حالتها إيه؟ رعد: لأ. همسة: طب يلا أنا هطلع أجهز. الجد: كله يجهز. رعد: مراد قالي إني مقولش لحور عشان خالها هيكون هناك وعشان حور متتعبش كمان لما تشوف مرات خالها كده.

الجد: ماشي. خليك معاها وإحنا هنروح. أركان: ماشي. بس لما ترجعوا هتقولها إيه؟ رعد: هتصرف وأقولها إنكم سافرتوا مثلاً. أي حاجة. أنا هتصرف. الجد: تمام. روح إنت دلوقتي وإحنا هنجهز ونمشي. رعد: تمام. خرج رعد. حور: كل ده؟ رعد: معلش. بس يلا. حور: يلا. ومشوا راحوا الأرض بتاعتهم وفضلوا يضحكوا ويفتكروا ذكرياتهم وهما صغيرين. ================ في القاهرة. جاسر: بس مين دول وكانوا بيفتشوا في إيه؟

سارة: مش عارفة. حصل خير المهم إنك كويس يا حبيبي. أحمد وهو بيقوم: طب راعي إن إني أخوكي ونايم معاكوا. جاسر: دي الكلمة اليتيمة اللي بتقولها والله. أحمد: خلاص براءة. سارة: يلا يا أحمد. أحمد: يلا يا قلب أحمد. جاسر بغيرة: هو إنت أخوها وكل حاجة بس شيل إيدك من عليها. أحمد: أنا ممكن أفركش الخطوبة. جاسر: عشان أدنك وإنت صاحي. أحمد: يلا يا سارة خلينا نمشي من قدام المجنون ده. جاسر: طيب ليك يوم. سارة: خلي بالك من نفسك.

جاسر: حاضر. وإنتي كمان. أحمد: وأنا يا بيبي؟ جاسر: لا روح كل جاتوه إنت ملكش دعوة. أحمد: والله رخـ… سارة: بس إنتوا الاتنين. يلا يا أحمد. باي يا جاسر. جاسر: مع السلامة. _في إسكندرية. سهام: مالك قلقان على مريم كده؟ أسعد: عادي يا سهام. مش أم ولادي. سهام: طيب يا خوي قوم روح لها. أحمد: يلا يا أسعد. ولا إيه؟ أسعد: آه. يلا. سهام: مع السلامة. أسعد وأحمد: سلام.

واتجهوا للمستشفى. وأول ما وصلوا لقوا أزهار والجد وكريم وأدهم وأركان وهمسة ومليكة وغفران. غفران أول ما وصلت وشافت مراد زعلت قوي عشانه ودموعها بدأت تنزل. مراد أول ما لمح أزهار جري عليها وحضنها وفضلت تصبره ومسك نفسه بالعافية عشان ميعيطش. -في الصعيد. حور: يلا يا رعد نروح. رعد بارتباك: طيب. يلا. وصلوا البيت وأول ما دخلت. حور: هما موتوا بعض ولا إيه؟ رعد: أكيد ناموا. حور: رعد. إحنا العصر. مالك متوتر كده؟

رعد: ولا حاجة. أنا تمام. حور: انجز يا رعد. فيه إيه؟ رعد: مفيش يا حـ… حور: من غير لف ودوران. رعد: بس اهدى. حور: تمام. رعد: الخالة أزهار هتعمل العملية بكرة وكلهم سافروا. حور: _رعد: هي هتكون كويسة بإذن الله. بس اهدى. حور: _رعد بحزن عليها: حور عشان خاطري ردي عليا. حور: وديني إسكندرية. رعد: خالك هناك و…

حور ببكاء وبدأت تنهار: أنا عاوزة أروح لها. بالله عليك. أنا مش هستحمل إنها تسيبني يا رعد. والله خلينا نروح. وكمان مراد مش هيقدر يعيش بعدها. أنا عاوزة أروح دلوقتي. رعد بدموع: طيب يلا. تعالى نلبس وهنروح. فعلاً لبسوا واتجهوا لإسكندرية. وبعد وقت وصلوا وطلعوا المستشفى وسألوا وطلعوا للأوضة بتاعت مريم. حور لقت مراد قاعد على كرسي بره الأوضة وحاطط راسه بين إيديه وكلهم حواليه. حتى أسعد وأحمد. حور بخفوت: مراد.

وأجريت عليه واترمى في حضنها ومقدرش يمسك نفسه وبدأ يعيط. حور ببكاء: بس اهدى. مراد ببكاء هستيري: هي عاوزة تسيبني يا حور. متخليهاش تبعد عني. والنبي. أنا هموت لو بعدت عني. هي بتسمع كلامك. قولي لها متسبنيش. الكل كان بيعيط على حالتهم. وغفران كمان. أما همسة ومليكة. أركان: أدهم روح شوف همسة. شكلها تعبانة. اتجه أدهم نحو همسة: إنتي كويسة؟ همسة بعياط: أنا تما…

وقبل ما تكمل كلامها أغمى عليها. وأدهم شالها ودخلوها أوضة تانية وجابوا دكتورة تشوفها. رعد كان خلاص هيعيط هو كمان على حال حور ومراد وقرر إنه ينزل الكافيه اللي جنب المستشفى يشرب قهوة لأنه كان هيموت من الصداع. نزل رعد وهو ماشي ناحية الكافيه لمح سلمى ومعاها طفل صغير خارجين من محل لعب أطفال. والطفل ده كان ضهره لرعد. وأول ما لف رعد لقاه نفس الولد اللي حور كانت قالت عليه. وراح ناحيتها. رعد بغضب: إنتي بتعملي إيه هنا؟

سلمى بصدمة: رعد إنت جيت هنا ليه؟ رعد: مين الولد ده؟ ولسه سلمى هترد. ساهر (الولد اللي معاها عنده ٤ سنين) : ماما. بابا جاي اهو. رعد بص وراه عشان يشوف مين. لقا الولد بيشاور على قاسم. رعد: