رواية التقاء القلوب الفصل الثاني والعشرون 22 - بقلم حليمة عدادي

أمل خرجت تجري تدور على ملاك في كل مكان. أمل بإنهيار: بنتي راحت فين؟ هي كانت معاكي ياماما. رحمة: أنا كنت معاها، حطيتها هنا وقمت علشان أجيب لها الرضعة بتاعتها، رجعت مالقيتهاش. سيف: ماحدش يقدر يدخل أوضة ماما، دوري كويس، هي بتزحف على بطنها، ممكن تكون في مكان هنا ولا هنا. أمل ببكاء: دور ياسيف، أنا خايفة. سيف: اهدي يا أمل، هي أكيد موجودة في مكان هنا. فجأة سمعوا صوت بكاء ملاك. سيف: ششش اسكتوا علشان نعرف نحدد مكانها فين.

زاد بكاء ملاك، جريوا لمكان الصوت. سيف وطى تحت السرير شافها بتبكي. سحبها سيف: يابت ياشقية، مستخبية هنا وإحنا بندور عليكي وهنموت من الخوف. أمل بدموع: الحمدلله يارب، هاتها ياسيف. خذتها في حضنها وهي مش مصدقة إنها بخير، قلبها كان هيطلع من محله من كتر الخوف عليها. سيف: اهدي خلاص، ملاك بنت شقية، هههه لازم تتعاقب. سيف خذها من أمل وقعد، وأمل قعدت جنبه. رحمة: سامحيني يابنتي، مكنتش عارفة إنها هتعمل كدا وتخوفنا عليها.

أمل: ياماما الغلط مش عليكي، هي اللي دخلت تحت السرير. سيف: هههه الأيام دي خلوا بالكم، ملاكي هتختفي كتير. *** في صباح اليوم التالي، في فيلا بيجاد، على الفطار. خالد: النهاردة هتروح الشركة، عندنا إجتماع. بيجاد: أيوه، وكمان في كام حاجة لازم أعملها، وفي أوراق مهمة لازم أطلع عليها. خالد: ربنا معاك يابني، خلي بالك كويس الأيام دي. بيجاد: حاضر يابابا، يلا أنا رايح، تعالي معايا ياغزال، عايزك في حاجة قبل ماروح.

خرج بيجاد، وغزال خرجت وراه. وقف في الجنينة. بيجاد: غمضي عينيك، عندي لك حاجة حلوة. غزال بفرحة: بجد؟ هاتها بسرعة، عايز أشوف الحاجة الحلوة. بيجاد: غمضي عينيك بس دقيقة، يلا. غزال غمضت عينيها. بيجاد طلع من جيبه علبة قطيفة، فتحها. بيجاد: إفتحي عينيك. غزال فتحت عينيها وشافت جوا العلبه سلسة رقيقة عليها تعليقة على شكل فراشة مكتوب عليها اسمها. غزال بدموع الفرحة: الله، دي جميلة أوي يابيجاد.

بيجاد: علشان إنتي جميلة، تستحقي كل حاجة جميلة ياقلب بيجاد. غزال: أنا بحبك أوي يابيجاد، لا أنا بعشقك يا أجمل سند ليا. بيجاد: قربي علشان ألبسهالك، علشان تبقى أحلى، إنتي اللي بتحلي كل حاجة. لفت غزال، لبسها السلسلة. غزال: جميلة أوي يابيجاد، بجد فرحتني، ربنا مايحرمنيش منك. قرب منها، باس راسها بحنان. بيجاد: ادعي لي ياقلبي، أنا ماشي، ممكن أتأخر شوية. غزال: ربنا معاك ياقلبي، ماتنساش تجيب لي معاك الشوكولاتة اللي بحبها.

بيجاد بحب: من عينيا ياحبيبتي. *** خالد: بيجاد بيدور ورا موضوع قتل والدته. مايا: لازم تمنعه إنه يوصل لحاجة. خالد: بيجاد مش هيقف، وأنا مش هقدر أمنعه. مايا: السر اللي مستخبي طول السنين دي، بيجاد هيعرفه لو ماعملتش حاجة. خالد: المشكلة لو راح للبوليس، هتكون ورطة. مايا: خالد فكر في حل، بسبب سكوتك دا هتحصل مشاكل. خالد: أنا هتكلم معاه، هحاول أطلع الموضوع دا من دماغه. مايا: ياحبيبي دا لمصلحتنا، إنت فاهمني.

خالد: إطمني، أنا هعمل كل جهدي علشان بيجاد مايعرفش حاجة. مايا: لازم تروح للشركة علشان تعرف هو ناوي على إيه، وتحاول إنك تمنعه. خالد: تمام، أنا رايح دلوقتي، وإنتي خلي عينيك على زينة، لتقول حاجة. *** وصل بيجاد قدام الشركة. نزل من العربية، لقى سيف واقف مستنيه. بيجاد: السلام عليكم، معلش إتأخرت عليك. سيف: وعليكم السلام، من بدري وأنا مستنيك. بيجاد: تعالى ندخل، عندنا إجتماع مهم.

بيجاد لف علشان يدخل، وقبل مايتحرك من مكانه، رصاصة استقرت في جسمه. بيجاد: ااااه. صرخ ووقع على الأرض يلتقط أنفاسه. سيف بخوف: بيجاد، بيجاد رد عليا. اتصلوا بالإسعاف.