رواية الطفلة و الوحش الفصل السادس 6 - بقلم نورا السنباطي

نادين ببكاء وخوف: أبيه في ناس هجمو علي الحرس تحت وبيحاولو يخشو القصر. آرين بخوف: إيه. يزن بغضب: نادين انتي وآرين خليكو هنا ومهما يحصل اوعو تنزلو تحت. تمام. ولسا هيمشي بس آرين مسكت ايده وقالت بخوف: خلي بالك من نفسك يا يزن. أومأ بسرعة وطلع. راح غرفته وخاد منها المسدس بتاعه. وعمرة بغضب وعيونه اتحولت للون الاسود من الغضب. تحت. دخلو القصر بعد شباك حاد جدا. ـ هاااااي. ـ إيه رأيكم في المفأجأه دي.

رؤوف بغضب: انت ازاي تتجرا وتهجم علي قصر الصياد. ـ اووه اهدي اهدي رؤوف بيه انا جاي وعاوز خير. أيمن ببرود: اممم إيه الخير في انك تخش القصر بهجوم يا مازن يا هواري. مازن بخبث: جاي اتعرف علي أميرة الوحش. الصراحة كنت ناوي اجي اشوفها من اسبوع كده في الشركة بس لاسف حصل امر طاري ومعرفتش اجي بس اهو جيت. لوئ لسا هيتكلم بغضب بس سمع صوت. التفتو كلهم علي اول السلم.

كان يزن واقف علي اول السلم وحاطط ايده في جيبه وبيتكلم ببرود عكس موجة الغضب اللي جواه خالص لما سمعه بيتكلم عن آرين. يزن ببرود: مش عيب لما تهجم علي القصر والقصر فيه حريم يا ابن الهواري. مازن خاف شويه من هيئة يزن بس اتماسك وقال بمكر: يعني أنا غلطان اني جاي أشوف أميرتك وأتعرف على البنت اللي قدرت تحرك قلب الوحش. يزن بإبتسامة شيطانية وهو نازل على السلم بهدوء

ولسا حاطط ايده في جيبة: لا الغلط إنك تبقى عارف إنه لو جبت سيرتها تاني على لسانك مش هتطلع من هنا سليم. بس برضه مصر على موتك هه ده اسمه إيه بقا يا هواري. مازن بغضب: دخلت قصرك بالقوة ومتهزتش. أبويا مات ومتهزتش. حاولت أوقعك كذا مرة وبرضه متهزتش. بالعكس لا بتعلي طول. وبعدين كمل بخبث: بس جات اللي تخاف عليها أكتر من حياتك لدرجة إنك قولتلها متنزلش. اممم. وقف يزن قدامه ببرود وقال: أنا عايزك تتأكد إنها حتكون نقطة قوتي مش ضعفي.

وقرب من وشه جامد وقال بفحيح أفعى: هتكون حبل المشنقة على رقبتك لو فكرت تقرب منها. أنا سيبك السنين دي كلها بكيفي أنا بمزاجي. بس صدقني وقت أما أزهق وأجيب أخري. لأ إنت ولا أي حد هيقدر يتخيل اللي هعمله فيك. العب براحتك يا ابن الهواري عشان وقت أما أنا أجي ألعب مش هخليك تاخد نفسك من اللي هعمله فيك. أنا لحد دلوقتي اديتك فرص كتير وقلت صغير بكرة يعقل ويتربي. بس شكلك مصر على نهايتك.

وبعد عنه وقال بصوت عالي: هجومك على قصري أنا اللي خليتك تخش. إنت متخيل إن شوية الغجر اللي معاك هيفوزوا على حراسي. هههههه. تبقى غبي. المرة دي أنا هعديها. المرة الجاية ابقي هات رقم والدك معاك عشان أتصل بيه ييجي يلحقك من اللي هعمله فيك. ويلا بره من غير ما أطرد. نظر له مازن بغضب كبير وقال: هنتقابل تاني يا يزن يا صياد. ومشي. كان الكل واقف بيتابع بصمت تام. وماري كانت واقفة وهتموت من الغيظ. ماري بغضب: الله الله.

