رواية التقيتك صدفه فأصبحت الصدفة حياه الفصل الثاني 2 - بقلم دبنا محمد

نسيب بعض!!!! انت بتقول أي؟ = اللي سمعتيه. أنا مش قادر أكمل معاكي أكتر من كده. = سلام. قفل وسط دهشتي وكسرة قلبي. أنا عملت له إيه عشان يعمل معايا كده؟ أنا حبيته، دا أنا كنت بسعده على حساب نفسي. يزعلني وأنا اللي كنت أروح أصالحه، كنت بنام بعيطة بسببه وهو ولا في دماغه.

عدت فترة وأنا في أوضتي مش بخرج ولا بكلم حد ولا بروح الجامعة ولا أي حاجة. وكمان وصلني أخبار من ناس قريبة مني إنه قايل للعيلة كلها إني أنا اللي بحاول أكلمه وهو مش موافق، وإني مش سايباه في حاله وإنه مش هو اللي كلمني. كل يوم بتصدم فيه أكتر، وخصوصًا إنه عاش حياته عادي ومفكرش فيا ولا في مشاعري. بس قررت إني أعيش حياتي زيه ومش هفكر فيه وهبقى أقوى من كده. _صباح الخير يا ماما. = صباح النور يا حبيبتي. خرجتي أخيرًا من أوضتك.

_أيوا، قولت أخرج أقعد معاكي بدل ما أنا لوحدي كده. = طيب كويس. أصلًا مرات عمك جاية هي وعمك وبيقولوا عاوزينا في موضوع. _خير، في إيه؟ = معرفش والله. قالوا لما نيجي هتعرفوا. _تمام. هما جايين ليه؟ وإيه السبب اللي مش هينفع يتقال في الموبايل؟ بعد شوية جم وقعدوا معانا شوية. عمي = إحنا كنا جايين عشان نفرحكوا معانا. ماما = خير يا جماعة. = أدهم هيخطب خلاص. _إيه؟ عمي = في حاجة يا بنتي؟ _هااا، لا يا عمي مفيش حاجة. ألف مبروك.

= هيخطب جيهان بنت صاحبي. ما أنتِ عارفنها. أنا لحد كده ومقدرتش أكمل. سمع ودخلت أوضتي. جيهان؟ هيخطب جيهان؟ ما هي كانت قدامه من وإحنا صغيرين. أومال كلمني ليه؟ كان بيكسر قلبي ليه؟ محستش بنفسي غير تاني يوم في المستشفى. _أنا فين؟ = إيه يا حبيبتي؟ خضتيني عليكي. إيه اللي حصل؟ _مش فاكرة حاجة. = إنتي كويسة دلوقتي. _الحمد لله.

خرجت من المستشفى وبعدها عرفت إنهم هيروحوا يجيبوا الشبكة ومش هياخدوا حد غير عندهم في البيت. قولت الحمد لله، أنا مش عاوزة أروح ولا أشوفهم. نزلت الجامعة ورجعت البيت لقيتهم هناك وبيقولولي يلا هيتجي معانا. حاولت أرفض كتير بس مفيش فايدة. روحت معاهم وفضلت أتفرج عليهم وهما بيختاروا الدهب وكل حاجة سوا. قعدت في جنب لوحدي لحد ما خلصوا ومشينا. وبعدها روحنا. فضلت أعيط لحد ما نمت. تاني يوم من بدري لقيت ماما بتصحيني.

_خير يا ماما، في إيه؟ = يلا هنروح عند عمك. _ليه يا ماما؟ = يا بنتي، النهارده خطوبة أدهم. قومي يلا بقي. _روحنا وكان بيتعمد يستفزني ويتكلم كتير عليها قدامي ويكلمها كل شوية. ولبسنا ومشينا. روحنا مكان الخطوبة ولبسوا الدبل ومبسوطين. وإحنا قاعدين لقيت قرايبنا بيتكلموا وهنا عرفت المفاجأة...