رواية اليتيمة الفصل الثاني عشر 12 - بقلم آية مصطفى

فادي: بقا عايزه تتدبسيني؟ هاله: إيه؟ أدبس في إيه يعني؟ فادي: أنتِ رسبتِ في الامتحانات يعني هتعدي السنة من تاني وبتقوليلي نجحت عشان أخطبك؟ هاله: لأ طبعاً، أنا نجحت. مين اللي قالك الكلام ده؟ وبعدين هو أنت مش ناوي تخطبني فعلاً ولا إيه؟ فادي: أه، بس مش تضحكي عليا. هاله: وأنا ضحكت عليك في إيه؟ فادي: أنتِ بتنسي؟ ما أنتِ مفهماني إنك نجحتي. هاله: ليه هو أنت فاهم غير كده؟ جبت الكلام ده منين؟ فادي: عرفت من واحد صاحبي.

هاله: طب أنت فين؟ فادي: داخل على الجامعة أهو في طريقها. هاله: أنا جايا. *** سوزان: أنتِ يا… نظفي الفيلا كويس. في ناس جايا ليا النهارده وقولي للي فوق دي تنزل عشان تعمل معاكي حاجة بدل قاعدتها دي. طلعت المساعدة لبسمة. وخبطت على الباب. بسمة فتحت: السلام عليكم ورحمة الله وبركاته. المدام بتقولك انزلي نظفي معايا الفيلا عشان في ناس جايا النهارده إن شاء الله. بسمة: وعليكم السلام ورحمة الله وبركاته. طيب، حاضر.

سوزان: ها، قولتي لها؟ الدادة: أيوا، نازلة. نزلت بسمة وساعدت الدادة وطبخت معاها. *** روح كانت بتقدم للكلية لبنت خالتها ورده في كلية التربية. وشافت هالة ماشية مع فادي وهي خارجة من الجامعة. روح: بقولك يا ورده، ما تيجي ناكل حاجة سوا كده. يعني كأنها نزهة كده. ورده: امم، نزهة وماله، تعالي. وراحوا للمطعم اللي كانت فيه هالة. روح: معقولة!؟ البنت دي غريبة. ياترى من دول اللي قاعدة معاهم؟ ورده: هي مين دي يا روح؟

روح: بنت عم بسمة صحبتي. يلا، الله يهديها. مش عايزة أتكلم على حد. روح: أنا عزماني على إيه بقى؟ ورده: مين؟ أنا!؟ روح: هو في غيري؟ ورده: بت مش أنتِ اللي قايلالي تعالي نأكل؟ روح: صح، بس مش قلتلك أنا اللي هدفع؟ ورده: ولا أنا قلت. ياختي. روح: امم، صح بردو. طب خلاص، أنا هعزمك على الله يطمر. ورده: 😟 روح: بهزر يا جميل. إيه، بتهزريش؟ ورده: حيث كده بقى، أنا عايزة أ… ولسه هتكمل قطعتها روح.

روح: متعبيش نفسك، هي طعمية وفول. ما تحلميش بأكتر من كده. ورده: يا ستي ر 😂😂😂. طيب يا أختي، أي حاجة المهم نخلص. ما كانتش عزومة دي. كلوا مع بعض وشوية وروحوا. *** في الفيلا كان صحاب المدام سوزي 🤭 وصلوا. سوزان: إيناس، شكيرة. إيناس: أهلا يا سوزي. عاملة إيه؟ سميرة: أيوا، عاملة لنا إيه؟ إيناس: 😂😂😂 لأ، أنا كنت أقصد عاملة إيه الصحة. سوزي: طب تعالوا. بسمة: أنتِ يا بتبسمة. كانت في المطبخ ومش سامعة. راحت لها بعد ما قعدتهم.

بسمة: أنتِ يا هانم إيه؟ مش بنادي عليكِ؟ سوزان: بصوا، الاتنين مسمعناش يا مدام. سوزان: خلصوا يلا، جهزوا الأكل على السفرة. جهزوا الأكل وحطوه على السفرة. الدادة: لو عايزة تطلعي يا بسمة، اطلعي. وأنا هشيل أنا. بسمة: لأ، عادي. هستنى أما يخلصوا أساعدك. خلصوا وساعدتها بسمة. وطلعت على فوق. رنت على روح. بسمة: السلام عليكم. إزيك يا قمر؟ روح: وعليكم السلام ورحمة الله وبركاته 😍. الحمد لله يا حبيبي، وحشاني.

بسمة: أنتِ أكتر. مش بتيجي ليا ليه؟ روح: ما أنتِ عارفة، ماما بتقلق عليا. وكمان الست سوزان مش هتسبني في حالي. تعالي ليا أنتِ. دا ماما بتحوش لكِ في ورق عنب و… واسمه إيه ده… بسمة: مين اللي اسمه إيه ده؟ وبعدين اسمها بتحوش هي جمعية يا بنتي؟ 🤭😂😂😂 روح: يا بت، هي عارفة إنك بتحبي محشي ورق العنب فبتخزنه. أيوا، بتخزنه هي دي. بسمة: صح يا ختي 😂😂. ربنا يبارك فيها ويحفظها وما يحرمني منها يارب. سلميلي عليها.