لسه مكملتش أسبوعين في القصر والبلاوي بدأت تيجي. نظر لها يزن ببرود وقال: بتقولي إيه. ماري بخوف: ا... قصدي يعني... إنها. يزن ببرود: ميهمنيش رأيك. والمرة الجاية خلي بالك كويس من كلامك. أنا مش هعديلك كتير. أيمن بغضب: ماري اطلعي فوق. طلعت ماري فوق والغضب ماليها. يزن بهدوء: يلا كل واحد على شغله. ولسا هيمشي وقف لما سمع صوت عمه. أيمن بهدوء: يزن عايزك. يزن ببرود وهو عارف هيتكلم في إيه: مش دلوقتي. ومشي.

ضحك أيمن بخفة وقال: أما نشوف هتتهرب لحد إمتى يا ابن أحمد. آرين بتوتر: نادين يلا ننزل. عايزة أنزل أطمن عليه. نادين بخبث: تطمني على مين. آرين ببراءة: على يزن. أنا خايفة عليه أوي. صوت من وراها: خايفة عليا ليه. نظرت له آرين بسرعة وضحكت بفرحة وجرت حضنته وهيا بتعيط: ا... انت كويس صح. نظر يزن ل نادين اللي كانت بتبص عليهم بفرحة وقالها: انزلي تحت يا نادين وأنا وآرين جايين وراكي. أومأت نادين بهدوء وانصرفت. حاوطها

يزن بحنان وابتسم وقال: هششش اهدي يا آرين أنا معاكي اهو. آرين ببكاء: أنا كنت خايفة عليك أوي. ونادين قالت لي إنهم كان معاهم مسدس. شتم يزن نادين في سره وبعدين ابتسم وطلعها من حضنه وقال بحنان وحب: كل حاجة بقت تمام أوك. مش عايز أشوف دموعك دي تاني. قال آخر جملة وهو بيمسح دموعها. آرين ببراءة: ماشي مش هعيط أهو. سرح في برائتها. إزاي في حد بالبراءة دي. أنا هحميكي بحياتي كلها. إنتي دخلتي عرين الوحش ومستحيل تطلعي منه.

يزن: بس أنا زعلان منه يا آري. آرين ببراءة: زعلان مني ليه يا يزن. يزن بتوهان: عشان كنتي عايزة تسبيني وتمشي. افتكرت آرين الإشاعات اللي بتتقال عليها وقالت: آرين بدموع: يزن ا... أنا. حاوط وجهها الصغير بين كف يديه الكبير بحب وقال: إحنا مش اتفقنا مفيش عياط. وبالنسبة للي بيتقال ف أنا هتصرف. آرين بشرود: هتعمل إيه. يزن بمكر: هنتجوز. شهقت آرين بخجل وصدمة: ا... إيه. يزن ببراءة مصطنعة: إيه هو ده الحل الوحيد.

وكمل بمكر لإخافتها: وإلا الناس مش هتبطل كلام وهيقولوا كلام أكتر من كده. آرين بخوف: هيقولوا إيه. ابتسم يزن بخبث وقرب منها وهمس ليها بكلمات خلتها تشهق من الخجل. آرين بخجل: ا... إنت قليل الأدب. يزن بصدمة مصطنعة: الله وأنا مالي. هو أنا اللي بقول كده ده الناس. آرين بتردد: طب وبعد ما نتجوز. يزن بثقة وغرور: لأ ده سيبه عليا بقا. آرين ببراءة: أنا موافقة عشان أنا بوثق فيك يا يزن. بس هنطلق بعد شهرين ماشي. يزن في سره: ده بعينك.

