رواية الصقر الجريح الفصل الثاني والثلاثون 32 - بقلم نورة عبد الرحمن

في المشفى .. كانت نائمة لتشعر بيده الحانية تبعد خصلات شعرها بحنو. فتحت عينيها بتعب. صقر قبل عينها ليقول: حبيبتي عامله إيه. فتون وهيا تحاول النهوض: كويسة.. أنا فين. صقر بابتسامة: تعبتي الصبح شوية وجبتك المستشفى. فتون بألم: بطني وجعاني قوي ياسي صقر. صقر وقد وضع يده على بطنها بسعادة تغمره: اصل ابننا باينه شقي.. عمال يتعبك. فتون بتفاجؤ: ابننا… ابن مين… يعني .. يعني.. صقر قبل جبينها: أيوا ياحبيبتي انتي حامل.

فتون بدموع: يعني هبقى أم ياسي صقر… هبقى.. أم.. صقر مسح دموعها بحنو: لاااا بلاش دموع.. والنبي. فتون مسحت دموعها: حاضر حاضر من إمتى ياسي صقر.. هو بخير مش كده. صقر أمسك يدها: أيوا ياحبيبتي بخير.. وبقالك شهرين وشوية. فتون: ياما انت كريم يارب.. الحمد لله.. الحمد لله. صقر قبل باطن كفها: مبسوطة. فتون: مبسوطة بس دنا هطير من الفرحة انت مش عارف يعني إيه الوحدة تبقى أم… ربنا يرزق ويفرح كل محروم ياخويا. صقر: يارب.

ليردف بضيق: سامحيني ياحبيبتي. فتون: على إيه. صقر: عشان تعبتي بسببي لو ما كنت أصريت إنك ترقصي.. مكنتيش تعبتي.. وحصل معاكي نزيف.. وكنت هنخسرك وأخسر ابننا. فتون: لا متقولش كده… أنا أهو كويسة الحمد لله وابننا بخير.. وبعدين.. أنا بحب أشوفك مبسوط وهعمل أي حاجة تبسطك. صقر جذب رأسها إلى صدره وهو يجلس بجانبها على السرير: انتي تفضلي في حضني دايما وأنا هفضل مبسوط العمر كله. فتون: ربنا ميحرمنيش منك.

دخلت الطبيبة.. ليبتعد صقر بحرج. الطبيبة بحرج: احم… إزيك دلوقتي. فتون: الحمد لله. الطبيبة قامت بفحصها وهي تقول: من النهارده هناخد بالنا من نفسنا كويس مفيش مجهود والأكل بانتظام وناخد الدوا بمواعيده ماشي. فتون بابتسامة: حاضر. الدكتورة وهي تنظر لصقر: ونقعد.. عاقلين لحد موعد الكشف الجاي.. عشان أي تعب هيأثر على المدام والبيبي. صقر أبعد نظره بحرج: ماشي أهم حاجة فتون وابننا يبقوا بخير.

ليردف بقلق: هو النزيف مش هيأثر على البيبي.. أو على فتون.. يادكتورة. الدكتورة: لا اطمن حضرتك في ستات كتير بيحصل معاها كده عادي.. لما بيحصل مجهود زيادة وتتعب. صقر بارتياح: الحمد لله. فتون: اطمن ياحبيبي إحنا كويسين. لتنظر إلى الطبيبة: أنا إمتى أقدر أخرج.. من هنا. الدكتورة: انتي دلوقتي بقيتي كويسة لو حابة أكتبلك على خروج. فتون: ياريت. صقر باعتراض: بس انتي لازم ترتاحي.. وانتي هنا هبقى مطمن أكتر.

فتون: والنبي ياسي صقر والله هاخد بالي من روحي عشان خاطري. صقر تنهد بقلة حيلة. الدكتورة بابتسامة: ماشي هكتبلك على خروج. وغادرت. *** بعد شهر… فرح: كفاية بقى يابهاء خلينا نرجع مصر. بهاء وهو يجذبها إليه ويحيط خصرها بيديه: نرجع عشان إيه.. ماحنا مبسوطين. فرح وهي تحيط عنقه بيديها بدلال: عشان انت سايب شغلك بقالك كتير. بهاء: سايبه عشان مين.. مش عشان أفضل جنبك طول الوقت. فرح: واحنا بمصر هنفضل مع بعض طول الوقت.

