رواية ام البنات الفصل السابع 7 - بقلم اسراء محمد

نادية: مش قولتلك هي اللي هتتصرف بعد كده. أياد: طب أعمل إيه؟ نادية: أنا هقولك. أياد: قولي. نادية: بطل تصرف عليهم الشهر ده واعزم كل شوية حد من صحابك أو من العيلة، وخليها تتزنق وتستلف، واللي هتقبضه في الآخر تسدده ديون. ولما متلاقيش نتيجة من حوار الشغل ده هتيجي لحد عندك تستسمحك. أياد: انتي شايفه كده؟ نادية: مفيش غير كده. أياد: خلاص هعمل كده. سهر رجعت الساعة 6. سهر: وعليكم السلام. أياد: وعليكم السلام.

دخلت سلمت على بناتها واتطمنت عليهم، ودخلت تعملهم أكل. وأكلوا، وأياد كل معاهم. بعد الأكل: أياد: اعملي حسابك أنا مش هصرف عليكي ولا على البيت بعد كده. سهر: يعني إيه؟ أياد: يعني انتي اشتغلتي يبقى اصرفي انتي. سهر: ده آخر كلام عندك؟ أياد: آه. سهر: تمام. وسابته وكانت خارجة من البيت. أياد: انتي رايحة فين؟ سهر: ملكش دعوة أنا رايحة فين. وسابته وخرجت. راحت لمشيرة. سهر: ازيك يا مشيرة؟ مشيرة: الحمد لله، وانتي عاملة إيه؟

سهر: الحمد لله. مشيرة: عملتي إيه في الشغل؟ سهر: الشغل حلو الحمد لله. مشيرة: طب الحمد لله، بس مالك شكلك مش مبسوط؟ سهر: أياد مش عايز يصرف على البيت. مشيرة: إزاي يعني؟ سهر: بيقولي طالما اشتغلتي يبقى اصرفي انتي. مشيرة: إزاي؟ سهر: هتلاقيها فكرة أمه عشان أقعد في البيت وهو يعمل اللي هو عايزه. مشيرة: طب انتي هتعملي إيه؟

سهر: مش هقعد طبعاً، الحمد لله البيت مليان حاجات، هحاول أظبط أموري الشهر ده بيهم لحد ما ربنا يكرمني آخر الشهر بالقبض. مشيرة: لو احتاجتي فلوس طيب قولي لي. سهر: متحرمش منك يا حبيبتي. مشيرة: ولا اتحرم منك يا قلبي. وعدا يومين من غير أحداث. سهر رجعت من شغلها وواقفة تعمل أكل. أياد دخل عليها وقالها: اعملي حسابك أنا عازم واحد صاحبي ومراته على الغدا بكرة. سهر: طب ابقي سيب فلوس عشان أجيب أكل لغدا بكرة.

أياد: مش هسيب حاجة، اتصرفي، مش بقيتي بتشتغلي. سهر بلا مبالاة: تمام. وخلصت أكل وقعدت تاكل هي والبنات. وأياد جه يقعد معاهم. قالتله: معلش الأكل على قدي أنا والبنات بس. أياد: يعني إيه؟ سهر: يعني أنا معملتش حسابك في الأكل. أياد: لي مش فرد من البيت ده؟ سهر: فرد بس مدفعتش فيه فلوس بقالك يومين، يبقى متجيش تقولي اعملي حسابي في الأكل أو اغسليلي هدومي حتى. أياد: كمان؟ سهر: أه كمان. أياد اتغاظ وسابها ونزل. راح لنادية.

نادية: مالك جاي غضبان كده ليه؟ أياد حكلها اللي حصل. نادية: يا نهار أسود، هي حصلت بنت الـ... تعمل فيك كده؟ أياد: دي استقوت أوي يا ماما. نادية: ولا يهمك، أفضل كده لحد ما تزهق وهتجيلك راكعة. أياد: تفتكري؟ نادية: أه افتكري، المهم انت عزمتلها حد من صحابك زي ما قولتلك. أياد: آه. نادية: ربنا يستر وتشرفك قدامهم. أياد: من الناحية دي اطمني، هي مبتحبش حد يجي البيت إلا وياخد واجب الضيافة على أكمل وجه. نادية: طب كويس. تاني يوم:

سهر استأذنت من شغلها بدري عشان الضيوف اللي جايين. أياد كمان رجع ومعاه صاحبه ومراته. أياد: اتفضلوا نورتوا. أسامة صاحب أياد: ده نورك. أياد: ثواني أنادي سهر. أسامة: براحتك. أياد دخل لـ سهر وقال: الناس جت. سهر: خارجة أهو. خرجت سهر: مساء الخير. أياد: سهر مراتي، أسامة صاحبي ومدام نور مراته. سهر: أهلاً وسهلاً. أسامة ونور: أهلاً بيك. نور: ما شاء الله قمر. سهر: ميرسي، عن إذنكم هجيب عصير. وجابت العصير وقعدوا يتكلموا شوية.

وبعدين أياد قال: فين الغدا يا حبيبتي؟ سهر: سوري يا حبيبي، معملتش أكل. أياد بارتباك: بلاش هزار يا حبيبتي، الناس مش فاهمين هزارنا. أياد بانفعال: يعني إيه؟ سهر: يعني معملتش أكل عشان انت مسبتليش فلوس، يبقى هعمل منين؟ أياد: ومتصرفتيش ليه؟ سهر: مش شغلتي عشان أتصرف. الناس اتكسفوا ومشيوا. أياد: انتي بتحرجيني قدام صاحبي. سهر: انت اللي حرجت نفسك لما قررت تعزم حد ودبستني أنا. أياد سابها ومشي راح لنادية.