رواية التقاء القلوب الفصل العاشر 10 - بقلم حليمة عدادي

بيجاد: إنت مين؟ شالت الغطاء من على وشها ومسحت دموعه. غزال: ششش اهدى، دي أنا غزال. رجعت علشان آخدك، إنت فاكر إني ممكن أسيبك؟ قربت منه وحضنته والدموع في عينيها. بيجاد: أنا كنت خايف إنك ما ترجعيش، إنتي وملاك. غزال: أنا أهو رجعت، لكن يا بيجاد أنا هعمل خطة علشان أبقى هنا. بيجاد بسعادة: المهم إنك تفضلي معايا. أومال فين ملاك؟ غزال: ملاك سبتها في مكان آمن. انزل دلوقتي ونادي على دادة زينة ومن غير ما حد يعرف.

بيجاد: بس أوعي تمشي، هزعل منك. غزال: مش همشي من هنا، يلا روح بسرعة. بيجاد نزل جري. دخل المطبخ كانت زينة واقفة بتحضر الأكل. بيجاد بهمس: دادة، غزال فوق عايزة تشوفك. زينة: إنت بتتكلم جد يا ابني؟ بيجاد: أيوه بتكلم جد، يلا تعالي بسرعة. زينة: روح دلوقتي وأنا هعملك أكل وجاية وراك. *** رحمة: ليه كذبت عليا يا سيف؟ سيف: ما كنتش عايزك تزعلي، مش عايز أشوف الحزن في عينيك، أنا آسف.

رحمة: رجع أمل الأول وبعدها نتكلم، دول مش بشر، ممكن يأذوها. سيف: أنا هروح الملجأ اللي كانت قاعدة فيه، يمكن أقدر أوصل لحاجة. رحمة: إن شاء الله تقدر توصل لحاجة، البنت اتعذبت كتير في حياتها. سيف بتوعد: بس ألاقيهم ومش هسيبهم يشوفوا الشمس. خرج سيف، ركب عربيته واتحرك في طريقه. وصل للملجأ، دخل مكتب المديرة. سيف: السلام عليكم، أنا سيف سلمان. المديرة: وعليكم السلام، أقدر أساعد حضرتك في حاجة؟

سيف: في بنت كانت موجودة هنا اسمها أمل من سنة تقريباً، في عيلة جت وأخذتها. المديرة: في ملفات كتير، أنا هراجعهم وأبلغك. سيف: تقدري تشوفيهم دلوقتي؟ المديرة: بالليل إن شاء الله هشوف الملفات وهبلغك، تقدر تسيب رقمك. سيف: متشكر. مسك ورقة وكتب رقم تلفونه وأعطاه للمديرة. سيف: أنا مستني اتصال من حضرتك. خرج من مكتب المديرة كان حاسس إنه تايه، مش عارف يعمل إيه، كان حاسس بالعجز. ***

غزال: بصي يادادة، إنتي هتدخليني هنا على أساس إني الشغالة الجديدة. زينة: إزاي يا بنتي، أكيد هيعرفوكي أول ما تدخلي. غزال: لا يادادة، أنا هغير شكلي. زينة: يا بنتي كدا في خطر عليكي، ممكن يعرفوكي. غزال: أنا هشيل الطرحة وربنا يسامحني، وشعري هيكون قصير وهحط ميك اب وكدا هغير من شكلي كتير. زينة: تمام يا بنتي، أنا هعمل اللي إنتي عايزاه وربنا يستر. غزال: بيجاد حبيبي، بص إنت متقولش حاجة، وماتتكلمش معايا خالص، مفهوم؟

بيجاد بتذمر: طب أنا هلعب وأتكلم مع مين؟ غزال: لما أجي لأوضتك نبقى نتكلم، ماشي؟ أنا رايحة دلوقتي. زينة: خذي الفلوس دي خليها معاكي علشان تشتري أي حاجة ناقصاكي. غزال: معايا يادادة، خلي بالك على بيجاد، لما أوصل هرن عليكي وإنتي تطلعي وتدخليني. *** فتحت عينيها جت علشان تتحرك، حست إن جسمها كله متكسر. حاولت تقف على رجليها. أمل بتعب: ميه، عايزة ميه. الباب اتفتح، دخل سعد وهو مبتسم تلك الإبتسامة الشيطانية.

سعد: أتمنى تكون ضيافتنا عجبتك يا أمولة. أمل: هيجي يوم وهدفنك مطرح ما إنت واقف يا كلب. سعد: جايبة كل الثقة دي منين؟ هههه، بعد ما خذتي بنتي أنا اللي هد*فنك هنا. أمل: إنت أصلاً مش راجل، فاكر نفسك راجل وإنت بتضربني تبقى غلطان. سعد: ما عنديش مشكلة، أقدر أثبتلك لو كنت راجل ولا لا. سعد قرب منها أكتر. تحاملت عن نفسها وض*ربته بقوة. وقع على الأرض. أمل جريت لبرا. سعد: يا بنت الـ***، امسكوه يا حرااااااس.

دخلت أمل المطبخ، مسكت السكينة. أمل: لو قربت مني أنا هقت*لك. سعد بسخرية: شيلي البتاعة دي من إيدك لتعورك ياقطة، تعالي. قرب منها ببطء. أمل خدت نفس تشجع نفسها وض*ربته بالسك*ينة بقوة. أمل: قلتلك ماتقربش مني يا وا*طي. سعد وقع على الأرض وهو غرقان بد*مه. *** دخلت غزال القصر بمساعدة زينة. غيرت من شكلها كتير لدرجة إن ما فيش حد اتعرف عليها. غزال: بيجاد مش ظاهر يادادة، هو فين؟ زينة: بيجاد بأوضته، ما طلعش منها.

غزال بقلق: لا يادادة، في حاجة غلط. خرجت من المطبخ، طلعت لأوضة بيجاد. فتحت الباب بقوة واتصدمت من منظر بيجاد.