وبعدين قال: آه آه طبعاً يا حبيبتي. ودلوقتي البسي يلا عشان ننزل نفطر. آرين وهيا بتبص على هدومها: منا لابسة أهو. يزن بحدة وغيره: نعم. لأ إنت مش هتنزلي كده. البسي فستان طويل يلا. آرين بضيق: بس. يزن بتحذير: آرين. آرين بخوف وهيا بتجري من قدامه: فوريره. ضحك عليها وطلع يستناها بره. ٠٠٠٠٠٠٠٠بشر: نفذ بعد يومين. ـ أمرك يا فندم. ٠٠٠٠٠٠علي الفطار. الكل مستني يزن ينزل. وبعدين دقائق سمعوا صوت جاي من على السلم. لم ينصدموا.

كانت آرين نازلة جنب يزن وكالعادة نازلة كلام وبتضحك ويزن بيسمعها بتركيز ويضحك على كلامها ووو. وغيره. وصلوا وقعدوا. وهنا بدأت مناقرتهم اللي اتعودوا عليها بقالهم أسبوع. آرين بمرح: براحة يا رعد إنت دخلت على أكل فهد. رعد بغيظ: وإنتي مالك يا باردة إنتي خليكي في حالك. آرين بمكر: إنت قد كلامك ده. نظر رعد نظرة سريعة ل يزن اللي كان بيبصله بتحذير وقال: لأ لأ براحتك يا قمر. أحيه لأ قصدي يا آرين.

نظر له يزن بغضب وغيرة وقام من على الكرسي وهو متجه ل رعد اللي قام يجري. رعد بخوف: أسف مش قصدي. مسكه يزن قبل ما يجري وضربة بالبوكس في وشه وسابه ورجع لمكانه بهدوء ولا كانه عمل حاجة. والعيلة كلها بتضحك. آرين بضحك جامد: هههههههه مش قادرة هههههه. أحسن فرحانة فيك ههههه. نظر لها يزن وقال ب إبتسامة: عجبك. أومات آرين بضحك وهيا بتبص على رعد بشماتة. قعد رعد مكانه وهو بيتألم: اااه يعضمك يا رعد منك لله يا أخي بوظت وشي.

يزن ببرود: عشان بعد كده تاخد بالك من كلامك كويس. رعد ببلاهة: أسفين يا وحش. فهد بضحك: ههههه يعني إنت محرمتش من أول مرة. لأ جاي تعيدها تاني. أيمن بخبث: الكل بقا عارف إنها ملكية خاصة بتخص الوحش وبس. كانت آرين بتشرب عصير وشرقت من الكسوف. نظر لها يزن بقلق وقالها: إنت كويسة. أومات آرين بحرج. كل ده وماري بتتابعهم بغيرة وغيظ وقالت جواها: قريب أوي هتطلع الجربوعة دي من البيت وب إيدك يا يزن قريب أوي.

يزن ببرود: طيب بما إن الكل موجود ف أنا عاوز أقولكم خبر. الكل انتبه ليه. أيمن بمكر: قول يا يزن. يزن بنفس النبرة: كتب كتابي على آرين بليل وبكره هعمل حفلة عشان أعلن خبر جوازي. نزل الخبر على الكل بصدمة ماعدا أيمن اللي ضحك بسعادة كبيرة وقال: ألف مبروك يا حبيبي. ماري بغضب وصوت عالي: نعم. إزاي ده إنت هتتجوز الجربوعة دي. قلم خماسي نزل على وشها من أبوها. أيمن بغضب: امشي اطلعي على فوق. ماري بدموع وبجاحة: لأ مش هطلع.

الكل عارف إني بحب يزن. مش هتيجي واحدة محدش عارف حتى هي بنت حلال ولا حرام وتاخده مني بالسهولة دي. يزن بصوت جهوري وغضب: مااااري. ولسا هيروح ناحيتها ذهب ناحيته ولاد عمه يحوشوه. فهم عارفين كويس يزن وقت غضبه مش بيفرق بين ست وراجل. أيمن بخوف على بنته: معلش يا يزن إنت عارف إنها متسرعة في الكلام بس ومش قصدها حاجة.