روح: اللهم آمين. الله يسلمك. روح: صحيح، هو أنتِ مش كنتِ بتقولي إن هالة نجحت؟ بسمة: أيوا. روح: إزاي بقى؟ دا واضح إنها هتعيد السنة. بسمة: إيه؟ مين اللي قال كده؟ روح: أنا، أنا سمعت بوداني دول. بسمة: اممم. روح: أنا كنت قاعدة في أمانة الله. وبعدين ببص لقيت هالة ومعاها حد. لأ، حدين معلش. بسمة: حدين؟ تقصدي يعني واحد واحد؟ روح: اهااا. المهم سمعت يعني حد بيقولها من الحدين دول. واخده بالك أنتِ؟

بسمة: أه يا أختي، واخداه. كملي 😅. روح: سمعته بيقولها: أنتِ كده شايلة السنة. بسمة: لا حول ولا قوة إلا بالله. ربنا يسترها. دا بتقول جايبة ٩٨ في المية. روح: معرفش. دا اللي سمعته. بسمة: اممم، ماشي. ربنا يستر. هو أنتِ كنتِ فين وقته؟ روح: مع بنت خالتي بقدم معاها للكلية. وروحت للمطعم وكانت هالة هناك. بسمة: اممم. أه، ربنا يوفقها يارب. هي معانا إن شاء الله.

روح: لأ، دي إن شاء الله في كلية التربية. ربنا يوفقها. عايزة أشوفك. ابقي تعالي. بسمة: إن شاء الله يا روحي. وهنا دخلت سوزان لبسمة. اتخضت بسمة. سوزان: إيه مالك؟ شوفتي عفريت؟ وبعدين دي تاني مرة بنادي عليكِ ومش بتردي. إيه؟ في إيه؟ بسمة: مسمعتش حضرتِك. سوزان: إيه؟ مسمعتيش؟ دا ناقص أسمع الجيران. يلااا انزلي اعملي تالت فنجان قهوة يلا. بسمة: حاضر. بس ما الدادة تحت، ممكن تعمل هي؟ سوزان: أنتِ لسه هترغي؟ قومي يلا.

بسمة: طب معلش يا روح، إن شاء الله أكلمك بعدين. سوزان: روح!؟ أه. خلصي يلااا وبسرعة. نزلت بسمة وعملت القهوة. إيناس: حلوة القهوة دي. شكيرة: اممم. هو ابنك دي آخر سنة له صح يا إيناس؟ إيناس: أه يا حبيبتي. عندك عروسة له؟ سوزان: إيه؟ عايزة تجوزيه ولا إيه؟ إيناس: يعني آخر سنة بقى يدوب. شكيرة: للأسف معرفش. هي هالة بنتك يا سوزي؟ مش دي آخر سنة ليها بردوه؟ سوزان: أه يا حبيبتي. شكيرة بصت لإيناس ففهمت إيناس.

إيناس: اممم. بس أنا عايزها صغيرة. سوزان: ليه؟ هي هالة كبيرة ولا إيه؟ دي قمر. إيناس: ١٤. إيناس: طبعاً يا حبيبتي. بس هي من سنة. أقصد يعني. فتكون صغيرة على الأقل سنتين تلاتة كده. شكيرة: هتفرق إيه؟ لعلمك ده، دي الموضة. 🤭😅😅😅 إيناس: 😂😂😂 دا جواز يا شكيرة، مش فستان هوا. استغفر الله العظيم الذي لا إله إلا هو الحي القيوم وأتوب إليه. *** نروح لهالة. هالة: طب يعني مش هتخطبني بردو ولا إيه؟

كدا كدا حتى لو هعيدها لسه سنتين نتخطب فيهم. فادي: هو كل همك الخطوبة؟ هالة: نعم. أمال أنت عايز إيه؟ فادي بتفكير: اممم. طيب نشوف السنة دي بس ونتخطب. هو أنتِ مش هتكلمي باباكي على شغل ليه؟ هالة: أه، هكلمه طبعاً. فادي: وأنا بردو أكلمه بخصوص الخطوبة. اللهم انصر إخواتنا المستضعفين في كل مكان يارب 🤲🤲🤲🤲. تسريع الأحداث. هالة كلمت والدها وفادي كلمه على الخطوبة بردو. حددوا ميعاد طبعاً بعد إصرار هالة أن أحمد يوافق.

جه يوم الخطوبة. ورقية جت وعبد الحميد عشان يباركوا وكذلك زميلات سوزان. سومية: بصي كده يا إيناس. البنت دي واضح إنها محترمة وجميلة. سومية تبقى صحبة إيناس وشكيرة وسوزان بس مش أوي. إيناس: أه فعلاً. بنت مين دي؟ سومية: مش عارفة. هي مش معزومة عند سوزان. أكيد هي عارفها. ولو لأ، تسأل عليها. *** بعد كذا يوم. أحمد: مالك يا حبيبتي؟ سوزان: دايماً كده. البت دي نصيبها عالي أوي. أحمد: هي مين دي؟ سوزان: هو في غيرها؟ بسمة طبعاً.

أحمد: مالها؟ حصل إيه؟ سوزان: . هتتجوز للأسف. أحمد: للأسف ليه؟ ما أنتِ عايزها من زمان. تمشي ليه للأسف بقى؟ سوزان: أصلها مش أي جوازة. دي هتناسب عيلة كبيرة. اتحايلت على بنتك لكن لأ، صممت على فادي. دا. أحمد: هو بردو مش قليل. دا من عيلة المنشاوي. طبعاً فادي كذب. هو مش من عيلة كبيرة ولا حاجة. هو قال كده عشان يخطب هالة لما جه يتقدم لها. والمنشاوي دي جت على باله. هي عيلة رجال أعمال. أحمد: المهم، هتتجوز مين؟ سوزان: …..