بهاء وهو يقبل وجنتها: إيه لحقتي تزهقي مني. فرح: ضربته بخفة.. اخص عليك وأنا قولت كده برضوا. بهاء قبل وجنتها الأخرى ليقول بخفوت: أومال عايزانا نرجع ليه. ماحنا مبسوطين. فرح بهمس وتوتر من قربه: عشان.. عشان ماما ومنال وحشوني قوي. بهاء وهو يداعب أنفها بأنفه: طب وأنا… فرح بضحك: انت إيه. بهاء: هتنشغلي عني معاهم. فرح: مين قال كده. بهاء دفن وجهه بعنقها ليقول بخفوت: طب خليني كمان شوية. فرح

أبعدته لتنظر إلى عينيه: إحنا بقالنا أكتر من شهر مسافرين.. عشان خاطري. بهاء بضيق: ماشي هنرجع ياست فرح بس مش عايزانا نعملها بقى. فرح باستفسار: هي إيه. بهاء بحب احتضن وجهها وهو يحرك إبهامه على وجنتيها: نفسي أبقى بابا.. ويجينا حتت عيل يبقى شبهك.. كده بعيونه العسلية.. وشعره البني. فرح قاطعته بضيق وارتباك: ماشي هنشوف الموضوع ده بعدين.. ويلاا خلينا نحضر الشنط.

لتحاول الأفلات منه لكنه جذبها إليه هادراً: تؤ تؤ تؤ مفيش هروب أنا قولت دلوقتي يعني دلوقتي. ليحملها وهو يقبلها بشغف وووووو. *** في مكتب صقر في منزله. فتون: ممكن أدخل. صقر دون أن يرفع رأسه: تعالي ياحبيبتي. فتون دخلت وأغلقت الباب. اقتربت بخطوات متثاقلة وهي تراه مندمج بالعمل على حاسوبه. فتون بخوف: سي صقر. صقر وهو مركز بعمله: هممممممم. فتون: أنا.. أنا… عايزة.. يعني.. عايزة. صقر رفع نظره ليبتسم بحب

وهو يجذبها ليجلسها بحجره: عايزة إيه. انتي كويسة. فتون هزت رأسها بإيجاب. صقر وقد وضع يده على بطنها: وحبيب بابا عامل إيه. فتون: الحمد لله. صقر وقد شعر بتوترها ليحتضن وجنتيها بكفيه: أومال مالك ياحبيبتي. فتون بارتباك: أصل.. أصل.. يعني. صقر بحنو: اتكلمي ياحبيبتي.. عايزة حاجة. فتون: …… صقر: مالك ياحبيبتي. فتون بتوتر: اوعدني الأول. صقر بابتسامة: أوعدك بإيه. فتون: إنك متتعصبش وتسمعني للأخر.

صقر تنهد بضيق: اتكلمي ياحبيبتي متخفيش. فتون: مش هتتعصب مش كده. صقر بنفاذ صبر: اتكلم قلقتيني. فتون أدارت وجهها إلى الأرض: أصل.. أصل.. عمي عطية يعني. صقر فور سماعه باسم عمها شعر بالغضب.. ليهدر بحده: ماله عمك. كمان. فتون: أصل. صقر رفع وجهها إليه هادراً: بصيلي هنا واتكلمي. فتون وقد زاد خوفها من نظراته. صقر بنفاذ صبر: اتكلمي. فتون نهضت بسرعة وبخوف وابتعدت عنه وأغمضت

عينيها وتكلمت بسرعة: عمي عطية عايز الأرض يعمل عليها مشروع وقالي عشان نبقى شركة بالمشروع. نهض وهو يضرب مكتبه بيده بغضب: وانتي قولتي له إيه. فتون: أنا.. أنا والله مقولتش حاجة والله.. قولت.. يعني أسألك انت الأول. صقر تنهد براحة: ماشي يافتون تعالي هنا. فتون: … صقر: تعالي يافتون متخفيش. فتون بتوتر: بس انت شكلك كده يخوف. صقر ابتسم وهو يقترب منها: عمرك ما تخافي مني.. انتي فاهمة. فتون هزت رأسها بإيجاب.