يزن بغضب وصوت عالي وقد نسي وجود آرين تماماً: قسمابالله لو غلطت تاني لأكون دافنك ومش هيهمني حد إلااا دييي فااهمه ولاا لا. وكلي عيش وامشي في جنب. أنا لو غضبي طالك وديني هدفنك عايشة فااااهمه. قال آخر جملة بصراخ انتفض له الجميع. لؤي بجدية: أهدي يا يزن خلاص. ونظر ل ماري وقالها: امشي اطلعي على فوق. كانت ماري تنظر إلى يزن بخوف شديد. ويزن بيبصلها بغضب وصوت تنفسه عالي جداً. بخفوت: يزن. جاء لاذنه صوتها الذي يدل على خوفها.

غمض عينه بغضب كبير وهو بيلعن نفسه على غبائه. إزاي نسي وجودها. التفت لها سريعاً وقد ألمه قلبه على تلك النظرة. نظرة خوف. لكنه لا يستطيع السيطرة على غضبه ويريد الآن بشدة قتلها. كيف تجرؤ أن تقول هذا. اللعنة أريد قتلها الآن. شهقت آرين بخوف منه فعيونه سوداء جداً وعروق رقبته بارزة بشدة. آرين بخوف وهيا بتقرب منه بحذر: يزن اهدي. يزن بغضب وتحذير: آرين ابعدي. وقفت آرين بخوف بس كملت تاني وهيا بتهديه: اهدي يا يزن محصلش حاجة.

غمض عينه بغضب كبير: آريييين. وقفت قدامه ومدت إيديها بهدوء ومشتها على جبينه تمسح عليه بحنان: هششش اهدي خلاص حصل خير. هيا مكنش قصدها. كان الكل بيتابع بصدمة كبيرة. فتح يزن عيونه بعد دقائق وقد عادت ل لونها الطبيعي. ابتسمت آرين وقالت: لون عيونك حلو أوي لما بتعصب. مش بتبقي حلوة، بتخوف أوي. يماااامي. ضحك بخفة على تعبيرات وشها. آرين بحماس: هتاخدني بقا مشوار زي ما وعدتني. يزن ب إبتسامة: حاضر. ولف للعائلة

ونظر ل ماري ببرود وقال: المرة الجاية مش هعديها. ومسك ايد آرين وطلع من القصر. رعد: هو اللي شوفته ده بجد. إزاي قدرت تهديه كده بالسهولة دي. مرفت ب ابتسامة: روح يا فهد جهز لترتيبات كتب كتاب أخوك. يلا كل واحد على شغله. ٠٠٠٠٠٠٠٠٠٠٠٠٠في الليل. ـ بارك الله لكما وبارك عليكما وجمع بينكم في خير. ميرفت بسعادة: لولولولولولولولي. وراحت في اتجاه آرين وحضنتها بسعادة: مبروك يا حبيبتي. آرين بتوتر: الله يبارك فيكي يا طنط.

مرفت بإعتراض: لأ طنط إيه بقا قولي يا ماما. آرين بخجل: حاضر يا ماما. كان يزن متابعها من أول كتب الكتاب. قام من مكانه وقال: فهد ورعد ولؤي الحفلة بكرة تحت إشرافكم مش عايز غلطة واحدة وابعت هات حرس زيادة للامان. ريفان بسخرية: وأنا هعمل إيه. يزن ببرود: اتفرج عليهم. ضحك الكل. نظر يزن ل آرين اللي كانت بتفرك في إيدها من التوتر. وراح مسك إيديها وشدها وراه طلع على السلم ودخل جناحه. آرين بتوتر وهيا شايفاه بيقرب منها: في إيه.

