رواية اليتيمة الفصل الأول 1 - بقلم آية مصطفى

بسمه كانت بتدعي ربنا أنه يعوضها خير ويعينها على اللي هي فيه. وبعد ما خلصت، لبست عشان تروح جامعتها (بالمناسبة هي في كلية الصيدلة) نزلت على السلم ولقيتهم متجمعين. بسمه: صباح الخير. عمها: صباح النور، تعالي كلي. بسمه قعدت تحت نظرات مرات عمها وبنت عمها. هاله: أنا رايحة الجامعة يا مامي، عايزة حاجة؟ (هي في كلية الصيدلة برضو) الأب: طب وأنا مافيش حاجة؟ هاله: لأ طبعاً يا بابي، دا انت الخير كله. ايديك بقا على ١٠٠٠ جنيه.

الأب: هو أنا مش لسه مديكي امبارح؟ سوزان: ومالو، اديها تاني. الأب: طيب طيب، خديه. هاله: سلام بقا. بسمه قاعدة ونفسها يديها حتى ربعهم ومكسوفة تقوله. وعشان مرات عمها هتفضل تتكلم بكلام يجرحها، فسكتت وقامت سلمت على عمها ومشيت. وصلت للجامعة قابلتها صحبتها روح. روح: حببتي حببتي، ازيك؟ بسمه: الحمد لله، انتي الي عاملة ايه؟ روح: الحمد لله بخير. تعالي نقعد شوية مع بعض قبل أما المحاضرات تبتدي. على الجانب الآخر.

رقيه: يا بني متشتغل هنا وخلاص، وربنا سبحانه وتعالى هيرزقك. محمد: يا امي، جايلي فرصة شغل حلوة اضيعها من ايدي. الأب: ما تسيبي الولد يختار اللي عايزه. رقيه: خلاص، تقعد عند عمك وتخلي بالك من نفسك. محمد: بإذن الله حاضر يا امي، بس انا مش صغير. رقيه: أيوا بس في عيني لسه صغير. باس دماغها وقالها: ربنا ما يحرمني منك. وراح لابوه وباس دماغه. محمد: ولا منك يا أبي. الأب: حقاني يا ولد وبتعدل.

الأم رقيه: أيوا تربيتي، بس المفروض أنا تلاته مش واحده ولا إيه؟ الأب عبد الحميد: ليه بقا؟ رقيه: عشان النبي صلى الله عليه وسلم قال: أمك ثم أمك ثم أمك ثم أبوك. يعني تطبقها بقا بالعدل يا استاذ محمد انت وابوك. عبد الحميد: طيب يا ستي. و راح يبوسها على راسها. رقيه: انت بتعمل ايه؟ مش انت هو هو ابنك؟ عبد الحميد: بقا كدا، طيب سلام عليكم. رقيه: ايه زعلت؟ انا بضحك معاك.

عبد الحميد: يا سلام، ماشي ياستي مقبولة. يا محمد، انت هتتوكل على الله امتى؟ محمد: إن شاء الله بكرة، أو اسافر بالليل وخلاص. رقيه: ايه!؟ لا طبعاً ما فيش سفر بالليل. محمد: ما تخافيش يا امي. عبد الحميد: بص يا بني، سافر إن شاء الله بكرة أحسن، واهو تكون أمك الله يكرمها اديت لعمك خبر. محمد: بإذن الله حاضر، عن اذنكم. نرجع تاني لروح وبسمه. روح: ها الحمد لله، كدا المحاضرات خلصت. ايه رأيك نروح ناكل؟ بسمه: لأ لأ، هروح.

روح: مالك يا بنتي؟ دا أحسن ليكي، حتى متشوفيش مرات عمك دي على الغدا. تعالي تعالي. وقفوا عند المطعم. بسمه مش معاها اساسا فلوس غير فلوس المواصلات بس ومكسوفة تقول. روح جت تتدخل، بسمه منعته. بسمه: معلش يا روح، لازم أمشي. روح: يا بنتي عشر دقايق بس، تعالي انا عازماكي. بسمه: لأ ش.. ولسه هتكمل، روح شدتها ودخلتها. وهما قاعدين، بسمه قالت لروح. بسمه: روح، تيجي نسأل لو عندهم شغل ليا يعني؟ روح: ليه عايزة تشتغلي؟ بسمه: أيوا.

روح: يعني عمك عنده شركة قد كدا وتشتغلي؟ بسمه: اعمل ايه، نصيبي الحمد لله. المهم انا هسأل مع اني مكسوفة. روح: يعني عايزة تتأكدي بس عشان الجامعة و... يعني. بسمه: خليها على الله. لو سمحت، ممكن توديني لمدير المطعم؟ عامل: يا فندم حصل حاجة؟ بسمه: لأ ابدا، كنت محتاجة شغل. عامل: طيب تعال. بسمه: تعالي معايا يا روح. ودخلوا للمدير.