صقر أجلسها بجانبه على الأريكة. أبعد خصلات شعرها بحنو. فتون بارتباك: والنبي ياسي صقر متعملوش حاجة.. خلي يعمل المشروع اللي هو عايزه. صقر تنهد بضيق: ماشي ياحبيبتي أنا هكلمه ونتفق. فتون: بس متتخانقوش عشان خاطري. صقر وبداخله يتوعد لعمها.. لكنه لا يريد إظهار ذلك لها. ماشي ياحبيبتي هكلمه ونتفق. فتون: ربنا ميحرمنيش منك. صقر: بس كده. فتون نظرت إليه: مش فاهمة.

صقر بغمزة: أقلها بوسة لجوزك حبيبيك منتي عارفة بقالي شهر معمولي حظر.. ممنوع الاقتراب. فتون بضحك وهي تميل عليه لتقول بهمس: وأنا أعملك إيه مش عمايل ابنك. صقر جذبها إليه أكثر ليقول بهمس: بس انتي وحشتيني. فتون قبلت خده: معلش كمان يومين ونروح نكشف. لتحاول النهوض لكن صقر جذبها هادراً: الحمد لله الحظر ما شملش البوس. نقض عليها بقبلة شغوفة ليبتعد عنها وقال بهمس بحب. لتطوق عنقه الأخرى بيديها هامسة: وأنا بموت فيك. ***

بعد مرور يومين في شركة صقر الشرقاوي. دخلت الفت مكتب صقر وأسرعت إليه واحتضنته. هادرة: كنت عارفة إنك بتحبني.. دافعت عني وانت كنت واعي.. ومكنتش فاقد الذاكرة… يعني انت كمان بتحبني. صقر دفعها عنه بقرف.. وهو ينظر إليها بحدة هادراً: عمري محبيتك ولا هحبك عشان انت وحدة رخيصة. الفت بصدمة: انت انت بتقول إيه. صقر: زمان لما كانت فريدة تشتكي منك .. مكنتش بصدقها.. بس بعد النهارده أنا عرفت حقيقتك. لجذبها من ذراعها هادراً

بغضب: انت تنسيني وتنسي مراتي والا أقسم باللله لخليكي تنسي اسمك أنا مش عايز امد إيدي عليكي عشان انتي ست… الفت بدموع: بس أنا بحبك.. بحبك من زمان.. انت لي مش بتحس بيا. صقر: انتي وحدة رخيصة متعرفش تحب حد.. ماشية ورا مصلحتك.. أنا ندمان على كل لحظة زعلت فيها فريدة الله يرحمها بسببك هيا الوحيدة اللي كانت عارفة حقيقتك. الفت: انت.. انت.. واحد.

صقر قاطعها بحدة: أنا إيه ياست هانم.. انتي لو كنتي بنت أصول كنتي وقفتي جنب جوزك اللي مرمي بالحبس… مش تيجي تعرضي نفسك على ابن أخوه يا***** مش عايز أشوف وشك انتي فاهمة.. واتفضلي اطلعي برا. صقر: أنا مبحبش غير فتون.. عارفة ليه.. عشان هيا بنت أصول ومتربية.. وتعرف تحتفظ على بيتها وجوزها… أنا بحمد ربنا مليون مرة إنها مراتي.. وهتبقى أم عيالي.. كفاية ترخصي روحك وتنزلي من نظر الكل.. واتفضلي اطلعي برااا ومش عايز أشوف وشك تاني.

الفت: … صقر: أنا… صاح بها بغضب: بررررررا. لتخرج بسرعة تبكي بحسرة.. وتستعيد كل ما فعلته. *** عاد صقر من العمل منهكاً من التعب ليصدم بفتون تبكي. أسرع إليه بقلق وخوف: مالك ياحبيبتي في حاجة وجعاكي. لتصرخ به بألم واختناق: عملت كده ليه. صقر… *** بهاء دخل المنزل بغضب ليصفع الباب بقوة. أسرعت إليه فرح واحتضنته. لتقول: وحشتني. لكنه دفعها بقوة وغضب لتسقط أرضاً وووو.