يزن بخبث: مبروك يا عروسة. آرين بخجل: الله يبارك فيك يا يزن. غمض عينه بتوهان وقال: قوليه تاني. آرين ب إستغراب: هو إيه. شدها يزن من إيدها لحضنه وحاوطها بتملك وقال: اسمي. قولي اسمي. آرين ببراءة وبرقة: يزن. هنا يزن فقد قدرة تحمله. هو صابر عليها من أول مشافها بس هي دلوقتي بقت مراته حلاله. لأ باس بقبلة بريئة ونزل لشفتيها يقب*لها بر*قة وتم*لك وحب. غمضت آرين عيونها بتوهان شديد وهيا حاسة قلبها هيطلع من مكانه من قوة نبضه.

ورفعت ايديها بدون وعي وحاوطت عنقه وهيا بتبادلة بشغف. رفعت ايدها وهيا بتغلغل إيدها في شعره الأسود الفحمي الطويل وهيا بتشده. بعد عنها بعد مدة وهو ياخد أنفاسه بصعوبة ونظر لها ويا ليته لم ينظر لها. شفتيها المنتفخة ووجهها الذي اصطبغ باللون الأحمر. كانت مغمضة عيونها بخجل شديد. مشي بإصبعه الابهام على عيونها وقال: افتحي عينك يا آرين. نفت براسها من شدة الكسوف. ضحك عليها وقال: افتحي عينك يلا يا آري.

فتحت عنيها ببطء ونظرت له بخجل. يزن بحنان: روحي خدي دش ونامي يلا بكرة يوم طويل. أومات ولسا هتطلع بره الجناح مسك إيدها بسرعة وقال: إيه ده راحة فين. آرين ببراءة: هروح أوضتي. يزن بهدوء: لأ إنت من يوم ورايح هتنامي معايا هنا. .آرين: بس. يزن بهدوء: يلا آرين أنا دلوقتي بقيت جوزك يعني المكان اللي أنا فيه إنتي هتكوني فيه تمام. أومات بإحراج. يزن بخبث: والله إنتي شكلك عايزة تتبا*سي تاني.

شهقت بخجل وجرت على الحمام ووراها ضحكات يزن الرجولية. بعد نصف ساعة. كان يزن نايم على السرير وهو حاطط إيده ورا راسه بيفكر بشرود. فاق على صوت آرين وهيا بتناديه بخجل. يزن بهدوء: في إيه يا آرين. آرين بخجل: مجبتش معايا هدوم. ابتسم بهدوء وراح ناحية دولابه وطلع منه قميص أسود ليه وقالها: خدي البسي ده دلوقتي. أخدته منه بسرعة وقفلت الباب. أما هو ف استغرب من تصرفاتها وضحك عليها وقال مجنونة. بعد دقائق خرجت.

نظر لها بتوهان وهيا لابسة قميصه. لعن تفكيره الغبي اللي دايما بيجي عليه. بلع ريقه بصعوبة وهو شايفها واقفة قدام المراية بتنشف شعرها. كل ده وآرين مخدتش بالها منه. لفت آرين وقالت: يزن أنا هنام ف... وسكتت بإحراج. يزن بمكر: إيه في إيه. آرين بخجل: إنت قاعد كده ليه. كده إزاي يعني. آرين: روح إلبس تيشرت. ـ لأ إنتي تتعودي على كده بقا أنا مش بعرف أنام غير كده. عضت على شفايفها بحرج.

نفخ يزن بنفاذ صبر وقال: حرام عليكي اللي بتعمليه فيا ده والله. نظرت له بإستغراب فأشار لها بالتقدم نحوه. ذهبت باتجاهه وشهقت فجأة بسبب إنه شدها ووقعت في حضنه. عدلها بخفة في حضنه وحاوطها بتملك وشد الغطا عليهم وقال: يلا نامي يا طفلتي. آرين بكسوف: يزن. يزن وهو حاسس إنه خلاص: أبوس إيدك نامي وإلا هقوم وأتهور. غمضت عينيها بخجل ودفنت وشها في عنقه من الخجل. ضحك عليها وباسها من راسها وشدد على أحضانها ونااام.

نبذة عن البارت الجاي. يزن بصراخ: آريييييين. كان الكل واقف بصدمة وهما شايفين آرين غرقانة في دمها في أحضان يزن.