رواية الطفلة و الصعيدي الفصل السابع 7 - بقلم ملك وائل

زين بغضب قام زاقق حنين في الحيطة بكل قوة، وقعت على الارض وراسها اتفتحت ونزفت دم كتير. زين واقف مكانه مصدوم وبيحاول يستوعب اللي عمله. زينب جريت على حنين: حنين! وكملت ببكاء: كله بسببي. لكن لا حياة لمن تنادي. زين شالها بسرعة وركبها العربية وراح على أقرب مستشفى. زين بغضب وصوت عالي: دكتور دكتور بسرعة! الممرضة جت جري وجابت ترولي وحطتها عليه والدكتور جه ودخل. بعد وقت كبير الدكتور طلع وزين كان على أعصابه. زين: طمني يا دكتور.

الدكتور: للأسف ما لحقناش الجنين لأنها نزفت كتير والجرح كان عميق ونقلنالها دم. زين بصدمة: جنين إيه يا دكتور؟ الدكتور: مش انت جوزها؟ زين: أيوه أيوه، طيب تخرج إمتى؟ الدكتور: أيوه تقدر تخرجها أول ما تفوق بس تهتموا بيها كويس. زين خرج بره المستشفى وركب العربية بكل غضب وساق العربية بسرعة جداً وراح في مكان مقطوع يحاول يفرغ الغضب اللي فيه. زين نزل من العربية ووقف في نص الطريق.

زين: آه يا بنت الـ*** أنا كنت ممكن أرحمك بس صدقيني لتعيشي في جحيم أبدي، ماهو مش أنا زين الصاوي تعملي معايا كده؟ زين عمال يخبط برجله في العربية وبيكلم نفسه وبيطلع كل غضبه. زين راح المستشفى وقال بعصبية: لأ منا مش هسكت. زين دخل أوضة حنين: يلا يا هانم. حنين حاولت تقوم مكانتش قادرة. راح زين شالها وحنين شافت الشر اللي في عين زين ليها. حنين ببراءة وتعب: في إيه؟ زين مردش عليها ومشى بيها وركبها العربية وراح الفيلا.

أول ما دخلوا الفيلا. زين بغضب: كنتي حامل من مين؟ انطقي! حنين: أنت حصلك حاجة؟ أنت واخد بالك بتقول إيه؟ زين: لأ محصليش حاجة. وكمل كلامه بزعيق: كنتي حامل من مين؟ انطقي! حنين دموعها نزلت غصب عنها من كلام زين: أنا مش حامل من حد. زين: لأ والله، طيب والدكتور كان بيكذب مثلاً؟ وإنتي عاملة فيها خضرة الشريفة؟ اغربي من وشي عشان لو مسكتك هقتلك. حنين وهي الدموع مغرقة عينيها: وأنا قلت أهو أنا مكنتش حامل من حد، ووديني تاني لدكتور.

زين: مش موديك... ولسه هيكمل كلامه تليفونه رن. زين: الو. الدكتور: _زين: إزاي أنا خدتها؟ الدكتور: _زين: في حاجة غلط، هي قدامي حالا. الدكتور: _زين: تمام، هاجيبها وأجي. زين قفل المكالمة بسرعة وأخد حنين مسكها وهو لحد دلوقتي مش مستوعب وراح بسرعة على المستشفى. زين: فين هي يا دكتور؟ الدكتور: الأوضة أهيه. وكمل كلامه بصدمة أول ما شاف حنين: إزاي؟ زين أخد حنين ودخل بسرعة الأوضة. حنين بصدمة: إزاي؟ أنتِ؟ أنا؟ وإنتي؟ إنتي وإيه؟

يتبع