رواية اليتيمة الفصل الرابع عشر 14 - بقلم آية مصطفى

سوزان: هي هالة مش من سنك، يبقى إزاي لسه ليكي سنتين؟ بَسَنت: ما أنا بالفعل لسه ليا سنتين واتخرجت، ما هي هالة معايا. سوزان: لأ، المفروض دي آخر سنة ليها، دي جايبة ٩٨ في المية. بَسَنت: هااا، أمال إزاي بتحضر معايا؟ يمكن عليها مادة بقا. إيناس: طيب يا جماعة، عايزين بقا نتفق بقا على ميعاد للخطوبة. بسمة: أنا مش عايزة أعمل خطوبة، خاتم وخلاص. سوزان: فقرية طول عمرك يا حبيبتي. (تهمس) تلاقيِك عايزة ٣ خواتم على الأقل.

إيناس: لأ يا بسمة، مش قيمتك يا حبيبتي ولا قيمتنا، أنا عايزة أعمل خطوبة يتحاكى بها، أمال ده ابني وحبيبي. كريم: أيوا طبعاً، خصوصاً إني عايز أعزم صحابي، ودول من عائلات غنية ليها مركز في البلد. بسمة: اللي تشوفوه. أحمد: طيب يا جماعة، إيه رأيكم الخميس اللي بعد بكرة إن شاء الله؟ كريم: ما فيش مانع. بَسَنت: مبارك يا بسمة، ربنا يتمم لك على خير. (شوية ومشوا وطلعت بسمة) (كلمت روح)

بسمة: السلام عليكم ورحمة الله وبركاته، ازيك يا روح؟ روح: وعليكم السلام ورحمة الله وبركاته، حبيبتي أنا الحمد لله، انتي عاملة إيه؟ بسمة: الحمد لله، حبيت أعرفك خطوبتي إن شاء الله بعد بكرة. روح: حبيبتي يا بسمة، مبارك 🌹 ربنا يتمم لك خير. أبقى أجيلك بكرة إن شاء الله. بسمة: تنوري يا روحي، يلا في حفظ الله. (فتحت المصحف وفضلت تقرأ قرآن)

بسمة: يارب مش عارفة أعمل إيه، حاسة إني مش عندي طاقة لحاجة، ياريت لو كانوا معايا ماما وبابا ويشاركوني اللحظة دي. (عيطت) هالة وصلت البيت. أحمد: خطوبة بسمة يوم الخميس إن شاء الله. هالة: وأنا أعمل إيه؟ أحمد: بعرفك عشان تبقي موجودة طبعاً على أساس بنت عمها. هالة: طيب، ماشيين. (نزلت بسمة تقعد في الجنينة، المكان المفضل بالنسبة لها، افتكرت وهي صغيرة أما كانت ماماتها ماسكة بأيدها وبيسقوا الزرع والورد) (باباها جه)

أبو بسمة: السلام عليكم ورحمة الله وبركاته. بسمة: وعليكم السلام ورحمة الله وبركاته. (بيسقي الورد) سبحان الله. (راح حضنهم) ربنا يبارك لي فيكم ويحفظكم. (وأعطى لبسمة شيكولاتة وباسها) بسمة: شكراً يا بابا، ربنا يحفظك. (عيطت لما افتكرت وفضلت تتأمل الورد) (محمد كان لسه راجع من شغله وسمعها بتعيط) محمد: السلام عليكم، في حد في الجنينة؟ بسمة: احم، وعليكم السلام، دا أنا. محمد: مالك، في حاجة؟ بسمة: (مسحت دموعها)

الحمد لله، ما فيش حاجة. محمد: حد زعلك؟ مرات عمك ضايقتك؟ بسمة: لأ، بس افتكرت ماما وبابا. محمد: الله يرحمهم ويسكنهم الفردوس، أكيد هما في مكان أحسن دلوقتي. بسمة: يارب. صحيح، هو عمتي قالت لك على خطوبتي صح؟ محمد: إيه!؟ خطوبة؟ لأ، محدش جاب لي سيرة. بسمة: بجد؟ افتكرتها هتقول لك، على العموم هي الخميس الجاي إن شاء الله. محمد: مبارك، طب دي حاجة تفرحك المفروض يعني؟ ولا عشان كان نفسك يبقوا معاك؟ (بسمة دمعت تاني)

محمد: أنا آسف، ربنا يرحمهم واحنا معاكي أهو، أمي أكيد هتيجي وكلنا معاكي، متعيطيش بقا. خدي خدي المناديل دي، باينها من نصيبك لسه شاريها ☺️😅😅. بسمة: شكراً، متخفيش، مش هاخد غير واحد. محمد: أنا كريم على فكرة، خديها. (أديته المناديل بعد أما خدت واحد) (تسريع الأحداث) سوزان: بقولك إيه، عايزكي تلبسي فستان كويس عشان متكسفيناش قدام الناس الأكابر، فاهمة؟ بسمة: إن شاء الله. سوزان: هتروحي معاها يا هالة؟ هالة: وأنا مالي، هي صغيرة.

سوزان: مش القصد بس عشان إنتي عارفة محلات كويسة وبتخرجي، لكن هي لأ ومش هتعرف تشتري أكيد. هالة: ماشي، أنا هشتري النهارده لو عايزة تيجي معايا وربنا يعين. بسمة: لأ، متتعبيش نفسك، أنا عندي. سوزان: عندك فين؟ بقولك إيه، متكسفيناش، عمك هيديكي مع إنه هيكلف نفسه، بس يلا مش مشكلة. (روح جيت قعدت معاها وبسمة حكت لها اللي حصل)

روح: بقولك إيه، أنا اللي هروح معاك وتشتري أحلى حاجة واللي على مزاجك، معلش هي الست سوزان كدا، ربنا يهديها. تجنبيها، ويابنتي متخليهم يزعلوكي كدا، ردي عليهم. بسمة: متعلمتش كدا، وبعدين دي كبيرة عني وأنا عمري ما هرفع صوتي على عمي أو مراته. روح: عمك يا شيخة، دا بيستخسر فيكِ مصاريف الكلية، ومراته دي مزعلاكي طول الوقت، ولا بنته؟ بسمة: ربنا يهديهم.

روح: طيب على الأقل هالة ردي عليها وبالأدب بردو، متخليقيش ضعيفة كدا، كله هيجي عليكِ. بسمة: مش حكاية ضعف، بس عادي بقا بالنسبة ليا، يمكن ببقى ضعيفة عشان عشان... (وعيطت) روح: (حضنتها) حبيبتي، انتي أجمل البنات، وأنتي مش ضعيفة. بسمة: أنا اتعلمت إن من عفا وأصلح فأجره على الله. روح: ونعم بالله، يلا عشان أروح معاكي، قومي البسي يا قمر.